Previous Lesson -- Next Lesson
- DƆWƆWƆWO - Le Kristo ƒe ameha si ɖu dzi la me
13. Agbenɔnɔ si bɔ le Sɔlemeha la me tɔwo dome (Dɔwɔwɔwo 4:32-37 )
DƆWƆWƆWO 4:32-37
32 Le ɣeyiɣi sia me la, xɔsetɔawo katã ƒe susu le ɖeka eye wowɔa nu abe ame ɖeka ene. Wo dometɔ aɖeke megabu nu si nye etɔ la be enye ye ɖeka tɔ o, ke boŋ nu sia nu si nye wo dometɔ aɖe tɔ la zu hamenu na wo. 33 Amedɔdɔawo ɖi ɖase kple ŋusẽ blibo be Aƒetɔ Yesu tsi tsitre tso ame kukuwo dome nyateƒe, eye Mawu ve wo katã nu ŋutɔ. 34 Hiãtɔ aɖeke menɔ wo dome o, elabe wo dome ame siwo si anyigba kple xɔwo le la dzra wo, eye wotsɔ ga si wokpɔ la 35 vɛ na amedɔdɔawo. Woma ga la na ame sia ame ɖe eƒe hiahiã nu. 36 Ale Levitɔ aɖe, si ŋkɔe nye Yosef, ame si wodzi le Kipro, eye amedɔdɔawo na ŋkɔe be Bar-naba (si gɔmee nye dzideƒonamela) la, 37 dzra eƒe anyig-ba, eye wòtsɔ ga la vɛ na amedɔdɔawo.
Eye abe alesi Luka Nyanyuigblɔla na mí, le Petro ƒe ma-wunyagbɔgblɔ le Pentekoste dzi megbe la, nukpɔsusu de-blibo le agbenɔnɔ si bɔ le Hame gbãtɔ me ŋu ene la, ne-nema ke wòna mí azɔ, le lãmetututɔ la ƒe dɔyɔyɔ kple apos-tolo eveawo ƒe ɖaseɖiɖi le woƒe amewo ƒe ŋgɔnɔlawo ŋkume megbe la, nukpɔsusu le Hamea ƒe ememe ag-benɔnɔ ŋu elabena menye apostoloawo koe yɔ fũ kple Kris-to ƒe lɔlɔ̃ o, ke boŋ xɔsetɔwo katã ƒo ƒu nye ɖekawɔwɔ va-vãtɔ le nya ewo siwo gbɔna me:
Hame gbãtɔ ƒe ŋusẽ ƒe nya ɣaɣlae nye eƒe lɔlɔ̃ vavãtɔ si menye seselelãme siwo toa ame ŋu o, ke boŋ etso Gbɔgbɔ Kɔkɔe la ƒe kutsetsewo me, woƒe Yesu Kristo dzixɔse wɔ ɖeka le taɖodzinu ɖeka me eye woƒe dutoƒo Gbedodoɖa do ƒome kpli wo geɖe wu kple Aƒetɔ si nye hamea ƒe ti-tina, emegbe, woto edzi xɔa nukpɔsusu ɖeka kple sesele-lãme ɖeka. Wo katã wose veve ɖe wo nɔewo nu, eye wotsɔ nuxaxa kple dzidzɔkpɔkpɔ ɖekae nɔ abe ɖe ɖeka ƒe dzi le ƒoƒom ɖe nɔvia me ene, eye ɖeka ƒe luʋɔ wɔ ɖeka kple nɔvia tɔ. Wo dometɔ ɖesiaɖe kple eƒe amenyenye, gake wo dometɔ ɖesiaɖe gbe eɖokui, to mɔ sia dzi la, exɔ luʋɔ yeye, eya ɖeka, xexeame katã eye wòbɔ, eyae nye Katoli-ko-ha la.
Kristotɔwo ƒe nɔviwɔwɔ nye nya ɣaɣla gã aɖe! Metɔ ɖe nunɔamesiwo kple gazazã ƒe seƒe dzi o, ke boŋ eva eme ŋutɔŋutɔ le nusianu me, eyata wo dometɔ ɖeka melalana kpekpeɖeŋu tso nɔvia gbɔ o, gake wo dometɔ ɖesiaɖe ƒua du tsɔa kpekpeɖeŋunana nɔviaŋutsu si hiã tu. Wobu galɔlɔ̃ be enye ŋukpe kple dzidzɔkpɔkpɔ katã le nunana me, ame aɖeke metsɔ ɖeke le eme na eɖokui o, ke boŋ esubɔa amesiame kple eƒe nunanawo, ga kple adzɔnuwo. Aƒetɔ la ɖe xɔsetɔwo tso ŋukeklẽ, ŋuʋaʋã, galɔlɔ̃ kple ŋuɖoɖo ɖe nunɔamesiwo ŋu me. Nyanyuigblɔla Luka fia mí le eƒe Nyanyuigbalẽa me wu nyanyuigblɔla bubuawo, alesi Yesu xlɔ̃ nu mí tso afɔku si le galɔlɔ̃ me ŋu. Eyata Luka ɖi ɖase kple dzidzɔ le agbalẽ sia me be galɔlɔ̃ ɖu aƒetɔwo ƒe ɖokuitɔdidi dzi, eye wòfia wo be nusianu nasɔ kple wo nɔviwo.
Wo katã wonɔ mɔ kpɔm na Kristo ƒe vava kpuie eye wokɔ wo ɖokui ŋu be yewoaxɔe Esime wonɔ eƒe vava lalam la, apostoloawo ɖi ɖase kple ŋusẽ kple dzidzɔ gã aɖe. Yesu le agbe eye wòle afima eye wòle dɔ wɔm tso eƒe ɖeɖekpɔkpɔ ŋu. Woƒe xɔse le Kristo gbagbe la me nye woƒe ŋusẽ, wofɔ wo tso ame kukuwo dome kplii le woƒe xɔse me eye woɖi ɖase le Mawu si le wo me ƒe agbenɔnɔ ŋu. Womena nufia-fia si ŋu viɖe aɖeke mele o o, ke boŋ dɔwɔwɔ ƒe ŋusẽ gã aɖee wona…
Aƒetɔ la do ŋusẽ woƒe ɖaseɖiɖi eye wòdzi eƒe amenuveve ɖe edzi gbesiagbe ɖe amesiwo lɔ̃ ɖe eƒe ŋkɔ dzi, eƒe ŋusẽ gɔ̃ hã wɔa dɔ le woƒe nunanawo kple nɔnɔmewo katã me mɔxeɖenu aɖeke manɔmee. Fifia, vɔsa kple lɔlɔ̃ ƒe gbɔgbɔ yɔ amesiwo ʋu wo ɖokui ɖe eŋu me fũ. Luka yɔ nya "gã" zi eve tsɔ ɖɔ ŋusẽ kple amenuveve si dzena le xɔsetɔwo katã me eye ƒã hafi míexlẽa nya sia le Biblia me negbe ne eƒo nu tso Aƒetɔ la ƒe nunanawo ƒe blibonyenye kple wo kɔklɔ ŋu ko. Míese nya ɣaɣla si le apostoloawo ƒe ɖaseɖiɖi kple Sɔlemeha la ƒe agbenɔnɔ si me ɖekawɔwɔ le ƒe dɔwɔwɔ gɔme tso afisia.
Le gbɔgbɔ me kple lɔlɔ̃nu faa nuɖuɖu sia me la, ame aɖeke menɔ anyi si hiã tu alo ame dahe alo hiãtɔ alo ame aɖe si nɔ agbe le xaxa me alo wodo vloe alo gbee o, gake wo katã wokpɔ wo nɔewo ƒe kpekpeɖeŋu le ɣeyiɣi si sɔ me, eye Gbedodoɖawo kple Mawu gbagbe la ƒe ŋusẽ kpakple fukpekpe kpe ɖe eŋu. Gbedodoɖa ƒe ŋusẽ le sɔlemeha la me ɖu kuxiawo dzi, eye wo katã wotsɔ akpedada kple ka-fukafu do vɔvɔ̃ kple dzreheheawo. Eyata, to Gbɔgbɔ Kɔkɔe la me la, dziƒo vivisesewo va le eŋu bubu me be aposto-loawo meɖo dɔmenyonunana ƒe gɔmeɖoanyi aɖeke na ame akpe geɖe siwo hiã tu le woƒe dukɔa me o, ke boŋ woɖe woƒe dɔmenyonunana ƒe subɔsubɔdɔ si se ɖe woƒe hamea me tɔwo ko dzi la gɔme, elabena wose le wo ɖokui me abe ƒome ɖeka ene eye womeɖe mɔ be nuteɖeamedzi nakpɔ teƒe le afima o.
Eye nɔvi siawo siwo le Kristo me kpɔe dze sii be yewonye dziƒodukɔmeviwo, yewomexɔ anyigba dzi nunɔamesiwo dzi se o, ke boŋ wotsɔ wo de asi na Mawu lɔlɔ̃nu faa eye womeku ɖe ame ɖekaɖeka ƒe gomenɔamesi ŋu le fiadu me o, alo ameawo ƒe gomenɔamesi le woƒe nunɔamesiwo kple nunɔamesiwo me hã o, gake wonya be Mawu Wɔla lae nye nuwo katã tɔ. Eyata, ga meɖu hamea dzi o, ke boŋ Gbɔgbɔ Kɔkɔe lae. Le gɔmeɖose sia me la, míekpɔ ɖeɖekpɔkpɔ gã aɖe le xɔsetɔ siwo tso Yudatɔwo dome tso "ga" ƒe legba me, le Kristo ƒe nya nu: Ame aɖeke mate ŋu asubɔ aƒetɔ eve o. Elabena alo alé fu ɖeka, eye wòalɔ̃ eve-lia; alo alé ɖeka ɖe asi, eye wòado vlo evelia. Miate ŋu asubɔ Mawu kple Mamon o. (Mt. 6:24)
Hamea megblẽ ga si wonae la dome o, ke boŋ etsɔe de gaxɔ ɖeka me le apostoloawo ƒe dzikpɔkpɔ te, elabena wogblẽ nusianu ɖi be woasubɔ Yesu, eye woadze eyome ɣesiaɣi le ahedada me. Hamea me tɔwo katã ka ɖe edzi be apostoloawo dometɔ aɖeke mezã ga la ɖe yewo ŋutɔ ƒe viɖe ta o, eye be Gbɔgbɔ Kɔkɔe la meɖe mɔ ɖe nu madzɔmadzɔ ƒomevi aɖeke ŋu o, ke boŋ efia mɔ wo katã sɔsɔe yi ŋutikɔkɔe me.
Hamea me tɔwo dzi ɖe edzi, va se ɖe esime wòva hiã be apostoloawo nanɔ anyi ɖe teƒe kɔkɔ aɖe aƒo nu na nyase-lawo ahado vlo wo. Le nufiafia kple gbeƒãɖeɖe vɔ megbe la, wotsɔa nudzɔdzɔwo dana ɖe anyigba le apostoloawo ƒe afɔ nu. Akpe na mi ɖe Mawu ƒe nunana si wona amewo katã ta. Aleke gbegbee nèda akpe na Mawu?
Apostoloawo meƒo ga gbogbo aɖewo nu ƒu be woatsɔ ak-pɔ hamea ƒe etsɔme ta o, ke boŋ woma nudzɔdzɔawo tẽ, gɔ̃ hã míekpɔa nɔnɔme sia si mebɔ o, be gaxɔa yɔ fũu eye wònɔa ƒuƒlu le ɣeyiɣi ɖeka me, abe alesi Petro gblɔe ene be: Klosalo alo sika mele mía si o, eyata wotsɔa ga la naa amesiwo hiã tu ɣesiaɣi, esi wonya be Aƒetɔ la tsɔ ga la de wo si be woakpe ɖe ame bubuwo ŋu tẽ ke menye be woadzrae ɖo o.
Luka gblɔ nu tɔxɛ aɖe na mí tso Barnaba ŋu, amesi ƒe ŋkɔ woyɔ zi geɖe le Dɔwɔwɔwo ƒe agbalẽa me (9:27, 11:22-30 kple 13:1-2, 14:12-28 kple 15:2), si gɔmee nye nuxlɔ̃ame vi elabena Gbɔgbɔ Kɔkɔe, si nye Mawu ƒe akɔfala la yɔe fũ. Esi nunana sia nɔ esi ta la, ekplɔ ame siwo ƒe nɔnɔme sesẽwo ɖo eye wòdzra mɔ si dzi woato asubɔ Aƒetɔ la ɖo na wo kple dzigbɔɖi gã aɖe. Nuxlɔ̃amevi sia tso Kipro ƒuk-po dzi, tso Yudatɔwo ƒe ƒome si me tɔwo lɔ̃a ma-wusubɔsubɔ vevie me, eya alo fofoa ƒle agble aɖe le Ye-rusalem le asi gã aɖe nu be woaɖii ɖe afima, henɔ Kristo si ŋugbe wodo la ƒe vava lalam eye wodo go eyama le ɣeyiɣi gbãtɔ me, abe alesi Yudatɔ aɖewo siwo menye Kristotɔwo o wɔe le woƒe mawuvɔvɔ̃ si gbɔ eme ene. Barnaba nya Kristo vavã la eye wòtsɔ Gbɔgbɔ Kɔkɔe la ɖe eɖokui me abe ŋutikɔkɔe si gbɔna ƒe veviedonula ene, eyata evo tso Yudatɔwo ƒe kɔnyinyiwo me eye wòdzra eƒe agble xɔasi la. Eyata nudzadzra sia nɔ abe Yudatɔwo ƒe tsikpewo gbegbe ene, eye wònye ɖaseɖiɖi le mɔkpɔkpɔ na Kristo Yesu ƒe vava kpuie ŋu. Amedzro sia medzra eƒe nunɔa-mesi aɖeke ɖo be yeatsɔ aka ɖe eƒe agbe dzi le du kɔkɔe la me le eƒe ʋuʋu yi dukɔ bubu me o, ke boŋ etsɔ ga la katã da ɖe anyigba le apostoloawo ƒe afɔ nu, zi ɖoɖoe eye meƒo adegbe o.
GBEDODOƉA: Aƒetɔ, wò lɔlɔ̃ keke wu dziƒowo, wò nyateƒe trɔa ɖokuitɔdidi ƒe dziwo. Xɔ nye ga eye nàdo ŋusẽ xɔse si le menye be èle tetem ɖe kpekpeɖeŋu ŋu le afisi mekpɔ hiahiã le, ale be hiãtɔ aɖeke maganɔ míaƒe hamea me o. Amen.
NYABIASE:
- Sɔlemeha la ƒe gɔmeɖoanyi ewo siawo dometɔ kae nèbu be ele vevie wu be yeawɔ le yeƒe agbe me?