TRAITÉ 06 -- Aw ye ɲagari Matigi ta jɛnɲɔgɔnya ra! (Filipikaw 4:4)
Lon o lon kanbelen kɔrɔbaw b’a ɲini ka tɛmɛ o dan kan, ni o bɛ yɛrɛ kuru jan baw san fɛ, o tɛ miiri kojugu min bɛ se ka o sɔrɔ. o bɛ wati caman kɛ dɔnkɛ yɔrɔw ra dɔnkɛra. O b’a ɲini ka tɛmɛ mɔgɔw ra fɛn bɛɛra, O ta ɲanamaya min lakolonlon, o b’a ɲini ka o lafa ni o yɛrɛ ta kɛwaliw ye ani o ta sebagaya ye.
Dɔw fana b’a ɲini ka wari caman sɔrɔ, walisa o ka laganfiya, ka ninsɔndiya sugudɔ sɔrɔ min b’a kɛ o bɛ ɲina o kun koyaw kɔ, ka sawa o jusu diyanakow ra, jatɔya ra. Dɔw fana bɛ wunuwunu terenbaliya kow kosɔn. o bɛ o kari ko o bɛna o yɛrɛ mɔnɛbɔ ka o yɛrɛ ci ni bɔmu ye, i nafɔ olugu le kɛra o ta jamana kunmabɔ bagaye.
Mɔgɔ dama dama dɔrɔn le bɛ o ɲasin Ala ma ka ɲinin ka: ʻʻ Ne kakan ka mun le kɛ walisa ka kisi ?ʼʼ ʻʻ I b’a fɛ ne ye mun kɛ walama ne kana mun kɛ ?ʼʼ Ala ta hina bɛ mɔgɔ jusu kasiniw jagblɛya, ka o ɲa kɔrɔta ka sankolo flɛ, ka jigimafa sɔbɛ sɔrɔ danbaga Ala fɛ.
Mɔgɔ minw jigi tigɛra dɔ le bɛ farala olugu kan ka taga ɲa, jigi tɛ o fɛ, o tɛ o ta ɲanamaya kun lon. Olugu bɛna se ka jigi sɔrɔ cogo juman tuun ? an bɛɛ le te tagara ni ye bɔmu nikleyɛri kɛrɛ ɲa kɔrɔ wa, o min bɛ se ka dunuɲa tarancɛ sabana halaki ?
Yirari min bɛ mɔgɔ la jija
Ni ko kɛra kɛlɛ caman wagatira, Cira Nehemi ka yirari dɔ sɔrɔ ka bɔ Ala fɛ, o tun kɛra a ta Aladaari jaabi ye: ʻʻ Aw kana aw jusu kasi, sabu Matig Ala bɛ ɲagari min di aw ma, o le bɛ aw ta baraka ye. ʼʼ (Nehemi 8 : 10)
An ye an jusukunw da yɛrɛ Matigi ɲanaman ye, sabu a le kelenpe lo bɛ se ka laganfiya ni hɛra di an ma, ani ka an jigi kuraya.
Cira ka jijali kuma juman le sɔrɔ o yirari kuma kɔnɔ ? Matigi ka famuyali di a ma ko a le Matigi Ala yɛrɛ fanilo ɲagari ra. A siginin tɛ i na fɔ yiri mɔgɔnin, min tɔgɔ bɛ wele ko Buda, n’a bɛ yɛlɛkola, a ma ko foyi tɛ Adamandenw ta tɔɔrɔ kow ra. Anw ka Ala ninsɔnkadi kɛwali ɲuman kɛlila, kisili ɲagari fana b’a ra. A ka kisili fɛrɛ labɛn mɔgɔw bɛɛ ye. Ala min ka ko bɛɛ lon, a ka lon ko mɔgɔ si teyi min bɛ koɲuman kɛ ka dafa, bɛɛ kɛra cannin kɛlaw ye, mɔgɔ si tɛ se ka a yɛrɛ kisi, wala ka a yɛrɛ jusukun yɔrɔ lakolon la fa ni hɛra ni ɲagari ye. Matigi b’a fɛ ka jurumuntɔw yɛlɛma ka o kura ya, walisa kun ye kɛ o ta ɲanamanya ra, ka jigi di o ma o ta dunuɲa latigɛra. Ala bɛ ɲagari min di, o le ye aw ta baraka ye ! mɔgɔ min b’a kɔmunu a ta jurumunw ma, ka ɲasin Ala ma, o tigi bɛ baraka sɔrɔ a fɛ ni jusu saaro ani ja gbɛlɛya. Matigi kelenpe lo bɛ jusu suman, a ta Masaya Nin ka surun an na hali bolo bɛ se ka lasɔrɔ.
Kisibaga woro ra
Bɛtilɛhɛmu kuruw kan su fɛ, yeelen bara ra ka bɔ siɲa kelen tuma min na Matigi ta Mɛlɛkɛ k’a yɛrɛ yira a ta Nɔɔrɔ bɛɛ ra saga gbɛn bagaw ra, olugu min tun bɛ o ta sagaw kɔrɔsira sufɛ. O siran kojugu ka o yɛrɛ firi duguma, o tun b’a miiri ko kiti tigɛ lon sera. O siranbagatɔ hakiri jigin na o ta jurumunw na. O tun b’a fɛ kiti ye tɛmɛ o kan, a kana se o ma, nka Matigi Nɔɔrɔ manamanana ka o cɛtigɛ.
Mɛlɛkɛ ma o mafiɲɛ ya, nka a ka o jagbɛlɛya: ʻʻAw kana siran, ne nana ɲagarikoba kibaro diman le fɔ aw ye; o bɛna kɛ mɔgɔw bɛɛ ta ɲagri ko le ye. Kisibaga worora aw ye bi su nin na, Dawuda ta dugu ra. A le le ye Matigi ye, Ala ka min ɲanawoloma k’a kɛ kisibagaye.ʼʼ (Luka 2:8-11).
O yirali fɛ Matigi ta Mɛlɛkɛ ka wagati kura kibaro lase, ɲagari ni nɛɛma wagati. Matigi tun ka fɛrɛ min labɛn walisa ka mɔgɔw kisi o can dafara. Mɛlɛkɛ ka mɔgɔw wele ko ye na ji bɔ, ɲagari ni hɛra jibɔyɔrɔla, min bɛ woyo ka bɔ Ala yɛrɛ la. Matigi ta a ya nɛɛma di mɔgɔ terenninw ni mɔgɔ saninmaw dɔrɔn ma, nka a b’a di mɔgɔ juguw ni cɛnikɛlaw fana ma. Mɛlɛkɛ ma a ta weleri ɲasin fɔlɔ hakiritigiw ni mɔgɔ karanninbaw ma, nka a ka ta weleli damina karanbariw ani kolɔnbariw le ma. Ala ta lɔnniya tun kakan ka yeelen bɔ o ye. O boɲa kelen ma di cɛw dɔrɔn ma, nka a dira musow ni dɛmisɛw mɔgɔ sɛgɛniw ani banabagatɔw fana ma. Matigi ta ɲagari dira o bɛɛ ma gbansan. Munkosɔn Matgi ta Mɛlɛkɛ k’a fɔ ko: bɛɛ ye ɲagari ? k’a masɔrɔ kisibaga tun woro ra , a ta hina baara tun damina na.
Nka a ta dugumɔgɔw kɛcogo kɛra ɲanasisi ko ye, sabu o caman le ban na hɛra Masa ra. O tun ta fɛ ka o miiriya yɛlɛ ma. O ta la ɲini tun ye min ye, o tun ye fangatigiya le ye, ni wariko ani ka se ka sigi yɔrɔ ɲuman sɔrɔ dunuɲa kɔnɔ. O tun labɛnnin lo ka o ta mɔgɔ faga kɛlɛkɛ minaw ta ka o juguw kɛlɛ, ka se ka se sɔrɔ olugu kan, walisa ka o ta fagamaw jigi tugu, ani ka se di o ta jamana ɲa mɔgɔw ma, o ta guvɛrneman.
Kirisita ta nilifɛn ɲuman
O bɛɛ n’a ta Kirisita ka mɔgɔw lajɛ, minw ninminsara ka o kɔmunu o ta jurumun na, ka o ɲasin Ala ma. Banabagatɔ minw nana a ma a ka olugu kɛnɛya, ka o ta jurumnw bɛɛ yafa o ma, a ka jinaw gbɛn ka bɔ jinatɔw ra, a ka fɔɲɔba la lɔ baji kan, a ka a lamɛn bagaw kɔngɔ tun bɛ minw na, a ka o jigimafa ka o jusu suma, kaban ka fɔ o ye ko: ʻʻ Ne ka nin kow fɔ aw ye, janko ɲagari min bɛ ne ra, o ye kɛ aw fɛ, ani aw ta ɲagari ye dafa.ʼʼ (Yuhana 15:11; 16:24).
Kirisita ka ni gondo saninman cantigiya, a ta Ala daari soronari ra, tuma min na a ka fɔ ko: a le ka a baleman minw kanu, o bɛ se k’a ta ɲagari dafanin sɔrɔ. (Yuhana 17 : 13)
Mariyamu dencɛ bɛ a ta kanuya nin a ta karamɔgɔdenw ni a juguw ra, ani minw b’a kɛlɛ, a ka o ta jurumuw ta ka bɔ o kan ani o ta firiw, a ka ta jolibon saraka ƙɛ o ta jurumun kosɔn. A ta jurumun kafari saraka kosɔn, a ka bɛn don o ni Saninman cɛ; Sebagaya bɛ Kirisita fɛ ka jurumunw bɛɛ kafari mɔgɔw ma, min bɛ sɔn a ta telenniya dafanin ma, ani jigi banbari a bɛ o min di o ma gbansan a ta nɛɛma barakara.
A se sɔrɔ len kɔrɔta nin kɔ ka taga Ala fɛ, Mariyamu dencɛ ka Nin Saninman jigi ka na Adamandenw bɛɛ kan. (Ciradenw ta kɛwalenw 2:16-21) mɔgɔ min bɛ a kɔmunu a ta jurumun na, o tigi bɛ jɛɲɔgɔnya ɲuman sɔrɔ ni Kirisita ye, lanaya fɛ a bɛ Nin Saninman ta kanuya sɔrɔ, ni ɲagari ni hɛra ni muɲuri ani sabari (Galasikaw 5 : 22-23). Lanaya ta kunuli bɛ damina lanabaga ta ɲanamaya ra, tuma min na ni lanabaga ka ta ɲanamaya to Ala Nin Saninman boro a ye a kura ya. Minw sɛgɛnin lo olugu jusu bɛna saro, jigi tɛ minw fɛ olugu bɛna jigi sɔrɔ, mɔgɔ juguw bɛna kɛ mɔgɔ terenniw ye, minw bɛna gbara saya ra, olugu bɛna o ta ɲanamaya kɛ Ala ta Sebagaya ra, ɲanamaya banbari ra. Ka bini lon min Kirisita ka bɛn don ani Ala cɛ, a ta nɛɛma bɛ kɛnɛyali min di ani saninyari, jigira ni nɔgɔya ye dunuɲa mɔgɔw kan fɔ ka wasa.
Pɔli ka ko caman lɔn tun ma minna nin ta fan fɛ Ala kola, o kɔ fɛ a ka ni sɛbɛ: ʻʻAw ye ɲagari Mtigi ta jɛnɲɔgɔnya ra; ne bɛ kɔsegi a kan: aw ye ɲagari!ʼʼ (Filipikaw 4:4).
Mɔgɔ min b’a miiriya bɛɛ bla Matigi kan ka kanu, k’a ta kuma karan k’a mara, Ala ta ɲagari bɛna to olugu la tuma bɛɛ. kirisita ka ta karamɔgɔdenw la jija ka o ja gbɛlɛya ka fɔ ko: ʻʻAw tɔgɔ min sɛbɛra sankolo ra, aw ye ɲagari o le ra.ʼʼ (Luka 10:20).
Kalankɛla kanulen,
yala aw bɛ ɲanamaya ra kelen na sigira wa, aw tununa walama aw jigitigɛra ? wala aw bɛ Kirisita ta jɛnɲɔgɔnya ra wa ? mɔgɔ min bɛ nɔɔrɔ Maiyamudencɛ ra, otigi bɛna don a ta Sebagaya ni a ta ɲagari ra. Aw ye aw yɛrɛ majigi Kirisita ye, ɲagari banbari bɛna kɛ aw jusukun na ni dunuɲa lanabari kɔnɔ, n’a kɔrɔbɔliw ani a tɔɔrɔw.
Anw bɛ aw ta lɛtrɛ ma kɔnɔ na. Aw kana ɲina ka aw ta adrɛsi sɛbɛ ka ɲa, walisa a ye se ka karan. Anw bɛ Ala daari aw ye walisa Matigi ta ɲagari ye to aw kɔnɔ.
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net