Waters of Life

Biblical Studies in Multiple Languages

Search in "Dioula":
Home -- Dioula -- Tracts -- Tract 09 (You shall love the LORD your God with all your heart, with all your soul, and with all your strength)
This page in: -- Armenian -- Baoule -- Burmese -- Chinese -- Dagbani? -- DIOULA -- English -- French -- German? -- Greek -- Hausa -- Hebrew -- Hindi -- Igbo -- Indonesian -- Japanese -- Korean? -- Lingala? -- Maranao -- Nepali? -- Peul? -- Somali -- Spanish -- Sundanese -- Telugu -- Thai? -- Turkish? -- Twi? -- Uzbek -- Yoruba

Previous Tract -- Next Tract?

TRAITÉS - Messages bibliques courts à distribuer

TRAITÉ 09 -- I ka kan ka i Matigi Ala , i ta Ala kanu ni i jusukun bɛɛ ye, ani i nin bɛɛ ye, ani i baraka bɛɛ ye (Sariya 6:5, Matiyu 22:37)


Mɔgɔ caman bɛ bori bori fan bɛɛ fɛ, ka baara kɛ ka wasi walisa ka o ta baro ani o makoya fɛnw sɔrɔ (Damina 3:19). O bɛ jidi, ka ɲagari ni hɛra ɲini, o tɛ miiri Ala ko yɛrɛ la hali dɔɔni, o tɛ o jate o ta dunuɲa latigɛ ra.

Dɔw fana bɛ siran Sebagaya bɛɛ tigi Danbaga Ala ɲa. o bɛ nimisa ota kɛwali juguw kosɔn, o bɛ siran Ala Saninman ta dimiya ɲa ani kiti tigɛ lon ɲa. O bɛ serikɛ ka Ala daari, o bɛ sun, ka yaga bɔ, o bɛ taga heji ra, o bɛ o jija ka cogo bɛɛ kɛ ka o yɛrɛ kodiya Al aye. O ma lɔn fɔlɔ ko o ta ko ɲuman tɛ bɔlikɛ ka o kunmabɔ jahanama tasuma ma. Hali jinaw lanin bɛ a ra ko Ala kelenpe le bɛyi, o bɛ siran Ala ɲa fɔ o bɛ yɛrɛ (Yakuba 2:19)

Mɔgɔ dama dama le bɛ can ɲini na, olugu bɛ i na fɔ yirinin dɔ o bɛ min wele ko: turnisɔl a bɛ tere yelen flɛ, ka ta sɔgɔma fɔɔ wula da fɛ, tere yeelen bɛ don a ra, a bɛ bonya ka kɔgɔ, ka den canman kɛ. Mɔgɔ min b’a ɲasin a Matigi ma sisan, o tigi bɛ a ta kanuya nɔɔrɔ sɔrɔ a yɛrɛ la, a fana bɛ Nin baraka sɔrɔ min bɛ kɛ sababu ye a ye den kɛ min bɛ na to tuma bɛɛ.

Aw ye mɔgɔ suguya juman le ye ? aw bɛ wagati joli le kɛ lon o lon ka miiri Matigi ma ani ka baara kɛ a ye ? aw ye aw hakiri jigi ni karan sira la, min bɛ kuma kanuya Saninman kan:

Ayiwa, hali ni ne bɛ se ka adamadenw ta kanw bɛɛ fɔ, ka mɛlɛkɛw fana ta kanw fɔ, ni kanuya tɛ ne jusu ra, ne ta kuma ye mankan gbansan le ye, i ko sira nɛgɛ gbasitɔ mankan, walama i ko sira nɛgɛtɛgɛrɛ mankan. Hali ni Ala bɛ kuma don ne da ra ka mɔgɔw waaju, ni a bɛ gudokow bɛɛ yira ne ra ani lɔnniya bɛɛ, hali ni lanaya bɛ ne fɛ fɔ ne bɛ se ka kuruw la bɔ o nɔ ra, ni kanuya tɛ ne jusu ra, ne tɛ fɔyi ye. (Korɛntikaw fɔlɔ 13:1-2)

Sariya bɛɛ la kunba Tawrata tayiri kɔrɔ kɔnɔ o filɛ ni ye: I ka kan ka i matigi ALa, i ta Ala kanu ni i jusukun bɛɛ ye, ani i nin bɛɛ, ani i baraka bɛɛ. An ye an yɛrɛw ɲinika can ra: yala an bɛ Ala kanu can na wa ? an b’a kanu n’a jusukun bɛɛ ye, ni ani bɛɛ, ani an baraka bɛɛ ye wa ?

Mɔgɔ min bɛ miiri nin sariya ma ni terenniya dafanin ye, otigi bɛ na a yɛrɛ majigi k’a ɲɔɲɔ sabu a bɛna ye ko ka Ala kanu o yɔrɔ ka jan a le ra can na. A bɛna lɔ a ra ka fɔ ko: ʻʻne tɛ Matigi fɛ ni ne jusukun bɛɛ ye, ni ne nin bɛɛ, ani ne baraka bɛɛ. ne hakiri ani ne ta hina bɛɛ tɛ tora a le ra. Ne jusukun tɛ pan pan a le kelen kosɔn, ne jusu kun na miiriyaw ma fa a ta kanuya ra, ne nin kɔnɔ na ɲasin ni tɛ Danbaga kelen fan fɛ. ne bɛ Ala Saninman fɛ , nka ne tɛ a kanu ni ne farikolo bɛɛ ye, sabu ne bɛ wagati caman ta k’an fanga ni warri don fɛn caman na, fɛn minw bɛna halaki dunuɲa kɔnɔ.ʼʼ

Sebagaya bɛɛ tigi bɛ an mankɔnɔ na, ko anw ye an kɔmunu an ta jurumun na, ka nimisa ni ɲaji ye, an ye siran ko an kɛra an yɛrɛ ta Jow ye an bɛ min bato, Sabu anw ko ka di anw yɛrɛ ye ka tɛmɛ fɛn bɛɛ kan. An tɛ Matigi kanu kanu ya dafanin na, dugawu bɛɛ bɛna ka bɔ min fɛ. O le ye anw ta jurumun kun fɔlɔ ye.

Anw kakan ni Ala ta dimiya ye. Anw ta jankanta tun ka kan ka kɛ saya ni jahanama ye, sabu Matigi ma kɛ fɔlɔ ni laban ye anw ta ɲanamaya kɔnɔ. Ni anw ma nimisa sɔbɛra anw bɛna tunu abadaa.

Danbaga bɛ anw famu, a ka lɔn ko an ye jurumun tɔw le ye. O can kosɔn, a bɛ anw kanu a ma ban an na, sabu a ka Mariyamu dencɛ bla ka na a ta kanuya sereya bɔ mɔgɔw ye. Kirisita ka sariyaw bɛɛ la nafan ma kan mina ka dafa. A ka Aladaari, a ka ta karamɔgɔ denw karan Matigi ta Aladaari cogo ra.

ʻʻAn fa min bɛ sankolo ra, i tɔgɔ Saninman ye bonya mɔgɔw bɛɛ fɛ I ta masaya ye na. I sago ye kɛ dugukolo kan i ko a bɛ kɛ sankolo ra cogo min na. An ta bi domuni di an ma. An ta hakɛw yafa an ma i ko an fana bɛ yafa an hakɛ ta bagaw ma cogo min na. I kana to setana ye an nɛgɛ ka an bla kojugu ra, nka an bɔsi a boro. Sabu masaya, ani sebagaya ni bonya ye ele le ta ye wagati bɛɛ. aminaʼʼ (Matiyu 6:9-13)''

Kirisita ma a yɛrɛ bonya, nka a k’a Fa nin na le bonya, o min bɛ sankolo ra. Mʻʻka ne cibaga sago kɛ, ani k’a ta baara kɛ k’a dafa, o le ye ne ta domuni ye.ʼʼ (Yuhana 4:34).

O kɛ waliw fɛ, Kirisita k’a ta kanuya sɔbɛ cantigiya a ka min dafa Ala ye. Mariyamu dencɛ tun tɛ sufi ye, walama aksɛti ye, sabu a ta kanuya Ala ta fan fɛ o yira ra, a blara kɛnɛ kan a ka mɔgɔw bɛɛ kanu cogo min na. A tun bɛ taga dugu baw ni dugu deniw na ka fɔ mɔgɔw kelen kelen bɛɛ ye ko: Ala ye an fa ye nin ta fan fɛ. A ka kɛnɛya di banabagatɔw ma, a ka jinatɔw hɔrɔnya ka bɔ nin juguw boro, a ka suw lawiri, a ka dunuɲa mɔgɔw ta jurumun bɔ o kunna, a ka jurumun yafa saraka bɔ jamanaw bɛɛ ye, a ka bɛn don o ni Ala cɛ. Kirisita ta jurumun yafa saraka kelenpe kosɔn min ɲɔgɔn tey, a bɛ an saninya ka bɔ jurumunw bɛɛ ma. Ala ka kiti ben a le kan anw nɔna, walisa mɔgɔ o mɔgɔ la ra a le ra, ani ka o jigi la a le kan, o ye ɲanamanya banbari sɔrɔ. Ala ta kanuya jigira ka kɛ farikolo ye Kirisita ra. A b’a fɛ ka an kɛ mɔgɔw ye, minw fanin bɛ hina ra, ka kɛɲa ni hina Ala ta hina cogo ye.

A banikɔ a ta karamɔgɔdenw saninyali ra ka bɔ jurumunw bɛɛ ma, Kirisita ka ta Nin Saninman jigi o kan, olugu minw bɛ daari kɛ ani ka Ala ta Sebagaya nɛɛma makɔnɔ. O Nin ye Ala yɛrɛ ta kanuya le ye, i ko Cira Pɔli ka sɛbɛ cogo min na: ʻʻAla k’a ta kanuya caya an jusukun na Nin Saninman barakara, a ka o min di an ma.ʼʼ (Rɔmukaw 5:5).

O Nin bɛ yeelen bɔ an ye, ka an ɲamina Ala ta sira kan, walisa an ye se ka Ala kanu ni an jusukun bɛɛ ye, ni an nin bɛɛ, ni an baraka bɛɛ ani ka baara kɛ a ye ni ɲagari ye. O Nin bɛ an dɛmɛ ka an ta ɲanamanya kɛ i ko Kirisita, ani ka a daari mɔgɔ wɛrɛw ye. Ala ma ɲini an fɛ ko an ye sariyaw kan min na minw tɛ se ka kɛ; a k’a ta ɲamina cogo di an ma, a ka sebagaya di an ma walisa an ye se ka ɲanamanya kɛ min ka di a le ye.

Kalankɛla kanulen,
nin vɛrse Biblu minw sɛbɛra ka jɛngɛ jɛngɛ, italikila aw ye o kararan ka o mara aw kun na, walisa aw ye se ka o fɔ aw kun fɛ. Aw bɛna fanga sɔrɔ o le ra, ka Ala kanu ni aw jusukun bɛɛ ye, ni aw nin bɛɛ. Aw ye Ala daari a ye aw la fa a ta kanuya Nin na.


Yala aw b’a fɛ ka dɔ fara aw ta lɔn ta kan Ala ta sariyaw ni a ta layiriw kola wa ?

Ni aw ka a ɲini anw fɛ, anw bɛna Kirisita ta Kitabu Injili Kibaro diman ci aw ma, ani sɛbɛ wɛrɛw min bɛna aw dɛmɛ ka miiri Ala ta kumaw ma, ani Ala daari kanw, aw bɛna Ala ta sariya saninman kɛmɛ looru ɲɔgɔn na sɔrɔ o sɛbɛnw kɔnɔ ; Ala Nin bɛna aw dɛmɛ ka o sariyaw bonya.


Aw ye aw teriw la jija o ye Ala ni mɔgɔw kanu.

Aw ye Ala ta kanuya kibaro diman lase aw sigiɲɔgɔnw ma, ani aw teriw, aw ye ni sɛbɛn dɔ di o ma. Anw bɛna ninsɔndiya ka o sɛbɛ dɔ ci aw ma gbansan. Aw bɛ se ka jate da min tran tran, aw ye an lalɔnniya o ra. Aw ka na ɲina ka aw ta adrɛsi sɛbɛ ka ɲa wlisa a ye se ka karan.

WATERS OF LIFE
P.O. BOX 60 05 13
70305 STUTTGART
GERMANY

Internet: www.waters-of-life.net
Internet: www.waters-of-life.org
e-mail: info@waters-of-life.net

www.Waters-of-Life.net

Page last modified on February 22, 2023, at 03:33 PM | powered by PmWiki (pmwiki-2.3.3)