KALAAN 09 -- Kababaya ingka so KADNAN a TUHAN sie ko intiro a puso ka, sie ko intiro a niyawangka ago sie ko intiro a bager ka (Deuteronomio 6: 5, Mateo 22:37)
So mga taw na dimalalagoy roo ago sii ko kawya-goyag iran, dimanamar para aden a mibtad iran ko lamesa a paan, so mga buntal iran na mapepeno a ating (Genesis 3:19). Siran na mimbabawata ago dimangilay sa kalilintad ago kapipiya ginawa. Ogayd na daa paki-alam iran ko tuhan; knaba skaniyan parte o skedyul iran.
So mga ped a taw na ipkalek iran so tuhan a miyangaden. Miyamangni siran sa rela sie ko mga miyandosa iran, miyalek siran ko mala e kabager , ago maalek sie ko gawaii o kapangokom. Misambayang miyamoasa ago miyangato para ko tuhan. Da iran pen mailay a so mapiya a galbek iran na korang para makaligtas. Bapiya so mga demonyo na miyangimbenar sie ko kaisa-isa o tauhan na dipananabaden sa kalek. (Santiago 2:19)
So mga taw a miya ilay iran so benar na lagid o sunflower, mayto-mayto na dimbkar poon sie sa kapipita taman sa magabi, psosopen miyan so sndako ago pagto, ago “POGONGA” sa madakel. Bapiya antaa e mbalingan sie ko tuhan niyan a kenaba maaalang-ngalang senep so kasindaw babaya ago dimanimo sa kabager poon rkiyan, pagawid ko daa kaposan niyan a mga onga.
Antonaa ka a klase a taw? Pira ka minoto sie ko salongan a dingadipamikiren so tuhan a pserbisyonhan ka? Toosi nga antonaa e inisorat sabap sa babaya.
Diyako ditaro sa mbarang-barang a Osyat poon sie ko mga taw ago mga anghel, ogayd na daa babaya ron, lagid ako o pakabowing a brass ago tomayalinting a cymbal. Bapiya pen diyako dimangosiyat sa mga pipiya, Ago pkatokawan aken so langon a maoolawla Ago pakasabot sie ko langon a pakamemesa Bapiya pen mala ako e pangimbenar, A mala ptalimbagak ako sa bukid, ogayd na daa babaya ko poso Na daa pakayd iyan (1 Corinto 13:1-2)
So pinaka importante a sogo sie sa old testament na kababayaan so kadnan a tuhan sie ko langon a puso, niyawa, ago kabager ka. Kailangan na eksaminen tano a ginawa tano: Piyor a pkababayaan tano so tuhan? Pkababayaan tano skaniyan sie ko langon a puso, niyawa ago langon a kabager tano?
So skaniyan a dimamimikiran sangka. E a sugo piyor , ipangalimbabaan niyan a ginawa niyan ago ptawbat sabap sa skaniyan na miyakandosa ago miyakawatan sie ko tuhan a kaylangan na pag kumpisalan, “da aken skaniyan kababaya-e sie ko intero aken a puso niyawa, ago bager! So pamimikiran naken ago ranon na da baling sie ko tuhan. So puso aken na kenaba ron matatago so tuhan, so pkagedam aken na kenaba napepeno a babaya o tuhan ago so matatago ko didalem na kenaba derekta sie rkaniyan pkababayaan naken so kadenan ogayd na kenaba aken skaniyan pekababayaan sie ko intero aken a niyawa, siyayang aken so madakel a panahon, kabager ago perak sie ko binasa a mga gamit sie sa doniya”
So kadenan na dimnayaw rektano a tawbat ago ptaroon so mga miyandosa a penggoraok sie ko kapsimba,kaan tano maangkon a so mga idol tano e psimbaan tano, pkababayaan tano so mga ginawa tano sie ko intero a puso ago pag-asa tano. Kenaba tano pkababayaan so tuhan, poon rkiyan so langon a mga pangni.giya-e so mga original tano a dosa.
Deserve tano so tuhan. So kaparosahan tano na kapatay ago kanarakaan, sabap sa so tuhan na kenaba mauuna ago mauuri ko mga niyawa tano. Ibarat o di tano ptawbat piyapiya, pangadadadag tano imanto ago taman sa taman.
So miyangaden na pkasabotan ago katawan niyan so mga miyandosa tano. So piyor pkababayaan tano niyan ago di tano niyan pagawaan, inipakawit iyan so wata e maria ka an mipikiilay rkitano so piyor a babaya o tuhan ago so mga taw. Si kristo na mbabaling sie ko pinaka importante a sogo-an a perpekto ago sincere.Inipamangne niyan so mga miyangimbenar rkiyan ago piyamangdaw niyan siran ko kapsimbaa ko tuhan:
Ama ami a sisie sa langit Simbaan so ngaran ka. Datu ingka skami, Ago mbaloy a benar so Kapaar ka sie sa donya Pitaro a tiyuman roo sa langit Bgan ka rekami so kamapiyaan A kailangan ami oman kapita Ago rila e kamingka ko miyandosa ami Lagid o kiyarilae ami ko mga miyaka Sala sie rkami Di kami nga betaden ko kamaregenan Pakawatana kami nga ko kamarataan Sabap sa rekka so kadatu So pag-asa ago kabarakat Taman s ataman Amen. (Mateo 6:9-13)''
Si kristo na da niyan sla-slaa so ginawa niyan,aya niyan pisla-sla na so arwak o ama sisie sa langit ago mitaro, “So pangenengken aken na Kanggelbeka ko inisogoo miyakawit raken, ago pasaden so galbek iyan” (Juan 4:34).
So kanggelbeke sie, si kristo na migay sa piyor ago perpekto a babayaiyan ko Tuhan. So wata e Maria na knabaSufi odi na Ermitanyo, sabap so babayaiyan ko Tuhan na piyor ago epektibo lagid o kapkababayae niyan ko langon. Binisita niyan so mga inged a plalakaw, inirampay niyan so kambabaloy a amao Tuhansie ko langon, piamolongan niyan so mga sasakit, piyamolongan nyan so mga siyolkan a marata, piyakambuwat so miyamatay, kinowa so dosa sie ko Doniyaago migay sa sapeng ko dosa para sie ko langon a inged, kaan makambalingan ko Tuhan. Si Kristo na linimpiyohan tano niyan sie ko mga dosa tano piyakawkit sie ko kamapiyaan niyan. Skaniyan e kominowa ko kapangokom o Tuhan para sie rektano. So taw a pangembenar ago sarig rkiyan na pakakowa sa kawyag-oyag a daa tamana iyan. So babaya o Tuhan na sie ki Kristo. Tomoon niyan a mbaloy tano a mapiya a taw sie ko ranon niyan. Tomoon niyan ana mala tano e ranon sie ko Tuhan.
Pimbaloy niyan so mga taw niyana mga pipiya poon sie ko ga dosa iran, inodod e Kristo so mala e kabager a espiritu niyan sie ko mga taw a misambayang ago minayaw kop ag-asaa riski niyan. Giyangkae a mapiya a espiritu na babaya o Tuhan, pitaro sie ko inisurat e apostol Pablo, “So babaya o Tuhan na inododiyan sie ko mga posotano piyakawkit sie ko Espirito Santo a inibgay rektano.” (Roma 5:5).
Giyae a Espiritu na migay rektano sa sindaw kaan tano kababayae so Tuhan sie ko intero a puso, niyawa, ago intero a bager tano, ago pserbisyuhan skaniyan ped sie ko kapipiya a ginawa. Giyae a espiritu na moonot rektano lagid e Kristo ago kapamangni rkiyan para sie ko salakaw. Da tano sugua o Tuhan a sonoden so mga sogo-an a di kagamit.; Bigan tano niyan sa guidance ago barakat para mawyag sie ko kapsimbaa rkiyan.
Pkababayaan ami a dimamatiya,
memorays angka so langon a bersikulo a makaala e printa, sabap poon ini sie ko mala e tarima sie ko kabarakat o babaya sie ko tuhan, sie ko intero a puso ka ago pamimikiran. Pamangni angka ko tuhan a ebobos iyan so espiritu a babaya sie ko puso ka.
Bangka tomoon a pamatiya paroman sie ko mga sogoan ago pramis o tuhan?
Makaririparado kami,a makawit reka sa ebanghelyo e kristo pedon so mga osyat ago kasambayang. Kaylay nga sie na sobra pen lima gatos a mga sugoan ago, o tumoon ka a makakowa sa tabang o espirito o tuhan, began ka niyan sa pag-asa a mituman giyangka-e.
Talo-e nga so mga layok ka sa kababaya-e iran so tuhan ago so taw.
Began ka so mapiya a balita puon ko babaya o tuhan sie ko mga siringan ka, began ka ini kiran a dipamatiyaan. Skami na pekababaya sa kapakawitan ami reka sa limitado a kopya, a daa bayad iyan, o ptaro-an kamingka sa kadakel o ipamgay nga. Surati nga ini a address:
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net