Waters of Life

Biblical Studies in Multiple Languages

Search in "Baoule":
Home -- Baoule -- Tracts -- Tract 03 (Bless the Lord, O My Soul!)
This page in: -- Armenian -- BAOULE -- Burmese -- Chinese -- Dagbani? -- Dioula -- English -- French -- German? -- Greek -- Hausa -- Hebrew -- Hindi -- Igbo -- Indonesian -- Japanese -- Korean -- Lingala -- Maranao -- Nepali? -- Peul? -- Somali -- Spanish -- Sundanese -- Telugu -- Thai -- Turkish -- Twi -- Uzbek -- Yoruba

Previous Tract -- Next Tract

TRACTS - Short biblical messages for distribution

Fluwa kaan 03 -- N ′la Anannganman i ase, n ′tu n klun n ′lԑ i ase kpa!


Sran kpanngban be mian be nyin be di juman kekle kpa k’ↄ yo nan like fi a mian-man be bé nguan’n nun’n. Be mian be nyin, be fa be blԑ’n fa di juman. Be waan be kunndԑ sika kpanngban k’ᴐ yo nan b’a kwla di aklunnjuԑ be nguan’n nun’n. Sanngԑ Mari i wa yasua’n ↄ kle e like se kԑ: « Sran kun i min’n kwla yo-man nnyᴐn, san ↄ ′kpᴐ kun yԑ ↄ ′klo kun, ᴐ ′fԑ i wun mantan kun yԑ ᴐ ′yo kun finfin. An kwla yo-man Nyanmiԑn i sran nan amun kunngba’n amu’an yo sika’n i klofuԑ » (Matie 6: 24).

David klo kԑ ↄ bu sa sᴐ’n i nuan nnya Nyanmiԑn i bo kotolԑ nin i manmanlԑ’n nun. Ͻ yoli man i akunndan’n kwlaa tↄli bliin k’ᴐ yo nan i akunndan’n kwlaa ↄ’a tran ANANNGANMAN kunngba cԑ su’n. Ͻ man-man like uflԑ fi atin ᴐ yo’man man i akunndan’n ↄ toto-man. Sanngԑ ↄ tᴐ bliin Nyanmiԑn nyrun ↄ se kԑ: « N ′la Anannganman i ase, n ′tu n klun n ′lԑ i ase kpa, N ′la Anannganman i ase, n wla su fi-man like ng’ᴐ yo mannin min’n i wie fi su. I yԑ ↄ yaci min wun sa’n kwlaa cԑ min-ᴐn. Sԑ n tↄ tukpacԑ’n, i yԑ ᴐ yo min juejue-ↄ. I yԑ ᴐ de min wie’n i nuan nun-ↄn, i yԑ ᴐ yo min ye kpe nun nin-ↄn, i yԑ ᴐ si min annvuԑ-ↄ » (Jue mun 103: 1 – 4).

Sԑ e waan e nin Nyanmiԑn e koko yalԑ nan e mԑnmԑn i’n, ᴐ fata kԑ e nyan akpue ↄ nin awlԑn tralԑ. David klo kԑ ᴐ yo ANANNGANMAN i dunman’n dan nan ↄ mԑnmԑn i. Wawԑ San’n, ᴐ yo man sran’m be kwla ti Nyanmiԑn b’ↄ yili ninnge’n kwlaa’n i aniԑn’n.

Dunman ANANNGANMAN’n, ᴐ o Anuansԑ Laa’n nun kpԑ akpi-nsiԑn-kpԑ-ya-mↄcuԑ-kpԑ-ablaun-nin mᴐcuԑ, sanngԑ dunman NYANMIƐN’n, ↄ o Anuansԑ Laa’n nun kpԑ akpi-nnyᴐn-kpԑ-ya-nsiԑn. Nyanmiԑn i dunman’n, y’ԑlԑ « ANANNGANMAN ». Dunman sᴐ’n, ↄ kle kԑ ᴐ ti sԑsԑfuԑ, ↄ kaci-man yԑ ᴐ o lԑ tititi. I kunngba cԑ yԑ ↄ fata kԑ e fa e wla’n guԑ i su yԑ e si i wun ye kԑ David yoli’n sa-ᴐ.

Sanngԑ ↄ nin i sᴐ ngba’n, akunndan wie mun be fin i nun fite, be se i kԑ nán man ↄ tran bliin Nyanmiԑn nyrun. I sᴐ’n ti yԑ Nyanmivn nuan ijↄfuԑ’n ᴐ seli i kla’n kԑ ↄ manman Nyanmiԑn nin-ᴐn. Ͻ tuli i klun kԑ man Nyanmiԑn i manmanlԑ’n nin i ayԑ yilԑ’n be trԑn i akunndan’n nun. David klo kԑ ᴐ ˋklo Nyanmiԑn kpa, ↄ ˋfԑ i wla’n kwlaa guԑ i su yԑ ᴐ ˋyo i dunman’n dan i nguan wunmuan’n nun. Ͻ flԑli Anannganman kԑ sran bↄ fiԑn kaan sa nu’ԑn i nun, afin ndrunmun kaan sa nu’ԑn i nun, gblԑ kaan sa nu’ԑn i nun, ato kaan sa nu’ԑn i nun yԑ sa tԑ kaan sa nu’ԑn i nun. Sran kwlaa ng’ᴐ fԑ i wun mantan Nyanmiԑn’n, san i saun b’ↄ ti’n, i kpajalԑ’n ᴐ kԑn i yԑ ↄ yi fiԑn kwlaa ng’ᴐ o i nun’n i nglo. Wawԑ nun sa sↄ’n yili i wun nglo David i nguan’n nun, ᴐ wunnin i wlԑ i sↄ’n ti ᴐ kԑnnin i wun ase Saunfuԑ’n i bo yԑ ↄ yoli i dunman’n dan. Nyanmiԑn i saun b’ᴐ ti’n ↄ kԑtԑ i anyrunyan’n i wun, afin i Saunfuԑ’n i yԑ ᴐ lԑ nyrun tra su-ↄ. Sran kwlaa ng’ᴐ kpԑ i nyin Nyanmiԑn wun lↄ’n, san i awlԑn’n ᴐ yo saun.

Kpԑ nsan su David seli i awlԑn’n kԑ ↄ tᴐ bliin Nyanmiԑn nyrun nan ↄ mԑnmԑn i titi. K’ↄ yo sᴐ’n i akunndan’n ↄ sangan-man, ᴐ bu-man sika b’ↄ le-mԑn i’n i akunndan yԑ ᴐ sro-man sa wie fi b’ↄ kwla fu nun ju i su’n. Ͻ tuli i klun kԑ ᴐ fԑ i wla’n kwlaa guԑ famiԑn’m be Famiԑn’n i su, i b’ↄ kwla like kwlaa yo’n, b’ᴐ ti mԑn’n i jↄlԑ difuԑ’n.

Nyanmiԑn Wawԑ’n suli David bo man ᴐ lali Nyanmiԑn i ase i ye kwlaa b’ↄ yoli i’n ti. Klᴐ sran bↄ e ti’n ti’n, e wla fi Nyanmiԑn i su yralԑ ng’ᴐ fa maan ye’n, ↄ nin e srԑlԑ ng’ᴐ tԑ be su’n, be su ndԑndԑ. E kwlaa e lԑ awlafiԑ sↄ’n i wun akpue dan. E wla fi Nyanmiԑn i aklunye’m be su ndԑndԑ.

K’ᴐ yo nan e wla a fi-man Nyanmiԑn i aklunye fanun fanun’m be su’n ti’n, e se amun kԑ an klԑ Nyanmiԑn i su yralԑ mun fluwa su. I sin’n an tu amun klun an lԑ i ase. An mԑnmԑn i anngban’n nin nzue’n be ti, bↄlԑ ufue ng’ᴐ gua’n, nin aliԑ nin tralԑ’m be ti, siԑ nin niԑn’m be ti, like klefuԑ’m be ti nin junman ng’ↄ mannin e’n, nin tranwlԑ, nin aunnjuԑ ng’ᴐ o e nvle nun’n ti. An lԑ ase afin nzue dadan nga be tↄli’n, be kunnin sran wie mun, asiԑ’n kejeli lika wie’m be nun, sin taaman’m be fin oka wie’m be nun gua kԑ nzue sa, sanngԑ Nyanmiԑn niannin e su, ᴐ sasali e. An lԑ i ase afin ↄ sasali amun nvle’n ᴐ man awe ↄ’a kpԑn-man nun, ᴐ deli amun alԑ’n i lika. An kle sa ng’ↄ yoo mannin amun bᴐbↄ b’ᴐ kannin amun awlԑn’n. Nán an yo flԑnvlԑn Nyanmiԑn i ase lalԑ’n nun. An la Nyanmiԑn ase titi, man i sↄ yolԑ’n ᴐ kaci amun nzuԑn, an lԑ i ase sa kpakpa ng’ↄ yo be amun nguan nun’n ti k’ᴐ yo nan amun wla a gua ase nan Nyanmiԑn i aklunnjuԑ’n ↄ’a tran amun nun titi’n ti.

Nyanmiԑn wawԑ b’ᴐ suli David bo’n ti’n, ↄ wunnin i wlԑ weiin kpa kԑ sa cinnjin nga ti yԑ ᴐ ti kpa kԑ ↄ ˋla Nyanmiԑn i ase dan’n yԑlԑ sa tԑ b’ᴐ yaci cԑ’n. Sran wie mun be yo kԑ sa tԑ fi nu’an be nun sa. Be fia be sa tԑ’m be su ↄ man kԑ be wlan be sin’n, be wla gua-man ase. Nán amun nian be liԑ’n su. An di amun sa tԑ’m be nanwlԑ kle Anannganman. An kaci amun sin si amun sa tԑ mun k’ᴐ yo nan amun wla a gua ase kԑ Zan kannin sa’n ti: « Sԑ e se kԑ sa tԑ nun-man e wun’n, wuun e su laka e wun, e di-man nanwlԑ. Sanngԑ sԑ e di sa tԑ nga e yoli’n i nanwlԑ kle Nyanmiԑn’n, e kwla fa e wla’n guԑ i su, afin ↄ yo sa i nuan su, ᴐ ′yo man e wun sa kwlaa ↄ ′wie » (1 Zan 1: 8 – 9).

David si kԑ Anannganman i aklunye’n ti’n, ᴐ yacili i sa tԑ’n kwlaa cԑli i. i Sᴐ’n ti ↄ lԑli i ase yԑ ᴐ wunnin i wlԑ kԑ ↄ yacili i tԑ’n cԑli. Aklunye kpa kԑ nga sa’n, e wu’ԑn i wun su nyanmiԑn sulԑ akpasua wie fi su, san Mari i wa yasua’n i Jasin Fԑ’n nun. « N bu kԑ » nun-man Moiz i mmla nin Jasin Fԑ’n nun, afin Anannganman yaci-man sa tԑ’n cԑ-man kun nin bue, sanngԑ ᴐ tu e sa tԑ’n i fiԑn’n kwlaa weiin kpa, ↄ bu e sran yԑ ᴐ si ye aunnvuԑ klolԑ b’ↄ klo e’n ti. Kԑ bᴐ Krist i wulԑ’n ti ↄ tu mԑn’n i tԑ’n kwlaa’n ti’n, e si weiin kpa: « Afin kԑ ᴐ sↄli Nyanmiԑn kpalԑ kunngba sᴐ’n, ↄ man be kwlaa nga ᴐ fԑ i wun yili be ti tԑ’n, be yoli sran kpa mlↄnmlᴐn » (Ebre 10: 14).

Krist seli kԑ sran kwla ng’ↄ sᴐ Nyanmiԑn i yaci cԑlԑ’n nun’n, ↄ fata kԑ i kusu ᴐ `yaci sa nga i kpↄfuԑ mun be yo i’n cԑ be, kԑ Nyanmiԑn kusu yacili i wun sa tԑ’n cԑli i’n sa (Matie 6: 12).? An lԑ kpᴐfuԑ mun? ? Amun nin sran wie kpԑli n di-man? Kԑ ↄ fin ndԑ’n, an tu amun klun an yaci sa cԑ, s’ᴐ ti’ԑ i ti’n, yaci cԑlԑ nga an nyԑnnin i Anannganman sa nun ngbԑn’n, ↄ fi amun sa. An se e Min’n kԑ ᴐ man amun fanngan nan an kwla yaci amun kpↄfuԑ’n i wun sa cԑ i kԑ amun yifuԑ’n ᴐ yacili amun wun sa liԑ’n cԑli amun’n sa (Matie 6: 14).

Nyanmiԑn Wawԑ’n ↄ yoli man David wunnin i wlԑ kԑ juejue yolԑ’n ᴐ ti cԑlԑ uflԑ bↄ ti cinnjin. Ͻ lali Nyanmiԑn ase. Blԑ sunman kpa e ti’n tannin e wun, like wie kwla kpԑ e annzԑ tukpacԑ wie o e wun ᴐ’a cԑ. Ͻ nin i sↄ’n ngba’n, Anannganman yo e juejue i aunnvuԑ silԑ dan’n nun. Dᴐↄtrᴐfuԑ mun be ndԑ nga be kaan’n, ↄ nin ayre mun be ju-man e juejue yolԑ. Man e fa anyrunnyan’n kwlaa man I b’ᴐ kwla like’n kwlaa yo’n. Anannganman man e wla gua ase, ᴐ see kԑ: « … Min yԑ n ti Anannganman bↄ n yo amun juejue nin-ᴐn » (EGYPT LϽ TULƐ 15: 26).

Mari i wa yasua’n ↄ yiali kasiԑ nga i nuan. Tukpacifuԑ kwlaa nga be fa bԑ i sin’n, ᴐ yoli be kwlaa be juejue yԑ ↄ fuannin wawԑ tԑtԑ nga be saci sran mun be kwlaa sran sᴐ’m be nun. E blԑ nga su’n ᴐ sin dↄᴐtrↄ junman difuԑ mun nin ayre’m be nun. Sanngԑ i yԑ ᴐ yo juejue kpafuԑ’n nin-ↄn.? Amu’an bu i akunndan? Nán amun wla fi amun yifuԑ’n i ase lalԑ su ᴐ nin amun awlԑn’n kwlaa, afin i yԑ man amun tↄ-man tukpacԑ-ᴐ, asa kusu sԑ amun tↄ tukpacԑ’n, i yԑ ᴐ yo amun juejue-ↄ.

Famiԑn David ti sran kun b’ᴐ su Nyanmiԑn. Ͻ si kԑ cԑn wie lele’n ↄ nin i Min’n be yia nun. I sᴐ’n ti ↄ siesieli i wun wie’n i lika. Ͻ nin i sᴐ’n ngba’n, E Min’n ↄ yili i nglo kleli i kԑ ᴐ wa yi i wie’n i kongo nun fite, nán i sԑsԑ b’ↄ ti’n ti-ᴐ. Sanngԑ i b’ↄ yo sran be sԑsԑ’n, i su b’ᴐ lafili’n ti-ↄ. Sran kwlaa ng’ᴐ fԑ i wla guԑ Krist su’n, ↄ sro-man wie’n annzԑ ndia’n i fᴐ bulԑ’n, yԑlԑ kԑ Mari i wa yasua’n seli kԑ : « Min yԑ n cԑn sran mun-ↄn, m bᴐbↄ min yԑ be flԑ min nguan nin-ᴐn. Sran kwlaa ng’ↄ lafi n su’n, sԑ ᴐ wu’n, ↄ ′nyan nguan ekun. Yԑ sran kwlaa nga i nyin o su b’ᴐ lafi n su’n, ↄ su wu-man kun le? An lafi ndԑ sᴐ’n su? » (Zan 11: 25-26).

Mari i wa yasua’n cԑnnin, ↄ fin ndia’n nun fiteli afin ᴐ kwlali wie’n. Ͻ kwlali Satan yԑ ᴐ yili i nglo kԑ ↄ o lԑ mandimaan. Ͻ ′uka be kwlaa nga be su i su’n, ᴐ ′tra be sa’n nun, ↄ ′fa be kpԑ wie’n i anuan’n yԑ ᴐ ′fa be wlu nguan b’ↄ wie-man’n nun.

Anannganman i Wawԑ’n yili i wun nglo kleli Famiԑn David kԑ nán sika ᴐkwlԑ kle mun be yԑ be ti mԑn’n nun ninnge kpakpa’n nin-ↄn. Anannganman i Famiԑn kle liԑ mun be ti nyannyannyan titi. Sran kwlaa nga Anannganman yoli i ye bᴐ ↄ nin yalԑfuԑ mun, nin tukpacԑfuԑ mun be cԑ ye yolԑ sᴐ’n nun, bↄ be nga be yo be finfin ᴐ nin aofuԑ mun, ↄ yia be asamian’m be nuan’n, san Anannganman ′mԑn i wawԑ nun famiԑn kle kun.? Amun nyannin ye yolԑ nin aunnvuԑ silԑ famiԑn kle bᴐ Anannganman fa maan be nga be si aunnvuԑ mun’n wie? ? Amun awlԑn’n ti kekleke kԑ yԑbuԑ sa? ? Annzԑ ↄ kloli amun awlԑn kekleke sᴐ’n ↄ man amun nin be nga be fԑ’n, an fԑ likawlԑ yԑ amun nin be nga be sun’n an sun likawlԑ? Krist tinngԑ amun aunnvuԑ silԑ’n nun titi, nán mun tranfuԑ mun nin amun janvuԑ’m be ngunmin be lika-ᴐ, sanngԑ an si be nga be su mlin’n ↄ nin be nga be lafi’a Krist su’n bᴐ be le-man sunnzunlԑ mԑn’n nga nun annzԑ mԑn ng’ↄ wa ba lᴐ nun’n be annvuԑ wie. Amun mantan be yԑ nán man be nyrun bↄ ᴐ’a kpa fuaii’n ↄ fu amun nun. An srԑ Nyanmiԑn maan be yԑ an bu be akunndan k’ᴐ yo nan Anannganman ↄ’a sunman amun be wun kԑ an ko su be nanwlԑ su nin klolԑ nun’n ti.

Sran wie mun bᴐ be ti Nyanmiԑn liԑ mlↄnmlᴐnmlↄn’n, be wla famiԑn kle mun bᴐ be wu’an be nin be nyima. Be sili nyrԑnnԑnfuԑ mun ↄ nin yalԑfuԑ’m be aunnvuԑ, be srԑli Nyanmiԑn mannin be, be ukali be, be faa be nguan’n maan be kԑ e Min’n bᴐbↄ yoli mannin be kusu’n sa. Ͻ seli kԑ : « M bↄ n kacili sran’n, kԑ m balԑ’n ti sᴐ-ↄ, afin m’an ba-man kԑ be su min, sanngԑ m bali kԑ m ′su sran, nan n ′fa min wun kpᴐ sran sunman be ti » (Matie 20 : 28). Krist ti e atin nin e nzↄliԑ, ᴐ ′man e fanngan nin kekle jranlԑ ↄ man e ′su i nin aklunnjuԑ.

Wᴐ bↄ a su kanngan fluwa nga’n,
? Sika yԑ a kunndԑ-ᴐ? ? Annzԑ a su kunndԑ kԑ be ta ↄ sa su ? ? Annzԑ Krist i wawԑ’n ᴐ kacili wↄ awlԑn’n, i sᴐ’n ti ye yolԑ nin aunnvuԑ silԑ’n ↄ’a yi wᴐ, ↄ man be o ᴐ ti’n su kԑ famiԑn kle sa ? An suan jue mun 103’n amun titi nun. An si Nyanmien wun ye afin i yԑ man i klolԑ b’ↄ yili i nglo Krist nun’n, amun wunnin i wlԑ-ᴐ, i yԑ ↄ kacili amun-ᴐn, ↄ man amu’an fa Krist. An wla ye silԑ nin Nyanmiԑn manmanlԑ’n kԑ tralԑ sa.

Sԑ amun sa mian e wun nan amun srԑ e’n, e ′fa Krist i Jasin Fԑ’n, ᴐ nin srԑlԑ wie mun, ↄ nin Nyanmiԑn ndԑ’n i wun akunndan bulԑ fluwa wie mun ′blԑ amun ngbԑn. Fluwa sᴐ’m be wa uka amun, ↄ man amun ′manman Nyanmiԑn yԑ amun ′lԑ i ase nin amun awlԑn’n kwlaa.

An wla sran uflԑ’m be fanngan man be yi Nyanmiԑn i ayԑ yԑ be su i. Sԑ fluwa nga i nun ndԑ’n kannin amun awlԑn’n yԑ sԑ amun nyannin ukalԑ nun’n, an kan kle amun jannvuԑ mun man be kusu be kaci Anannganman i sufuԑ wie. An klԑ e fluwa yԑ e ′blԑ amun fluwa bᴐ an ′fa cԑcԑ sran mun’n.

E lafi su kԑ amun wa klԑ e fluwa, i sↄ’n ti e srԑ Nyanmiԑn e man amun yԑ e srԑ amun kԑ an srԑ Nyanmiԑn man e wie. Nán amun wla fi, an klԑ amun adrԑsi’n i weiin kpa.

WATERS OF LIFE
P.O. BOX 60 05 13
70305 STUTTGART
GERMANY

Internet: www.waters-of-life.net
Internet: www.waters-of-life.org
e-mail: info@waters-of-life.net

www.Waters-of-Life.net

Page last modified on March 02, 2023, at 01:14 PM | powered by PmWiki (pmwiki-2.3.3)