Fluwa kaan 05 -- Amun ‵siesie Anannganman i atin’n! (Ezai 40:3)
Sran’m be kↄ be ba, sanngε be si’a lika nga be kᴐ trele sa. Be klo kε be yo nan be wla’n gua ase, i sↄ’n ti be mian bé nyin di junman nan be ‵nyan bé nuan nun aliε cεn’n kwlaa, sanngε be nun sran kaan sa yε be bu wie’n ng’ᴐ su minndε be’n i akunndan-ↄn. Be nga be bu Nyanmiεn i akunndan, bᴐ be sro i, yε be yo kε be fε i mmla’m be su, k’ↄ yo nan ᴐ’a tinngε be nan b’a si nanwlε’n, be ti bᴐ kaan sa.
I b’ↄ yili mԑn wunmuan’n, i wla fi-man sran ng’ᴐ yili be’n bé su. Ͻ klo be, ↄ bu be akunndan, ᴐ kan ndԑ kle be yԑ ↄ sa bé awlԑn mun nian. Be kwlaa nga be kpԑ bé nyin i wun bᴐ be kaci be nzuԑn’n, ↄ klo kԑ ᴐ ′fԑ i kwlalԑ’n man be.
Anannganman bↄbᴐ yԑ ↄ ba e wun-ᴐn
Kԑ Adam nin Ɛv be yoli nyin kekle Nyanmiԑn su’n, nyanzuԑn kunnin be nan b’a fia Nyanmiԑn nyrun, afin be wunnin i wlԑ kԑ b’a fↄn Nyanmiԑn wun. Ͻ nin i sↄ ngba’n, Nyanmiԑn ᴐ’a bu-man be fↄ ᴐ’a yi-man be blo sanngԑ ↄ kunndԑli be: “? A o nin, Adam?” (Bo Bolԑ 3: 9). Sran’m be yifuԑ’n ᴐ kunndԑ e nun kunngun yԑ ↄ usa e kԑ: ?“A o nin? ? A o nin ᴐ nguan’n nun?”
Anannganman flԑli Abraham Mezopotami lↄ, nvle kun b’ᴐ ti saciwa be nyanmiԑn kpanngban nga be sↄ bé’n ti’n i nun. Ͻ yoli man Abraham kacili lika kↄfuԑ b’ᴐ fԑ-man, ↄ wlan sin ᴐ kunndԑ tranwlԑ kpa kun b’ↄ ti anannganman tranwlԑ. ? Wᴐ bↄ a su kanngan ndԑ nga’n, a su kunndԑ sԑsԑ yolԑ atin’n, a su kunndԑ ↄ bᴐbↄ ᴐ tranwlԑ b’ↄ ti anannganman tranwlԑ ?
Zakↄb ti gblԑfuԑ yԑ ↄ si sran’m be laka kpa. Ͻ wandili ᴐli nvle mmua kpa kun nun yԑ ↄ jali bla nvle sᴐ’n nun. Kԑ ↄ cԑli lᴐuun kpa’n, ↄ sԑli i sin i bᴐbↄ i nvle’n nun lᴐ. Sanngԑ Nyanmiԑn i anz’n ↄ wa kpԑli i nyrun atin’n nun kԑ ᴐ tu i fↄ sa ng’ᴐ yoli be laa’n ti. Sanngԑ Zakↄb lafi Nyanmiԑn i aunnvue silԑ dan’n su. Ͻ nin Saunfuԑ’n be blali su yԑ ↄ nin i be kplili-ᴐ, ↄ seli kԑ: “Sԑ a nian yra-man min nguan’n, n nian yaci-man ᴐ nun” (Bo bolԑ 32: 26). ? An fa amun fa mantan Nyanmiԑn kԑ amun yoe sↄ lele man ᴐ de amun ?
Moiz wanndili Ezipt ᴐli aawlԑ nun lↄ, afin kԑ ᴐ fali ya’n, ↄ kunnin sonja kun bᴐ o lԑ bo Ebre kanga kun’n. K’ᴐ dili afuԑ ablanan’n, Anannganman yili i wun nglo kleli i isrԑ kun bↄ sin o nun sanngԑ ᴐ yra-man’n nun, nan ↄ’a se i kԑ : “ N ti b’ᴐ ti”, sran b’ᴐ kaci-man le’n i kpa yolԑ’n ↄ ′ka lԑ titi. ? Anannganman wunnin wᴐ ↄ nguan’n i aawlԑ nun lᴐ? ? Wↄ awlԑn’n ᴐ tili i aniԑn b’ↄ flԑ wᴐ’n ? ? A wunnin sran b’ↄ kaci-man’n i kpa yolԑ’n ?
Samiԑl ti gbanflԑn kan blԑ bↄ ANANNGANMAN flԑli i kԑ ᴐ tinngԑ i nvle’n yԑ ↄ yo be jᴐlԑ difuԑ’n. Nán kpԑnngbԑn’m be ngunmin yԑ Nyanmiԑn kpa be-ↄ, sanngԑ ᴐ kpa gbanflԑn mun wie. Ͻ fata kԑ e kle ba kanngan’m be Nyanmiԑn ndԑ’n yԑ e fa be e wↄ Nyanmiԑn wun. Anannganman klo kԑ ᴐ sin i sufuԑ kԑ amun sa’m be nun nan ↄ kan gbanflԑn mun be awlԑn’n ndԑ.
David kunndԑli bla i yi bo, kpԑkun ↄ mannin atin kԑ be ′kun bla sᴐ’n i wun’n. Sanngԑ ANANNGANMAN ↄ’a yaci-mԑn. Ͻ sunmannin i nuan ijᴐfuԑ kun i wun kԑ ↄ ko tike i sa tԑ’n su kle i yԑ ᴐ se i kԑ Nyanmiԑn i ya’n ↄ’a jaso i wun. David dili i sa tԑ’n nanwlԑ weiin, kpԑkun ᴐ yoli man sa tԑ yofuԑ mun be kacili be sin sili bé sa tԑtԑ mun. David nyannin ye nin yaci cԑlԑ ANANGANMAN sa nun. An kanngan jue mun 51 ; an suan m’ↄn ka amun akunndan’n nun. An jran su srԑ Nyanmiԑn su lafilԑ nun, amun wa nyan wla ase gualԑ nin yaci cԑlԑ kԑ David liԑ’n sa.
Nyanmiԑn nyrun jranfuԑ Ezai wunnin Nyanmiԑn bↄ fiεn fi nu’εn i wun’n i anyrunnyan nan ↄ’a kpan kε : “M’an wu o ! M’an mlin o, afin n ti sran kun bᴐ min nuan bui’m be ti fiεn, yԑ nvle bↄ n tran nun’n, i nun sran’m bé nuan bui’m be ti fiԑn, yԑ min nyima’n ᴐ’a wun Famiԑn’n, m’an wun ANANNGANMAN b’ᴐ sie mԑn wunmuan’n” (Ezai 6 : 5).
Ͻ sunnin afin ANANNGANMAN i kpajalε’n yili wafa nga i bↄbᴐ nin i nvle’n be fa ti’n, i nglo kleli i. ? An klo kε an fa amun wun mantan Nyanmiԑn nan amun wun i anyrunnyan’n ? Sԑ amun yoe sↄ’n, amun wun i wlԑ kԑ amun sa tԑ’n ti’n, amun nin Nyanmiԑn saunfuԑ’n, amun a bu. ? An si kԑ amun sa tԑtԑ’m bé ti yԑ an kwla mantan-man Nyanmiԑn b’ᴐ yili ninnge kwlaa-ↄ, ↄ man ᴐ fata kԑ amun sa tԑtԑ sↄ’m be yo tuwa weiin’n ?''' “E ′srԑ amun, man Nyanmiԑn siesie amun nin i bↄbᴐ amun afiԑn ” (2 Korԑntfuԑ mun 5 : 20).
Amun ‵siesie Anannganman i atin’n !
Sran ng’ᴐ klo k’ↄ yo nan Nyanmiԑn klun jᴐ i wun’n, ↄ fata kԑ ᴐ di Nyanmiԑn i mmla’m be su. Sran kwlaa ng’ↄ yo nyin kekle Nyanmivn i mmla’m be wun’n, ᴐ fata kԑ ↄ di i sa tԑ’n nanwlԑ yԑ ᴐ kpata Nyanmiԑn afin ↄ boli kasiԑ kԑ : “ Sԑ e di sa tԑ nga e yoli’n i nanwlԑ kle Nyanmiԑn’n, e kwla fa e wla’n guԑ i su, afin ᴐ yo sa i nuan su, ᴐ ′yaci cԑ ye, yԑ ᴐ man e wun sa’n kwlaa ‵wie ” (1 Zan 1 : 9). Sran ng’ᴐ ti gblԑfuԑ’n, man ↄ di i gblԑ’n i nanwlԑ kle Nyanmiԑn. Sran ng’ᴐ fԑ i wiengun like’n, man ↄ fa mԑn yԑ ᴐ kpata sran sↄ’n. Sran ᴐ nin i wiengun be yo sa sukusuku’n, man ↄ di i sa tԑ’n nanwlԑ yԑ ᴐ kaci i sin si sa tԑ sↄ’n. Sran nga ᴐ mianmian be nga mun’n, i si mun, i yi nin i mma mun’n, man ↄ kpata be yԑ ᴐ uka be siԑn.
Zan batԑm yofuԑ’n ᴐ yiali kasiԑ nga Nyanmiԑn nuan ijↄfuԑ Ezai boli’n i nuan yԑ ᴐ flannin nun see kԑ: “ Aniԑn kun kpan se kԑ: An ‵siesie Anannganman i atin’n aawlԑ flԑnnԑn’n nun lᴐ. Amun ‵yi akpᴐ kun asiԑ kee’n nun man e Nyanmiԑ’n, amun ‵treke su. Man be tannintannin kongo’n kwlaa ! Man be tutu oka nin kpᴐlԑ’m be ngba! Man be trutru lika kolokolo’m be nun nan be yo kpԑkplԑkpԑ. Man be trԑ lika fii’m be nun nan be ′yo gbaun. Yԑ Anannganman i nyrun bᴐ ti nyannyan’n ᴐ ′fite nglo. Yԑ Sran’m be kwlaa be ′wun Anannganman’n” (Ezai 40: 3 – 5); Lik 3: 4-6).
Zan baptԑm yofuԑ’n ᴐ kannin Nyanmiԑn seli kԑ, sran wie fi sa ti’a sԑsԑ. E kwlakwla et fↄnnin Nyanmiԑn wun, i sᴐ’n ti e sa a mian kԑ Nyanmiԑn ‵yo e saun yԑ ↄ ‵kaci e nguan’n nan e yo wԑtԑԑ. Sran ng’ᴐ dili i nian’m be ndrunmun b’ↄ lakali be sa wie nun’n, ᴐ fata kԑ ↄ yaci gblԑ kpԑlԑ yԑ like ng’ᴐ dili be ndrunmun nun’n, ↄ ‵yi i wun su man be.
Be bo ANANGANMAN i mmla’m be kpↄlԑ ndԑ nga’m be nun : “ Amun ‵klo ANANGANMAN amun Nyanmiԑn’n kpa, amun ‵fa amun wla’n kwlaa guԑ i su, amun ‵fa amun wunmiԑn’n kwlaa yo like ng’ᴐ kle kԑ amun klo i’n.” (Mmla’n 6 : 5), yԑ “ↄ fata kԑ sran kun klo i wiengu kԑ ᴐ fa klo i bↄbᴐ wun’n sa” (Saun yolԑ 19 : 18). Sԑ amun waan amun klo Nyanmiԑn’n, wuun amun ‵fԑ i mmla’m be su. An srԑ Nyanmiԑn kԑ ↄ ′kle amun wafa ng’ᴐ fata kԑ an fa siesie i atin’n k’ↄ yo nan ᴐ’a kwla ba amun wun’n.
ANANGANMAN bↄbↄ ‵bo atin kun yԑ ᴐ ‵ba amun wun
Mari i wa yasua’n i awuliԑ’n yoli abonuan, afin Nyanmiԑn Wawԑ’n kacili sran i nun. Krist kacili i wun sran ↄ bali klᴐ sran bↄ be ti sa tԑ yofuԑ bᴐ be ti saciwa’m be afiԑn. Ͻ yili i klolԑ’n nglo sran’m be lika i sↄ’n ti ᴐ yoli tukpacifuԑ’m be juejue yԑ wawԑ’n nun kwlalԑ ng’ↄ lԑ i’n ti’n, ᴐ fuannin wawԑ tԑtԑ mun sran nga be saci be’n be nun, ↄ man be nyannin be ti. Sanngԑ i nvle nunfuԑ kpanngban b’a wun-mԑn i wlԑ kԑ i anyrunnyan’n fin i klolԑ b’ᴐ ti jrԑiin nun.
E Min’n b’ᴐ ti aunnvuԑ sifuԑ’n ↄ tike i awlԑn’n su fa man be kwlaa nga be klo kԑ be siesie be wun be minndԑ i balԑ’n. I sᴐ’n ti yԑ Mari i wa yasua’n ↄ tuli mԑn’n i sa tԑ’n nin-ᴐn, ↄ sinnin e ajalԑ nun, be kunnin i, ᴐ man e wun sa tԑ’n kwlaa a wie yԑ y’a yo sran kpa Nyanmiԑn nyrun. Ͻ yoli i sᴐ ‵fa cԑli ye. Man e lԑ i ase yԑ e klo i afin ᴐ tikeli Nyanmiԑn su lↄ atin’n mannin ye.
Krist i asiԑ’n su wa balԑ’n, i yԑ ᴐ ti ndԑ cinnjin bↄ mԑn’n i wun ndԑ’n taka su-ᴐ. Nyanmiԑn bali e mԑn’n nun k’ↄ yo nan mԑnfuԑ mun b’a kpԑ be nyin i wun’n. Be kwlaa nga be kpԑ bé nyin Nyanmiԑn wun bᴐ be kaci bé nzuԑn’n, Nyanmiԑn yaci bé wun sa tԑ’n cԑ be. Sran ng’ↄ wun nvialiԑ nun sa nga wlԑ’n wuun ᴐ ti ngwlԑlԑfuԑ yԑ sran ng’ↄ di su’n, Nyanmiԑn klun ′jᴐ i wun yԑ ↄ ′sᴐ i nun.
Nyanmiԑn bↄbↄ ‵ba amun wun
Krist cԑnnin ↄ fin ndia’n un fiteli afin ᴐ kwlali wie’n, ↄ fuli Nyanmiԑn su lᴐ ↄ man siԑn’n, ᴐ nin Nyanmiԑn saunfuԑ’n yԑ be tran-ↄn. I wla lo i sᴐnnzↄnfuԑ ng’ᴐ klo be’n. Ͻ si kԑ be ti fakafaka yԑ i wla o su kԑ be ′yo kpa. I sↄ’n ti yԑ ↄ fԑli i Wawԑ San blԑli be-ᴐ. I sin nan ↄ’a fu Nyanmiԑn su’n, Krist seli kԑ: “ Sanngԑ i nanwlԑ yԑ n di kleli amun-ᴐn, sԑ n kↄ’n, ᴐ ti kpa, afin sԑ m’an ↄ-man-ᴐn, sran ng’ↄ ′uka amun’n ᴐ su ba-man, sanngԑ sԑ n kↄ’n, n yo man ᴐ ′ba” (Zan 16 : 7). Nyanmiԑn ba e wun nin i Wawԑ San, Ukafuԑ’n, bᴐ tran Krist i sᴐnnzᴐnfuԑ’m be nun’n.
? Amun a tike amun awlԑn’n su a man Krist i Wawԑ’n? Ͻ klo kԑ ↄ kaci amun yԑ ᴐ fԑ i klolԑ’n yi amun k’ↄ yo nan i aunnjuԑ’n nin i aklunnjuԑ’n nin i awlԑn tralԑ’n nin i aklunye’n b’a tran amun nun’n ti (Matie 11: 29; Galasifuԑ mun 5: 22 – 23). ANANNGANMAN su bobo amun awlԑn’n i anuan. ? An ′kplin su kԑ amun tike amun awlԑn’n i anuan’n? Nán amun kete amun akunndan’n, sanngԑ amun siesie ANANNGANMAN i atin’n afin ↄ klo kԑ ᴐ ‵ba amun wun.
“ Jaso, kpaja kpa, afin ↄ lika b’ᴐ kpaja weiin’n ↄ su fite, yԑ ANANNGANMAN i nyrun nyannyan’n, ᴐ su fite nglo ↄ su. Afin aosin’n ᴐ kata asiԑ’n su, lika tuun ↄ dun sran’m be su, sanngԑ ᴐ liԑ’n, ANANNGANMAN kpaja ↄ su, i nyrun nyannyan’n ᴐ fite nglo ↄ su” (Ezai 60 : 1 – 2 ).
Nyanmiԑn su ba amun nun kunngun amun wun
Be nga Nyanmiԑn ↄ’a bo be uflԑ wawԑ’n nun’n, Krist i klolԑ’n ᴐ su be bo kԑ be bo Jasin fԑ’n kle bé jannvuԑ mun nin bé tranfuԑ mun, yԑ be ′se be kԑ Nyanmiԑn su minndԑ be. Nán amun kpԑ amun wun amun osu kunngba’n nun, an su Krist su yԑ an kunndԑ be nga b’a mlin mun.
Sԑ amun si-man wafa nga be fa su e Min’n, an srԑ Nyanmiԑn kԑ ↄ tinngԑ amun yԑ ᴐ ′kle amun wafa nga amun yo nan amu’an kԑn i ndԑ a kle be nga mun’n, nin wafa nga amun yo nan amu’an yo sa kpakpa mun nan amu’an uka be nga be o asamian nun mun. Blԑ nga amun wa ko kan Nyanmiԑn i klolԑ’n nin i saun b ↄ ti’n i ndԑ kle be kwlaa nga be klo kԑ be tie i ndԑ’n, E Min’n ↄ ′tike amun nuan’n yԑ ᴐ ′fԑ i ndԑ’n wla amun nuan. E Min’n ↄ ‵wla amun fanngan, ↄ nin amun o nun yԑ ᴐ ‵sasa amun. An yaci Krist nun m’ↄn tinngԑ amun nguan’n, amun ′nyan su yralԑ. Sran kwlaa nga amun kↄ be wun’n, e Min’n bᴐbↄ ᴐ ′siesie blԑ sↄ mun. `
An bu akunndan nvialiԑ nun sa ng’ↄ o Krist i balԑ nun’n su
Sԑ amun klo kԑ amun si wafa nga Nyanmiԑn fa kannin yasua wie mun nin bla wie mun be awlԑn’n, an klԑ e fluwa, e ′fa Krist i Jasin Fԑ’n nin i nun yiyilԑ’n nin srԑwa wie mun ‵blԑ amun, k’ↄ yo nan amu’an jran kekle su lafilԑ nun nin klolԑ nun nin sunnzunlԑ nun’n ti.
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net