Home -- Lingala -- John - 105 (Jesus intercedes for the church's unity)
Previous Lesson -- Next Lesson
4. Yesu Azali Kobondela Mpo Na Bomoko Ya Eklezia (Yoane 17:20-26)
YOANE 17:24
24 Tata, nalingi ete bato oyo opesi ngai bázala elongo na ngai epai nazali, mpo bámona nkembo na ngai, nkembo oyo opesi ngai, mpamba te olingaki ngai liboso mokili ebandi.
Na Libondeli ya Nganga-nzambe Monene, Yesu abengaki Nzambe "Tata" mbala motoba, mpe "Nzambe ya solo" mbala moko. Na nkombo oyo ekeseni na mosusu nyonso amonisaki elikya na ye moko mpe mposa na ye makasi mpo na Nzambe. Mpo ete azalaki moko na ntina na Tata, kasi amiwanganaki mpe amipesaki mpo na bosikoli na biso. Azalaki na mposa te ya kozala na lokumu to kozala na biloko. Alobaki mbala mingi: “opesaki ngai.” Mwana azalaki kotalela bomoto, bayekoli na ye, misala mpe bokonzi na ye lokola likabo uta na Nzambe, lokola nde ezali ya ye te. Azalaki na yango te, nzokande azalaki kotosa bango na nkembo mpe lokumu ya Tata na ye. Komikitisa wana ezalaki kobatela bango na boyokani ntango nyonso.
Na ntina ya botosi na ye ya mobimba, akokaki koloba na losambo, “Nakosala yango.” Mwana ya Nzambe alingaki nini? Tika ete bayekoli na ye banso, na ntango mpe na esika, bazala elongo na ye esika azali. Yango wana Paulos alobi ete babakamaki na ekulusu elongo na Klisto mpe akundamaki elongo na ye mpo na kokabola lisekwa na ye, mpe ete akofanda elongo na ye na lola mpo na kozwa bomengo ya ngolu na ye oyo etondi na ye (Baloma 6:1-11; Baefese 2:4-7).
Bomoko na biso na Klisto eleki kokabola mpasi mpe bolingo na ye, mpe esangisi nkembo na ye. Alingi biso tomona nkembo na Ye mpe tofanda na bolingo na Ye libela. Bantoma basilaki koyeba elikya na biso. Tokosepela na esengo oyo ekoki kolimbolama te ntango tokomona ye. Tokomonisa mpe nkembo na ye, oyo ebongwanaki na elilingi na ye, mpo ete ezalela ya kongenga oyo epesami na biso na kosopama ya bolingo ya Nzambe na mitema na biso (Baloma 5:5 mpe 8:29). Akabolaki nkembo na ye, mpamba te azalaki na nkembo ata na ezalela na ye ya bomoto. Bantoma basosolaki liboso na ye ete nkembo na ye eutaki na bolingo ya kozanga kondima kati na ye ná Tata, oyo ebandaki liboso ya moboko ya mokili. Kondima oyo na Bosato Bosantu ezali liziba ya bozali na biso mpe lisiko na biso.
YOANE 17:25
25 Tata sembo, mokili eyebi yo te; kasi ngai nayebi yo, mpe baoyo bayebi ete yo nde otindaki ngai.
Nzambe atikali sembo mpe moyengebene, ata soki mokili eyebi yango te. Na tina, azali mosantu mpe molili ezali te kati na ye. Ye oyo azali komona bolingo na ye kati na Klisto azali kososola ete ezali foti na ye te soki bato bandimi Mwana te to bazwi lobiko te.
Kasi Klisto ayebaki Tata na ye uta seko, mpo azalaki komona ye miso na miso. Ba attributs na ye, ba virtues na ye na ba kombo na ye eyebani na ye. Makambo ya mozindo ya bonzambe na ye ebombami epai na ye te.
Na bato nyonso oyo bazwi Mwana, Nzambe apesi lotomo ya kokóma bana na ye. Yesu amonisaki bango sekele ya botata ya Nzambe. Baoyo babotami lisusu bayebi ete Klisto abimaki epai ya Nzambe; azalaki mosakoli to ntoma mpamba te. Botondi nyonso ya Bonzambe ezalaki na nzoto moko ye. Molimo asalisaka biso tosimba bonzambe ya Yesu na bomoto, asangisaka biso na Mwana pe na Tata oyo atindaki ye. Na yango, azali boyokani kati na Nzambe mpe moto.
YOANE 17:26
26 Nayebisaki bango nkombo na yo, mpe nakoyebisa bango ete bolingo oyo olingaki ngai ezala na kati na bango, mpe ngai na kati na bango.
Na bokuse, Klisto ateyaki biso emoniseli ya nkombo ya Tata. Emoniseli ya polele ya likambo oyo ezali ekulusu, epai Tata apesaki Mwana na ye mbeka mpo na kopesa biso makoki ya kokabola makoki ya Bomwana. Tango Molimo Mosantu ayaki likolo na biso, togangaki, “Abba Tata!” Losambo ya Nkolo ezali motole ya mabondeli nyonso, mpo ekumisaka Tata, Bokonzi na Ye, mpe mokano na Ye.
Tososoli Tata ya Nkolo na biso Yesu Klisto na ndenge oyo bolingo oyo esangisaka Tata na Mwana esopami kati na biso. Yesu asɛngaki Tata na ye atondisa biso na bolingo. Tata ayaka epayi na biso ye moko te, Yesu pe aza na posa ya kofanda ye moko kati na biso. Yango wana abondelaki mpo ete botondi ya bonzambe etondisa biso, lokola Yoane ayamboli na mokanda na ye: Nzambe azali bolingo, mpe ye oyo afandi na bolingo afandi kati na Nzambe, mpe Nzambe kati na ye.
MOTUNA:
- Bokuse ya libondeli ya nganga-nzambe monene ya Yesu ezali nini?