KALAAN 03 -- Balas ingka so Tuhan, O niyawa akun
Madakl a mga tao a miyanamar para masigorado a mawyag. Siran na miyanimo sa pirak para sii ko kawyagoyag ago inisambi iran so langon a oras ago kabagur ka an makawasa. Ogayd, so wata e Mariam na piyamangda-o tano niyan, “Di kapakay a so sakataw na piki oripun ko dowa a maporo; Sabap sa so isa na ekagowad man ago sopman so isa na kubabayaan iyan, odi na di skanyan pumrak ko isa ago sopman so isa na puku rarangitan iyan. Di kano paki opirun ko Tuhan ago pirak.” (Mateo 6:24)
Si David na tipungan iyan somolob giya a problema piyakawkit sa kasimba ko Tuhan. Siyogo iyan a ginawa niyan a mamerikan ago di ptaro, ka an skaniyan maka konsentret ko Tuhan. Da niyan pangonoti a madisturbo so pamikiran iyan a salakaw, ogayd tomininug skaniyan sa sangoran o Tuhan na pitaro iyan a: “Balas Ingka so Tuhan, Hey niyawa akun, ago dinga plipati so langon a gugaw niyan Rominila ko langon a Dosa nga, Bomiyolong ko langon a gdamun ka, miyawn ko ginawa nga poon ko kapatay, kiyoronaan ka niyan sie ko bubaya iyan, ago kapdi.” (Salmo 103:1-4)
''So kasimba ago kapmamasla na kailanganon so kasigorado ago katigur. Si David na tomoon iyan a masla-sla ago simbahun so Tuhan. So mala e kabarakat na pagonotan iyan so mga mamamaratiyaya para lukaan so ginawa iran sie ko sowara o miyangaoun.
So ngaran a Tuhan na gumimaw sa 2,828 takup sie sa libro a Old Testament, na so kataro Tuhan (Kadnan) gumimaw sa 2,600 ka takup. So nganran o Kadnan na “So Tuhan”. Giyae a ngaran na komiyomperm sa di kusalin a di pumrak. Skaniyan ba a isa e mala e arga ko langon a sarig ago mapasalamatun, oba sie ko piyaki elay e David.
Ogayd, adun a sowara ago mga pkupamikir sa sold a otuk iyan a romiyoput ko kada a gudamun iyan, a di maptaro.giya e sabap a so propeta na siyogo iyan paroman a ginawaniyan a simbaan so Tuhan. Sinigorado niyan a so kapamikir eyan na puka dalumun ko kapanalamat ago kasimba. Si david na tumuon iyan a kababayaan so Tuhan pud so niyawa niyan ago tiyawag iyan so Tuhan a so isa a mala e kabagur a daa kapamrak, kapangakal, ago bapya antonaa a dosa. Skaniyan na miyobay ko Tuhan na ka eksamin ago kusindawan ko kala iyan e kabagur, sii pikigumaw so langon a marsik a miyang golawla niyan. Si David na kiyasinagadun iyan giya a kapya, ago pisla-sla iyan. So kala e kabagur o Tuhan na miyalibut rkaniyan, sabap sa so isa a mala e kabagur a pinaka maporo. Antawaa e song rkaniyan na pumbaloy a mapiya taman ko poso iyan.
kaylangan na pugosiyantan e David so niyawa niyan sa makatlo ka an di maka putaro ago mitaros a kasimba niyan ko Tuhan ka an so pamikiran niyan na di masalin odi na mada ko oman kapita a mga problema lagid a giya pirak ago mga pku olawla. Sinigorado niyan a so galbuk iyan na sie bo ko Tuhan o mga Tuhan ago sie ko mala e barakat a pangokom sa donyan.
Mapasad kawnotan o mala e kabagur si david manalamat ko Tuhan ko langon a inibgay niyan a pabor. Sktano na pukalipat bo ko riski ago sumbug ko mga pangni tano sie ko Tuhan. Sktano na pakalilipatan so pabor a inibgay o Tuhan.
Para di kalipatan, aya maptaro ami ko dimamatya sie na mapya pun a kowa ka sa karatas ago soratun kawn so langon a adun a paka kyd iyan a inibgay o Tuhan. Mapsad na panalamatingka skaniyan. Sla-sla angka ko mapiya a ndo ago ayg, sii ko oran, sii ko pangunungkun tano ago ditarun. Sie ko mga lokus tano, sa mga goro, skwelaan, ago sa dinggalbukan ago sa walay tano –para sii ko kapiya ago kalilintad o ingud. Panalamatingka skaniyan ka inilidas ka niyan ko mga pkawla-ola lagido dgan, linog ago kiyambto o palaw. Pasalamatingka skaniyan ka inilidas iyan so ingud ka ko kagotuma,mga sakit ko katidawa. Pangilay anga ko otuk ka oba adun a pabor a inibgay o Tuhan sie ruka. Dingka priitun so kapanalamat sie rkaniyan. Pamangda-o angka so poso oka ko kasimbae ago kapanalamati ko madakul a mga pakaysa para ska na ptalimbagak a mapipiya a ginawa niyan sie ko poso oka ago so kababaya ko Tuhan na sisaya ruka.
Aya pinaka importante a sabap ko kapanalamat,inikasigi o mala e kabagur ki david,giyoto so kiyarilaie ko mga dosa niyan. Madakul a tao a dikawyagan na mamante na daa dosa iran. Initapok iran so dosa iran ago pulalakaw a pukararangitan. Dingka pagonoti so lagid eran, ogaid pagsisi ka. Taro angka so langon a dosa nga ko Tuhan ago pili angka a dingadun paromanan,ka an ka magudum so kapya a ini piki elay e aposte john," ibarat o ptaroon tano a daa dosa tano, na inakal tano a ginawa tano, ago so kapyor na daa rktano.Ibarat o ptaroon tano ko Tuhan so mga dosa tano, skaniyan a mapiya na prilaan tano niyan ko mga dosa ago plimpyohan iyan so mga karataan tano." (1 Juan 1:8-9).
Udan niyan so riski o Tuhan, skaniyan e rominila ko mga dosa niyan.giyoto a inosiyatan niyan a ginawa niyan a punalamatan so Tuhan ko kiya rilae ko langon a dosa niyan. So propeta na miyagdam iyan a so mala e kabagur na rinilaan niyan dun a piyor ko langon a dosa niyan. So lagidini kala a riski na di tano kaylay so mga lagid aya a osyat odi na sa ebanghelyo ago torah sabap sa so Tuhan na di prila ko mga dusa tano ago so puso a mga dosa na di mambo kawnaban o gayd pagunaban tano niyan a kompleto, pumbaloyn a mapiya a tao, ago mbugan ko riski niyan a daa sambi poon ko babaya eyan rktano. Sii ki kristo, piyakawkit ko kiyapatay niyan a inilukat iyan ko mga dosa tano sie sa donya, "katawan tano a gianan a piyaka okit sa sakripays na perpekto taman sa taman ko mga kiyawnaban ko dosa iran". (Hebrews10:14)
Ogayd,so Tuhan pitaro iyan a antawaon e miyaka kowa sa rila ko mga dosa iran na kaylangan a karilaan iran mambo so mga minimbono iran pitaro o Tuhan a rominila rkaniyan (Mateo 6:12). Ba adun a minimbono ka? baka mbabaling ko tao a dingka mipsorota? Rila engka skaniyandun imanto, odi na banda mada so riski a kiya rilae o Tuhan ko mga dosangka.Pamangni angka ko Tuhan a tabangan ka niyan pud so kabagur iyan a karilaan ka so mga minimbono ka sie ko mga karataan iran ruka, lagid o kiyarilae ruka o miya ngadun (Mateo 6:14).
So mala e kabagur na simiyong ki David para mataro a myapasad karilaan so langon a dosa niyan, kapya a lawas aya talondog a riski o Tuhan rkaniyan. Kiyasabotanniyan a dapat na manalamat pun skaniyan. Ikapira tano kiyaptan a sakit a lugut, mga pali, ago mga pud pun a pkagdam a sakit, ogayd sabap sa mala e kapdi so Tuhan na biyologantano niyan. So mga taribolong na di rktano puka bolong. So miya ngadun e pungilayn tano ko kapaka piya o gudaman tano. So Tuhan na miyaki sarig rktano, "Sakun aya so Tuhan a aya rukano puka bolong" (Exodos 15:26).
So wata e Mariam na tiyoman niyan giya a sapa. Biyolongan niyan so langon a susakit a somiyong rukaniyan ago piyaka liyo niyan so manga rarata ko kiyasolkan. Sa panahon tano imanto, so Tuhan na gomiyamit sa mga bolong ago doctor, ogayd so kompleto a bolong na poon rukaniyan. Na anda so kapanalamat ka rukiyan? Dingka pukalipati so miyangadun ruka manalamat ka a poon ko puso uka sabap sa skaniyan bo e migay ruka sa pabor a mapiya e kaplalawasan ago puka bolong.
Si hari a David na isa a maalukun ko Tuhan.Katawan niyan a adun na gawie a sangor skaniyan ko Tuhan,na miriparado skaniyan ko kapatay. Ogayd, miyakiilay so Tuhan rukiyan na kuwaan niyan skaniyan sii ko kobor, kunaba sabap sa mipiyapiya, odi sa sabap a miyangibunar skaniyan a so Tuhan na mipiya-piya. Antawa-on e somiyarig ki kristo na di pukalk ko kapatay odi na saksi o kabor, ka so wata e maria na kiyormperm tano niyan, "Sakun so kawyag paroman ago so niyawa. So miyangimbunar rakun, bapiya skainyan miyatay, kawyag. Ago so langon a maooyag a miyangimbunar rakun na didun putay. Miyangimbunar ka saya?” (Juan 11:25-26).
So wata e maria na miyawyag mapasad iyan kaatowi so kapatay. Skaniyan na miyakataban ki saytan ago piyakiilay niyan a piyor so kawyag-oyag sa taman sa taman. Tabangan niyan so pagunot rukiyan, kuwaan niyan so lima iran na pakasoldun iyan ko pinto a kawyag taman sa taman.
So spirit o Tuhan na piyakitokawan iyan ki David a so adun a korona nyan a dyamante na knaba oba so pinaka kawasa sie sa donya. Adun a mga korona a poon ko Tuhan a pkindut taman sa taman. Antawaon e miyaka kowa ko riski o Tuhan na imbugay niyan ko mga piyaka-awa,ago so mga tao a daa mbubalingan iyan, kaan niyan makowa so korona a poon ko Tuhan. Bangka miyakowa so korona o kapdi a poon ko Tuhan ka an mala e kapdi a talasogoway niyan? Ba so poso ka na matgas pun lagid o wator? Odi na miyatunag dun sabap sa ska na mitigur pun so mga pung-gorawk? Inonotan ka e kristo para mitaros so kapudi, kunaba bo sii ko mga siringan ka ago pamilya, sii mambo ko manga tao a da tarima a ago mga di pungimbnar a kiyadaan dun sa pag-asa sii sa lupa ago sa sonod a donya. Kasoyngka siran ago dika pka mumusa a miyamoti so mga paras iran ogayd na pamangni ingkasiran ko Tuhan ago pamikir angka a so Tuhan na ipukawit ka niyan kiran ka an siran kaserbisyo e piya-piya.
Adun a di katawan a mga pipiya e poso a mga santo,a adun a dikaylay a korona ko olo iran.adun a mga kapdi iran,tiyabangan ago pisakrepisyohan lagid o ini kidi o Tuhan kiran. Pitaro iyan, "so wata o tao na dasaya song ka an kasirbisyo e, odi sa sabap a pserbisyo rktano ago imgay niyan a niyawa niyan para miyapas so mga tao" (Mateo 20:28). Si kristo e lalan tano ago tonogun a migay rktano sa bagur ago bagur ka an kawnotan skaniyan ko kapipiya ginawa.
Pukababayaan ami a dimamatya,
Dika dimangilay sa pirak ago kadato, aya dimakambaloy ko poso oka a matgas? Odi na so olawla e kristo na siyalin iyan so piker ka para mbaloy a mkapdien ago dimanabang, sabap sa adun a korona sa olo nga a dikaylay? Sabota nga piyapiya so salmo 103 sii ko poso oka. Ago paganad ingka so kapanalamat para makilalangkangka si Kristo, so bubaya o Tuhan a miyakambaloy rka a mala e gugaw. Piyapiyaan ingka so kapanalamat ago kasimba.
Maka ririparado kami mbugay ruka,libri ibarat o pamangniin ka, so ebanghelyo e kristo pud so mga pangni.giya na pukatabang ruka ko kasowa-sowat ago kapanalamat sie ko poso oka.
Punayaw kami ko sorat ka, ipumangni ami ska ago paninta a katuosan kami nga mambo ko pangni nga. Dingka pukalipati a isorat so ngaran o mbabalingan ka sa kompleto. Kataya so mbubalingan ami:
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net