Previous Lesson -- Next Lesson
2. Mas daghang makatandog nga testimonya sa Magbubunyag mahitungod kang Kristo (Juan 1:29-34)
JUAN 1:31-34
31 Wala ko kaila niya, apan sa niining rason ako mianhi sa pagbunyag sa tubig: aron siya ipadayag sa Israel." 32 Si Juan metestigo sa pag-ingon, "Akong nakita ang Espiritu gapanaog sama sa kalapati nga migawas sa langit, ug kini nagpabilin kaniya. 33 Wala ko kaila niya, apan siya kinsa nagpadala nako para magbunyag sa tubig, siya mi'ingon kanako, 'Kang kung bisan kinsa imong Makita nga Espiritu gapanaog, ug nagpabilin kaniya, siya kinsa magbunyag sa Balaang Espiritu'. 34 Akong nakita, ug ako motestigo nga kini ang Anak sa Dios."
Gitawag sa Dios ang Magbubunyag sa edad nga 30 aron mag-andam sa dalan ni Kristo ug si Kristo mahimong maila sa katawhan. Kini miabot sa iyang pagbunyag, nga nakahimo sa mga gapapenitensya sa pagdahum sa pag-abot ni Kristo. Ang Dios nagsulti sa Magbubunyag, nagasaad nga siya makakita sa wala hikit-e sa bisan kinsa: ang pagsaksi sa pagkanaog sa Balaang Espiritu ngadto kang Kristo. Dayag nga ang Espiritu nagpabilin kang Jesus. Ang mga propeta sa Karaang Testamento nadihogan sa hamubong panahon lamang, apan si Kristo napuno sa Espiritu. Susama sa walay pagkatapos nga pagpamulak, ang Espiritu mupono sa mga magtutuo sa iyang walay sinugdanan ug katapusang gahum.
Ang duha ka batan-ong lalake nagtapad ug barog sa bungtod Jordan; ang langit miabre hinayhinay, apan kalit nakita ni Juan ang Balaang Espiritu isip kalapati, puti ibabaw sa asul nga kalangitan – simbolo sa kalinaw ug ka-aghop.
Kining Espiritu mikanaog dili sa Magbubunyag, o sa gapenetensya, apan diretso kang Hesus nga gapuyo kaniya, positibo nga ebedensiya sa Magbubunyag nga ang batan'ong Nazareno mas labaw kay sa tanang propeta ug binuhat. Ang Magbubunyag kabalo nga ang Dios nabarog atubang kaniya, Ang Balaang Usa nga gihulat.
Sa walay pagduda ang Magbubunyag napuno sa pagdayeg ug kalipay, sa dihang siya miambak sa tiyan sa iyang inahan, sa okasyon sa pagbisita ni Maria sa iyang ig'agaw nga si Elizabeth kinsa usab gibayaw sa kalipay ug pagdayeg (Lukas 1:36-45).
Ang Magbubunyag naka-ila kang Kristo nga Manghinatagon sa Espiritu, apan wala siya nagtago sa iyang nakita, apan gipadayag sa publiko sa pagsinggit, "Ang Ginoo mianhi; siya anaa, dili sa paghukom apan sa pagpakita sa iyang gugma ug diosnong buhat. Dili siya yanong tawo, apan ang Anak sa Dios puno sa Espiritu. Bisan kinsa ang moingon nga si Jesus mao ang Espiritu gikan sa Dios, mikumpisal sa maong higayon nga siya ang Anak sa Dios." Busa si Juan nagklaro sa tumong sa pag-abot ni Kristo: Alang sa pagbunyag sa mga gapenetensiya diha sa Balaang Espiritu. Ang Dios mao ang Espiritu, Iyang Anak mao ang Espiritu sa Dios nga nagpahimo niya ug unod. Iyang kalipay nga magpuno sa iyang mga sumusunod sa iyang diosnong kamatuoran: ang Dios gugma.
Hinigugma kong igsoon, napuno ka basa Balaang Espiritu? Nakaagom kaba sa gahum ni Kristo sa imong kinabuhi? Kining diosnong kalidad nahimong imo pinaagi sa pagpasaylo sa sala pinaagi sa pagtou sa sakripisyo ni Kristo. Siya kinsa nga modawat sa kapasayloan gikan sa Karnero sa Dios puno sa Balaang Espiritu. Ang Anak sa Dios andam mohatag sa iyang espirituhanong gasa ngadto sa matag magtutuo.
PAG-AMPO: O balaang Anak sa Dios, kami gasimba ug gadayeg kanimo. Imong gipaubos imong kaugalingon alang kanamu ug gipas-an among sala. Kami gapasalamat kanimo sa kapasayloan sa among sala pinaagi sa pagpaagas sa imong dugo sa krus. Kami gapasalamat kanimo usab tungod sa gahum sa imong Balaang Espiritu nga gihatag kanamo ug sa tanan nga gahigugma kanimo. Pukawa kamit gikan sa among pagkatulog sa paglapas ug pagpakasala. Utroha ug puno'a kami pinaagi sa imong malumo nga kamatuoran.
PANGUTANA:
- Nganong si Hesus nahimong manghinatagon sa Balaang Espiritu?