Fluwa kaan 06 -- Sran wunmuan bↄ amun nin e Min’n ti’n ti’n, cԑn kwlaa man amun klun jᴐ! (Filipfuԑ mun 4:4)
Cԑn’n kwlaa, Gbanflԑn wie mun annzԑ kpԑnngbԑn wie mun bↄbᴐ, be klo kԑ be kↄ be nyrun like nga be si yo’n nun, i sᴐ’n ti be yo sa kekleekle wie mun bↄ be kun srԑ bᴐbↄ. Be fu oka nglonglo kpa’m be su, be si able dᴐ kpanngban kpa balo siwlԑ lika’m be nun. Be yoe sↄ nan be ′bu be nga’m be wun nan be ′ta bé sa su. Be nguan’n ti kԑ kunman kun o nun sa, i sᴐ’n ti bé wla gua-man ase. Be mian be nyin yo ninnge sↄ mun kԑ be fa tannin kunman sᴐ’n, k’ↄ yo nan bé wla’n ᴐ’a gua ase’n ti.
Wie mun be kunndԑ kԑ be ′nyan sika kpanngban k’ↄ yo nan like a mian-man be’n, nan be wla a fi bé afԑ’m be su, nan b’a kwla di be klun mԑn’n. Wie’m be kan ndrunmun dilԑ ng’ᴐ o mԑn nun’n i ndԑ, ↄ yo-man be fԑ. Be ta nda kԑ be tu be klunngbᴐ i sↄ’n ti be kun be wun nin alԑ kunlԑ ninnge nga be tԑ’n be kpuke sran nun’n. Be waan wuun be yoe sᴐ nan be fa bé nguan’n kpↄ bé nvle’n i ti.
Be nga be kpԑ bé nyin Nyanmiԑn wun bᴐ be usԑ i kԑ: ? “Nguԑ y’ↄ fata kԑ n yo nan m’an fite nun-ᴐn”? ? “Nguԑ yԑ a klo kԑ n yo-ↄ annzԑ nguԑ yԑ a klo-man kԑ n yo-ᴐ”? Be nga be usa be wun sa kԑ nga sa mun’n, b’a sↄn-man. Nyanmiԑn b’ᴐ ti aunnvuԑ sifuԑ’n, ↄ wla be kwlaa nga be awlԑn’n ᴐ’a kpↄtᴐ bé klun’n be fanngan kԑ be man bé nyin’n su nyanmiԑn su lↄ nan be ‵nyan wla ase gualԑ b’ᴐ fin ninnge’n kwlaa be Yifuԑ’n.
Be nga be wun-mԑn i yowlԑ kun bↄ awloboe’n su kun be’n, be sↄnnin. Be lԑ-man kᴐwlԑ kun, Be lԑ-man sunnzunlԑ kun mԑn nga nun wa. ? Be ′yo sԑ nan b’a ′nyan sunnzunlԑ ekun? ? E kwlaa e su minndԑ alԑ wie b’ↄ kwla tᴐ mԑn wunmuan nun, b’ↄ kwla nunnun asiԑ’n sufuԑ mun be bue kun sԑ be bubu be nun nsan’n?
Sa nglo yilԑ b’ᴐ gua bé wla ase
Alԑ kunlԑ blԑ’n nun’n, Nyanmiԑn nuan ijↄfuԑ Neemi srԑli Nyanmiԑn. Nyanmiԑn yili i wun nglo kleli i yԑ ᴐ tԑli i srԑlԑ’n su : “ Nán amun mlan amun nyrun. Aklunnjuԑ ng’ↄ fin Ananngaman’n, ᴐ ′man amun fanngan” (Neemi 8 : 10).
Man e tike e awlԑn’n su man e Min b’ᴐ o nguan nun’n, afin i kunngba cԑ yԑ ᴐ kwla man e wunmiԑn dewlԑ nin aunnjuԑ-ↄ, i yԑ ᴐ kwla yo man e nyan sunnzunlԑ ekun-ↄn.
?Wla ase gualԑ onin yԑ nyanmiԑn ijↄfuԑ’n nyԑnnin i-ᴐ? ANANNGANMAN yoli man ↄ wunnin i wlԑ kԑ i bᴐbↄ ANANNGANMAN’n i klun ti jↄwa. Ͻ ti-man lԑ ngbԑn kԑ Buda b’ᴐ sri sanngԑ ↄ bu-man klᴐ sran’m bé nyrԑnnԑn’n i like fi’n sa. E Nyanmiԑn’n i klun b’ↄ ti jᴐwa’n ti ↄ yo like man sran mun yԑ ᴐ de be. Ͻ dun mmua buli sran kwlaa bé delԑ’n i akunndan sieli. I b’ↄ si sa’n kwlaa’n, ᴐ si kԑ sran fi nu’an lԑ bↄ yo sa kpa bᴐ kun-ↄn, be kwlaa be ti saciwa, ᴐ si kԑ sran fi kwla de-mԑn i bↄbᴐ wun, sran fi kwla mԑn-mԑn i bↄbᴐ wun alaje ↄ nin aklunjuԑ. ANANNGANMAN klo kԑ ᴐ bo sa tԑ yofuԑ’m be uflԑ nan be si sa nga ti yԑ be o mԑn’n nun, nan ↄ man be sunnzunlԑ. Aklunnjuԑ ng’ᴐ fin Nyanmiԑn’n, ↄ man amun fanngan! Sran kwlaa ng’ᴐ kaci i nzuԑn’n, ↄ nyan fanngan, nin fᴐnvↄlԑ nin yakpa b’ᴐ fin Nyanmiԑn’n. Ananganman kunngba cԑ yԑ man sran wla kwla gua ase-ↄ, afin sran’m be kwlaa be kwla wlu i sielԑ b’ᴐ ti wawԑ nun sielԑ’n i bo.
B’a wu e ti kpↄfuԑ’n
Bԑtlehԑm oka’m be su lↄ’n, kᴐnguԑ bᴐ bua kankanfuԑ’m be nian be nnԑn’m be su’n, be niaan-ↄn, e Min’n i anz kun fiteli be nyrun i anyrunnyan’n nun. kpajalԑ dan kpa kun guali be su. Srԑ bᴐ kunnin be’n ti’n, be utuli bé nyin ase. Be bu i kԑ e Min’n i cԑn’n yԑ ᴐ’a ju-ↄ. Kԑ be wla kpԑnnin bé sa tԑtԑ’m be su’n, srԑ kunnin be kpo. Be klo kԑ be wanndi Nyanmiԑn i jᴐlԑ dilԑ’n bo, sanngԑ i anyrunnyan’n ↄ wlu be nun bo nun bue kun lᴐ.
Anz’n ↄ’a ijᴐ-man be sanngԑ ↄ wlali be fanngan: “Nán srԑ kun amun mlᴐnmlↄn, m ma bo Jasin fԑ kun kle amun b’ᴐ wa jↄ sran’m be kwlaa be klun. Yԑlԑ kԑ ndԑkԑn David i awlo lᴐ’n, b’a wu Defuԑ kun b’a man amun, ↄ ti Krist, ᴐ ti e Min” (Lik 2: 8-11).
Kԑ e Min’n i anz’n yili i wun nglo nyannyannyan sᴐ’n, ↄ kannin blԑ uflԑ kun bᴐ ↄ’a ju’n i ndԑ. Ͻ ti aklunnjuԑ blԑ ↄ nin ye yolԑ blԑ. Sran’m be ti delԑ nga Nyanmiԑn buli i akunndan sieli’n, i nuan yiali. Anz’n flԑli sran’m be kwlaa kԑ be bla be wa sa aklunnjuԑ nin alaje nzue b’ᴐ fin Nyanmiԑn nun sonji kԑ nzue ba sa’n. Nán sran kpa mun ↄ nin sԑsԑfuԑ’m be ngunmin yԑ Anannganman yo be ye-ᴐ, sanngԑ be nga be ti tԑ’n bↄ b’a saci’n, ᴐ yo be ye wie, ↄ si be aunnvuԑ wie. Nán ngwlԑlԑfuԑ mun ᴐ nin fluwa sifuԑ mun yԑ Anz’n ↄ dun mmua flԑԑ be-ↄ, sanngԑ be bᴐ b’a di-man suklu bↄ be lԑ-man silԑ’n, be su yԑ Nyanmiԑn fԑ i kpajalԑ’n guali-ᴐ, k’ↄ yo nan b’a si i’n ti. I sᴐ aklunjuԑ sa liԑ’n, nán yasua’m be ngunmin yԑ be nyԑnnin i-ↄ, sanngԑ Nyanmiԑn fa mannin bla o, bakan o, be nga b’a fԑ mun o, tukpacԑfuԑ mun o. Nyanmiԑn fԑ i aklunnjuԑ’n mannin be kwlaa. ? Nguԑ ti yԑ Nyanmiԑn i Anz’n seli be kwlaa kԑ be di aklunnjuԑ nin-ↄn? Afin be ti kpᴐfuԑ bↄ be wuli i’n, ↄ’a bo i aunnvuԑ silԑ junman’ i bo.
Nga b’ↄ ti sa yalԑ’n, yԑlԑ kԑ i nvle’n nunfuԑ kpanngban b’a sᴐ-man aunnjuԑ wlengbi’n nun. B’a kpli’an su kԑ be kaci be akunndan’n. Like ng’ↄ mian be sa dan tra su’n, yԑlԑ asiԑ nga su wa sielԑ liԑ’n, nin sika nin asiԑ nga su wa tranwlԑ kpa kunndԑlԑ. Be klo kԑ be fa bé sran kunlԑ ninnge mun be fa kwla bé kpᴐfuԑ mun k’ↄ yo nan bé nvle’n i siefuԑ mun b’a nyan kwlalԑ’n ti.
Like nyԑnmԑn bᴐ Krist fa maan sran mun
Sanngԑ Krist tiannin be kwlaa nga be kaci bé nzuԑn’n nin nyrԑnnԑnfuԑ nga be kpԑli be nyin Nyanmiԑn wun’m be nuan. Tukpacԑfuԑ kwlaa nga be ‵bԑ i sin’n, ↄ yoli be kpekpe, ᴐ yacili bé sa tԑ’n kwlaa cԑli be, ↄ fuannin wawԑ tԑtԑ’n kwlaa bↄ be saci sran mun, ᴐ ijↄli angban nin nzue’n nan b’a jran. Be nga awe kunnin be’n, ᴐ mannin be like be dili yԑ ↄ seli be kԑ: “N ′kԑn i sᴐ n kle amun nan amun klun ′jↄ kԑ n liԑ’n sa, yԑ amun klun ′jᴐ lele” (Zan 15 : 1 ; 16 : 24).
Krist kannin Nyanmiԑn i avialiԑ nun sa sↄ’n i ndԑ kԑ ᴐ srԑ Nyanmiԑn mԑn i sↄnnzᴐnfuԑ mun, ↄ jrannin su kpa kԑ i klofuԑ kpa mun be klun kwla jᴐ lele kԑ i liԑ’n sa (Zan 17 : 13).
Mari i wa yasua’n kloli i sↄnnzᴐnfuԑ mun, ↄ kloli i kpᴐfuԑ mun, be bↄ be jasoli i wun bᴐbↄ’n, ᴐ fԑԑ i klolԑ mannin be. Ͻ tuli bé sa tԑ’n ↄ nin bé fᴐnlԑ’n kwlaa, ↄ man be nin Nyanmiԑn bᴐ fiԑn fi nu’ԑn i nun’n be afiԑn a sԑ. Be kwlaa nga be sↄ i aklunnjuԑ’n nun’n, Krist lԑ kwlalԑ, ᴐ lԑ atin kԑ ↄ ′yaci be wun sa tԑ’n kwlaa cԑ be yԑ ᴐ man be sunnzunlԑ b’ↄ wie-man le.
Mari i wa yasua’n ′kwlali, kpԑkun ᴐ ′fuli Nyanmiԑn wun lↄ. I sin’n ᴐ fali Wawԑ San’n blԑli sran’m be kwlaa (Sa nga be yoli’n 2 : 16 : 21). Sran kwlaa ng’ↄ kaci i nzuԑn’n bᴐ lafi Krist su’n, sran wunmuan b’ↄ nin Krist a kaci’n ti’n, ᴐ ′nyan klolԑ Wawԑ’n, aklunnjuԑ wawԑ’n, alaje wawԑ’n yԑ ↄ kwla trԑ i awlԑn, ᴐ yo sa’n i nuan su (Galasifuԑ mun 5 : 22-223). Be b’ↄ be lafi krist su’n, kԑ be yaci be wun lԑ bᴐ Nyanmiԑn Wawԑ’n kaci be’n, lԑ yԑ wawԑ nun tinngelԑ’n bo i bo-ↄ. Ͻ man afԑfuԑ mun bé wla ′gua ase, be nga be si’a wie se’n, be ‵nyan sunzunlԑ, be nga be ti sran tԑ’n, be ′yo sran kpa yԑ be nga be su mantan wie’n i koko’n, be ′tran anannganman nguan’n i kwlalԑ’n nun. K’ᴐ fin cԑn bↄ Krist siesieli e nin Nyanmiԑn e afiԑn’n, i aklunye b’ᴐ yo sran juejue’n, i aklunye b’ↄ yo sran saun’n, ᴐ guali asiԑ’n sufuԑ’m be kwlaa be su lele. I aklunye’n ti wԑtԑԑ.
“Sran wunmuan bↄ amun nin e Min’n ti’n ti’n, cԑn kwlaa man amun klun jᴐ, n ′kԑn i ekun, man amun klun jᴐ” (Filipfuԑ mun 4 : 4).
Sran ng’ↄ fԑ i wla’n kwlaa guԑ Nyanmiԑn i klolԑ’n su b’ᴐ kԑnngԑn i ndԑ’n b’ↄ fa su’n, Nyanmiԑn i aklunnjuԑ’n ᴐ tran sran sↄ nun titi. Krist wlԑli i sᴐnnzↄnfuԑ’m be fanngan kpԑkun ᴐ guali be awlԑn su nzue, ↄ seli kԑ: “Man amun klun jᴐ amun dunman bↄ b’a klԑ i Nyanmiԑn su lᴐ’n ti” (Lik 10 : 20).
Wᴐ bↄ a su kanngan fluwa nga’n
? Wↄ bᴐ a su kanngan fluwa nga’n, sran’m be kwlaa b’a kpↄci wᴐ ? ? Ͻ’a mlin’n, annzԑ ↄ wla’n ti bowa ? ? Annzԑ kusu a o Krist nun ? Sran ng’ᴐ fԑ i wun mantan mari i wa yasua’n, ↄ nin i be cԑ i kwlalԑ’n nin i aunnjuԑ’n nun. An kan amun wun ase Krist bo yԑ aklunnjuԑ bᴐ lԑ-man awieliԑ’n, ↄ ′yi amun awlԑn’n lakalԑ mԑn’n nga nun, yalԑ klelԑ mԑn’n nga, mԑn bᴐ i nunfuԑ’m be lafi’a Nyanmiԑn su’n nun.
An klԑ e fluwa, e su minndԑ amun. An klԑ amun adrԑsi’n weiin kpa. E srԑ Nyanmiԑn kԑ man i aklunnjuԑ’n ᴐ tran amun nun tititi.
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net