TRAITÉ 04 -- Ala ye hɛra kɛ aw ye!
An bɛ ɲanaman ya ra bi wagati minw na , o ye hakiri ɲagamin wagati le ye. Bɔnmuw bɛ jigira i na fɔ sanji, kɛlɛw bɛ kɛ ra, bana kisɛw bɛ jamanaw la siran na, kɔngɔ bɛ yɔrɔ canman na, siranya ni jigi tigɛ bɛ se sɔrɔ la mɔgɔw kan, mɔgɔ caman la ni tɛ hɛra ni bɛn ko la.
Kirisita ka an la sɔmi ko an ye an yɛrɛ kɔrɔ si laban kow ra: ʻʻ Aw bɛna kɛrɛ mankanw mɛn, ka kɛrɛ kibaroyaw mɛn. Aw hakiri kana ɲagami; sabu jagboya lo o kow ye kɛ…ʼʼ (Matiyu 24 :6)
A sɛbɛ ra Yirari Kitabu kɔnɔ an bɛ a karan ko: ʻʻhɛra bɔra dugukolo kan pewu.ʻʻ (Yirari 6 : 4) a kɛ ra a bɛ san waafla ni kɛmɛ wolon wula bɔ,(2'700) Ala kuma na Cira Ezayi fɛ ko: ʻʻmɔgɔ juguw kɔni tɛna hɛra sɔrɔ fiyewu ʼʼ ( Ezayi 48 : 22 ; 7 : 21).
Jɔn le ye mɔgɔ juguw ye ?
Mɔgɔ caman bɛ miiri ko olugu ka fisa ni mɔgɔ wɛrɛw ye, sabu ko olugu miiriya kaɲi ka tɛmɛ o mɔgɔ ɲɔgɔw ta kan. I bɛ ta sɔrɔ o karan na, wala o bɛ sanga sɔrɔ ka tɛmɛ anw caman kan. Dɔw fana bɛ miiri ko o ta ko ɲumanw bɛna o ta ko juguw jɔsi ka bɔy, Ko kiti tigɛ lon na, Mijani bɛna diya olugu ra. O bɛ o yɛrɛw le la firira ! sabu ni an ka an yɛrɛ kaɲa ni Ala ye, wajibilo an bɛna ben, k’a masɔrɔ mɔgɔ o mɔgɔ bɛ a yɛrɛ kaɲa Ala dafa ni ma a ta saninyari ni a ta hina ra, otigi bɛna kɛ Ala ɲa kɔrɔ i ko yɛrɛ sago kɛ la ani yɛrɛ boɲa na le ye. Aw bɛ aw yɛrɛ kaɲa na ni jɔn tigi le ye ?
An ka bi tere la, mɔgɔ caman bɛ Ala ta sariyaw sɔsɔ o ka o yɛrɛ degi jurumun kɛ ra.
ʻʻ Matig Ala nana a ye ko admadenw ta kɔnɔnɔjuguya warara dunuɲa kɔnɔ. A k’a ye ko lon o lon, miiriyajuguw dɔrɔn le bɛ kɛra mɔgɔw jusukun naʼʼ (Damina 6 : 5)
Cira Dawuda pɛrɛna ka fɔ ko: ʻʻo bɛɛ ka o kɔ munu Ala ma, o bɛɛ kɛra ɲacintaw ye ; o si tɛ koɲuman kɛ, hali mɔgɔ kelenpe.ʼʼ (Zaburu 14:3 ;Rɔmukaw 3:10 -12)
Bi, kojugu bɛkɛ kɛnɛ kan, a te kɛ dogo ra tuguni, maloya tara, sumanninya tara, ninminsa tara. An ta bi dunɲa bɔnibɛ sodɔmu ni gomɔri fɛ, an fana ye o lugu dɔ ye ! an bɛ jurumun to a ye kɛ an ɲana, an tɛ foyi fɔ, k’a sɔrɔ an ka lon an yɛrɛ ta miiri ya la ko Ala ta diminya bɛna mana an bɛɛ tu kama. « Ala bɛ wasobagaw kɛrɛ, nka a bɛ nɛɛma kɛ mɔgɔ sabarininw ye.» (Yakuba 4 : 6)
An ta Hɛra bɛna ka bɔ Ala fɛ
Matigi hina tigi ka yira Cira Ezayi ra dencɛ kelenpe bɛna woro, a bɛna kɛ lalilibaga ye min ɲɔgɔn tɛ, hɛra Masa, a ta Nin Masaya banbari bɛna to tuma bɛɛ. (Ezayi 9 : 6-7). Tuma min na Mariyamu dencɛ woro ra Bɛtilɛhɛmu, Mɛlɛkaw ɲagari ra o ka Ala tando ko: ʻʻbonya ye Ala ta ye san fɛ, yɔrɔ kɔrɔtaninw na, mɔgɔ minw bɛ sɔn Ala sago ma dugukolo kan, hɛra ye kɛ olugu ye.ʼʼ (Luka 2 : 14)
hali a ka o hɛra min di, mɔgɔ dama dama dɔrɔn le bɛ o jusukun da yɛrɛ Ala ta hɛra ye, walisa ka se k’a ta hina lon min ɲɔgɔn teyi, o ta ɲanamaya ra. K’a sɔrɔ Ala ta hɛra min tɛ ban, abɛ mɔgɔw fa minw bɛ sɔn a ta layiri ma ani ka la a ra.
Kirisita kununin kɔ ka bɔ saya ra, a k’a yɛrɛ yira a ta karamɔgɔdenw na, ka o jagbɛlɛya, sabu o tun bɛ siran na. A ka fɔ ko: ʻʻ Ala ye hɛra kɛ aw ye.ʼʼ (Yuhana 20 : 19, 21,26 )
O foli fɛ, Mariyamu dencɛ tun bɛ hɛra banbari di ra o ma, ka hɛra don o ni Ala cɛ a ka o min kɛ a ta jurumun kafari saraka kosɔn, ka kaɲa ni Cira ya kuma ye: ʻʻ k’a sɔrɔ a tɔɔrɔra anw nɔ le ra, a ka anw ta sɛgɛ doni le ta; anw kɔni k’a jate i ko sɛgɛbagatɔ, ko Ala le ka kojugu ben a kan, ka ɲani la a kan. Nka a mandimina anw ta hakɛw le kosɔn, a baraka bɛɛ banna anw ta terenbariyaw le kosɔn; korori min bɛ hɛra lase anw ma, o benna a le kan, jori minw tigɛra a farikolo ra, o le ka kɛnɛ ya lase anw ma. An bɛɛ tun bɛ yaala an kun fɛ i ko sagaw, an bɛ kelen kelen tun bɛ taga an ta sira le fɛ; nka Matigi Ala ka an bɛɛ ta kojuguw hakɛ ben a le kan.ʼʼ (Ezayi 53 : 4-6)
Kirisita ka bɛn don an ni Ala cɛ, a ka tɔɔrɔ min kɛ an nɔna, o kɛra walisa ka Ala ta hɛra ni a ta nɛɛma san an ye.
Mariyamu dencɛ tɛ an jagoya ka sɔn a ta nin na hɛra ma, a tɛ aw wajibiya, Nka a b’a yira aw ra walisa aw ka se ka ɲanawolomali kɛ ka kaɲa ni aw yɛrɛ sagoye, ani aw ta nafa , ni waliɲuman lon ye.
Aw ye Sɔn Hɛra ma
Kirisita bɛ a ta karamɔgɔdenw ja gbɛlɛya ka fɔ o ye ko: ʻʻ ne bɛ jususuma le to aw fɛ, ne bɛ ne ta jususuma le di aw ma. Ne tɛ a di aw ma dunuɲamɔgɔw ta dicogo ra. Aw hakiri ka na ɲagami aw kana siran. ʼʼ (Yuhana 14 : 27)
Hɛra Masa bɛ a ta Nin hɛra di mɔgɔw ma minw bɛ la a ta kuma ra. Mɔgɔ min ka Nin ta hɛra sɔrɔ, otigi bɛ yɛlɛma ka kɛ « hɛra dencɛ ye walama hɛra denmuso ye » Cira Pɔli ka o kuma cantigiya: ʻʻ o cogo ra Ala ka an jate mɔgɔ terenninw ye lanaya barakara; sisan a ka hɛra don an ni a le Ala yɛrɛ cɛ an Matigi Yesu Kirisita baraka ra. ʼʼ (Rɔmukaw 5 : 1)
Mɔgɔ caman ka hɛra Nin ɲini , o k’a sɔrɔ, omin siginin bɛ sisan o jusukun na. An bɛ aw ja gbɛlɛya, aw ka ɲini Ala fɛ a ye a ka layiri dafa aw ra, ka o sin sin Kirisita ta jurumun kafari saraka kan, o min bɛ a ta hɛra di mɔgɔw ma, minw lara a ta kumaw ra, o fana bɛ se ka ta nilifɛn sɔrɔ a ka min layiri ta.
Hɛra Nin b’a cantigiya aw ye, ko aw nin, ni aw jusukun saninyara, ka bɔ faninya ni nɔgɔninyakow bɛɛ ma. A bɛ jigi di aw ma, ko aw ta jurumun yafara, Kirisita ta jurumun kafari saraka sababura. O dugawu Nin, min bɛna to aw kɔnɔ tuma bɛɛ, ka bɛn don aw ni Ala cɛ Kirisita la, a bɛna hɛra banbari labɛn ka o kɛ aw kɔnɔ.
Dugawu ka kɛ hɛra baarakɛlaw ye
Nin saninman bɛ taga ɲa ka fɛn min kɛ Kirisita ta karamɔgɔdenw ta ɲanamaya ra o ye: kanuya, Matigi ta ɲagari, hɛra banbari, ɲumanya, ,muɲuri, hina, lanamɔgɔya, sabari, ani yɛrɛ mina (Galasikaw 5 : 22-23). Yala aw tɛ miiri ko aw jusukun mako b’a ra ka ninsɔndiya ni nin jogo ɲumanw ye wa? Ka ɲanamaya nin saninman ta saniyari ra, o nege dogonin bɛ aw jusu ra, aw bɛ o min nɔ fɛ.
Hɛra Ala b’a fɛ ka aw yɛlɛma, ka aw kɛ hɛra ji bɔ yɔrɔ ye, yɔrɔla yɔrɔ minw ka jugu ya kɛra o ra inafɔ bana. Mɔgɔ min ka hɛra Nin sɔrɔ o bɛ se ka taran taran. Mɔgɔ min k’a ta jurumun yafa sɔrɔ, o bɛ se ka yafa a hakɛ ta bagaw ma. Kirisita b’a fɛ ka a ta hɛra di aw ta somɔgɔw ma, ani aw ta karan so ra, ani aw ta baara kɛ yɔrɔ la. Aw kana aw yɛrɛ boɲa ni Ala ta kɛwaliw ye, a ka min kɛ aw boro, sabu Maryamu dencɛ bɛ aw kɛ yɛrɛ majigi mɔgɔ ye, ani sabari baga ye, i nafɔ a le yɛrɛ tun bɛ cogo min na an cɛma ɲanamaya ra farikolo ra. Kirisita bɛ baarakɛ mɔgɔ ɲumanw ni mɔgɔ juguw bɛɛye. Mɔgɔ min bɛ tugu a tagama cogo kɔ, otigi tɛna a yɛrɛ boɲa, Nka o tigi bɛna kɛ baarakɛ la ye, a yɛrɛ ja ra.
Cira Pɔli ka Matigi ta dugawu dɔ kɛ, o ɲasini bɛ aw fana ma, walisa aw ka baara kɛ Matigi ye, ni ɲagari ye: ʻʻ Ni o kɛra, Ala ta jususuma min ka bon ka tɛmɛ adamadenw bɛɛ ta faamuri kan, o jususuma bɛna kɛ sababu ye k’a to aw jusukun ni aw ta miiriyaw ye to Yesu Kirisita kan. ʼʼ (Filipikaw 4 : 7)
Yala aw b’a fɛ ka Matigi Ala ta Hɛra sɔrɔ wa ?
Ni aw ka ɲini an fɛ, an labɛnnin lo ka Kirisita ta injiili Kitabu kibaro diman layiri kura ci aw ma, ani Ala daari sɛbɛw, ani karan sɛbɛ min bɛ se ka aw dɛmɛ ka miiri Ala ta kuma ma, walsa aw ka jijali sɔrɔ Matigi ta hɛra la.
Ka hɛra sɔrɔ ni Ala ye aw ye o Kibaro diman la se aw la mununa
Kirisita ka ta karan laban kɛ nin nin kuma ye: ʻʻne ka nin kow fɔ aw ye, janko aw jusu sumanin ye to ne ta jɛnɲɔgɔnyara. Aw bɛna tɔɔrɔ dunuɲa kɔnɔ, nka aw ye jija! ne ka se sɔrɔ dunuɲa kan.ʼʼ (Yuhana 16 : 33)
Nin nin sɛbɛ diyara aw ye, a kuma don na aw jusukun na, nin aw b’a fɛ ka dɔ di aw tɛriw ma, walama minw ma Ala ta Hɛra sɔrɔ, aw ye lɛtrɛ ci an ma, an bɛna o sɛbɛw dɔɔni di aw ma. aw ka na ɲina ka aw ta adrɛci sɛbɛ, aw ka sɛbɛ ka ɲa walisa a ye se ka karan.
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net