Previous Lesson -- Next Lesson
b) Ang tawo dili makadawat sa pagkamatarong pinaagi sa pagpatuli (Roma 4:9-12)
ROMA 4:9-12
9 Sa mga tinuli ra ba diay ang kabulahanan nga gihisgotan ni David? Dili ! ila usab kini sa mga dili tinuli. Kay sa amo nang giingon, “Si Abraham mituo sa Dios ug tungod sa iyang pagtuo, ang Dios nag-isip kaniya nga matarong.” 10 Kanus-a man kini mahitabo? Sa wala pa ba matuli si Abraham o sa natuli na? Nahitabo kini sa wala pa siya matuli, dili sa natuli na siya. 11 Kay gituli siya human siya motuo sa Dios ug ang iyang pagkatinuli maoy timaan nga tungod sa pagtuo, ang Dios miisip kaniya nga matarong bisag wala pa tulia. Busa si Abraham mao ang espirituhanong amahan sa tanang mutuo sa Dios ug gihimo silang matarong sa Dios bisag dili sila tinuli. 12 Siya usab ang amahan sa mga tinuli, dili lang kay sila natuli kondili tungod kay mituo man sila sama sa pagtuo ni Abraham sa wala pa siya tulia.
Giatake ni Pablo ang pagtuo sa mga Judio, ug gibungkag ang usa sa ilang sagradong prinsipyo, ang pagtuli. Ang katawhan sa kaawa-awan mi-ila sa maong simbolo nga usa sa pinakadakong simbolo sa karaang kasabotan. Siya, kinsa nga gituli gi-ilang katawhan sa dios apan ang wala gituli mang biaybiay. Busa niini, ang mga Judio nangutana sa matag bag-ong matotuo nga magpatuli isip ilhanan sa orihinal nga pagputli, nga makapahimo kaniya nga makasulod sa kasabutan sa Dios.
Gipamatuod ni Pablo ngadto sa hugot nga mga Judio pinaagi sa buhat ni Abraham nga ang tawo gimatarong dili pinaagi sa pagpatuli, apan pinaagi sa pagtuo lamang kay sukad si Abraham nakadungog sa tawag sa Ginoo, ug mituo niini ayha pa siya natuli. Busa iyang pagtuo maoy hinungdan ug tugkaran sa iyang katarong. Ang pagpatuli, alang kaniya, usa ka pagtakop, ug dili katungod nga mubalik sa Dios; dili ang pagpatuli ang nakatabang kaniya tungod kay siya nakasulod na sa kasabutan sa Dios pinaagi sa pagtuo.
Naka-ako si Pablo pagsulti nga si Abraham, una nahimong amahan sa tanang magtotuo sa mga Hentil nga kaliwat ayha siya nahimong amahan sa mga gipangtuli, tungod kay siya gimatarong sa dihang wala pa siya natuli nga Hintel. Basi niini, ang Apostol sa mga Hentil mipamatuod nga ang mga magtotoong Hentil mas doul sa Dios kaysa mga gipangtuli nga wala mituo kang Kristo. Ang Dios nahimaya pinaagi sa bug-os nga pagtuo ug bag-ong hunahuna, ug dili sa pisikal nga simbolo ug mga seremonyas.
Midilaab sa kasuko sa mga Judio ngadto kang Pablo sa dihang iyang giklaro ang ilang kaugalingong bakak ug sa ilang sayop nga pagsalig. Apan, iyang gipamatuod sa mga magtotoong Judio nga ilang makab-ot si Abraham isip amahan kung sila motuo sa grasya sa ebanghelyo. Ang dalan paingon sa Dios dili magbasi sa kaliwatan, o pagtuli, apan sa pagtuo sa Gilansang. Alang kanato kini gapasabot nga dili ang tanang nabunyagang Kristiyano matarong tungod sa iyang pagbunyag, apan sa iyang pagtuo, ka yang tawo gimatarong atubangan sa Dios,dili sa seremonyas ug simbolo, apan pinaagi sa sinsero nga pagtuo lamang.
PAG-AMPO: O Balaang Amahan, dili kami angayan moanha kanimo, tungod sa among kadaotan ug mga sala. Apan imong mahigugmaong Anak mipadayag sa iyang gugma kanamo, ug sa krus kami nahimong matarong, ug kami nagatuo sa iyang matag pulong, naghandum sa kaniya, nagtukod sa among mga kaugalingon diha sa iyang kaluwasan, ug mosunod sa iyang ehemplo, tungod kay imong libre kaming gimatarong uban sa tanang naghigugma kanimo sa tibuok kalibutan.
PANGUTANA:
- Ngano ang tawo gimatarong, dili pinaagi sa pagtuli, apan pinaagi sa pagtuo lamang?