Previous Lesson -- Next Lesson
b) Si Pedro ug si Juan naglumba ug dagan ngadto sa lubnganan (Juan 20:3-10)
JUAN 20:6-8
6 Miabot si Simon Pedro sunod kaniya ug midiritso ngadto sa sulod sa lubnganan. Ug nakita niya didto ang panapton nga lino, 7 ug ang panapton nga giputos sa ulo ni Jesus. Wala kini mahitipon sa nga lino kondili linukot lang gihapon diha sa iyang nahimutangan. 8 Unya kadtong tinun-an nga nahiuna pag-abot misulod usab ug nakakita siya ug mituo.
Si Juan mitindog gawas sa lubnganan nagpaabot sa pag-abot ni Pedro, ang marka sa pagtahod sa magulang nga apostoles kinsa maoy una nga makita sa walay sulod nga lubnganan. Ang batan-on nga si Juan mikurog sa iyang nakit-an sa unang pagtan-aw sa bato nga giligid, ang lubnganan abli ug ang lawas nawala. Ang sapot sa lubnganan maayong pagkahan-ay.
Sa madali si Pedro miabot, misulod diretso ngadto sa abli nga lubnganan; iyang nabati nga ang panyo nga giputos sa nawong ni Hesus gibutang sa lahi nga dapit. Kini nagpasabot nga ang lawas wala gikawat, sukad sa iyang paglakaw nahan-ay ug malinawon.
Si Pedro misulod ingon nga tig-usisa, apan wala makasabot sa kahulogan sa klaro nga mga ilhanan. Si Juan, ang tagolilong, namalandong, nag-ampo ug nabati ang paglaom. Sa dihang siya mitubag sa tawag ni Pedro ug misulod, ang iyang kalag nahayagan ug misugod sa pagtuo sa pagkabanhaw ni Kristo. Dili kadto panagtagbo sa Usa nga Nabanhaw nga nagmugna sa pagtuo diha kaniya, apan ang walay sulod nga lubnganan ug ang sapot sa lubnganan nga maayo pagkapilo nagtudlo kaniya sa kamatuoran ug sa pagtuo.
JUAN 20:9-10
9 Wala gihapon sila makasabot sa bahin sa kasulatan nga nag-ingon nga mabanhaw siya. 10 Unya namauli ang mga tinun-an.
Si Hesus wala magpabilin sa lubnganan sama sa uban, mga pilosopo, mga propeta ug mga makasasala sa nga tanan, apan mibangon og gibiyaan ang kamatayon ingon nga usa naglabay og sapot. Ang Usa Balaan nagpabilin nga walay sala. Ang kamatayon walay gahom ibabaw niya. Ang gugma sa Dios dili mapakyas.
Ang mga kaaway ni Kristo dili makaangkon nga ang lawas ni Hesus nga nadunot sa lubnganan tungod kini walay sulod. Si Kristo wala milayas, ni gidagit, tungod sa lawak sa iyang kamatayon maoy hulagway sa pagkahan-ay, mao kana ang saksi ni Juan. Diha sa pagputos sa panapton sa pasongan siya nagsugod sa iyang panaw sa kinabuhi, ug diha sa sapot sa lubnganan siya misugod sa iyang pagbiya. Diha sa pagkabanhaw ang bag-ong yugto sa panahon nagsugod sa langitnong dapit. Bisan siya nagpabilin pa sa iyang tawhanong kinaiya.
Kining mga hunahuna nagkutaw libot sa hunahuna ni Juan samtang siya mibalik gikan sa abli nga lubnganan. Apan siya wala magpagarbo niining kasinatian bisan pa siya ang una nga nagmatuod sa kadaugan sa Anak sa Dios diha sa pagkabanhaw, apan misugid nga siya mituo niini nga milagro sa milabay na nga panahon, bisan pa nga giklaro diha sa Kasulatan. Ang iyang mga mata sirado kon unsa ang iyang nabasa mahitungod sa kamatayon ug kadaugan sa Alagad sa Dios diha sa Isaias 53, ni siya makasabot sa propesiya ni David sa maong tema (Lucas 24:44-48; Buhat 2:25-32; Salmo 16:8-11).
Sa buntag sa Dakong Kapistahan saksi ang duha ka mga disipulo nga mipauli sa ilang balay, nalibog apan malaumon, misalig apan mangutana, uban sa mga pag-ampo ngadto ni Hesus kinsa mibiya sa lubnganan ug iyang mga ginbuhaton wala mahibaloi.
PAG-AMPO: Ginoong Hesus, among ihalad ang kinasingkasing nga pagpasalamat, kay ikaw ang Kadaugan sa mga kasingkasing sa imong mga disipulo, nagmugna ikaw kanila sa pagsalig sa imong pagbangon. Imong gitugotan kami sa dakong paglaom sa kinabuhing walay kataposan. Amo kang gisimba, kay ikaw ang walay kataposan nga Dios, ug mahimo kitang dili mamatay pinaagi sa imong grasya. Luwasa ang among mga higala gikan sa kamatayon diha sa ilang mga sala ug hatagi kami sa kinabuhing walay kataposan pinaagi sa pagtuo sa imong sakripisyo.
PANGUTANA:
- Unsa ang gisaligan ni Juan samtang naa siya sulod sa lubnganan nga walay sulod?