TRAITÉ 05 -- Aw ye sira labɛn Matigi Ala ye! (Ezayi 40:3)
Mɔgɔw la jija ninlo ka ko caman kɛ kun tɛ min na ɲanamaya kɔnɔ. O b’a fɛ ka ninsɔndiya ka muɲurikɛ, o bɛ ko bɛɛ kɛ walisa ka o ta lon o lon baro sɔrɔ, o mɔgɔ dama dama dɔrɔn le bɛ miiri saya ma o min bɛ o kɔnɔna. Mɔgɔ caman tɛ o cɛma mnw bɛ miiri Ala ma, ka siran a ɲa, k’a ta sariyaw kan mina, a ye bla o ɲa, walisa o ye se ka a ta can lon.
Dunuɲa danbaga Ala, tɛ ɲina a ta dan fɛnw kɔ. abɛ o kanu ka miiri o ma, abɛ kuma o fɛ, ka o jusukun na kow bɛɛ sɛgɛ sɛgɛ. A b’a fɛ ka o la fa a ta sebagaya ra, ni o ka o kɔ munu jurumun ma, ka o ɲasin Ala ma.
Matigi Ala le bɛna an fɛ
Tuma min na an fa Adama ni an ba hawa ka Ala kan bla, o dogora maloyakosɔn, sabu o ka lon ko o ka kojugu kɛ. K’a sɔrɔ Ala ma kiri ben o kan, nka a ka o yɔrɔ ɲini a ko : ʻʻ Adama, I bɛ min ? ʼʼ (Damin 3 : 9). Danbaga Masa Ala bɛ an kelen kelen bɛɛ yɔrɔ ɲinin na , a bɛ ɲinin kari kɛ ra ko : « i bɛ min ? » i bɛ yɔrɔ juman sisan ɲanamaya kɔnɔ ?
Matigi ka an fa Ibrahima wele ka bɔ mesopotamin, a ta dugu mɔgɔw cɛma. Olugu tun kɛra jobatolaw ni kojugukɛlaw ye. Ala ka Ibrahima kɛ wayasikɛla ye min tɛ sɛgɛ, ka taga yɔrɔ saninman dɔ ɲinin a bɛ se ka to yɔrɔ min na tuma bɛɛ. kalankɛla kanulen, yala aw fana bɛ tereninya sira ɲinina aw yɛrɛ ye, ani sigiyɔrɔ aw bɛ se ka to o bon min kɔnɔ, min kɛra aw ta ye tuma bɛɛ ?
Yakuba tun ka cegu janfanatɔ le tun bɛ, a tagara a yɛrɛ kalifa dugu dɔra min tun yɔrɔ ka jan, ka muso furu. san caman tɛmɛ nin kɔfɛ, a kɔsegira a ta dugu ra. Nka Mɛlɛkɛ ka sira tigɛ a ɲa ka tɔrɔ a ta firi tɛmɛniw kɔsɔn. k’a sɔrɔ Yakuba tun lara Ala ta hina ba ra. A ka kɛlɛkɛ ni Saninman ye, a ka fɔ a ma ko : ʻʻ ni ma dugawu kɛ ne ye, ne tɛ a to i ye taga dɛ ! ʼʼ (Damina 32: 26) yala aw bɛ se ka nɔrɔ Ala ra fɔ a ye aw kisi wa ?
Cira Musa bɔrira ka taga Madiyan, Misiran jamana ra, kongo kolon kɔnɔ. Sabu dimin fɛ a ka sorasi dɔ faga min tun bɛ Heburu Jɔn cɛ dɔ bugɔra. San bi naanin tɛmɛ kɔfɛ (40) Matigi Ala ka yɛrɛ yira Cira Musa ra, yiri tu tasuma dɔ kɔnɔ, ka fɔ a ye ko: ʻʻ ne bɛ yi ʼʼ min tɛ yɛlɛma fiyewu. A bɛ to kan tigiyara tuma bɛɛ. yala Matigi ka aw sɔrɔ tun ma min na, aw ka ɲanamaya kɛra i ko kongokolon kɔnɔ gbɛlɛya ra wa ? aw jusukun k’a ta weleli kan mɛn wa ? a le min tɛ yɛlɛma, aw ka ta kantigi ya lon aw ta ɲanamaya kɔnɔ wa ?
Cira Samawilu tun ye kanbelen ye tuma min na Matigi ka wele. K’a ɲanawoloma ka kɛ kiritigɛlaye a ta jamanamɔgɔw kuna. Ala tɛ mɔgɔ kɔrɔbaw dɔrɔn ɲanawoloma, nka kanbelen denw fana. Anw ka kan ka dɛmisɛw karan Ala takuma ra, ka Ala ta sira yira o ra. Matigi b’a fɛ ka maga kanbelen denw jusukun na, ka o kɛ a ta baarakɛlaw ye, i nafɔ aw ɲɔgɔn naw.
Cira Dawuda ka jɛnɛya kɛ, ka ban ka ci bla ka o muso cɛ faga. Nka Matigi ma ban a ra. A ka Cira dɔ ci a ma, a tun bɛ kojugu minw dogora ka o yira kɛnɛ kan, k’a fɔ a ye ko: Ala ta diminya tun manana a kama. Cira Dawuda ninminsara can na, a k’a kɔ munu a ta jurumunw ma, a ka jurumutɔw dɛmɛ ka o kɔ munu o ta jurumunw ma ka na Ala ma. Cira Dawuda ka nɛɛma ni jurumu yafa sɔrɔ Matigi fɛ. Aw ye Zaburu sira bi looru ni kelen karan (51) aw ye a mara aw kun na walisa aw ye se ka fɔ aw kun fɛ. Aw ye Ala daari n’a vɛrsew ye ni lanaya ye. Aw bɛna jigimafa sɔrɔ i nafɔ Cira Dawuda.
Cira Ezayi ka Ala Nɔɔrɔ ye a pɛrɛna ko: ʻʻ E, bɔnɔ ka ne sɔrɔ, ne tora a ra sabu ne ye mɔgɔ dɔ ye min darakan saninyanin tɛ; ne sigininbɛ mɔgɔ minw cɛ ra, olugu fana darakan saninyanin tɛ; k’a sɔrɔ ne ɲa ka Masa cɛ, fangatigi Ala ye ! ʼʼ (Esayi 6 : 5)
A tun bɛ kasira sabu Matigi nɔɔrɔ ka a yɛrɛ jogo yira a ra, ani a ta dugu mɔgɔw cogoya. Yala aw b’a fɛ ka gbɛrɛ danbaga Ala ra k’a ta nɔɔrɔ ye wa ? aw bɛna a famu o le ra ko aw ta jurumun bɛ aw fara ka bɔ Ala Saninman na. Yala aw ka lon ko aw ta jurumun bɛ aw bari ka gbɛrɛ danbaga Ala ra, ko aw ta jurumun kakan ka ta ka bɔ aw kan ? ʻʻ…o kosɔn anw bɛ aw daari Kirisita tɔgɔ kosɔn, ko aw y’a to bɛn ye kɛ aw ni Ala cɛ.ʼʼ ( Korɛntikaw flanan 5 : 20)
Aw ye sira lab ɛn Matigi ye !
Mɔgɔ min b’a fɛ ka Matigi Ala sago kɛ, o tigi kakan k’a ta sariyaw mara. Hali ni mɔgɔ min ma lawulama ka jurumun kɛ, walama ka Ala ta sariyaw sɔsɔ, o tigi kakan ka ninminsa a ta jurumun na, ka yafamadaari kɛ Matigi fɛ, ka kaɲa ni a ta layiri ye. ʻʻ Nka ni an ka lɔ an ta jurumunw na, Ala min ye kankelentigi ye, ani a terenni lo, ale bɛna yafa an ma, ka an saninya ka bɔ terenbaliyakow bɛɛ ra; ʼʼ (Yuhana fɔlɔ 1 : 9). Mɔgɔ min bɛ wiya fɔ, otigi kakan ka ninminsa, k’a ta wiyafɔ ko fɔ Ala ye, ka yafamadaari kɛ. Mɔgɔ min ka bolo fɛn dɔ sɔrɔ a yɛrɛ fɛ, a ta tɛ min ye, otigi kakan ka o fɛn kɔsegi fɛntigi ma, ka yafamadaari kɛ. Mɔgɔ min bɛ ko saninyabariw kɛ ni mɔgɔ gbɛrɛ ye, otigi kakan ka ninminsa k’a dabla, ka yafamadaarikɛ. Mɔgɔ min bɛ ban mɔgɔ wɛrɛ la, ka o juguya walama ka o tɔrɔ, hali a kɛra a ta somɔgɔw ye, a worobagaw a muso ni a denw, otigi ka kan ka yafa daari o fɛ, ka o dɛmɛ can yɛrɛ la.
Yuhana batiserikɛbaga ka Cira Ezayi ta layiri ba dafa, wagati minna a kɔsegina Cira Esayi ta Cira ya kuma kan. ʻʻ pɛrɛnkan dɔ bɛ bɔra ko :aw ye sira labɛn Matigi Ala ye kongokolon kɔnɔ ; aw ye siraba dakaɲa, nin yɔrɔ jalanw na an ta Ala ye dingakɔnɔyɔrɔw bɛɛ ye lafa, aw ye kuruw, ani kongoriw bɛɛ cici ka o yɛrɛgɛ, ka tintinw bɛɛ dakaɲa, yɔrɔ kɔrɔtaninw ye kɛ kɛnɛgbɛw ye. Ni okɛra,Matigi Ala ta nɔɔrɔ bɛna yira, adamadenw bɛɛ lajɛnnin bɛna a ye ; sabu Matigi Ala yɛrɛ le kuma na.ʼʼ (Esayi 40 : 3-5 ; Luka 3 :4-6)
Yuhana batiserikɛbaga tun bɛ waajuri kɛra k’a fɔ ko: mɔgɔ si terennin tɛ, an bɛɛ tu jarakira, an jogow kakan ka yɛlɛma ka sanninya, walisa an ka kɛ yɛrɛ majigi mɔgɔ ye. Mɔgɔ min ka mɔgɔ wɛrɛw janfa walama ka o nanbara otigi kakan ka ta ceguya dabla, k’a ta firiw labɛn, ka tagama telenninya ra.
Vɛrse minw bɛna sisan o bɛ Matigi ta sariya kumaw fɔ la suruɲa na: ʻʻ I ka kan ka Matigi Ala, i ta Ala kanu ni i jusukun bɛɛ ye, ani i nin bɛɛ, ani i baraka bɛɛ. ʼʼ (sariya 6 : 5) ʻʻ i ka kan ka i mɔgɔ ɲɔgɔn kanu i ko i yɛrɛ ʼʼ (Sarakalasebagaw 19 : 18) ni aw b’a fɛ ka Ala kanu, aw ye a ta sariyaw mara, aw ye a daairi Matigi fɛ a yɛrɛ ye aw dɛmɛ, ka yira aw ra cog minna aw bɛ se k’a ta sira labɛn, walisa a ye na aw yɛrɛ fɛ tigitigi.
Matigi yɛrɛ le bɛ sira bɔ ka taga aw fɛ
Mariyamu dencɛ woro cogo kɛra kabako ye, sabu Ala Nin saninman le ka a yɛrɛ kɛ mɔgɔ farikolo ye a le ra. Kirisita blara ka na jurumun tɔw ni canninkɛlaw cɛman. A ta kanuya kosɔn a ka banabagatɔw kɛnɛya, a ta Sebagaya nin kosɔn a ka jinatɔw kunmabɔ jinaw boro. K’a sɔrɔ a ta dugu mɔgɔw caman ma lon ko a ta nɔɔrɔ sababu tun ye a ta kanuya saninman le ye.
Matigi hina tigi b’a jusukunn da yɛrɛ mɔgɔw ye, minw bɛ o yɛrɛ labɛn a kɔsegiri kosɔn. o le kama, Mariyamu dencɛ ka dunuɲa mɔgɔw ta jurumun bɔ o kan, a ka a yɛrɛ saraka ka jori bɔn an nɔna, a ka an saninya ka bɔ jurumunw bɛɛ ma, a k’a ta terenniya dafanin di an ma gbansan. An y’a fo ka kanu, sabu a ka sankolow bonda da yɛrɛ an ye.
Kirisita ta na anw ta dunuɲa kɔnɔ, o le ye fɛn bɛɛ la nanfanman ye, dunuɲa mɔgɔw ta kow tɛ ta ka ɲa min kɔ. Matigi Ala nana anw ta dunuɲa kɔnɔ, walisa dunuɲa mɔgɔw ye ɲasin a ma. Ala bɛ yafa mɔgɔw ma, minw bɛ sɔn ka ninminsa o ta jurumun na, ka ɲasin Ala ma. Mɔgɔ min ka o gondon lon o ye hakiri tigi ye. Min bɛ o kɛ o le bɛna jate.
Ala bɛna aw yɛrɛ le fɛ tigitigi
Kirisita ɲananman wirira ka bɔ kaburu kɔnɔ, sabu a ka se sɔrɔ saya kan. A kɔrɔtara ka taga sankolo ra, a bɛ ɲanamaya ra ni Ala Saninman ye. A k’a ta karamɔgɔden minw kanu, olugu lɔgɔ tun b’ara. A ka o ta barakadɛsɛ lon ani o ta jigiya. O le kos ɔn a ka ta Nin Saninman ci kana o ma, sani a ye kɔrɔta ka taga sankolo ra. Kirisita ka fɔ ko: ʻʻ o bɛɛ n’a ta , ne bɛ can le fɔra aw ye: ne ye taga, o le ka fisa aw ma ,sabu ni ne ma taga, dɛmɛbaga tɛna na aw fɛ ; nka ni ne tagara, ne bɛna a ci ka na aw fɛ. ʼʼ (Yuhana 16 :17 ) Matigi Ala bɛna anw na a ta Nin Saninman sababuyara, a le min ye jusu salobaga ani dɛmɛbaga ye, o min bɛ to Kirisita ta karamɔgɔdenw kɔnɔ.
Yala aw ka aw jusukun da yɛrɛ Kirisita Nin saninman ye wa ? a b’a fɛ ka aw jusu yɛlɛma ; ka aw la fa a ta kanuya ra, walisa a ta hɛra, a ta ɲagari, a ta muɲuri, ani a ta ɲumanya ka to aw kɔnɔ (Matiyu 11 : 29, Galsikaw 5:22-23) Matigi bɛ aw jusukun da gbasi, aw bɛna aw jusukun da yɛlɛ a ye wa ? aw kana aw nin gbɛlɛ ya, aw ka Matigi ta sira labɛn aw yɛrɛ ye.
ʻʻ wuri ka manamana, sabu i ta yeelen nana ; Matgi Ala ta nɔɔrɔ bɛna manamana i kan. A flɛ, dibi ka dugukolo yɔrɔ bɛɛ datugu, dibifinba ka mɔgɔw bɛɛ datugu ; nka Matigi ta yeelen bɛna jigi ele kan, a ta nɔɔrɔ bɛna na i kunna. ʼʼ (Ezayi 60 : 1-2)
Matigi Ala bɛ taga bɛɛ kelen kelen fan fɛ
Minw ka yɛlɛmali kura sɔrɔ ninsaninman fɛ, Kirisita bɛ olugu bla sira, ka taga injiili kibaro diman layiri kura kuma lase, o teriw ni o sigi ɲɔgɔw ma. Ka fɔ o ye ko Matigi Ala bɛ o makɔnɔna, ko ye na Kirisita ma, o ka na to munumunu na, ko ye tugu Kirisita kɔ, ani ka taga mɔgɔ firiniw yɔrɔ ɲini Ala ye.
Ni aw ma lon cogo minna aw bɛ se ka baara kɛ Ala ye, aw y’a daari a fɛ a ye bla aw ɲa, ka yira aw ra cogomin na aw bɛ se ka mɔgɔ wɛrɛw sɔrɔ Matigi ye, ka kɛwaliɲumanw dafa, ka dɛsɛbagatɔw dɛmɛ. Matigi bɛna kuma don aw dara tuma minna ni aw b’a fɛ ka kuma mɔgɔw fɛ, minw b’a fɛ ka Ala ta kanuya ani a ta sanninyari kuma lam ɛn. Matigi bɛna aw ja gbɛlɛya, ka aw bla sira, ka aw mara. Aw ye aw ka ɲanamanya ɲaminali ko karifa Kirisita ma, aw bɛna dugawu sɔrɔ, aw ni mɔgɔ minw bɛ na ɲɔgɔn kun bɛn, Matigi yɛrɛ bɛna o kow labɛn.
Aw ye miiri Kirisita ta na gundow ma dunuɲa kɔnɔ
Ni aw b’af ɛ ka dɔ fara aw ta lon ta kan, cogo min na Matigi magara cɛw ni musow caman jusukun na, aw ye lɛtrɛ ci anw ma, aw bɛna Kirisita ta injiili Kitabu, kibaro diman ci aw ma, ani sɛbɛn min bɛ se ka aw dɛmɛ ka kuma Ala ta kuma ni a kɔrɔw ra, ani Ala daari kanw minw bɛna aw ja gbɛlɛya lanayara, ka kanuya ni jigi sɔrɔ. Aw ka na ɲina ka aw ta adrɛsi sɛbɛ ka ɲa, walisa a ye se ka karan. Anw bɛ aw ta lɛtɛrɛ mankɔnɔna.
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net