Waters of Life

Biblical Studies in Multiple Languages

Search in "Peul":
Home -- Peul -- John - 004 (The word before incarnation)
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

Damal 1 - Jalbeendi ndaygu iwungu ngun ka Alla (Yuuhanna 1:1 - 4:54)
A - Fii ko daaluyee on wonti kon bhandu e fee Iisaa (Yuuhanna 1:1-18)

1. No Daaluyee on woniri e golle makko dhen adii o wontude bhandu (Yuuhanna 1:1-5)


YUUHANNA 1:5
5 Ndaygu ngun jalbii ka nibhe, nibhe dhen jabbhaaki ngu.

Ko ndaygu e laabhal tun woni ka Alla. Ka o woni e bhangude dhon, niwre wonataa dhon. Fow no jalbi, no feewi, no goongini no laabhi. Tuundi hebhataa ka wona takko makko. Ruuhu-Seniidho on ko laabhudho awa kadi ndaygu Joomiraadho on jalbataa nde wootere kono ko seedha seedha. O wakkilinay o sellina.

Jalbeendiiji ndaygu Almasiihu on maraaki ka kammuuli dow ton tun. Dhi tufay nibhe dhen dhi sotta kasiibhe bhen. Ko moyyhere labaande woni fii andugol wonde Almasiihu on jalbay hande e nder nibhe dhen. O hawkataa majjubhe bhen, kono o njattinay bhe o jalbinana bhe.

Hidhen haani anditude ko nibhe dhen woni kon ka nder aduna, e hidhe liddodirde e ndaygu aduna on. En andaa tigi ko honno nibhe dhen ariri. Yuuhanna oo windoowo Linjiila on fennyinanaali en on gundoo. Ko o faalaa ko andingol en fii ndaygu ngun, hara en nennaaki e nibhe dhen. Yimbhe bhen fow e tagoore nden fow yanii e nibhe dhen, awa aduna on fow ko e ley doole bonki wuuri.

No gasa hidhon landoo, wi'a: Si tawii Almasiihu on tagii aduna on e nder nanodiral makko e Alla, dhun laatike no haaniri, e ko honno non nibhe dhen waawiri naatirde nder ton? Alla tagii yimbhe bhen e nando makko, e hara ko honno yimbhe bhen ariri njaasirgol mangu makko ngun hande?

Yuuhanna haalaali fii Ibuliisa, on Ibuliisa yeddunoodho Joomiraadho on, faalanoodho on dhanningol ndaygu Almasiihu on ngun. Soono woo himo dartaade Almasiihu on. Ko sabu dhun wadhi si ndaygu ngu o jonnanoo ngun bontiri mo. Ibuliisa wonti mawnintiniidho, o dhabbhi mantoore hara Alla tawaaka. Himo faalanoo mawnintinaade dow Alla no o foolira mo. Ko non o wontiri landho nibhe dhen.

Musibbhe, ko hondhun wondhon e dhabbhude e nder ngurndan mon dhan? Ko mangural e innde dhabbhoton kanyun e mbeleedhe nafooje on, hara hidhon watti Alla bhaawo? Si ko non woniri, haray hidhon tawaa e wombhe bhen ka nder nibhe, wano Bondho on non. Ko fii o luttaali kanko tun, o poodhorii miliyonji yimbhe e makko. Ndaaree dhee geece bhee yimbhe bhe fottoton ka hoore laawol. Ko ndaygu kaa ko nibhe windii ka gite mabbhe? Bherdhe mabbhe dhen no wadhori batte weltaare Alla nden kaa ko ninse Ibuliisa bondhe dhen?

Bondho on no anyi Alla bhayru ndaygu makko laabhugu ngun no happande mo. O faalaaka yo ndaygu ngun bhanginir wa nyalorma hunyeendi makko ndin. Himo suudhaade etoo no o foolira Almasiihu on kanyun e jokkoobhe bhen ndaygu ngun. On janfotoodho waawataa ronditaade ndaygu Joomiraadho on, himo anyi ngu. Himo andi ko suudhini mo yeeso makko ngon, o waawataa ndaarude ndaygu ngun. Ko hulbhinii kon, ko ko tawi kon miliyonji yimbhe alaa yi’ude naange Almasiihu on fewndo ka nge jalbata dhon ka nibhe junuubaaji mabbhe dhin. Alaa mo andaa naange ngen. Goddho siffantaako en fii magge. Ko andotoonge, ko jalbinaynge, ko labbhinaynge, hinge woodi, ko ardotoonge. Mo bee no andi wonde ko kange woni bhundu ngurndan dhan.

Worbhe e rewbhe bhurbhe bhen alaa yiide mangural Almasiihu on e bawgal makko ngal bhayru bhe alaa e dhabbhude no bhe faamira fii mun. Jandeeji janfotoodhi no wuminde bhe, wa suddaare tekkunde e hino bugintinde bhe nelal haqiiqawal fewtungal ngal allankaaku Almasiihu on. Ka haqiiqa, hibhe salii andugol junuubaaji dhi bhe wadhata dhin kambhe tigi. Bhe faalaaka bhattaade ndaygu ngun, hibhe subhii luttugol ka nibhe. Bhe alaa e yedditaade, hibhe salii qirritagol junuubaaji mabbhe. Hibhe wondi e mawnintinaare e townitaare. Bhe luttay wuminugol e fee moyyhere Almasiihu ndayginaynde nden. Nibhe dhen no liddaade ndaygu ngun, kono ndaygu ngun no tufirde dhe giggol ngol. Ko honto wontirdhon? Ko ka ndaygu Joomiraadho on kaa ko ka nibhe bondho on?

TORAARE: Yaa an Joomiraadho, ko an woni ndaygu aduna on. Ko gomdhinal ngal e giggol maa ngol mi woni jokkirde ma. Mi yahataa ka nder nibhe, kono mi hendike ndaygu ngurndan dhan. Midho weltani ma sabu a accitaali lan min tun, e nder kulol nibhe dhen e tikkere Alla nden, kono a noddii lan ka ndaygu maa jalboongu jalbeendi tiidhundi. Ndayginan wondibbhe an bhe jogaaki bhen gite no bhe yi'ira ko jalbataa kon binde mabbhe. Joomiraadho, yurme lan hebbinaa mi ndaygu maa ngun!

LANDE:

  1. Ko hondhun sendi ndaygu ngun e nibhe dhen ka bannhe ruuhu?

www.Waters-of-Life.net

Page last modified on April 05, 2012, at 10:19 AM | powered by PmWiki (pmwiki-2.3.3)