Waters of Life

Biblical Studies in Multiple Languages

Search in "Peul":
Home -- Peul -- John - 114 (Burial of Jesus)
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

DAMAL 4 - Fii no ndaygu ngun fooliri non nibhe dhen (Yuuhanna 18:1 – 21:25)
A - Fii piiji feyyhunoodhi dhin gila ko annabi Iisaa nangaa haa belneede makko (Yuuhanna 18:1 - 19:42)
4. Fii leggal altindiraangal ngal e mayde annabi Iisaa nden (Yuuhanna 19:16b-42)

f) Fii no annabi Iisaa wattiniraa (Yuuhanna 19:38-42)


YUUHANNA 19:38
38 Bhawto dhun goddho no wi’ee Yuusufu jeyaadho Ramaati, tawi on ko taalibaajo Iisaa nun, kono ko e nder gundoo sabu tawde himo hulunoo hooreebhe Yahuudiyankeebhe bhen, o torii Pilaatu yo o newnan mo, o yhetta furee Iiisaa on. Pilaatu newnani mo. Onsay o ari, o yhetti furee on.

Wobbhe e tawanoobhe bhen e cappandhe jeedhidhoobhe bhen e dental fewjoobhe bhen tawanooka e nden fewjoore fii happangol ngol annabi Iisaa. Piiji taariika yiitaadhi dhin ko bhooyaa no holli en wonde happande nden no waawanoo wurteede, si hawrii yimbhe dhidho wonanaali nyaawoore wadhaande nden. Tippude e dhun, nyaawoore nden fuddhiteteno, muraadu ndun bhurtee ndarteede. Kono si fow fottani fii ko ootigi happanaa wareede kon, haray o rondoto ko o fawaa kon. Wi’en wondema on sariya no yaadi e ko fewndii kon saa’i annabi Iisaa, haray dhun no firi wondema yimbhe dhidho ko hasii kon wonanaano fewjoore nde hooreebhe bhen fewji nden, awa haray dental fewjoobhe bhen wadhii faljere ka nyaawoore. Goddho e bhen bhe wonanaano nden fewjoore ko oo wi’eteedho Yuusufu jeyaadho Raamati, tawi ko o taalibaajo annabi Iisaa, kono ko e nder gundoo (Matta 27:57 e Markuusa 15:43). Hari himo huli hita o jante jullere makko nden ka dental fewjoobhe bhen maa o ittanee bawgal ngal o jogii ngal e fee ardagol jamaa on sabu faamu makko ngun. Yuusufu hari no monanii Qayaafa on huuwudho ko bhoylii e on faljindho kadi dental fewjoobhe bhen. Yuusufu acci wadhugol e dhidhi, o yaltintini yeeso jamaa on ko o nabhidi kon e annabi Iisaa, kono ngal andital araano law, seeditoore makko nden no holli ko laabhi ko o yeddi kon dental fewjoobhe bhen. Kono no piiji dhin yaari non addi yo happande nden laato.

Bhawto mayde annabi Iisaa nden, Yuusufu yahi ka Pilaatu (himo newnanaa dhun). Pilaatu jabhi kon ko o landii, o newnani mo yhettugol furee annabi Iisaa on fii wattingol mo.

Awa Pilaatu yottii kadi Yahuudiyankeebhe bhen, bhen addaynoobhe ko hasii kon fureeji dhin ka aynde wonde Hinnuuna ka caappaali dhin seekitata dhi dhon e ka bhe sunnaynoo dhon nyoogeeji dhin. Alla dandi Bhiddho makko on sugu kan hersa. Hari o timminii noddaadu ndu o noddaa ndun fii wonugol sadaka iwudho on ka Alla ka hoore leggal altindiraangal. Ben makko wondho on ka kammu ardii Yuusufu no o belnira annabi Iisaa belayee teddudho.

YUUHANNA 19:39-42
39 Nikodiyuusu oo yahunoodho ka Iisaa nyande goo jemma, o ari kadi, o addori wa kiloo cappandhe tati tiiri jillaandi miiri. 40 Onsay bhe yhetti furee Iisaa on, bhe tumbi e kasannge wondude e urngalloojii, bhay tawi ko dhun woni naamu Yahuudiyankeebhe bhe fii surrugol. 41 Tawi tutateeri no e nden nokkuure nde o fempaa e mun, e nder ndin tutateeri kadi tawi no ton qaburu keso mo hay gooto surraaka e mun taho. 42 Nde tawnoo nden nyande ko nyalaande nde Yahuudiyankeebhe bhen woni hebulanaade fii aseweere nde, awa kadi ko on qaburu bhuri bhadaade, bhe surroyi Iisaa e on qaburu.

Tun nde wootere, Nikodiyuusu hewti ka leggal altindiraangal. Ko kanko woni aaden dhimmo mo tawdanooka on e ko dental fewjoobhe bhen fewji kon. O etino e gundoo no o ittira nyaawoore nde dental fewjoobhe bhen nyaawi nden annabi Iisaa, o landii yo bhe mottindir nyaawoobhe bhurbhe feewude bhen fii ndartitagol piiji dhin (7:51). On seedeejo addori kilooji 32 urngallo e bagi fii buumugol furee annabi Iisaa on. O wallitii Yuusufu cippingol furee on e fii wattingol ngol, o wadhi angiri e makko, dhun ko naamu ko rimbhe bhen wadhaynoo non. Hino haanunoo ka bhe tinnoo bhe lanna adii saa’a jeegabho asewe on ko fii haray ko fuddhoode nyalaande fowteende e mun nden, kala golle wadhetanooke. Ko saa’iiji seedha tun heddaninoo bhe.

Baaba Joomi men on Iisaa Almasiihu on ardii bhen yimbhe dhidho yo bhe teddin Bhiddho makko maydho on, dhun ko timmoode ko hitanoo ka deftere annabi Isaaya ka 53:9, ka hiitanoo wondema o surridete e aldhudho on e rimbhe bhen e nder yenaande aldhudho. Jasugol yenaande e fetere no satti fota. Yuusufu no teddinde annabi Iisaa e fee ko o yedhi mo kon yenaande takko ka o fempaadhon ka bhaawo saare. Bhe tumbi furee annabi Iisaa on e kasannge bhe urni mo bhe maandiniri mo nebban e fee Nikodiyuusu.

Hari annabi Iisaa maayii tigi. Ngurndan makko dhan ka aduna lannii ka o timmini dhon duubhi cappandhe tati e tati. Ko fii maayugol o jibiniraa. Hay gooto alaa giggol bhurngol mawnude wa okkitirgol ngurndan mun dhan fii yibbhe mun bhen.

TORAARE: Iisaa-Almasiihu Joomi, men jarnii ma fii ko maayandhaa men kon. E nder humondiral e gomdhinbhe bhen, midho yidhu maa sabu giggol maa ngol hisinii men tikkere Alla nden a tabintinii men ka yubbhondiral e Tatoobhe Laabhubhe bhen e nder Gooto on. Mi wattii ngurndan an dhan e juudhe maa fii anditangol ma.

LANDAL:

  1. Ko hondhun belayee mo annabi Iisaa belnaa on faaminta en?

www.Waters-of-Life.net

Page last modified on April 05, 2012, at 12:19 PM | powered by PmWiki (pmwiki-2.3.3)