Waters of Life

Biblical Studies in Multiple Languages

Search in "Cebuano":
Home -- Cebuano -- John - 003 (The word before incarnation)
This page in: -- Arabic -- Armenian -- Bengali -- Burmese -- CEBUANO -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Urdu -- Uyghur -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 1 - ANG PAGSIDLAK SA DIOSNONG KAHAYAG (Juan 1:1 - 4:54)
A - ANG PAGPAKATAWO SA DIOS INGON NGA PULONG DIHA KANG HESUS (Juan 1:1-18)

1. Ang sinugdan ug buhat sa pulong sawala pa ang pagpakatawo (Juan 1:1-5)


JUAN 1:2-4
2 Pareho ang sinugdanan sa Dios. 3 Tanang butang nahimo pinaagi kaniya.Kung wala siya walay butang nga nahimo. 4 Kaniya ang kinabuhi, ug ang kinabuhi mao ang kahayag sa tanang tawo.

Si Kristo wala nabuhi alang sa iyang kaugalingon, apan pirmi alang sa Dios. Wala siya mibulag gikan sa iyang Amahan, apan pirmi gigiyahan paingon kaniya, nabuhi kaniya, ug nagpabilin kaniya. Kining kalihukan ni Kristo “paingon sa iyang Amahan” mahinungdanon kang Juan nga ebanghelista nga iyang gibalikbalik ang gipasabot sa sinugdanan sa ebanghelyo. Kining permanente nga paghiusa tali kang Kristo ug sa iyang Amahan mao ang sekreto sa Balaang Trinidad. Wala kita mituo sa tulo ka nagkalain-laing dios, nabulag gikan sa matag usa, apan kita nagatuo sa usa ka Dios, puno sa gugma. Karon ang Usa ka Walay Sinugdanan ug Katapusan dili mabuhi nga mag-inusara, apan iyang Anak pirmi anaa kaniya, nabuhi kaniya sa hingpit nga kauyonan. Kung adunay walay naka tagamtam sa gugma sa Dios pinaagi sa gadagayday sa Balaang Espiritu ngadto sa iyang kasing-kasing, siya dili nakakita sa kamatuoran ug sa kinatibok-an sa Dios. Ang diosnong gugma maoy naghiusa sa Amahan, Anak ug Balaang Espiritu isip usa ka Dios.

Sa dihang gimugna sa Dios ang kalibutan sa sinugdanan, wala ni niya gibuhat sa hilom ug nag-inusara. Apan iyang gidala ang pagka-anaa pinaagi sa iyang Pulong. Kay si Kristo mao ang Pulong sa Dios, ang kalibutan nahimo pinaagi kaniya. Kini gapasabot nga si Kristo dili lamang ang Mangluluwas ug manlalaban ug Manunubos, apan siya usab ang Mangbubuhat. Sukad walay nabuhi kung wala si Kristo nagbuhat, siya makagagahum. Sukad walay nahitabo kung wala siya nagbuhat, ug nagmando sa tanan. Oh Alang sa kasingkasing nga luag aron makasabot ug makaila kinsa si Kristo! Tanang modernong sayantipikong nadiskubre ug sa tanang matang sa mga bitoong walay bili apan ang mapahiubsanong pagsabot sa himaya ni Kristo ug iyang gahum maoy bililhon. Imong tingog, imong kusog ug imong lawas ug porma ug kauban sa pagpitik sa imong kasing-kasing ug sobra pa niana ang tanang gasa ni Kristo kanimo. Nan kanus-a kaman magpasalamat kaniya?

Ang tanang butang iyang gimugna, gawas sa Dios, iyang Pulong ug iyang Espiritu. Siya sa iyang kaugalingon buhi, walay katapusan ug balaan. Susama nga ang Dios adunay kinabuhi sa iyang kaugalingon, sa samang paagi nga si Kristo ang tinubdan sa matuod nga kinabuhi, matinud-anon, kinsa mibanhaw kanato gikan sa kamatayon ug sala, ug nagpundar kanato sa kinabuhing walay katapusan. Ang diosnong kinabuhi ni Kristo mipildi sa kamatayon; mibiya Siya sa lubnganan pinaagi sa gahum sa diosnong kinabuhi. Si Kristo dili lamang ang Mangbubuhat, siya ang tinubdan sa kinabuhi. Tungod kay Siya balaan dili usab mamatay. Walay sala nga Makita sa Dios o sa iyang Anak, busa siya buhi hangtud sa katapusan. Nakita nato ang punto bahin sa kinabuhi ni Kristo nga gibalikbalik sa ebanghelyo ni Juan. Kini nga kinabuhi maoy pundasyon sa iyang basahon.

Ang kahayag sa adlaw mihatag ug kinabuhi sa atong planeta. Apan kang Kristo, sukwahi: Iyang kinabuhi maoy hinungdan sapaghayag ug pagbaskog sa atong kinabuhi pinaagi kaniya nga naghatag kanato ug paglaum. Atong relihiyon dili relihiyon sa balaod sa kamatayon ug sa paghukom, apan ang mensahe sa kinabuhi ug kahayag ug paglaum. Ang pagkabanhaw ni Kristo gikan sa kamatayon nagwagtang sa tanang kagu-ol. Ang pagpuyo sa Balaang Espiritu kanato maoy naghimo nga kita kabahin sa kinabuhi sa Dios.

Ang kalibutan ngitngit tungod sa sala, apan si Kristo mao ang gugma nga anaa sa kahayag. Walay kangitngit, walay daotan kaniya.Sa maong rason, si Kristo mipakita nga puno sa himaya. Siya misilak sobra pa sa kahayag. Apan, si Juan nga ebanghelista wala nagsugod sa paghisgot sa pagsilak sa himaya ni Kristo, hinuon iyang gitudlo ang kusog ug kinabuhi. Kay ang kaalam sa kabalaan ni Kristo mipakita kanato, mugoba kanato. Apan ang pagbaton sa iyang kinabuhi nakapahimo kanato nga buhi. Sa pagpamalandong kang Kristo makahupay ug nakapalagsik kanato.

Si Hesus ang kahayag sa tanang katawhan. Wala lamang siya misilak alang sa iyang kaugalingon ug mipadako sa iyang kaugalingong ngalan. Apan, siya misilak alang sa atong katuyoan. Dili kita ang tinubdan sa kahayag, apan ang tinubdan sa kangitngit. Ang tanang katawhan daotan, apan si Kristo milamdag kanato aron kita makabati kaniya ug maka-amgo sa atong ngitngit nga sitwasyon. Pinaagi sa iyang Ebanghelyo, kita nabanhaw gikan sa kamatayon ug mosulod sa kinabuhing walay katapusan. Si Kristo midani kanato ug mitawag kanato pinaagi sa kahayag sa iyang kinabuhi aron mobiya sa atong walay paglaum nga sitwasyon. Ato siyang duolon nga adunay determinasyon ug kompyansa.

PAG-AMPO: O Ginoong Hesus, kami gaduko nimo tungod ikaw ang Amahan ug ang Balaang Espiritu usa lamang. Imong gibuhat ang kalibutan panag-uyon sa Amahan. Imong gihatag kanako ang kinabuhi.Pasayloa ako sa tanang kangitngit sa akong kinabuhi ug lamdagi ako pinaagi sa imong Balaang Espirtu aron ako bug-os nga mabuhi ug mobiya sa kagabii sa akong mga sala ug modoul sa kahayag sa imong kinabuhing walay katapusan.

PANGUTANA:

  1. Unsay 6 ka kinaiyahan ni Kristo nga gipadayag ni Juan sa pagsugod sa iyang ebanghelyo?

www.Waters-of-Life.net

Page last modified on April 29, 2013, at 09:44 AM | powered by PmWiki (pmwiki-2.2.109)