KALAAN 04 -- So Kalilintad na Mirampay Ruka
Bubaling tano sa donya a madakul a mga samok ron.So bomba a pagologun a poon sa poro, mga katidawa sa ingud, so kiya binasa o ekonomiya, so kang gutma,aya tomiyampar na kaluk ago awid a akal. Madakul a kiyadaan sa kamapyaan.
Si Kristo na piyaka tokaw tano niyan ko mga tomatalingoma: “Kagdam iyo so mga katidawa a poon sa mawatan, ogayd na di kano pkaluk. Giya-e na kailangan a mawla-ola….” (Mateo 24:6)
Kubatiya tano saan a so kalilinntad na kowaan sa doniya (Piyagosay 6:4). Sie ko somiyagud a 2,700 ragon na piyakawkit o Tuhan sie ko nabi a si Isaias. “Daa kalilintad; Pitaro o Tuhan sie ko mga baradosa” (Isaias 48:22; 57:21).
Antaa giyangka-e a mga baradosa?
Madakul a somasarig ka siran na mas mapiya a taw oba so pud sabap sa siran na mga pipiya e galbuk. Banda siran na mga edokado ago mga ala e tamok oba so pud. Somasarig so pud a mababaliwala so mga rarata a miyang galbuk iyan sabap ko mga kapiya iran e galbuk. Na so timbangan na pabor kiran sie ko gawie a kapangokom. Mariribat siran! Ibarat o taksun tano a ginawa tano sie ko Tuhan, skitano na mala a korang. Antaa e takus sa ginawa niyan sie ko kamapyaan o Tuhan ago makalimoon na plutaw a ambog ago mala e dangkowagan sa ginawa niyan. And aka piki kompara?
Madakul a miyaka sogok ko ipuka rarangit o Tuhan sa panahon tano imanto. Sabap sa miyasanay siran mbaradosa.
“Miya ilay o Tuhan a tanto a mimbaradosa so mga taw sa doniya ago tomataros siran mamimikiran sa mga rarata." (Genesis 6:5)
Si propeta David na gomiyoraok, “Miyadudug so kadaklan ago mimbaloy siran a mga baradosa; Dadun a minggalbuk kiran sa mga pipiya” (Salmo 14:3; Roma 3: 10-12).
Mdakul imanto a minggalbuk sa kamarataaan na maeelay o kalangowan, daa kaya ago kasundit. So doniya na lagid o Sodom ago Gomorrah, na skitano na maapud kiran! Biyalewala tano so dosa tano, na kawatan tano a so rarangit o Tuhan na itana iyan rkitano. “Rido-ay o Tuhan so ipoporo iyan a ginawa niyan, priskiyan o Tuhan so mangangalimbabaan” (Santiago 4:6)
So kalilintad na pakawma rkitano a poon sie ko Tuhan
So masaling gagaw a Tuhan na miyaki ilay ki propeta Isaias sabap sa adun a wata a kawyag. Skaniyan na pumbaloy a taribolong ago datu sie ko kalilintad. Daa tamana o niyawa niyan (Isaias 9:6-7). So wata e Maria na minimbawata sa Betlehem, so mga malaekat na miyababaya ago miyagidayda “Sla-slaan so Tuhan sa kaporoan ago sa lupa.Kalilintad ko mga taw a pkababayaaan niyan!” (Lucas 2:14)
Ogayd na mayto bo a mga taw a lumika ko mga puso iran sie ko kalilintad o Tuhan ago miyakagdam sa kapdi. So gagaw o Tuhan na daa taman niyan na sunup ko mga taw a tomiyarima ago miyangimbnar rkiyan.
Si Kristo na pagoyagun niyan paroman so mga miyamatay. Miyaki ilay skaniyan sie ko mga taw a miyanga-aluk na pitaro iyan kiran na “So kalilintad na mirampay rukano” (Juan 20:19,21,26)
So wata e Maria na inipiki ilay niyan kiran so daa tamana iyan a kalilintad.Kalilintad a inibugay o Tuhan sa taros a inawn tano niyan sie ko mga dosa tano ago so mga ala a riski a inibugay niyan: “Tinigur iyan so mga sasakit a dapat na skitano e tigur ron ago biyawa niyan so mga gdamun tano; Kasasabota tano ron na so kiya tigur iyan na siksaon o Tuhan, ogayd na piyalian skaniyan sabap ko mga dosa tano; Miyanga raranug skaniyan sabap ko kambaradosa tano; tinigur iyan so lambit a kiyasabapan a kiyapaka ligtas tano ago sabap ko mga garas iyan na miyanga pipiya tano. Skitano langon pdon so mga pangangayamun a miyadudug ago da okit ko piyor a lalan. Skaniyan e piyaka gdamun o Tuhan ko langon a miyandosa tano” (Isaias 53:4-6)
Si Kristo na inimbalingan tano niyan paroman Ko Tuhan. Iniligtas tano niyan ago lomikat rkitano sie ko pabor ago kalilintad o Tuhan.
So wata e Mria na Kunaba panugul rka kaan ka tarimaa so kalilintad, knaba iyan pwersaan rka.Ipiki ilay niyan rka kaan ka mapili ago tarimaan sie ko kamapyaan o kalilintad pud o sarip ago kapanalamat.
Katarimaa sie ko kalilintad
Si Kristo na pitaro iyan ko mga omat iyan “So kalilintad na itagak akun rkiyo. So kalilintad a knaba lagid o kibugay o doniya. Di kano pkaluk.” (Juan 14:27)
So datu o kalilintad na ini piki ilay niyan so kamapyaan sie ko mga taw a somiyarig rukiyan. So miyaka kowa sa kamapyaan “Mama antawaa ka babay” na pumbaloy “a wata sie ko kalilintad”. Kiyomperma ini e apostol Pablo sa sikreto na inilangkap so kiya sinagudan niyan. “Skitano namiyakanaw sie ko kamapyaan,sabap sa pud tano so Tuhan sie ko kalilintad a piyaka okit ki Hesu-Kristo.” (Roma 5:1)
Madakul a tomiyarima sie ko kalilintad ago imanto na bubaling sie ko mga puso iran.Ptalowan ami ska a pamangni ka ko Tuhan, ka tarimaan niyan. Lagid o kiyatabangi e Kristo ko mga taw a tiyontol iran so kalilintad ago somiyarig ago tomiyarima rkiyan. So poso ago pamikiran ka sie ko mga rarata ako mga rurusik. So langon a dosangka na prilaan sabap sa mala e kabagur so Tuhan.Giyangkae a kamapyaan na sunup rka ago imbalinganka niyan ko Tuhan a mbugay sa daa kaposan iyan a kalilintad.
Swerte so dimbaal sa kalilintad
So tomiyondog ki Kristo na pagto kiran so piyor a babaya, daa kaposan iyan a kalilintad, kasabar, maayonun (Galacia 5:22-23). Banga tomoon a makagdam sa lagid aya a mga olawla? Banga dipangilaya imanto so kapagintaw a limpyo ago mapya?
Tomoon o Tuhan na katawpikan ka sa kalilintad sabap sa marsiksie sa doniya. So taw a miyaka tarima sa kalilintad na kapakay niyan irampay sie ko pud. So taw a kiyarilaan so miyanggalbuk iyan a marata na kailangan a karilaan niyan mambu so mga taw a miyakanggalbuk sa marata rkiyan. Si Kristo na kabaya iyan a imbgay so kalilintad sie ko pamilyangka, skwelaan, ago galbukan. Kailangan na dika pumbaloy a mariit ago obanga poroon a ginawa nga sabap sa so wata e Maria na pumbaloyn ka niyan a masabar ago mangangalimbabaan, skaniyan na moonot rkitano. Si Kristo na pugilayn niyan so mga taw a mga pipiya ago knaba. So taw a pogonot rkiyan na plalakaw a knaba niyan ipoporo a ginawa niyan, tomatarug skaniyan aoripun o kalangowan ago ki Kristo.
Si apostol Pablo na pitaro iyan so kapagintaw a psimbaan ka so Tuhan. “So kamapyaan o Tuhan na di kataks na aya pagilay ko puso iyao ago pamikiran piyakawkit ki Kristo Hesus.” (Pilipos 4:7)
Tomoon ka a maka kuwa sangkae a kamapyaan a poon sie ko Tuhan?
Ibarat o psorat ka rukami na pakawit kami rka sa Ebanghelyo e Kristo pud a ipangni ami ska ko Tuhan para katabangan ka niyan a makabagur so paratiyaya aka ko Tuhan.
Sampayn ka so mapiya a balita, so kamapyaan o Tuhan sie ko mga siringan ka
Si Kristo na piyasad iyan so kapamangda-o niyan sie ko katimo-timo na inibagak iyan giyangkae a osyat iyan “Giya na pitaro akun rkiyo a adun a kamapyaan niyo sie rakun. Sie sa doniya na adun a katidawa ago samok ogayd na tiyaban ajun so doniya.” (Juan 16:33)
O kiyababayaan ka giyangkae a dipamatyaan na kapakay a edowag ka ko mga siringan ka ago ko mga taw adi iran katawan so kamapyaan o Tuhan. Pakawit ka sa sorat rkami, na pakawitan name ska sa kopya para ko mga dinggiloba sa kalilintad. Ktaya so address ami:
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net