Waters of Life

Biblical Studies in Multiple Languages

Search in "Cebuano":
Home -- Cebuano -- John - 033 (Healing of the paralytic)
This page in: -- Arabic -- Armenian -- Bengali -- Burmese -- CEBUANO -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish? -- Tamil -- Telugu -- Thai -- Turkish -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 2 - ANG KAHAYAG MISIDLAK SA KANGITNGIT (Juan 5:1 - 11:54)
A - IKADUHANG BIYAHE NGADTO SA HERUSALEM (Juan 5:1-47) -- PAGTUNGHA SA PANAG-AWAY TALI NI HESUS UG MGA JUDIO

1. Pagtambal sa bakol sa Bethesda (Juan 5:1-16)


JUAN 5:1-9
1 Human niining mga butanga, adunay kapistahan sa mga Judio, ug si Hesus miadto sa Jerusalem. 2 Karon sa Jerusalem pinaagi sa ganghaan sa karnero, adunay ligoanan, diin gitawag sa Judio nga “Bethesda”, nga adunay lima ka balkon. 3 Niini anaa ang dako sa kadaghanan kinsa nagkasakit, buta, piang, o paralitiko, nagahulat sa galihok nga tubig; 4 kay ang anghel manaog sa taknang oras ngadto sa kaligoanan, ug mokutaw sa tubig. Bisan kinsa nga motamak una human sa pagkutaw sa tubig mahimong bug-os sa bisan unsang balatian nga iyang gihambin. 5 Usa ka tawo anaa didto, kinsa nasakit sa 38 katuig. 6 Sa dihang nakita siya ni Hesus nga nakahigda didto, iya kining gipangutana, "Gusto ba nimo nga maayo?" 7 Ang masakiton nga tawo mitubag kaniya, "Senyor, walay modala Nako ngadto sa lanaw sa dihang gikutaw pa ang tubig, apan sa dihang gapaingon pa ako, adunay laing miadto nauna pa nako." 8 Si Hesus miingon kaniya, "Barog, dalha imong banig, ug lakaw." 9 Dalidali, ang tawo naayo, ug midala sa iyang banig ug milakaw. Kini nahitabo sa adlaw sa Pagpahulay.

Gibana-banang, Si Jesus nagpabilin ug siyam ka bulan sa Galilea ug siya miadto sa Jerusalem sa kapistahan sa Sinagoga. Siya nasayod nga ang panag-away sa pagtoo mahigayon diha sa Kapital. Bisan pa siya nakigharong sa mga legalista ug relihiyoso, Siya nagpabiling matinud-anon sa Balaod. Sa tulo ka higayon sa matag tuig siya miadto sa balaang dapit ngadto sa templo sa Jerusalem, kon makahigayon (Deuteronomeo 16:16).

Sa sentro sa lungsod adunay kaligoanan, diin matod sa ubang Greyego nga panultion kini talagsa gikuraw pinaagi sa anghel. Si Herod nagtukod ug mga balkon palibot sa kaligoanan nga dunay dagkong haligi. Ang mga nagpabilin sa mga balkon nadiskobre bag-o pa lamang. Ang estraktura ginganlag "ang Balay sa Kalooy", kay daghang dili mga paralitiko pirmi moadto sa lugar gapangita ug kaayohan - gahulat sa tubig nga molihok. Ilang hunahuna nga ang una nga molabay sa iyang kaugalingon sa tubig nga galihok maoy maayo.

Si Hesus mibisita niining kaligoanan nga puno sa mga masakitong nga mga tigulang ug Siya nakabantay sa usa ka paralitiko nga nagapangidad ug 38 anyos, pait ug gasakit. Sa dugang pa niini, ang paralitiko adunay kasilag sa uban. Sa niining balay sa kalooy matag usa nag-iyahay lang sa ilang kaugalingon ug nga walay nalooy kaniya. Apan wala siya nawad-an ug paglaom, ug gahulat sa oportunidad nga talagsaon sa pagdawat sa diosnong kalooy. Kalit ang kalooy Nagpakatawo mibarog diha kaniya ug si Hesus nagsugod sa iyang pagpanambal pinaagi sa pagdala sa pagtan-aw sa tawo gikan sa kaligo-anan ngadto kaniya. Iya dayong gipukaw ang kabubut-on sa paralitiko aron mamaayo . Si Hesus mihatag kaniya ug higayon nga mapadayag sa iyang mga molo, kinsa misinggit, "Walay nagpakabana kanako! Pirmi ko nangita ug kaayohan, apan akong kumpyansa nawala: Walay nagpakabana bahin kanako. Tingali ikaw dugay nang naghulat sa paglihok sa tubig, aron imo akong ibutang?"

Walay nagpakabana kanako! Kini imong pwesto igsoon? Ang uban ba gasalikway kanimo? Kami gasulti kanimo nga si Hesus mibarog una kanimo: Siya nangutana bahin kanimo ug iya kang nakita. Siya makatabang kanimo ug makaluwas kanimo. Kini ang mga sentimento nga nabati sa paralitiko. Iyang mga pangutana ug paniplat mitagbo sa mata ni Kristo, kinsang kalooy nakapabalik sa kumpyansya sa tawo diha mahigugmaong Ginoo.

Sa dihang nakita ni Hesus ang madasigong kagustohan niining makalolooy nga tawo nga matambalan, ug iyang pagsalig kang Hesus, Siya mimando, 'Bakod, dalha imong banig ug lakaw." Kini usa ka diosnong sugo, gapahimo sa imposible nga posible. Ang bakol mitoo sa pulong ni Kristo ug misalig sa gahom nga midagayday gikan kaniya, nabati ang gahom nga midagayday ngadto sa iyang bukog ug ang gahom nga mibuhi sa iyang lawas; siya nakaangkon sa kusog ug siya naayo.

Dalidali siyang miambak sa kalipay, mibarog ug mibitbit sa iyang katre ibabaw sa iyang ulo midala niini nga malipayon. Ang iyang pagtoo mihaom sa gahom sa pulong ni Kristo, ug midala sa dinaliang pagkaayo.

PAG-AMPO: Ginoong Hesus, kami gapasalamat kanimo, wala nimo gipasagdan ang paralitiko, apan imong nakita siya sa imong pagkamaloloy-on. Siya walay lain gawas kanimo, ang Usa ka maloloy-on. Tabangi kami nga mosalig kanimo, ug dili mosalig sa tawhanong tabang. Utroha kami sa imahe sa imong gugma, aron mag amping sa uban, mopa-ambit sa imong bendisyon nila.

PANGUTANA:

  1. Giunsa ni Hesus pag-ayo sa paralitiko pinaagi sa kaligo-anan sa Bethesda?

www.Waters-of-Life.net

Page last modified on April 29, 2013, at 10:43 AM | powered by PmWiki (pmwiki-2.2.109)