Waters of Life

Biblical Studies in Multiple Languages

Search in "Cebuano":
Home -- Cebuano -- John - 004 (The word before incarnation)
This page in: -- Arabic -- Armenian -- Bengali -- Burmese -- CEBUANO -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Urdu -- Uyghur -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 1 - ANG PAGSIDLAK SA DIOSNONG KAHAYAG (Juan 1:1 - 4:54)
A - ANG PAGPAKATAWO SA DIOS INGON NGA PULONG DIHA KANG HESUS (Juan 1:1-18)

1. Ang sinugdan ug buhat sa pulong sawala pa ang pagpakatawo (Juan 1:1-5)


JUAN 1:5
5 Ang kahayag misidlak ngadto sa kangitngit, ug ang kangitngit wala nakalupig niini.

Ang tanan sa Dios puno sa kahayag ug kaputli. Kini abre ug nindot. Tanang nailaum sa iyang pag impluwensiya walay kangitngit. Ang tanan klaro, matarong, matinud-anon ug balaan. Ang kahugaw walay dapit sa iyang palibot. Ang Balaang Espiritu putli ug ang kahayag sa Ginoo dili bangis ang pagdan-ag apan mapahiluna ug nagatambal.

Ang sidlak sa kahayag ni Kristo wala lamang nagpabilin sa langit. kini milapos ngadto sa kangitngit ug nagdalag katubsanan. Usa ka talagsahong grasya nga si Kristo karong adlawa misinag sa tungatunga sa kangitngit. Wala siya misalikaway sa nasaag, apan mipalingkawas ug midan-ag kanila.

Atong ilhon nga dunay kalibutan nga anaa sa kangitngit ug kini nakigbatok kahayag. Wala kita nasayod sa detalye giunsa pag-abot sa kangitngit. Si ebanghelista Juan wala mipadayag ngadto kanato niini nga sekreto. Gusto niya nga kita makahibalo sa kahayag ug dili kay kita motan-aw sa kahalaum nga kangitngit. Ang tanang katawhan nahulog ngadto sa kangitngit ug ang tibuok kalibutan nahimutang ubos sa pagbatok sa usa ka daotan.

Siguro imong mapangutana: Kung si Kristo mihimo sa kalibutan nga alayon sa Dios ug kini maayo, giunsa sa kangitngit nga nakakita pa ug paagi nga makasulod? Ang Dios mihimo sa katawhan sa iyang imahe, busa giunsa nga kita nahulog gikan sa iyang himaya karong panahona?

Si Juan wala mihisgot sa ngalan ni Satanas, nga ang Satanas kinsa misupak sa ginoo ug naningkamot nga masumpo sa iyang kahayag. Siya pirmi supak kang Kristo. Mao nga nawala iyang kahayag nga gihatag kaniya. Si Satanas nahimong mahambugon ug nangita sa kabantugan nga wala ang Dios. Gusto niya motaas ibabaw kaniya aron iyang mapidli ang Dios. Kini mao ang hinungdan nga siya nahimong prinsipe sa kangitngit.

Minahal kung igsoon, unsay tumong sa imong kinabuhi? Nangita ka ba ug kabantogan ug katagbawan nga walay giya sa Dios? Kung mao, ikaw naapil sa kangitngit sama sa Yawa. Tungod kay wala siya nagpabiling nag-inusara, apan iyang gidala ang milyon sa katawhan sa iyang kangitngit. Tan-awa ang mga nawong sa mga tawo nga milabay sa dalan. Nakabasa kaba ug kahayag o kangitngit sa ilang mata? Ang ilang bang kasingkasing gapakita sa kalipay gikan sa Dios o kasubo gikan ni Satanas?

Ang usa ka daotan nasilag sa Dios tungod kay iyang balaang kahayag gahukom kaniya. Dili siya gusto nga ang kahayag mulopig sa iyang kabangis. Busa siya mitago ug mitabon sa iyang kaugalingon ug naningkamot nga molupig kang Kristo ug kadtong bisan kinsa nga mosunod sa iyang kahayag. Kining usa ka mabudhion dili makasugakod sa kayahag sa Ginoo, apan iyang kasilagan kini. Iyang gituyo nga tabonan iyang nawong ug busa dili siya makabati sa kahayag. Unsay makalilisang mao ang milyon nga mga tawo nga wala nakakita sa adlaw ni Kristo nga misiga sa kangitngit sa ilang mga sala. Iyang kaugalingon anaa, gadan-ag, klaro ug gasiga. Matag usa ka gamay nga bata kabalo nga siya ang tinubdan sa kinabuhi.

Apan kadaghanan sa katawhan wala nakabati sa himaya ni Kristo ug iyang gahum, tungod kay dili nila gusto maghunahuna niini. Ang limbongan nga tinuohan makatabon sa ilang mata sama sa baga nga habol, busa ilang gisalikway ang tinuod nga mensahe bahin sa kabalaan ni Kristo. Sa tinoud, dili nila gusto mahibal-an ang ilang kaugalingong sala. Dili nila gusto duolon ang kayahag ug mopalabi nga magpabilin sa kangitngit. Dili nila gusto kalimtan ilang mga kaugalingon ug dili mokompisal sa ilang mga sala. Sila nahimong arogante ug hambog. Sila nagpabilin nga buta ngadto sa grasya sa kahayag ni Kristo. Ang kangitngit naglumba batok sa kahayag, apan ang kahayag mipildi niini pinaagi sa gugma. Busa asaka man? Adto kaba sa kahayag gikan sa Ginoo o ang kangitngit gikan sa usa ka Daotan?

PAG-AMPO: O Ginoo, ikaw ang kahayag sa kalibutan. Kami nagasunod kanimo sa pagtuo ug sa imong gugma. Wala kami galakaw sa kangitngit, apan nakadawat sa kahayag sa kinabuhi.Kami gapasalamat kanimo tungod kay wala nimo kami gibiyaan nga nag inusara, nahadlok sa kangitngit sa kasuko sa Dios, apan imo kaming gitawag sa imong klarong kahayag. Hayagi ang liboan sa katawhan nga nagapalibot kanamo nga wala nakakita nimo maski ikaw misilak palibot nila. Kaloy-e kami ug hatagi kami sa kahayag, o Manghahayag!

PANGUTANA:

  1. Unsay kalainan tali sa kahayag ug kangitngit sa espirituhanong aplekasyon?

Ang katawhan nga naglakaw sa kangitngit nakakita sa dakong kahayag:
kadtong kinsa nagpuyo sa yuta sa anino sa kamatayon
kanila ang kahayag misilak.

(Isaias 9:2)

www.Waters-of-Life.net

Page last modified on April 29, 2013, at 09:45 AM | powered by PmWiki (pmwiki-2.2.109)