Waters of Life

Biblical Studies in Multiple Languages

Search in "Peul":
Home -- Peul -- John - 123 (Jesus appears to the disciples with Thomas)
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

DAMAL 4 - Fii no ndaygu ngun fooliri non nibhe dhen (Yuuhanna 18:1 – 21:25)
B - Fii immutal Iisaa-Almasiihu on e feenyannde makko nden (Yuuhanna 20:1 - 21:25)

3. Fii no annabi Iisaa feenyirani taalibaabhe bhen wondude e Tooma (Yuuhanna 20:24-29)


YUUHANNA 20:24-25
24 Tawi Tooma jammaadho Siwtaadho tawdaaho e sappoo e dhidhoobhe bhen wondaa e mabbhe fewndo ko Iisaa ari. 25 Onsay taalibaabhe heddiibhe bhen wi’i mo: Men yi’ii Koohoojo on. Kono o wi’i bhe: Si mi yi’aali batte penhe dhen ka juudhe makko, mi fawa hondu an ndun e batte dhen penhe, mi fawa kadi jungo an ngon ka beccal makko, haray mi hoolotaako few.

Hita on sikka wonde kala ittande bote no liddondiri e Ruuhu-Seniidho on, wota on miijo men kadi wonde bugitiibhe bhen fow seeditoore mon nden ko satta-bherdeebhe maa muuyanaabhe maayugol mayde poomayankeere nden. E nder dhin piiji heewudhi feyyhudhi e nder duubhi cappandhe nay bhawto yhentineede makko nden, Yuuhanna hollii en ko honno sulfu on addirta gomdhinal ngal ka nder bhernde yimbhe bhen: hinaa kuudhe dhen maa hakkile dhen, kono ko rewrude e sulfu on e yurmeende nden tun.

Tooma ko aaden nibbhitudho, ko ko nibbhiti tun o sutii. Himo haani ndartude nden tobbhere ka luggi fii andugol si tawii ko goonga (Yuuhanna 11:16; 14:5). Ko miijitotoodho, himo dhabbha ko honno o fewtirta e satteedeeji dhin. Mayde Almasiihu on nden no yaltintinani mo ko ngurndan makko dhan woni kon meere. Hari o sertiino e taalibaabhe bhen, kanko e annabi Iisaa bhe yiitidaali taho.

Tooma no sikkunoo wondema nden feenyannde ko feenyannde immorde Ibuliisa non, maa ko ruuhu bondho yhetti mbaadi Almasiihu on ndin fii dhaynugol taalibaabhe bhen. Awa nhaldhinaa ko tawi kon himo catii e hebhugol seedee mo yeddotaako fii ummutal annabi Iisaa ngal. O fellitiino woo si o fawii tigi hondu makko ndun e batte penhe dhen. Ko non o diisondiri e Alla fii no o gomdhinira, himo faalaa yi’ude si o gomdhina.

O wontidi e taalibaabhe wondunoobhe bhen e weltaare sabu ko Almasiihu on feenyani bhe kon. Kono kanko hari himo nibbhiti sabu himo faalaa hebhude pellital fii ummutal annabi Iisaa ngal.

YUUHANNA 20:26-28
26 Bhay yontii, tawi taalibaabhe Iisaa bhen no ka suudu kadi, tawi hibhe wondi e Tooma. Onsay Iisaa ari darii hakkunde mabbhe, tawi baafe dhen no sokii, o wi’i bhe: Yo bhuttu wonu e mon ! 27 E hoore dhun o wi’i Tooma: Bhannu dhoo hondu maa ndun, ndaaraa juudhe an dhen, bhannaa kadi jungo maa ngon, meemaa beccal an ngal. Wota a wonu mo hoolotaako, kono gomdhin. 28 Onsay Tooma jaabii mo, wi’i: Joomi an e Alla an!

Bhay yontere feyyhii, annabi Iisaa feenyani taalibaabhe makko bhen dhimmun. Hari hibhe huli haa-jooni, hibhe ombitii ka nder suudu. Bhandu Almasiihu immintinaadho on hakkunde maybhe bhen no darii hakkunde mabbhe. Himo barkinirde bhe bhuttu makko ngun, o yedha taalibaabhe makko lo’ubhe bhen yaafuyee on.

Tooma no udditi gite dhen moyyha, heewi nhalaw, o yi’i Joomiraadho makko on, o nani hawa makko kan. Gite annabi Iisaa dhen no tufude sikkitaare Tooma nden e fee ndardhe Alla dhen. O karhi Tooma yo o meemu mo, dhun e tawde o salanino dhun Mariyama Magaduuna, o maakani Tooma: «Meeman ndaaraa, ko fii mbeelu alaa teewu, alaa yhi’e wano min mi mariri non.» Annabi Iisaa meemini mo batte penhe dhen, o wi’i yo o yhettu hondu makko ndun o meema beccal makko ngal, o gomdhina.

O ardii taalibaajo makko wadhudho on e dhidhi no o foolira sikkitaare makko nden. Annabi Iisaa no habborii en hoolaare timmunde, bhayru o hollitiino fii mayde makko nden e ummutal makko ngal e yhubbhondiral woodungal ngal hakkunde makko e Alla e artugol makko ngol dhimmun, dhun fow fii nafa men. On mo yeddii dhin goongaaji haray wattii Alla fenoowo.

Jikku Joomiraadho wondudho on e giggol on jippinii Tooma ley, wa nhurnhurtoowo (nyoggande torndeeji Alla e miijooji) qirritande nde neddhanke wadhaali nden haa-hande fii mawningol no qirritorde nii: «JOOMI AN E ALLA AN!» O faami jaka annabi Iisaa hinaa Bhiddho Alla sertudho e Baabaajo on, kono ko kanko tigi woni Joomiraadho on, allankaaku Alla ngun fow no e neddhankaaku Almasiihu on. Alla ko gooto, hinaa o dhidho. Tooma noddiri annabi Iisaa «Alla», o faami wonde Ruuhu-Seniidho on nyaawataa mo sabu angal gomdhinal makko ngal, kono o yedhay mo sulfu fii tawdegol e Joomiraadho makko on. Tooma noddiri mo «Joomiraadho», o watti ko feyyhi kon e ko arata kon fow e juudhe dandoowo mo on, himo gomdhi ko tiidhi ko annabi Iisaa maakannoo mo kon ko o waynodirta e mabbhe. Musiddho ko hondhun wi’udhon? Hara hidhon tawdaa e qirritande nde Tooma qirritii nden? Immintinaadho on arii haa e mon fii no mangu makko mawgu ngun meemira on e no fooliron sikkitaare mon nden e sattere fii mon nden? Hoolee yurmeende makko nden, qirritoron mo wa: «Joomi mon e Alla mon.»

TORAARE: Men jarnii ma Iisaa Joomi fii ko a bugitaaki kon Tooma wondude e sikkitaare makko nden, kono a feenyanii mo. Men halfinii ma ngurndan amen dhan. Labbhin dhengal amen ngal e kala dhayne.

LANDAL:

  1. Ko hondhun qirritande Tooma nden firi?

www.Waters-of-Life.net

Page last modified on April 05, 2012, at 12:27 PM | powered by PmWiki (pmwiki-2.3.3)