Fluwa kaan 09 -- Klo ᴐ Min Nyanmiԑn’n kpa, fa ᴐ wla’n kwlaa guԑ i su, man wᴐ akunndan’n kwlaa trԑn i su (Mmla 6:5, Matie 22:37)
Sran kpanngban be wanndi kᴐ wa, kᴐ wa, be ‵di junman be ‵fian ufle nan be ‵nyan like be yia be asamian’m be nuan (Bo bolԑ 3: 19). Be wu ba, be trԑ yԑ be kunndԑ aklunnjuԑ nin alaje, sanngԑ be bu-man Nyanmiԑn i akunndan kaan sa, afin ᴐ nun-man be jajalԑ’n nun.
Sran wie mun be sro Nyanmiԑn b’ᴐ yili ninnge’n kwlaa’n afin ᴐ kwla sa’n kwlaa yo. Be wla’n ti bowa be nyoliԑ tԑtԑ’m be ti. Srԑ kun be Nyanmiԑn b’ᴐ ti Saun’n i ya’n nin i jᴐlԑ dilԑ cԑn’n be wun. Be nin Nyanmiԑn be koko yalԑ, be kpԑ srԑ nun, be yo yalԑfuԑ’m be ye, be mian be nyin nan be wun ‵yo Nyanmiԑn fԑ. Be nian wun-mԑn i wlԑ kԑ nán be nyoliԑ kpakpa sᴐ’m be ti yԑ blᴐlᴐ sin’n ᴐ to fuan be-ᴐ. Mmusu’m be bᴐbᴐ be si kԑ Nyanmiԑn ti kunngba yԑ be usu (Zak 2: 19).
Be nun akpasua kaan nga be kunndԑ nanwlԑ’n be ti kԑ waka nyrԑ b’ᴐ su wia’n su nglԑmun lele nnᴐsua’n sa. Wia’n i kpajalԑ’n wluwlu i wun, ᴐ nyin, ᴐ tin kpԑkun ᴐ su “mma” kpanngban. Sran ng’ᴐ kpԑ i nyin i Min’n i wun’n, b’ᴐ sisi’ԑ i bo’n, i klolԑ b’ᴐ kpaja kԑ wia sa’n, ᴐ wluwlu i wun, ᴐ nyan wawԑ nun kwlalԑ yԑ mma ng’ᴐ su be’n, be ka lԑ titi.
? Sran wafa onin yԑlԑ wᴐ? ? Blԑ nnyԑ yԑ a fa bu e Min’n i akunndan-ᴐn? ? Blԑ nnyԑ yԑ a fa su i su-ᴐ? Man amun wla kpԑn Nyanmiԑn i klolԑ bᴐ i nuan ndԑ’n kԑn ndԑ’n su:
Kannzԑ man n kan aniԑn wafawafa nin anz’m be liԑ’n bↄbᴐ’n,sԑ n klo-man sran’n, wuun n ti kԑ aaba b’ᴐ tԑ gbleingblein’n sa, nin aaba ndԑ b’ᴐ tԑ gblaungblaun’n sa. Man n yo Nyanmiԑn nuan ijᴐfuԑ, man n si sa nga Nyanmiԑn fa fiԑli sran’m be nyrun’n i ngba, yԑ man n wun sa’n kwlaa wlԑ, yԑ sԑ n lafi Nyanmiԑn su kpa bᴐbᴐ b’ᴐ man n kwla se oka’m be kԑ be tu bé bo wᴐ’n, sanngԑ sԑ n klo-man sran’n, wuun m’an yo-man like fi. (1 Korԑntfuԑ mun 13: 1 – 2)
Anuansԑ laa’n nun mmla’n i nun dan’n yԑ : Klo Anannganman’n ᴐ Nyanmiԑn’n kpa, fa ᴐ wla’n kwlaa guԑ i su, man wᴐ akunndan’n kwlaa trԑn i su. Man e usa e wun kosan nanwlԑ su : ? E klo Nyanmiԑn sakpa ? ? E wla’n kwlaa wo i su ? ? E akunndan’n kwlaa o i su ? ? E klo i nin e wunmiԑn’n kwlaa ?
Sran kwlaa ng’ᴐ bu mmla nga i akunndan nanwlԑ su’n, san ᴐ kԑn i wun ase yԑ i awlԑn’n kpԑ i klun afin ᴐ ′wun i wlԑ kԑ ᴐ klo-man i Min’n sakpa. Ͻ ′di i nanwlԑ se kԑ: “N klo-mԑn i kpa, min wla’n kwlaa nu’ԑn i su, min akunndan’n kwlaa nu’ԑn i su, n klo-mԑn i nin min fanngan’n kwlaa. Min akunndan’n nin min klolԑ’n be nun-mԑn i su. Nán Nyanmiԑn ngunmin liԑ ti yԑ min awlԑn’n si-ᴐ. I klolԑ’n ᴐ nian yi-man min akunndan wunmuan’n yԑ min wunmuan’n ᴐ nian kpԑ-mԑn i nyin i b’ᴐ yili min’n i kunngba cԑ wun lᴐ. N klo i bᴐ i nzuԑn’n nin klᴐ sran liԑ’n ti’a kun’n, sanngԑ nán min wunmuan’n yԑ n fa klo i-ᴐ, afin n fa blԑ kpanngban ᴐ nin wunmiԑn kpanngban ᴐ nin sika kpanngban wlԑ i mԑn nun ninnge ngbԑnngbԑn bᴐ be saci’n be nun”.
I b’ᴐ kwla like’n kwlaa yo’n, ᴐ su minndԑ kԑ e di e sa tԑ’n i nanwlԑ, e kaci e sin si sa tԑ sᴐ’n, e sun yԑ man srԑ kun ye afin e bᴐbᴐ yԑ e ti Nyanmiԑn nga e sᴐ i nin-ᴐn, yԑlԑ kԑ e klo e bᴐbᴐ e wun tra like’n kwlaa. E klo-man e Min’n nin e awlԑn’n kwlaa, sanngԑ wuun su yralԑ’n kwlaa fin i sa nun.
Ͻ ti i su kԑ Nyanmiԑn i ya’n jaso e wun. Ͻ fata kԑ Nyanmiԑn bu ye fᴐ nin wie nin blᴐlᴐ sin’n afin Nyanmiԑn ti-man ninnge kwlakwla i bo bolԑ nin i agualiԑ e nguan’n nun. Sԑ y’a kaci-man e nzuԑn’n nanwlԑ su’n, e mlin mlᴐnmlᴐn.
I b’ᴐ yili ye’n, ᴐ si kԑ e ti sa tԑ yofuԑ. I sᴐ’n ti ᴐ klo ye, ᴐ’a yaci-man e, yԑlԑ kԑ ᴐ sunmannin Mari i wa yasua’n kԑ ᴐ wa yi i klolԑ’n i nglo kle sran mun. Krist yiali mmla’n i nun dan’n i nuan. Ͻ nin i Si be kokoli yalԑ kpԑkun ᴐ kleli i sᴐnnzᴐnfuԑ mun wafa nga sran nin Nyanmiԑn be fa koko yalԑ’n:
E Si bᴐ a o nyanmiԑn su lᴐ, Man sran’m be wun i wlԑ kԑ ᴐ ngunmin yԑ a ti Nyanmiԑn nin-ᴐn. Man ᴐ sielԑ blԑ’n ju. Man e bᴐ e wo asiԑ’n su wa’n e yo ᴐ klun sa kԑ be bᴐ be o nyanmiԑn su lᴐ’n be yo’n sa. Man ye aliԑ ng’ᴐ ju ye ndԑ’n. Yaci sa nga e yo wᴐ’n cԑ e kԑ e yaci be bᴐ be yo é tԑ’n be liԑ’n cԑ be’n sa. Nán yaci e lԑ man lakafuԑ’n laka e Sanngԑ de ye i sa nun. Afin a ti kpli, A sie like’n kwlaa Yԑ manmanlԑ’n ti ᴐ liԑ titi. Man ᴐ yo sᴐ! (Matie 6:9-13)''
Krist ᴐ’a mԑnmԑn-mԑn i bᴐbᴐ wun sanngԑ ᴐ manmannin i wawԑ nun si b’ᴐ o nyanmiԑn su lᴐ’n, yԑ ᴐ seli kԑ : “Min aliԑ’n, yԑlԑ sran b’ᴐ sunmannin min’n i klun sa yolԑ yԑ i junman’n i bo gualԑ” (Zan 4: 34)
I sᴐ’n nun yԑ Krist yili klolԑ b’ᴐ klo i si nanwlԑ su’n i nglo-ᴐ. Mari i wa yasua’n ᴐ ti-man atrԑ yifuԑ annzԑ sran b’ᴐ ci ninnge kpanngban Nyanmiԑn sulԑ’n ti, afin i Nyanmiԑn klolԑ’n fiteli nglo weiin yԑ be wun wafa ng’ᴐ klo Nyanmiԑn’n, klolԑ ng’ᴐ fa klo sran’m be kwlaa’n i nun. Ͻ sinnin klᴐ dandan nin klᴐ kanngan’m be su, ᴐ kan kle sran’m be kwlaa kԑ Nyanmiԑn ti be Si nan ᴐ klo be, ᴐ yoli tukpacԑfuԑ’m be juejue, ᴐ fuannin sran’m be nun wawԑ tԑtԑ’m be kwlaa, ᴐ cԑnnin be bᴐ be wuli mun, ᴐ tuli mԑn’n i sa tԑ’n, ᴐ siesieli nvlenvle kwlaa nunfuԑ mun be nin Nyanmiԑn be afiԑn. Krist i moja’n guali kpԑ kunngba yԑ ᴐ tuli e tԑ’n kwlakwla, ᴐ man y’a yo saun. Nyanmiԑn buli i fᴐ e sa tԑ’m be ti, k’ᴐ yo nan sran kwlaa ng’ᴐ lafi i su b’ᴐ fԑ i wla’n guԑ i su’n, ᴐ’a nyan anannganman nguan’n. Krist nun yԑ Nyanmiԑn yi i klolԑ’n i nglo-ᴐ. I waan ᴐ yo nan e kaci sran bᴐ be si aunnvuԑ kԑ i bᴐbᴐ ti aunnvuԑ sifuԑ’n sa.
Kԑ ᴐ yoli i sᴐnnzᴐnfuԑ’m be saun’n, Krist fԑli i Wawԑ’n mannin be bᴐ be srԑ i’n yԑ be minndԑ i aklunye’n i kwlalԑ’n. I Wawԑ sᴐ’n yԑlԑ Nyanmiԑn bᴐbᴐ i klolԑ’n kԑ Sunmanfuԑ Pᴐl klԑli’n sa: Nyanmiԑn man i Wawԑ b’ᴐ fa mannin yé’n, ᴐ kle ye klolԑ dan nga Nyanmiԑn bᴐbᴐ fa klo e’n e awlԑn’n nun (Rᴐmfuԑ mun 5: 5)
Wawԑ sᴐ’n kle e Nyanmiԑn i atin’n, yԑ ᴐ man e kpajalԑ, k’ᴐ yo nan y’a kwla klo Nyanmiԑn kpa nan y’a fa e wla’n kwlaa a guԑ i su, nan e akunndan’n kwlaa a trԑn i su nan y’a su i aklunnjuԑ su’n. Wawԑ sᴐ’n su e bo man e nanti kԑ Krist sa yԑ e srԑ Nyanmiԑn man be nga mun. Nyanmiԑn ᴐ’a man-man e mmla bᴐ be ti sukusuku kԑ e di be su ; ᴐ kleli e atin’n yԑ ᴐ mannin e kwlalԑ kԑ e fa nanti i klun sa yolԑ’n i atin’n su’n.
Wↄ bᴐ a su kanngan fluwa nga’n,
suan Nyanmiԑn ndԑ kwlaa nga e klԑ be nin fluwa mma ble tuun kpa mun’n ᴐ ti nun. A wa nyan fanngan yԑ a wa klo Nyanmiԑn nin wᴐ awlԑn’n kwlaa nin wᴐ akunndan’n kwlaa. An srԑ Nyanmiԑn kԑ ᴐ fԑ i klolԑ wawԑ’n yi amun.
? An klo kԑ an si sa uflԑ mun Nyanmiԑn i mmla’n nin i kasiԑ’m be su?
An klԑ e fluwa, e ′fa Krist i Jasin Fԑ’n, ↄ nin Nyanmiԑn ndԑ’n i wun akunndan bulԑ fluwa wie mun, ᴐ nin srԑlԑ wie mun, ′blԑ amun. Amun wa wun Nyanmiԑn i mmla ko ju ya-nnun tra su’n fluwa sᴐ’m be nun. Nyanmiԑn i Wawԑ’n ᴐ wa uka amun mmla sᴐ’m be su falԑ’n nun.
An wla amun janvuԑ’m be fanngan man be klo Nyanmiԑn nin sran mun
An bo Jasin b’ᴐ kan Nyanmiԑn i klolԑ’n i ndԑ’n kle amun tranfuԑ mun nin amun jannvuԑ mun. An fa fluwa’n nga cԑ be. E wa blԑ amun fluwa nga wie, an su tannin-man nun kalԑ fi. I nga an kwla fa cԑcԑ sran mun’n, an bo i nuan kle e. An klԑ amun adrԑsi’n i weiin kpa.
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net