Waters of Life

Biblical Studies in Multiple Languages

Search in "Cebuano":
Home -- Cebuano -- Romans - 052 (God Selects whom He has Mercy on)
This page in: -- Afrikaans -- Arabic -- Armenian-- Azeri-- Bengali -- Bulgarian -- CEBUANO -- Chinese -- English -- French -- Georgian -- Hausa -- Hebrew -- Hindi -- Igbo -- Indonesian -- Malayalam -- Polish -- Portuguese -- Russian -- Serbian -- Somali? -- Spanish? -- Telugu -- Turkish -- Urdu? -- Yiddish -- Yoruba

Previous Lesson -- Next Lesson

ROMA - Ang Ginoo maoy atong Pagkamatarong
Mga pagtuon sa Sulat ni Pablo sa Roma
PARTE 2 - ANG PAGKAMATARONG SA DIOS WALAY PAGKA-BALHIN BISAN PA SA PAGKATIG-A SA MGA ANAK NI JACOB, ANG IYANG MGA PINILI (Roma 9:1-11:36)
3. Ang Dios magpabiling matarong bisan pa ug kadaghanan sa Israel ang supak kaniya (Roma 9:6-29)

b) Ang Dios mopili kaniya nga aduna siyay kaluoy, ug kaniya nga buot niyang patig-ahon (Roma 9:14-18)


ROMA 9: 14-18
14 Nan, unsa may ikaingon ta? May pinalabi ba ang Dios? Wala! 15 Kay miingon siya kang Moises, “Kaluy-an ko kadtong buot kong kaluy-an, higugmaon ko kadtong buot kong higugmaon.” 16 Busa ang pagpili sa Dios wala ipasukad sa pagbuot o sa buhat sa tawo kondili sa kaluoy sa Dios. 17 Kay ang Kasulatan nag-ingon kang Paraon, “Gihimo ko ikaw nga hari aron ikadayag ko ang akong gahom pinaagi kanimo, ug aron ipaila ko ang akong ngalan sa tibuok kalibotan” 18 Busa maluoy ang Dios sa buot niyang kaluy-an, ug patig-ahon niya ang buot niyang patig-ahon.

Subay sa pinadayag sa Ginoo kang Moises sa Genesis 33:19, atong makita nga ang Dios adunay otoridad sa pagkaluoy sa usa ka tawo ug padayong maluoy, bisan pa kining tawhana may sala o wala. Busa, ang pagpili sa Dios wala nagdepende sa buhat sa tawo, apan diha lamang sa kaluoy sa labing Makagagahom, ug ang kaluwasan sa tawo mao ang iyang paghatag ug hustisyang walay bayad, tungod kay walay kinutuban ang grasya sa Dios.

Susama usab ug kahulugan atong mabasa sa Exodo 9:16 nga ang balaang Ginoo miingon kang Paraon, ang tagpatiwala, nga puno sa mga espiritu sa Ehipto: “Apan sa pagkatinuod tungod niini nga katuyoan Ako ikaw nga gibuhat, aron makita ang Akong gahom diha kanimo, ug maila ang Akong ngalan sa tibuok kalibotan”.

Kini nga langitnong declarasyon midihog nga Pablo sa pagsulat Ang Dios mopili kaniya nga aduna siyay kaluoy, ug kaniya nga buot niyang patig-ahon ( Roma 9:18)

Mao kini ang husto tungod sa pagkabalaan sa Dios. Hinuon, dili diktador ang Dios, apan ang iyang tinguha nga maluwas ang tanang katawhan ug modangat sa kahibalo sa kamatuoran ( Roma 11:32; 1 Timoteo 2:4; 2 Pedro 3:9). Kon adunay tawo nga modawat sa mga espiritu sukwahi sa Dios, o gikan sa usa ka pamilya, kaliwatan, katawhan nga ang panghunahuna supak kang Hesus, ang Dios mahimong motugot ug dautang pangulo kanila aron mosupak sa iyang mando, apan dinhi usab mapakita sa Dios ang iyang pagkagamhanan batok sa maong dili pagkamatarong.

Agi ug tubag sa nahisgotang berso sa sulat ni Pablo, ang uban miingon nga ang Islam misagop sa ideya nga ang Dios mipasalaag kaniya nga iyang buot ipahisalaag, ug mogiya kaniya nga gusto niyang giyahan, kay ang Dios, sumala sa iyang pagkabalaan, adunay katungod maghisalaag sa katawhan, kay walay usa nga matarong. Pero, dili kini mao ang kinaiya sa Dios, sumala sa giingon sa ubang tinuohan, tungod kay maluloy-on Siya sa matag usa, ug kinsa kadtong modawat kang Kristo makig-uban sa iyang kaugalingong pinili, kay si Kristo mao lamang ang walay sala.

Apan kaniya nga nagsunod sa yawa, ang amahan sa tanang bakak, ug nahigugma sa salapi labaw sa Dios, dili lang makugang kon Siya nga Balaan magatugot kaniya sa pagkalaglag sa hingpit, ug dili gayud makabaton ug kaalam sa pulong sa Dios, sama sa giingon ni Hesus sa iyang ebanghelyo sumala pa ni evangelista Juan (Juan 8:43-45). Gawasnon ang Dios sa maong desisyon, apan ang tawo nakig-ambit sa maong responsibilidad, depende kon nagbasol siya sa hingpit o wala.

Aron maklaro kini nga punto sa mga nagbasa, among gipakita nga si Pablo nagpadala ning mga panghunhuna dili alang sa mga Gentil, apan ngadto sa mga Judio sa Roma, aron pagbuntog sa pagkagahi sa ilang mga kasingkasing. Giklaro niya kanila nga ang Dios maghisalaag kanila, bisan pinili Niya sila, kon dili nila ablihan ilang mga kasingkasing sa iyang pag-giya pinaagi sa ebanghelyo ni Kristo. Kining epistula ni Pablo wala magpresenta ug pilisopia sa matag usa, apan nagpakita kanato kon giunsa niya pagtagad ang pagkagahi sa mga kasingkasing sa mga Judio.

PAG-AMPO: O langitnong Amahan, gisimba ka namo tungod sa imong pagpili namong mga makasasala diha kang Hesu-kristo, ug gitagaan mo kami sa katungod nga mahimo nimong mga ank, bisan dili kami takus sa imong pagpili. Gidayeg ka namo ug gihimaya tungod sa kanunay mong pagkamaluloy-on ug nagpasalamat kami kanimo sa tibuok namong kasingkasing tungod kay wala nimo kami gipagahi o gisalikway, bisan pa sa among mga kasal-anan, apan gidawat mo kami pinaagi sa imong naghingaping gugmang balaan.

MGA PANGUTANA:

  1. Nganong walay tawong takus mapili ang Dios? Unsay rason sa positibong pagpili kanato?
  2. Nganong gipagahi sa Dios si Paraon? Giunsa pagpakita ang pagmagahi sa matag usa, kaliwat ug mga katawhan?

www.Waters-of-Life.net

Page last modified on June 21, 2013, at 11:21 AM | powered by PmWiki (pmwiki-2.2.109)