Waters of Life

Biblical Studies in Multiple Languages

Search in "Cebuano":
Home -- Cebuano -- Romans - 045 (The Three Unique Groanings)
This page in: -- Afrikaans -- Arabic -- Armenian -- Azeri -- Bengali -- Bulgarian -- CEBUANO -- Chinese -- English -- French -- Hebrew -- Hindi -- Indonesian -- Malayalam -- Polish -- Portuguese -- Russian -- Serbian -- Spanish? -- Turkish -- Urdu? -- Yiddish

Previous Lesson -- Next Lesson

ROMA - Ang Ginoo maoy atong Pagkamatarong
Mga pagtuon sa Sulat ni Pablo sa Roma
PARTE 1 - ANG PAGKAMATARONG SA DIOS Naghukom sa mga makasasala ug Nagpahitarong ug Nagbalaan sa mga tumotuo ni kristo (Roma 1:18 - 8:39)
D - ANG GAHUM SA DIOS MILUWAS KANATO GIKAN SA GAHUM SA SALA (Roma 6:1 - 8:27)

8. Ang tulo ka lahi nga pag agulo (Roma 8:18-27)


ROMA 8:18-22
18 Akong giila nga ang pag-antos sa karong panahona dili halangdon para itandi sa himaya nga dapat ipadayag kanato. 19 Kay mahinangpon ang kalibutan nga gahulat sa pagpadayag sa anak sa Dios. 20 Kay gitugotan sa Dios nga mahimong kawang ang kabuhatan, apan tungod Kaniya kinsa nahisgot sa paglaum; 21 tungod kay ang pagbuhat sa makaluwas gikan sa hikot sa pagkasalawayon ngadto sa himaya sa kagawasan sa mga anak sa Dios. 22 Kay kita kabalo nga ang tibouk nga pagbuhat naga-agolo ug pabuhat sa pagpanganak hangtud karong panahona.

Si Pablo wala natagbaw sa iyang pagtuo ug sa iyang gugma sa Dios, apan siya mipa-abot ngadto sa pagka-adunahan sa atong paglaum sa Dios. Nagahulat ka ba sa pagpadayag sa himaya sa Dios? Kini ba imong katuyoan sa imong kinabuhi? Ayaw katagbaw sa mga solusyon sa gagmay nimong problema, ka yang Dios nag desinyo aron matubos ang tibuok kalibutan. Paghandom sa dakong gasa sa Dios, kana ang kabag-ohan sa tibuok nga binuhat dinhi sa kalibutan.

Ang mga hayop ga antos, ug mga sagbot mawala lamang. Pagkaluoy sa tawo kinsa mao ang hinungdan sa kasakit sa mga hayop. Nakabantay ka ba nga ang mga mata sa mga hayop nakapiyong ug puno sa kasubo? Kini tungod kay sila mamatay. Ang kalipay mibiya nila, ug ang kamingaw ug kagubot mitunga.

Tanang hayop galantaw sa ilhanan sa himaya sa anak sa Dios, kay ang pag-abot sa Ginoo, iyang anak, kinsa natawo sa Espiritu, maluwas gikan sa lawas sa ilang pag-antos, ug iyang himaya mapadayag kanila. Ug ang tanang binuhat maluwas.

Sa maong panahon, walay kabayo nga bunalan sa kasuko, ug walay lamok manakit sa mga natulog. Gisaad sa Dios kanato ang bug-os nga kalinaw sa kalibutan, diin matuman sa ikaduhang pagabot ni Kristo kauban ang iyang tanang santos ug anghel. Gahandum ka ba kaniya?

Ang kinaiyahan nag-antos sukad nahulog ang tawo, kay pinaagi sa pagkasalawayon sa tawo, tanan ubos sa iyang kamandoan nahimong salawayon. Si Pablo mipaabot sa pag-antos sa pagbuhat nga grabe kasakit sama sa pagpanganak, diin gadala sa Anak sa Dios paduol kanato, kay iyang pag-antos kanato ug sa matag hayop. Gusto niya nga moanhi paduol alang sa kaluwasan natong tanan.

ROMA 8:23-25
23 Dili lamang kana, apan kita usab nga adunay unang bunga sa Espiritu, maski kita sa atong kaugaling ga-agulo sa atong kaugalingon, naikag sa pagpaabot sa iyang pagsagop, ang pagtubos sa atong lawas. 24 Kay sa diha nga kita naluwas sa paglaum, apan ang paglaum nga nakita dili paglaum; kay nganong maglaum pa ang usa kung unsay iyang nakita? 25 apan kung kita maglaum sa dili nato Makita, kita maikag sa paghulat kay anaa ang kakugi.

Ang mga anak sa Dios diri sa atong kalibutan, mi-agolo sa gahum sa Espiritu sa Ginoo sa atong hunahuna, nangayu sa pagkumpleto sa pagsagop nila. Kita gitubos pinaagi sa pagtuo, apan kita kinahanglan tubson nga takos. Karong adlawa, kita naka angkon ug kaperpekto sa atong kalag, apan ang kumpletong ka perpekto gihulat pa sa iyang pagbalik.

Paglaum ug pagpasalamat ga una alang sa himaya nga moanhi usa ka importanteng timailhan sa espiritu sa kinabuhi dinhi kanato. Wala kita naghandum ug bulawan o unodnong kalipay, apan gusto nato makita ang Dios Amahan, ang Anak ug ang Balaang Espiritu.Gahandum ka ba nga makita ang Amahan? Gahandum ka ba nga makig-uban kang Kristo, ang Manunubos? Hinomdomi nga imong mamatay nga lawas masunog sa presensiya sa himaya sa Dios, ug ikaw mahimong walay katapusang suga kaniya.

Kini ang gihandom sa mga santos, kay ang nakatagong kinabuhi sa Dios motunga sa madaling panahon. Dili lang kini mo puno sa atong kasingkasing, apan ang atong gisakit ug mamatay nga lawas mausab ug mahimaya.

Kita nagkinahanglan sa daghang pasensiya ug paghulat dinhi sa kalibutan, kay ang teknolohiya ug seyencia mangita sa pagbuak sa atong paglaum pinaagi sa pagtukod ug mini nga paraiso sa atong kalibutan. Apan ang Balaang Espiritu nagarantiya sa umalabot nga himaya.

ROMA 8:26-27
26 Mao usab ang Espiritu motabang sa atong kahuyang. Kay wala kita kabalo unsay atong e-ampo nga angay natong buhaton, apan ang Espitu mismo naghimo ug aron maka-apil kanato sa atong agulo nga dili masulti. 27 Karon siya kinsa gapangita sa kasing-kasing kabalo kung unsay huna-huna sa Espiritu, tungod kay siya gahimo ug pangamuyo alang sa mga santos sumala sa pagtugot sa Dios.

Ang Balaang Espiritu nag-antos sa atong mahuyang nga lawas, nagsubo ibabaw sa atong walay gahum nga pagkatao, nabati nato ang kasakit diha sa atong nagluya nga mga pag-ampo, pag-agolo sa atong kakulang sa kabalo, nahimong kitang magol-anon sa kahuyang sa atong gugma, ug nahibolong nganong wala kitay kusog.

Ang Espiritu sa Dios nag-ampo ug nakilabot sa mga magtutuo, maski kadtong wala ga-ampo, espirituhanong pag-agolo migawas kanila, alayon sa Pag-ampo sa Ginoo, kini mao ang pag-ampo sa Balaang Espiritu.

Itugyan imong kaugalingon niining nga pag-ampo aron ikaw maluwas gikan sa kahakog ug magdala sa pagpasalamat ug pagpangayo sa paagi sa paghigugma, pag-ampo nga dunay kaalam, malipayon ug makagagahum, kay ang Espiritu sa Ginoo ga-ampo kanimo matag-adlaw ug gabii aron ang tibuok kalibutan maluwas.

Busa, kanusa ka makiglambigit sa pagpangayo sa imong langitnong Amahan, mag-ampo ug magpasalamat sa tibuok nimong kasingkasing?

PAG-AMPO: O Balaang Amahan, pasayloa kami sa among kahinay, kahakog nga pag-ampo, ug giyahi kami aron mabalaan sa imong balaang ngalan, aron mohimaya sa imong pagtubos ni Kristo sa tanan namong pagkatawo, ug mapaubsanong motrabaho sa gahum sa imong Espiritu. O Ginoo, tudloi kami nga matuman ang paglaum sa Espiritu, sa pag-ampo aron Siya mahimoot, ug maghandom sa imong presensiya ug sa pag-abot sa imong Anak sa dakong himaya aron ang tibouk nga gibuhat maluwas kauban sa paglaum sa atong nasud.

PANGUTANA:

  1. Kinsa ang mga nag-antos nga naghulat sa pag-abot ni Kristo?

www.Waters-of-Life.net

Page last modified on June 21, 2013, at 11:12 AM | powered by PmWiki (pmwiki-2.2.109)