Previous Lesson -- Next Lesson
4. Yesu nsɛnkyerɛnne a ɛdikan wɔ Kana ayeforo ase (Yohanne 2:1–12)
YOHANNE 2:1-10
1 Na da a ɛtɔ so mmiɛnsa no, wɔhyiaa ayeforɔ wɔ Kana a ɛwɔ Galilea, na Yesu ne na wɔ hɔ. 2 Na wɔhyiaa Yesu ne n'asuafoɔ nso baa ayeforɔ no ase. 3 Na nsa no anso no, Yesu ne na see no sɛ, "Wɔnni nsa." 4 Yesu see no sɛ, "ɔbaa, ɛdeɛn na me ne wo wɔ yɛ? Me dɔn nnurui!" 5 Na ne na see asomfoɔ no sɛ, "Biribiara a ɔbɛse mo no, monyɛ" 6 Nso na aboɔ nsuhina nsia sisi hɔ, sɛdeɛ Yudafoɔ ahodwira teɛ, baako bɛtumi agye susuhina mmienu anaa mmiɛnsa. 7 Yesu see wɔn sɛ, "Momfansuo nhyehyɛ nhina yi mama" Na wɔhyehyɛɛ no ma tɛntɛnn. 8 Na ɔsee wɔn sɛ, "Afei monsesa mfa nkɔma adidiiɛhwɛfoɔ no" 9 Na wɔde kɔeɛ. Na adidiiɛhwɛfoɔ no kaa nsuo a adane nsa no hwɛeɛ no, na ɔnnim deɛ ɛfire, (na asomfoɔ a wɔsesaa nsuo no deɛ, wɔnim) na adidiiɛhwɛfoɔ no frɛɛ ayeforɔkunu no, 10 na ɔsee no sɛ, "Nnipa nyinaa de nsa pa na ɛbɛsisi hɔ kane, na sɛ wɔboboro a, ɛno ansa na wɔde deɛ ɛnyɛ ba; na wo deɛ, wode nsa pa no asie abɛduru sɛsɛɛ."
Yesu dii na'suafoɔ no anim frii adwene sakyera bea hɔ a Osuboni no reyɛ adwuma wɔ Yordan asuo ano hɔ, na ɔde won kɔɔ Galilee bepɔ kuro no mu na ɔde won kɔɔ ayeforohyia bi ase. Na won akwantuo a ɛbɛyɛ sɛ kwasini 100 yi kyerɛ yɛn, nsonsonoeɛ soronko a ɛda Apam miennu no ntam. Sɛ agyidifoɔ rennkɔso ntena Mmra susuma ase bio, na mmom Yesu trenee mu anigyie ne kanea a ɛhyeren mu ne asomdwee wura no mu.
Na Yesu nnyɛ mfeefeemu bebree te sɛdeɛ Osuboni no teɛ no. Ɛno nti sɛ Yesu frii hɔ na ɔne Na'suafoɔ no kɔɔ ayeforohyia no ase wɔ anigyie mu no mpo yɛ nsɛnkyerɛnne kɛseɛ. Na woansi nsanomfoɔ ho kwan, nokorɛ ne sɛ ɔkyerɛkyerɛeɛ sɛ ɛnnyɛ deɛ ɛkɔ onipa yefunu mu mu no ɛgu onipa ho fi, na asɛm fi biara a ɛfiri onipa anom no firi na'koma mu na ɛno na ɛgu onipa ho fi. Yesu ampo wiase anigyedeɛ ne ahokeka, na mmom ɔkyerɛkyerɛeɛ sɛ saa abrabɔ no mfa mfasodeɛ biara mma. Yɛn akoma a aporɔ no hia akoma foforo ne awoɔ foforo. Deɛ Twerɛ Kronkron no kasa tia ne asanom ne nsa mu ntontantɔ.
Asuafoɔ no ne Yesu na ɛkɔɔ afahyɛ no ase, Nataniel ankasa nso firi Kana kurom no mu (2:21). Na ɛkame ayɛ sɛ Yesu maame nso ne ayeforo no abusua wɔ ayɔnkofa bi. Na ɛbinom susu sɛ na Yosef awu dada. Na ɛfei Maria ɛbɛyɛ okunafoɔ, na Yesu de abakan mu asodie adwumayɛ hwɛɛ na'busua no so.
Ɛno nti Ne na kɔɔ ne nkyen kɔsrɛɛ ne hɔ mmoa maa na'busuafoɔ no. Na ofirii Yordan asuo no ho baeɛ no, na woadanne abɛyɛ nipa foforo koraa, na Honhom Kronkron no tumi ahyɛ no ma a ɛmaa no firii wiase dwumadie mu kɔɔ Onyankopɔn tumi adwumayɛ mu, dwumadie a ɛbɛma na'suafoɔ no adi na'kyi.
Maria de mbuaeɛ maa ne Ba no, ɛfirisɛ onim na'hofama ne Ne dɔ sɛdeɛ ɛteɛ. Na ne dɔ no maa Yesu yɛɛ nsɛnkyerɛnne a ɛdikan koraa. Kristo ne dɔ mu gyidie no ma Onyankopɔn basa yɛ awawadeɛ. Ne maame hyɛɛ asomfoɔ no sɛ deɛ Yesu bɛka akyerɛ mo biara no monyɛ. Na ɔwɔ awerehyem sɛ obɛtumi aboa wɔ kwan biara so. Na Maria nsɛm a ɔka kyerɛɛ asomfoɔ no, yɛ nsɛm titirie soronko ma Asɔre no nyinaa, "Deɛ ɔbɛka akyerɛ mo biara no, monyɛ!" Obiara mfa ne ho nhyɛ Kristo nsa yiye; sɛ yɛyɛ osetie ma Yesu anom nsɛm a ɛde nsɛnkyerɛnne kɛseɛ na ɛba.
Ahina a wɔde nsuo gu mu ma ahoteɛ, na nsuo biara nni mu na ɛsoso nso, a ɛtumi afa nsuo ntoa 600 ahyɛ mu ma. Na ɛyi kyerɛ sɛ nnipa kuo no de nsuo bebree na ɛyɛ ahoteɛ dwumadie no. Nanso ahoteɛ foforo na ɛhia wɔ baabiara a Yesu wɔ. Onipa biara nntumi nnkɔ Odwammaa no ayeforohyia no ase agyesɛ woanya ahohohoro ahoteɛ no bi ansa.
Nanso, ahohohoro no annyɛ Kristo no botaeɛ titirie ntɛmso. Na ɛsɛ sɛ ayeforohyia afahyɛ no kɔ so. Ɛno nti Yesu dannee nsuo no ma no bɛyɛɛ nsa_ dɔkɔdɔkɔ. Na kwan a ɔfaa soɔ yɛɛ saa nsɛnkyerɛnne yi deɛ obiara nnim. Na mmom yɛnim wɔ Ne mogya a ohwie guuiɛ no mu sɛ ɛyɛ deɛ ɛbɛboa yɛn ama yɛatumi anya akwanya wɔ Odwammaa no ayeforohyia a ɛreba no ase. Na ɛyi nngyina nsa_nom so koraa. Ɛfirisɛ Honhom Kronkron no mma nsa_nom ho kwan koraa. Na mmom nsa_ dodoɔ a ɔmaaeɛ no yɛ ahyɛnsodeɛ a ɛkyerɛ yɛn bɔne fakyɛ no kɛseyɛ ne ne kron a Kristo de nnipa nyinaa bɔne akyɛ won kwa. Sɛ yɛn nyinaa ntumi nya Ɔsoro anigyie no bi. Na yɛn nyinaa mfa aseda ngye aboodoo ne nsa_ a ɛyɛ Awurade adidie no bi, a ɛyɛ Kristo Honhom mu ahyɛnsodeɛ - a ɔde agu yɛn so wɔ mmɔborohunu mu sɛ yɛn nhome wɔ na'nigyie no mu bi.
YOHANNE 2:11-12
11 Yesu nsɛnkyerɛnneɛ no mu deɛ ɛdi kan yi, ɔyɛɛ no Kana a ɛwɔ Galilea; na ɔyii n'animuonyam kyerɛe; na n'asuafoɔ no gyee no diiɛ. 12 Yei akyiri no, Yesu kɔɔ Kapernaum, ɔno ne ne na, ne nuanom ne n'asuafoɔ no; na wɔanni nna bebree wɔ hɔ.
Na Kristo ho yɛɛ asuafoɔ no wawa bebree wɔ Ne ndwuma ho, na wohunuu sɛ ɔwɔ tumi wɔ abɔdeɛ nyinaa so. Na wohunuu Na'nnuoyam kɛseɛ no na ɛmaa wɔgyee no diiɛ sɛ Onyankopɔn na asoma no. Ɛno nti wonyaa Ne mu gyidie ne awerehyem. Nanso gyidie yɛ adeɛ a ɛyini nkakrankakra, na osetie nso ama nteaseɛ. Sɛ wosua Yesu anom nsɛm a, na wodɔ asoko wɔ Ne nsɛm no mu a, wobɛtumi ahunu Ne nipaban kɛseɛyɛ sɛdeɛ ɛteɛ.
Na Yesu twee Ne ho firii na'busuafoɔ no ho, na ɔdee Ne ho frii ɛfie adesoa dadwen ne ndwuma mu kɔyɛɛ Onyankopɔn adwuma. Nanso Ɔne Ne maame ne Ne'nuanom ntam ayɔnkofa ne ahofama no kɔɔso tenaa hɔ daa. Na Ɔne Na'suafoɔ no tutuu akwan bebree. na Ne'nuanom no nso ne No kɔɔ Kapenium, a ɛyɛ kuro kɛseɛ wɔ asubura kɛseɛ Tberias ano. Na ɛfei asuafoɔ nyaa ne mu gyidie kɛseɛ, a ɛnnyɛ sɛ Kana nsɛnkyerɛnne no nti. na mmom wɔde won ho bataa Ne ho koraa.
MPAEBƆ: Awurade Yesu, yeda wo ase, ɛfirisɛ woafrɛ yɛn aba woayeforohyia no ase bi, sɛ yɛn nso yɛn bɛnya wo mu anigyie ayɔnkofa no bi. Yɛsrɛ wo fa yɛn bɔne nyinaa kyɛ yɛn, na fa wo Honhom Kronkron no hyɛ yɛn ma, na yɛbɛdi wa'kyi daa nyinaa, na yɛbɛtena wo trenee ne woahoteɛ no mu, sɛdeɛ woteɛ no na wode wo ho maa yɛn no.
NSƐMBISA:
- Adɛn nti na Yesu faa Na'suafoɔ no kaa Ne ho kɔɔ ayeforohyia no ase?
AGORODIE HO NSƐMBISA - 1
Ɔdɔfoɔ kenkanfoɔ,
fa wo mbuaeɛ papa no mu 20 brɛ yɛn wɔ saa nsɛmbisa ahrorroɔ 24 yi a yɛrebiase wo yi mu. Na yɛn nso yɛde saa adesua ahorroɔ yi mu nsɛm bɛbrɛ wo.
- Hwan na ɔterɛɛ asɛmpa a ɛtɔsoɔ anan no?
- Ayɔnkofa nkutahodie bɛn na ɛda asɛmpa a ɛtɔsoɔ anan ne deɛ ɛdikan miensa no mu?
- Yohanne asɛmpa no botaeɛ paa ne sɛn?
- Na hwan na wɔtwerɛɛ saa asɛmpa soronko yi kɔ maa no?
- Adɛn nti na wotumi kyekyɛmu wɔ tiri -nsɛm ahorroɔ mu, na wɔhyehyɛ ne nsɛm pɔtee hyehyɛ ase?
- Asɛm bɛn na wosii so miennu wɔ Yohanne nkyekyɛmu 1 no mu na ne nkyerɛaaseɛ nso ne sɛn?
- Ɛsu ahorroɔ nsia bɛn na ɛwɔ Kristo ho a Yohanne daa no ɛdi wɔ Na'sɛmpa no mfitiaseɛ mu?
- Nsonsonoeɛ bɛn na ɛda ɛsum ne hyann mu wɔ honhom fam wɔ asɛmpa no nteaseɛ mu?
- Adeɛbɛn ne Yohanne Osuboni no botaeɛ titirie paa wɔ ne som adwuma mu?
- Ayɔnkofa bɛn na ɛda Kristo a ɔyɛ kanea no ne wiase yi ɛsum mu?
- Adeɛbɛn na ɛsi na ɛda ɛdi wɔ won a wofa Kristo yɛ won kra agyenkwa no?
- Kristo Onyanmeyɛ nipasu no nkyerɛaaseɛ ne sɛn?
- WKristo mayɛ no nkyerɛaaseɛ paa ne sɛn?
- Nkyerɛkyerɛ foforo bɛn na Kristo de baa wiase yi mu?
- Ananmusifoɔ a wofiri Jewfoɔ asɛmdibea kɛseɛ no mu kɔbisaa nsɛm no botaeɛ baa ne sɛn?
- Kwan bɛn so na Yohanne faa so bɔɔ dewuro sɛ nnipa nsiesie won ho na wombɔ ɔkwan foforo ma Awurade?
- Mpɛmpɛnsoɔ bɛn na Osuboni no adansedie a ɛfa Yesu ho no koduruuiɛ ansana ananmusifoɔ a wofiri Sanhedrin fekuo no mu baeɛ?
- "Onyankopɔn Adwammaa" no nkyerɛaaseɛ ne sɛn?
- Adɛn nti na Yesu bɛyɛɛ deɛ ɔma Honhom Kronkron no?
- Adɛn nti na asuafoɔ miennu no dii Yesu akyi?
- Kwan bɛn so na asuafoɔ a ɛdikan no bɔɔ Yesu ho dewuro?
- Kwan bɛn so na asuafoɔ no kaa Yesu ho asɛmpa kyerɛɛ afoforo?
- Ayɔnkofa nkutahodie bɛn na ɛda abodin - "Onyankopɔn Ba" ne Onipa Ba" no?
- Adɛn nti na Yesu de Na'suafoɔ no kɔɔ ayeforohyia no ase?
Twerɛ wo din ne wo adres nso ka woasɛmbisa no ho brɛ yɛn wɔ saa address a ɛdidisoɔ yi so:
Waters of Life
P.O.Box 600 513
70305 Stuttgart
Germany
Internet: www.waters-of-life.net
Internet: www.waters-of-life.org
e-mail: info@waters-of-life.net