Previous Lesson -- Next Lesson
c) Tabernakle mpe botongi ya Tempelo (Misala 7:44-50)
MISALA 7:44-50
44 Batata na biso bazalaki na etumbelo ya litatoli na esobe, kaka ndenge apesaki mitindo oyo ayebisaki Moize asala yango na kolanda ndakisa oyo amonaki. 45 Mpe bankɔkɔ na biso, ntango bayambaki ye, bamemaki ye na nse ya lobɔkɔ ya Yosua na mokili oyo ezwamaki na bikólo oyo Nzambe abenganaki liboso na bango, mpe atikalaki kuna tii na mikolo ya Davidi. 46 Davidi azwaki ngɔlu na miso ya Nzambe, mpe asɛngaki ete atonga tabernakle mpo na Nzambe ya Yakobo; 47 mpe ezalaki Salomo nde atongaki ndako na ye. 48 Kasi Oyo-Aleki-Likoló afandaka te kati na biloko bizalisami na maboko, lokola mosakoli alobi: 49 Likolo ezali kiti na ngai ya bokonzi, mpe mabele ezali etɛlɛmɛlo na ngai. Ndako nini okotongela ngai, elobi Nkolo, to esika ya bopemi na ngai ekozala nini? 50 Loboko na ngai nde esali makambo oyo nyonso te?
Setefano amonisaki ete Nzambe afandaki liboso te na tempelo oyo ezalaki kongɛnga, kasi akutanaki na Moize na tabernakle ya litatoli oyo ezalaki kotyola, mingimingi na mikolo minene, mpo na kotya boyokani elongo na Mosakoli Mose, mpe malonga ya Yosua, mpe bozongisi oyo esalemaki na ntango ya Davidi. Nkembo ya tempelo, mpe bolamu na yango oyo ebebaka, ezalaki te elembo ya bozali ya Nzambe epai ya bato, kasi ezalaki tabernakle ya kotyola oyo elakisaki eleko ya mbongwana ya kondimana ya kala, oyo ekangamaki te mpe na nsuka ezalaki kokita.
Mpo na Setefano, ezalaki ngolu ete Nzambe apekisaki Davidi kotonga tempelo, lokola elembo ete Nzambe azali na mposa ya wolo te, bandako ya kitoko, mpe botongi ya bato te mpo na kofanda kati na bandimi na ye, kasi etumbelo ya kotyola ezalaki elembeteli ete Nzambe asangani lisusu na moto ya mobola. Mosakoli ya Nsango Malamu Yoane asalelaki liloba "Logos" oyo eyebani mingi na Nsango Elamu na ye (1:14) mpe na makomi ya Baela mpo na kolimbola bomoto ya Yesu, alobi: Mpe Liloba akomaki mosuni mpe afandaki kati na biso. Bomikitisi oyo elimboli biso bonene ya ngolu ya Nzambe oyo akitaki na tempelo ya nzoto na biso ya kufa.
Salomo ya bwanya atongaki tempelo oyo eyebanaki mingi, kasi bato bazalaki kotyola ye na mobulu tii ntango ekólo ekabwanaki nsima na ye. Sikawa, tempelo etongamaki mpo na kosangisa bato na nzela ya katikati ya mimeseno mpe milulu, kasi mbano ezalaki bokabwani mpe kopalangana mpo ete Nzambe afandaka na esika moko boye te, mpe afandaka na mabanga te. Makambo oyo nyonso ezali na ntina te, mpo Nzambe azali elongo na bino bisika nyonso oyo bozali, ezala na mbu to na mopepe, na mabele to likolo na yango. Oyo ayoki liloba na ye mpe akotia yango na misala, afandi na boyokani ya Nzambe. Setefano atatolaki liboso ya basambisi na ye ete azali mofingi ya tempelo te soki afukami liboso ya mabanga ya wolo te, mpamba te Oyo-Aleki-Likoló afandaka na boloko ya bato te, kasi mabele mobimba ezali etɛlɛmɛlo ya makolo na ye. Mozalisi azali na mposa ya biloko ya mputulu oyo esalemi na mabɔkɔ ya bato te mpo na kopema, mpamba te azali mokeli ya biloko nyonso mpe azali na mposa ya eloko moko te.
Toyebi malamu sikawa ete mabele esali molɔ́ngɔ́ mobimba te, kasi ezali atome ya mputulu na etando oyo bamilio ya moi ebalukaka kati na yango, mpe yango na ngala na yango ezingami na bamiliare ya bituluku ya baplanɛti. Yekola na mozindo, ndeko na ngai, mabombami ya mokili mobimba, mpo ete ntolo na yo epanzana, molimo na yo elamuka, mpe motema na yo efukama liboso ya bonene ya Nzambe. Mozalisi na biso azali monene koleka bituluku nyonso ya minzoto. Bobele na ntango yango, azali kopesa mitindo na eteni nyonso ya kura oyo ezali na atome. Ye oyo ayekolaka na molende siansi ya biloko bizalisami ya mikolo na biso, akómaka moto oyo andimaka te ete Nzambe azali, kasi mosambeli ya ko mikitisa. Nsango Elamu eyebisi yo ete Nzambe Mozwi-ya-Nguya-Nyonso alingi kofanda na motema na yo, mpo ete nzoto na yo ekoma tempelo mpo na Molimo Mosantu. Elimo na yo ekómi esika ya kofanda mpo na Nzambe, to ozali kaka esika ya kobombama mpo na bilimo ya mbindo? Makila ya Klisto esantisaka yo soki ofungoli motema na yo mpo na mokano na yango, mpe Molimo Mosantu na ye etondisi yo mpo na kosukisa moimi na yo. Na sima boko vivre na communion ya bolingo na bandimi, lokola tempelo ya essence ya Nzambe. Osilá komona kitoko mpe nkembo ya tempelo oyo ya elimo? Bizaleli yango ezali: bolingo, komikitisa, esengo, boboto, kimya, bosembo, pɛto, mpe bolamu nyonso. Okómi moto oyo akembisami na mbuma ya kondima ya boklisto? Bongo bokokumisa Nzambe na bizaleli na bino na mokili oyo etondi na bilimo ya mbindo.
LOSAMBO: Nzambe Mozwi-na-Nguya-Nyonso, merci, pamba te Ofandaka na tempelo te to na ndako oyo etongami na mabanga te, kasi Oyei kofanda na kati ya bandimi nyonso oyo bazali solo na kondima na Klisto. Yaka na motema na ngai, petola lisosoli na ngai, tondisa makanisi na ngai na Molimo Mosantu na Yo mpo ete azala ntango nyonso kati na ngai mpo na kotosa Yo na esengo. Amen.
MOTUNA:
- Mpo na nini Stefano alingaki mingi tabernakle na esika ya tempelo ya wolo?