Previous Lesson -- Next Lesson
YUHANNA - Nur zulmette chaqnaydu
Yuhannagha asasen mesihning injilini üginish
2. Chömüldürgüchi yuhanna mesihning yolini hazirlidi (Yohanna 1:6-13)
Yuhanna 1:9-10
9 Dunyagha kèlidighan bu “heqiqi nur” pütkül insanni yorutidighan nurdur. 10 Gerche dunya uning arqiliq yaritilghan bolsimu, lèkin u bu dunyagha kelgende, dunya uni tonumidi.
Mesih dunyadiki heqiqi nurdur. Muqeddes roh u kèlishtin yüz ming yillar burun peyghemberler arqiliq uning kèlidighanliqidin bisharet bergen idi. Kona ehdining kitapliri mesihning bu alemge kèlishi toghrisidiki delil ispatlar bilen tolghan. Shunga yeshaya peyghember mundaq deydu: “qaranglar! zulmet dunyani qaplidi, qap-qarangghuluq insanlarni basti. Lèkin rebbi köz aldingda gewdilinip sèni yorutidu, uning shani sèning üstingde jilwilinidu. (Yeshaya 60:2)
Bizning bu tekistimizde „dunya“ digen söz tört qètim tekrarlinidu. eger Yuahnnaning „bizge melumki, biz xudagha te’elluq, eysa mesihke ètiqad qilmighanlar bolsa sheytanning bashqurishididur.“ (Yuhanna 1 5:19) sözige qarisaq bu sözning menisi zulmet digen menige yèqinlishidu.
Bashlinishtila xuda dunyani yaxshi yaratqachqa rezil emes idi. Uning güzelligi we mehribanlighi pütün dunyani qaplighan idi. “xuda yaratqanlirining hemmisige qarap, ularning yaxshi ikenligini kördi.” (alemning yaritilishi 1:31) xuda ademni uning qiyapitiga qarap yaratti, uning shanini ular xuddi eynekke oxshash yaratquching nurini ekis ettürdi.
Lèkin tekebburluq tüpeyli hemmisi rezil we asiylardin boldi. Ular zulmettiki rohqa yüzlengechke, qelbining xuda bilen bolghan munasiwitini üzdi. xudadin nèri turush her de’im kishilerni rezillershtürüdu. Xuddi dawut zeburda yazghinidek (zebur 14:1) : “ eqilsiz ichide ‘xuda yoq!’ deydu. Ular bulghanghan. Ular yirginishlik ishlarni qildi, hichbir sawapliq ish qilmidi.”
Bu injilning aptori yuhanna mesihning bu gunahqa tolghan dunyagha kelgenligi, quyashtek asta-asta kötürlüp zulmetni yoq qilghanlighidek heqiqetni ispatlidi. Mesihning nuri bu dunyagha közni chaqnitidighan chaqmaqtek kirgen emes. belki siliq kirip, minglighan puqralarni yorutqan. Mana bu rebbining sotlighuchi süpitide yaki jinyet artmaq üchün emes, belki qutqazghuchi süpitide kelgenlikining ispati. Eger u bu dunyani yorutmighan bolsa insane ebediy zulmet ichide qalar idi. Mesih heqiqi nur, uningdin bashqa hichkim qutquzghuchi emes. Eger kimde kim uning injili arqiliq uning nurini qobul qilsa, u kishining yaxshi xaraktirlik kishige özgirip hetta bashqilarnimu (ularning könglinimu) yoritidu.
“yaratquchi xuda uning dunyasigha keldi.” Bu sözning menisini chüshinemsiz? Xojayin özining te’elluqa da’irisige kirdi, shaxzade kèlip xelqini qoligha aldi. Kim oyghinip uning kèlishige teyyarliq qilidu? kim uning kèlidighanlighidek heqiqet, uning mahiyiti we nishani toghrisida üginidu? Kim terki dunya bolup, nishanidin kèchip, kèliwatqan xudagha özini yèqin tutup uni qizghin qarshi alidu? Kim xuda yètip kelgen, inqilabi we ghenimetlik bu deqiqini his qilalaydu?
Shundaq qilip xuda tuyuqsizla gunahliq insanlar ichide peyda boldi. U hichqaq kishining diqqitini özige burimastin, jim jit yètip keldi. U dunyani özining ulughliqi, hoqoqi we shan-sheripi bilen emes, belki özining kichik pe’illiqi, muhebbiti we heqiqiti bilen kishilerni (ularning dilini) yorutmaqchi idi. Dunya yaritilghandin buyan, tekebburluq insane balisining zawalliqqa yüz tutushining sewebi bolup kelgen idi. Shunga hemmige qadir rebbi kichik pe’il birsi süpitide aldimizgha kelgen idi. sheytan bolsa xudadek küchlük, shan-shereplik we eqilliq bolushni xalaytti. Lèkin mesih gödek bowaq süptide dunyagha kèlip, addi at oqurida yatqan idi. Shundaq qilip mesih özining kichik pe’illiqi, mulayimliqi we ita’etchanliqini qazanghan idi. U hetta pütün kishilerni qutuldurup ularni gunahliridin mehrum qilish üchün eng töwen tebiqidiki kishiler topighimu qoshulghan idi.
Hemminglar qulaq sèlinglar! Uning xosh xewiridin kèyin, bizning oqughunimiz dunya uni tonumaytti we uning nurini qobul qilmaydu digendek qorqunuchluq sözler boldi. dunya xudaning oghlining yèqinliship, hetta ularning arisigha kirgenlikinimu his qilmidi. Gerche kishilerning özining pelsepisi, tèxnikisi we dunyawi qabilyiti bolsimu, ular da’im qarighu we eqilsiz bolup turiwergen. Ular xudaning öz köz aldida ikenligini tonumayla qalmastin, özining yaratquchisi bilmigen we qutqazghuchisini ètirap qilmighan.
Bu èchinishliq heqiqettin, biz xudaning padishaliqida bir muhim pirinsipni yekünlep chiqalaymiz. U bolsimu peqet kallimiz we insani qabiliyitimizge tayinip xudani chüshinip bolalmaymiz. Barliq xudaning muhebbitige da’ir bilimler hemmisi heqiqi xudadin kelgen iltipat we himmetdur. Chünki ulugh roh bizni injilni oqushqa, eysa mesihge ishinishqa chaqirdi, uning iltipati bilen bizni yorutti we bizni heqiqi ishench ichide saqlidi. Shunga, biz choqum towa qilishimiz, özimizning eqil-parasitimizge, xiyalimizgha yaki hissiyatimizgha tayanmasliqimiz lazim. Xuddi güller quyash nuri astida èchilghinidek, hemimiz özimizni pütünley heqiqi nurgha qaritishimiz kèrek. Shundaq qilghandila, mesihke bolghan ishench yengi bilimini yaritalaydu. deslepki ishench bizdin kelgen emes, belki u xudaning rohining uninggha ètiqad qilghan kishilerge singdürgen japaliq emgikining miwisidur.
DU’A: rebbim eysa biz sèning bu dungha kelginingge apirin oquymiz. Sen sotlash yaki öch èlish üchün emes, belki kishilerni yorutup insaniyetni qutquzush üchün kelgen sen. Lèkin biz qarighu we eqilsizmiz. Gunahimizni kechürgin bizge sanga ita’et qilidighan qelbni ata qilghin. Közimizni achqin sèni köreyli, qelbimiz illiq nuringgha yüzlensun, shuningdila biz sèning ulugh rohingning qudritide yashiyalaymiz.''
SU’AL:
- mesihning nuri bilen zulmetlik dunyaning munasiwiti nime?