KALAAN 05 -- Riparado ka sa lalan o Tuhan! (Isaias 40:3)
So kapangosiyat na ding gagaanan na daa mambubutad niyan sa kawyagoyag, miyanamar siran sa kakowaa ko paan oman kapita, da iran pamikira so kapatay a dikiran dimnayaw. Mayto a mga taw a dimamimikir ago ikakaluk iyan so Tuhan, mga taw a dinggalbuk ko mga sugoan niyan kaan siran makatarima ko piyor ago toroon siran sa mapiya.
So miyangbaal ko langowan na da niyan lipati so mga piyangbaal iyan.Pkababayaan ago pipikirun niyan siran, diniyan siran dipangosiyatan ago pagilayn niyan so mga puso iran. Kabaya iyan a bgan siran sa kabagur a poon sie rkiyan, opama ka pangni siran sa rila ago pumbalingan sie sa rkiyan.
So Tuhan songowan tano niyan
So kiya sopaka e Adam ago Eva ko Tuhan, miyaya siran ago mitapok, miyapamikir iran so kamarataan a miyasugok iran. Ogaid na da niyan siran pamikiri sa marata, piyangilay niyan siran na pitaro iyan, “And kano, Adam?” (Genesis 3:9). So miyangbaal ko langowan na piyangilay niyan siran na miyangingisa, “Anda ka? Anda miyataman so kawyagoyag ka?”
So Tuhan na tiyawag iyan so Abraham sa Mesopotamia, poon sie ko babalingan niyan a mapupuno a korapsiyon sabap sie ko kadakul a psimbaan niran, mimbaloy skaniyan a daa turog iyan sa diniyan di kapag biyahe para sie ko limpiyo ago mapiya a walay. Ska mambo, pkababayaan ami a dimamatiya, dimangilay sa laan a piyor, dimangilay sa daa kataposan niyan a babalingan para sie ko ginawa nga?
Si Jacob na isa a taw a mala e sabot a miplano sa marata. Miyawa skaniyan ago somiyong sa mawatan a ingud na roo skaniyan miyaka pangaroma. Miyapasad so pira ragon na komiyasoy skaniyan sie ko ingud a poonan niyan. Ogayd na so mga malaikat o Tuhan na tominindug sie ko laan niyan na piyarusahan niyan sabap sie ko kiyapakasopak iyan. Ogayd na mangingimbunar si Jacob a so Tuhan na mala e gagaw. Skaniyan na miyakinggaposa ago pitaro iyan, “Di akun ska mbukaan taman sa di akongka rilaan!” (Genesis 32:26). Ska, kaptan ka so Tuhan taman sa di kaniyan karilaan?
Si Moses na miyawa sa Egypt a mararata a ginawa niyan sabap sie ko rarangit iyan na miyakapatay skaniyan sa sakataw a pagilay a miyamtol sa oripun a Hebrew. Mapasad so pira ragon na miyakiilay so Tuhan rkiyan na pitaro iyan “So sakun na Sakun”, Skaniyan na di kasalin. Skaniyan na pumbaloy a malay paratiyaya taman s ataman. So Tuhan na miyatoon ka niyan sie ko kararata a ginawa nga? Miyakinug o puso oka so diniyan dikapanawaga sie rka? Miyaka gdam ka sa paratiyaya sie ko isa a da salin?
Si Samuel na wata a kangudaan na tiyaloan skaniyan o Tuhan ago piyamangdao niyan skaniyan kaan skaniyan mbaloy a pangongokom sie ko ingud iran. Knaba bo mga toto-a e piyamili o Tuhan, pudon so mga kangodaan. Skitano na kailangan a mapamangdao tano so mga wata tano sie ko mga kataro o Tuhan ago kailangan so gabay tano kiran. So Tuhan na tomoon niyan somong sie ko mga kangodaan imanto, para mbaloy a alalay lagid ka.
Si David na miyaka sugok sa kapangimbabay, aya kiya sabapi sa kiyabonoa niyan ko karoma o babay. Ogayd na da skaniyan bokae o TUHAN. Skaniyan na miyakawit sa sakataw a propeta kaan niyan mataro so miyasala iyan. Si David na mitawbat ago mipoon mangosiyat ko mga taw a baradosa a mbalingan sie ko Tuhan. Si David na miyaka kowa sa riski ago rila a poon sie ko Tuhan. Batiyaangka so Salmo 51; langagun ka ago pamangni angka a bgan kano sa paratiyaya ago rila lagid o siyowa e David.
Si Isaiah, so priest, miyaka ilay sie ko kala e kabagur o Tuhan, ago gumiyoraok, “Mararata a ginawa ko!, daa miyapasad akun! Sabap sa sakun na mama a marsik e modul, ago mbabaling ako sie sa look o mga taw a mga rurusik e modul; Ogayd na miya ilay akun so Hari , so Tuhan.” (Isaias 6:5)
Gomiyoraok skaniyan sabap sa so sindaw o Tuhan na kinuwa niyan so misasapung rkiyan sie ko kawyagoyag iyan ago sie ko mga taw a mipagoobay niyan. Tomoon ka a makaobay sie ko Tuhan para mailay so kabagur iyan? Na kasabotan ka a so dosangka na kimblag ka sie ko Tuhan. Katawan ka a so dosangka na pagurnun ka niyan a maka obay sie ko miyangbaal ko kalangowan na kailangan na makowa ron? “Ptugulun ami ska, mbalingan ka ko Tuhan” (Corinthians 5:20)
Riparado ka sa lalan o Tuhan!
Sa taw a pamangniin niyan a makapiya a ginawa ron o Tuhan na kailangan na paratiyaan niyan so mga sogoan. Bapiya antawaa e miyakandosa sa da tibabaa ago da pamaratiyaya sie ko mga sugoan, na kailangan na ptaroon niyan ago pamangni sa rila sii ko Tuhan sabap sie ko mga mini pramis iyan, “Ibarat o ptaroon tano so mga miyandosa tano, Skaniyan na kasarigan ago prilaan tano niyan sie ko mga miyandosa ago plinisan tano niyan sie ko miyanga sosogok tano a kamarataan” (1 Juan 1:9). So da taro sa bnar, song skaniyan sie ko Tuhan na taroa niyanon so bnar. So miyaka porot sa pagigimo sie ko walay a knaba niyan rkan na kasoyn niyan ago pangni sa rila. So miyakanggolawla sa marata sie ko salakaw a taw na taroa niyan ko Tuhan so miyanggolawla niyan, pangni sa rila ago di niyan dun psaromanan. So miyakanggolawla sa kariit sa pud, pdon so mga loks iyan, karoma odi na mga wata iyan, tabangi nga siran sa makapamangni siran sa rila.
Si Juan a Baptist siyunod iyan so pasad iyaan ki Isaias a propeta lagid o kiya taroa niyan ko bnar a miyakowa niyan, “So lagam o isa na dimlalis sa kagoraok: ‘Riparadowa niyo so lalan o Tuhan;pangbaal kano sa pantar a lalan para sie ko Tuhan tano. Oman e isa a silid na kiporo ago oman e isa a palaw na kibaba; so lalan a lobak-lobak a lalan na pumbaloy a pantar ago so makrang na pumbaloy a matilak; so kabagur o Tuhan na pikiilay, ago so langon a badan na kaylay iran” (Isaias 40: 3-5; Lucas 3: 4-6).
Si Juan a Baptist na pitaro iyan a daa a sakataw bo a perpekto. Skitano langon na adun a miyasala iyan ago kailangan na kalimpiyowan ago mbaloy a mangangalimbabaan. So taw a mitigur ago makagugudam sa depression na kailangan na mapukaw ago kapangoyatan sa mapiya. So miyangakal sie ko pud, paki gnukun kawn, lalakaw skaniyan sa mapiya, ago bayadi niyan so mga miyaakal iyan.
So tomatalondog a verses na mga soguan o Tuhan: “Kababaya ingka so Tuhan sie ko intero a puso oka, sie ko intero a niyawangka, sie ko intero intero a kabagur ka” (Deuteronomy 6:5), ago, “Kababayaengka so siringan ka sa lagid o kapka babayaengka ko ginawa nga” (Leviticus 19:18). O tomoon ka a kababayaan ka so Tuhan, siyapangka so mga sogoan niyan. Pangni angka ko Tuhan a toroan ka niyan sa andamanaya e kariparado anga ko lalan iyan a skaniyan na song rka sa personal.
Maka ririparado so Tuhan para rka
So wata e Maria na mingimbawata sa pakamumusa, so ispirito o Tuhan a mimbaloy a taw sie rkiyan. Si Kristo na inipakawit sie ko mga badan a malolook a korapsyon, mga baradosa a taw. Piyakiilay niyan kiran so babaya iyan kiran piyakawkit iyan sa kapamolong sie ko mga adun a sakit iyan, ago piyaka liyo niyan so somosolk a marata sie ko mga taw. Ogayd na madakul a da tarima ago da pangimbnar a piyor so so babaya iyan kiran.
Likaan o masaling gagaw a Tuhan so puso iyan sie ko langon a priparado sa lalan sie ko kapaka oma niyan. Giyae e sabap a so wata e Maria na kinowa niyan so dosa sie sa doniya, miyatay para rkitano, linimpiyowan tano niyan sie ko mga dosa tano, ago piyaka piya tano niyan sa daa bayad iyan. Skitano ka kailangan na kababayaan tano ago manalamat rkiyan sabap sa likaan niyan so pintoan sa kaporoan.
So kapakawma e Kristo sie sa donya na sekreto ogayd na giyangkae e pinaka importante a kawla-ola sa kasaysayan o mga manosiya. So Tuhan na miyakawma sie sa donya kaan so donya na makakasoy rkiyan. So Tuhan na rinilaan niyan so langon a miyamangni ron sa rila ago mimbalingan rkiyan. So somiyabot sie sangkae a sekreto na mala e sabot, ago so taw a tumiyarima sangkae na pagayonan.
So Tuhan na song rka sa personal
Si Kristo na mimbowat poon sie ko kuba niyan ka tiyaban iyan so kapatay, skaniyan na somiyong sa langit, babaling roo pud iyan so Tuhan. Inipamangni niyan sa mga taw a pkababayaan niyan. Katawan niyan so kahinaan ago kalakasan niran. Giyangkae e sabap a inipakawit iyan so kabagur iyan. Inako da skaniyan pun maka song sa langit, pitaro e Kristo, “Ptaroon akun rkano so piyor, so gyuto a kapiya niyo na pakawatan ako; Ka ibarat o di ako pakawatan rkiyo na di rkano song so dimangangampian; Ogayd na o pagawa ako, skaniyan na ipakawit akun rkiyo” (Juan 16:7). So Tuhan na song rkitano sa piyakaokit ko mala e kabagur, so dimangangampian, a mbabaling sie ki Kristo.
Likaan ka so puso oka sie ki Kristo? Skaniyan na tomoon niyan a mabago a ginawa nga ago pnoon ka niyan sie ko pagmamahal iyan kaan so kapipiya a ginawa, miyatey a katigur, ago kaintad na maling rka (Mateo 11:29, Galatians 5:22-23). So Tuhan na dimanoktok sie ko puso oka. Plukaan ka so puso oka rkiyan? Obangka pakategasa so pamimikiran ka sie rkiyan, ogayd na riparado ka sa lalan o Tuhan sie rka.
“Tindug ka ago sinang ka; Sabap so kasindaw nga na miyakawma! Ago so riski o Tuhan na sumibang sa poro oka. Sabap sa kailay, so malibuteng na sapngan niyan so doniya, ago pakadalum so kalibuteng sie ko mga taw; ogayd so Tuhan na sbang sie sa kaporoan niyo, ago so kabagur iyan na kaylay sa kaporoan niyo.” (Isaias 60: 1-2)
So Tuhan na pakawma sie ko kalangowan
So babaya e Kristo na sie ko mga taw a miyabago sie ko diran dikapanampay sa kamapiyaan o ebanghelyo sie ko mga layok ago siringan niran ago taro angka kiran a so Tuhan na makaririparado a mabago kano. Obangka talikodi so ginawa nga, ogayd na song ka ki Kristo ago pangilaya so mga miyadadag.
Ibarat o dingka katawan anda manaya e ka serbesyohi ko Tuhan, panambayang ka ago pamangni angka a toroon ka niyan sa piyor a lalan. Ipamangda-o niyan rka so mga okit o kakaraota ko pud, kapamangbaala ko mga pipiya a galbuk, ago kabugay sie ko mga dimangangailangan. So Tuhan na lkaan niyan so ngari ika kaan ka makataro sie ko mga taw a tomoon niran mamakinug sa pagmamahal ago kabagur o Tuhan. So Tuhan na piyaka bagur ka niyan, somiyong rka ago siniyap ka niyan. Sarigun ka so ginawangka sie ko Tuhan, kapno kano a riski. So Tuhan na pag arinsen niyan so kapipiya a ginawa para rka.
Pamimikiraningka giyangkae a misteryo a kapakawma e Kristo
O tomoon kapun a mas makilala so kapakawma o Tuhan sie ko mga mama ago babay sie ko miyanga iipos, imanto, ago tumatalingoma, kapiyaan ka na pakawit ka sa sorat rkami ago pakawit kami rka sa ebanghelyo e Kristo pdon so mga kapamimikiran ago kapamangni sa rila, kaan ka makabagur so niyat, babaya, ago pag-asa ng.
Pnayawn ami so sorat ka. Ibarat o pakawit ka sa sorat rkami, obanga lipati somorat so ngaran o babalingan ka, kaan miraot so sorat ami rka. Kataya so ngaran o babalingan ami:
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net