TRAITÉ 08 -- Kirisita ye Jɔn le ye ?
Politigi jama kuruw ani Dina siraw batobagaw, bɛ o ta karan siraw yira mɔgɔw ra, ani o ta ɲamɔgɔw ka ko minw kɛ o ta ɲanamanya kɔnɔ. O bɛ o sɛbɛ kitabu sɛbɛw kɔnɔ, ani ɛntɛrnɛti kan, o b’a fɔ ka ma jamu i na fɔ ko ɲanaman lo, walisa ka mɔgɔw lasama o nɔfɛ.
Mariyamu dencɛ k’a yɛrɛ bla dana ka bɔ o yɛrɛ ma jamu fɔ ma. A b’a yɛrɛ yira mɔgɔ ra mɔgɔ min b’a fɛ k’a lɔn. Kirisita tɔgɔ sɛbɛnin bɛ ye injili kitabu kibaro diman kɔnɔ siɲaga: kɛmɛ looru ni biwɔɔrɔ ni kɔnɔtɔn (569) Mariyamu dencɛ yɛrɛ ye min ye a ka o fɔ ko: ʻʻMatigi Ala Nin bɛ ne kan, sabu a ka ne ɲanawoloma ko ne ye na kibaro Diman fɔ fagantanw ye, ani ka kasodenw lablari ko fɔ, ka fiyentɔw ɲa yɛlɛko kibaro fɔ; ka mɔgɔ tɔɔrɔniw bɔ o tɔɔrɔbagaw boro, ka Matig Ala ta nɛɛma wagati ko kibaro fɔ.ʼʼ (Luka 4:18-19)
Kirisita min ɲanawoloma na ka kɛ kisibagaye, a k’a a ta gondon yira tun ma min na a ka Cira Ezayi ta Cira ya kuma fɔ, o min tun yirala Ezayi la kabini san kɛmɛ wolon fila 700 ka kɔn Kirisita woro ɲa (Ezayi 61:1,2).
Mariyamu dencɛ worora Matigi Nin Saninman le fɛ. Ka fara o bɛɛ kan Ala ka ta Nin Saninman dafanin bla ka na Kirisita kan, walisa o ye se ka baara kɛ ɲɔgɔn fɛ bɛn na, ani a ye se ka a sago kɛ ka dafa. Kirisita ka ta ɲanamaya kɛ saninyali ani terenniya ra a ma jurumu foyi si kɛ.
A ka cantigiya ko a le le tun ye ʻʻSaninman ye min fanin bɛ Matigi Nin Saninman naʼʼ Tawrata layiri kɔrɔ Kitabu kɔnɔ, o tun bɛ to ka Masaw ni Saraka lasebaga kuntigiw ani Ciraw mu ni turu Saniniman dɔ ye, tuma min na ni o ɲanawoloma na, o le b’a yira ko o blara dana Ala ta baara kama, ko o fara sebagayara, ani Ala ta hakiritigiya ra. tawrata Layiri kɔrɔ kɔnɔ turu saninman tun ye kow damina tagamasiyɛn le ye, min yira la Kirisita fɛ. A ɲanawoloma na ka fa Ala Nin na, walisa a ye se ka ta Masaya banbari baara kɛ ka dafa. (Daniɛli 7:13-14), Ele le ye sarakalasebaga ye wagati bɛɛ (Zaburu 110 : 4 ), Ala ka Cira min layiri ta ko a bɛna a lana (Sariya 18:15), A ka soronari kɛ kojugukɛbagaw ye (Ezayi 53), kuma min bɔra Ala ra kana kɛ farikolo ye (Ezayi 61 : 1-2). Mariyamu dencɛ tɔgɔ tɛ Kirisita ye, o tɔgɔ bɛ yiralikɛ a ta baara le ra, a bɛna o min kɛ Ala tun ka o min la bɛn.
Kun juman le kosɔn Kirisita Cira ka na ?
Danbaga Matigi Ala ka Kirisita bla ka na, ka fa a ta Sebagaya Nin na, walisa ka kisili kibro diman fɔ fagantaw ye, ka o kunmabɔ Ala ta dimi ya ma, ka o kɛ terenniw ye kiti tigɛ lon na.
Ala ma mɔgɔbaw, ni naforɔtigiw, ni hakiritigiw, karamɔgɔbaw, ni ɲamɔgɔw, fisaya ka tɛmɛ mɔgɔ tɔw kan, Nka a ta kanuya ni a ta hina kosɔn, a nana a ta kuma ɲasin mɔgɔ majiginiw ma, ni mɔgɔ sɛgɛniw, ni jurumuntɔw, minw baraka ka dɔgɔ, ni fangantaw, ani minw bɛɛ mako tun bɛ dɛmɛ ra. Sebagaya bɛɛ tigi ka Kirisita Ci ka na mɔgɔ sɛgɛniw ma ani mɔgɔw ban na minw na, walisa ka jigi di o ma, ani Sebagaya Nin baraka, ni ɲanamanya banbari Nin Saninman baraka ra, a bɛna o min di o ma.
Kirisita ka ta karan tɔgɔ la ko: ʻʻInjiliʼʼ - Kibaro diman . Mɔgɔ min lara o Kibaro la, o tigi bɛ don Ala ta so mɔgɔw cɛma, a bɛ sigi yɔrɔ sɔrɔ sankolo ra. I njili Kibaro diman bɛ se sɔrɔ dunuɲa ta kɔninya kan. Kirisita ta kumaw bɛ nanbara ni faninya ani janfan gbɛn, a bɛ se sɔrɔ ko sanniyabariw ani jɛnɛya kan. Nin Saninman bɛ to ni mɔgɔ ye min bɛ injili Kibaro diman lamɛn ka sɔn a ma, ani a karanw. Injili ye Ala ta Nilifɛn le ye. Mɔgɔ min tɛ a karan, ani ka sɔn o Nilifɛn kelen ma, Kirisita bɛ o min di, otigi bɛ to a kelen na fagantanya ra nin ta fan fɛ, jigitanya ra ka fara pewu ka bɔ Ala ɲanaman ta jɛɲɔngɔnya bɛɛ ra.
Kirisita ka fɔ ko : Ala ka le Ci ka na mɔgɔ jigi tigɛniw ma, minw jigi tigɛra o ta jurumunw ni o ta haminakow kosɔn. a bɛ mɔgɔw kunmabɔ minw kɛra o yɛrɛ ta jurumunw ta jɔnw ye Setana ta fanga kɔrɔ. a bɛ jurumuntɔw lawiri minw sara Nin ta fan fɛ, ka ɲanamanya kura saninman di olugu ma min terennilo. Kirisita ma kuma lakolonw si fɔ, nka a tun bɛ min fɔ a tun bɛ o le kɛ a yɛrɛ ta ɲanamanya kɔnɔ. mɔgɔ o mɔgɔ ka ta tagamasiyɛn karan Injili Kibaro diman kɔnɔ walama Kurana kɔnɔ, otigi bɛ sɔn a ma ko Kirisita Mariyamu dencɛ le ye Kirisita ye can na, ka kɛ Ala ta kauya baraka ye. A ma to kaburu kɔnɔ a ɲananman lo. A ka layiri ta a ta karamɔgɔdew ye ko a ta Sebagaya Nin bɛ na kɛwaliw kɛ o ta ɲanamanyaw kɔnɔ.
Nin Saninman ka aw la fa wa ?
Kirisita tun tɛ nataba ye, a ma Nin saninman baraka n’a ta Sebagaya saninman mara a yɛrɛ kelen ye. A b’a ta Nin Saninman di mɔgɔw ma minw fari faga ra ni o bɛ Ala ta hɛra ɲini na, walisa olugu fana ye se ka fa Nɛɛma Nin na, ani ka o lafa Ala ta kanuya ra. Aw ye aw yɛrɛ ɲininka: ʻʻyala ne kakan ka to saninyabari ye ka ne siri nin to ne ta jurumunw na wa? walama ne b’a fɛ ka saninya ani terenni ya sɔrɔ Kirisita sababu ra ani ka Nin Saninman ta baraka sɔrɔ?ʼʼ a ko:
ʻʻni mɔgɔw o mɔgɔ nana ne fɛ, ne tɛna o tigi gbɛn fiyew ʼʼ (Yuhana 6 : 37)
ʻʻNi mɔgɔ min lara ne ra, o tigi bɛ ɲanamaya banbari sɔrɔ.ʼʼ (Yuhana 6 :35, 47; 8 : 12 ; 10:27-28 ; 11:25-26) ;
ʻʻAw ye to ne ta jɛnɲɔgɔnya ra, ne fana bɛ to aw ta jɛnɲɔgɔnya ra.ʼʼ (Yuhana 15:4)
Kalankɛla kanulen,
Ni aw k’a ta Layiri Saninman dunɲa lɔn, aw ye aw jusukun da yɛrɛ Kirisita ye, a bɛna aw lafa a ta Nin Saninman na.
Kirisita ka fɔ ko: a le ɲanawoloma na, k’a fa Nin na, ka bla ka na Ala ta nɛɛma ko kibaro fɔ. Cira Musa ta Tawrata Kitabu bɛ an karan ko: san bilooru o san bilooru (50) o tun kakan ka jɔnw kunmabɔ ka o la bla ka o ta naforow kɔsegi o ma (Sarakalasebagaw 25:10)
O fana ye ɲayira cogo ba dɔ ye, min bɛ yirali kɛ kunmabɔli ko ra Nin ta fan fɛ. Kirisita b’a fɛ ka jurumun ta jɔnw kunmabɔ ka bɔ o ta saninyabari kow ma, ani o ta firiw ma, walisa ka o la na Ala ma. Kirisita kakan ka o kunmabɔ, o sebagaya bɛ a bolo fana, sabu a le le ka dunuɲa ta jurumunw kafari saraka bɔ n’a yɛrɛ joli ye. Wagati tɛmɛnin, Ala ka Cira Musa le Ci ka na ni sariya ye, nka nɛɛma ni can nana Yesu Kirisita le fɛ. (Yuhana 1:17) kabini Kirisita ka jurumun kafari saraka bɔ, an bɛɛ kelen kelen hɔrɔnyanin lo ka an ɲasin Ala ma . An bɛ Nin Saninman baraka sɔrɔ, o min kɛra Ala ta Masaya layiri cɛn ye. Anw tɛ Ala jate i ko kiti tigɛ la, min ya kiti tɛ ban kiti tigɛ lon na. A bɛna a yɛrɛ yira an na i ko hina fa Ala, min bɛ an mankɔnɔ na ni muɲuri ye. A bɛna ɲagari ka na anw kunbɛn.
Ne ni Kirisita ta ɲɔgɔn kunbɛn
Ne ka Ne ta ɲanamanya kɛ i na fɔ jurumun ta kasoden, ani ne nin diyanakow ta jɔn. tuma bɛɛ ne tun bɛ ne nin diyanakow le yɔrɔ ɲinina ani jigimafa, ka ne farikolo diyanakow le kɛ, ne tun b’a ɲini ko ne jusukun ye fa kanuya la, nka ne ma jaabili foyi sɔrɔ o ra. Hali nin ka ninsɔndiya dɔɔni sɔrɔ, a te mɛn ne b‘a ye ko ne jusukun lankolon lo, o tun bɛ to ka kɛ ne ra. Fɔɔ lon min na ne ka Yesu Kirisita komɛn, Kisibaga min bɛ an dɛmɛ gbɛlɛya kɔnɔ. Ne ka damina k’a yɔrɔ ɲini. Mariyamu dencɛ ka baara min dafa dunuɲa ye, ne tɛricɛ dɔ ka o ɲa fɔ ne ye, k’a sɔrɔ ka fɔ cogo min na Yesu bɛ se ka ne ta ɲanamanya yɛlɛ ma.
Kirisita sara ne kosɔn, a ka ɲanamanya banbari di ne ma, walisa ne ye se ka ɲagari tuma bɛɛ ne taɲanamanya kɔnɔ. ka se fana ka ta ninsɔndiya n’a ta kanuya sɔrɔ, ne ka lon ko ne tun kakan ka ne jusukun majigi a ye. O le ra ne ka latigɛ ka Aladaari ka Kirisita wele, Mariyamu dencɛ, a ye na don ne ta ɲanamanya kɔnɔ. a ka o le kɛ can yɛrɛ la. A ka ta kisili kɛwali damina ne ra. Sisan ne bɛ ɲanamanya ra nisɔndiya ra, ne tɛ siran na ne tɛ hamin na, hali ni tɔɔrɔw bey, sabu a b’a janto ne ra, ne mako bɛ fɛn minw na a bɛ o jaabi. Karan kɛla kanulen, ne bɛ i wele, i le fana ye o ɲɔngɔn na kɛ, a ɲini Kirisita fɛ a ye don i jusukun na, walisa i ye fa ɲagari ra ka se ka hɛra lɔn i ta gbɛlɛya kow bɛɛ cɛma.
Kanbelen dɔ ka bɔ jɔrdani Aladaari
Matigi Ala E le min fanin bɛ Nɛɛma ani hɛra la, mɔgɔ minw bɛ lɔ o ta jurumun na ka o kɔmunu a ma e le le ye olugu bɛɛ fa ye Nin na. I ka Kirisita min ɲanawoloma ka bla ka na anw ta dunuɲa saninyabari kɔnɔ, ne bɛ I fo o kosɔn. ne ma kakan ka gbɛrɛ a le ra, walama ka I ta Nin Saninman sɔrɔ sabu ne ye jurumun tɔ le ye. K’a sɔrɔ I bɛ dugawu kɛ mɔgɔw ye minw ka lɔn ko ni E le tɛ olugu tɛ foy ye. I sɔn na Kirisita ta jurumun kafari saraka ma. Ne bɛ I tando o kosɔn, ne bɛ a ɲinin I fɛ I ye ne fa I ta Nin Saninma na walisa ne ye se ka yɛlɛma ka kɛ mɔgɔ majiginin ye, saninman, banbari, hinamatigi, saninman min faninbɛ kanuya ra, I na fɔ Kirisita tun bɛ cogo min na. Amina.
Yala aw b’a fɛ ka dɔ fara aw ta lɔnninya kan Kirisita ko la wa ?
Ni aw ka Kirisita ta injili Kibaro diman ɲini anw fɛ, anw labɛnni lo ka o ci aw ma gbansan, ani sɛbɛn wɛrɛw minw bɛ se ka aw dɛmɛ ka miiri Ala ta kumaw ma ani ka Ala daari. Aw ye o injili Kibaro Diman karan ka Ala daari walisa aw ye Ala ta hɛra banbari sɔrɔ.
Aw ye Kirisita ta Injili Kibaro Diman taran aw tɛriw cɛ
Ni aw ka ɲanamanya kura sɔrɔ Kirisita la, ka Nin Saninman baraka sɔrɔ, aw ye nin sɛbɛ di aw tɛriw ni lanabariw ma. Anw ka a latigɛ ka o sɛbɛ dɔw ci aw ma. Mɔgɔ minw bɛna o sɛbɛ dɔ sɔrɔ, aw ye Ala daari olugu ye. Anw bɛ aw ta lɛtrɛ makɔnɔ na. Aw ka na ɲina ka aw ta adrɛsi sɛbɛ ka ɲa, walisa a ye se ka karan.
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net