Waters of Life

Biblical Studies in Multiple Languages

Search in "Cebuano":
Home -- Cebuano -- John - 030 (Jesus leads his disciples to see the ready harvest)
This page in: -- Albanian -- Arabic -- Armenian -- Bengali -- Burmese -- CEBUANO -- Chinese -- Dioula -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 1 - ANG PAGSIDLAK SA DIOSNONG KAHAYAG (Juan 1:1 - 4:54)
C - UNANG PAGBISITA NI KRISTO SA JERUSALEM (Juan 2:13 - 4:54) -- UNSA MAN ANG TINOOD NGA PAGSIMBA?
4. Si Hesus didto sa Samaria (Juan 4:1-42)

b) Si Hesus midala sa iyang mga disipolo aron makita ang andam nga anihon (Juan 4:27-38)


JUAN 4:27-30
27 Sa niini, iyang mga disipolo miabot. Ilang gikatingalahan nga siya nakigpulong sa babaye; apan walay ni isa ang miingon, "Unsay imong gipangita?" o "Nganong nakighinabi ka niya?" 28 Busa ang babaye mibiya sa iyang banga, ug milakaw palayo sa siyudad, ug miingon ngadto sa katawhan, 29 "Dali, tan-awa kining tawhana nga nagsulti kanako sa tanan nga akong gibuhat. Kini ba kaha si Kristo?" 30 Sila migawas ngadto sa siyudad, ug miadto paingon kaniya.

Samtang ang panag-estoryahay nagpadayon, ang mga disipolo mibalik gikan sa baryo nga adunay pagkaon nga ilang gipalit. Sila natingala nga nakita nila si Hesus nag-inusara uban ang babaye nga makasasala kinsa usa ka taga Samaria nga sinalikway. Wala ni isa nila ang nakaako ug estorya, samtang nabantayan nila ang presensya sa Espiritu. Nakabantay sila katingalahang gibuhat ni Kristo, kay ang dagway sa babaye nausab pinaagi sa pagtan-aw ngadto kang Kristo ug naminaw sa iyang pulong. Ang kalipay sa pag-ila sa Manluluwas nagpatigbabaw ngadto kaniya.

Dayon gibiyaan sa babaye ang banga nga walay sulod. Wala niya nahatagan si Hesus ug baso sa tubig nga maoy gipangayo apan nakatagbaw na sa iyang pagkauhaw ang pagpasaylo. Nahimo siyang tuboran sa buhing tubig para sa kadaghanan.Midagan siya sa baryo ug miestorya sa mga tawo ug mitudlo kang Kristo. Iyang ba-ba usa sa nahimong tuburan sa malaw-ay nga estorya nga karon tuburan sa klaro nga tubig nga nakasaksi kang Kristo. Gidala niya ang katawhan ngadto sa Manluluwas pagsaksi giunsa pagpawala iyang mga sala. Ang mga kabaryohan mitagna gikan niining gikumpisal nga talagsaon nga panghitabo sa lugar: ang buhat sa Dios niining babaye. Naghandom sila nga madiskubrehan iyang sekreto busa midagan sila ngadto sa atabay kung asa si Hesus ug ang iyang mga disipolo nga nagpahulay.

Mao kini ang sumbanan nga hulagway kung unsa ang nahitabo sa dihang si Kristo nagbuhat ngadto kang kinsa nga mosunod kaniya. Kami usab magpahibalo sa among mga higala ug silingan nga si Kristo moabot aron moluwas kanato. Dayon ang kagustuhan sa kinabuhing tubig mosaka nila nga gihatag pinaagi sa Balaang Espiritu. Nahimo ka bang tuburan sa kinabuhi alang sa kadaghanan? Kung dili, pagkumpisal sa imong sala kang Hesus, itugyan imong kinabuhi ngadto kaniya, aron siya mo limpyo kanimo ug mobalaan kanimo ug busa ikaw mahimong bendisyon sa kadaghanan – sama sa nahitabo sa unang mananapaw nga nagsangyaw sa iyang palibot.

PAG-AMPO: Ginoong Hesus, ako gapasalamat kanimo sa pagpangita kanako ug pag-ila kanako. Dili ko mas hingpit kay sa niining makakasalang babaye nga taga Samaria. Pasayloa ako sa akong mga sala. Itugot kanako ang gasa sa Dios nga nakatagbaw sa akong kauhaw alang sa kamatuoran, paglimpyo sa akong kinabuhi. Abrehi akong mata para makita ang langitnong Amahan. Pun-a akong kasingkasing sa Balaang Espiritu, aron ako mahimong mapuslanon nga tawo, ug ang akong kinabuhi mahimong linitukan sa pagsimba sa pagtubag sa imong grasya Tigoma ang kadaghanan, ug ipaduol sila ngadto sa imong kaugalingon. Ayaw isalikway si bisan kinsa nga moanha kanimo.

PANGUTANA:

  1. Unsaon nato aron mabunyagan sa buhing tubig?

www.Waters-of-Life.net

Page last modified on April 29, 2013, at 10:37 AM | powered by PmWiki (pmwiki-2.3.3)