Waters of Life

Biblical Studies in Multiple Languages

Search in "Peul":
Home -- Peul -- John - 094 (The world hates Christ)
This page in: -- Arabic -- Armenian -- Bengali -- Burmese -- Cebuano -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish? -- Tamil -- Telugu -- Thai -- Turkish -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

DAMAL 3 - Ndaygu ngun no jalbude ka kurunwol sahaabaaSAHAABAAɓe ɓen (Yuuhanna 11:55 - 17:26)
D - Fii no bhe waynodiriri non ka laawol Jatsaymaani (Yuuhanna 15:1 - 16:33)

3. Fii ko Aduna on anyi kon Almasiihu on e taalibaabhe makko bhen (Yuuhanna 15:18 – 16:3)


YUUHANNA 15:26-27
26 Kono tuma Ballo on ari, dhun ko on mo mi nulata e mon immorde e Baabaajo on, dhun ko Ruuhu Wondudho e Goonga, on Ruuhu mo tawata ko iwrudho ka Baabaajo on, o seeditanto lan. 27 Awa onon kadi, on seeditanoyto lan, ko fii hidhon wondunoo e an gila ka fuddhoode.

E ko honno non Tatoobhe Laabhubhe bhen e nder Gooto on jabbhornoo ngun ngayngu ngu aduna on anyi bhe wondude e fempegol Bhiddho Alla on ka legal altidiraangal? Ko e fee addugol Ruuhu Seniidho on. Ardu Ruuhu Seniidho on ko kaawake haa hande handeere ndee. Ardu makko ndun no bhangini naatande Alla nden ka nder aduna sabu ko ka Baabaajo on o iwi e himo humondiri e makko. Ruuhu on nyaaway bone on ka aduna o ardoo yimbhe bhen ka laabhal Alla, hara himo fennyinorde junuubaaji mabbhe dhin. Himo wallude taalibaabhe bhen no bhe wuuurira ngurndan wondudhan e yankinaare e sadaka, ka tawata dhon aduna on no dhendheede townintinaare e sattinaare e dhayne. Aranun dhun ko o Ruuhu Goonga on, felloowo on aduna on sabu bhoylaare mabbhe nden.

E nder mun kadi, himo wakkilinde taalibaabhe bhen e nder wi’ugol bhe wondema ko annabi Iisaa woni Bhiddho Alla on, timminoowo on kisiyee mabbhe on. Ruuhu wakkilinoowo on seeditanto ruuhu men on fii annabi Iisaa fii wallitagol en no yi’iren Baabaajo on e nder giggol Bhiddho on. Bhaawo Ruuhu-Seniidho on, en waawataa faamude gomdhinal haqiiqawal ngal. Wondude e gomdhinbhe bhen fow, hidhen jabhi wonde en gaynataa halfinaade e Iisaa-Almasiihu on Joomi men on rewrude e doole men dhen e bawgal men ngal, awa kadi en waawataa arude e makko, si wonaa Ruuhu makko noddoowo en on ka Linjiila yedhi en dokke labbhini en e fee gomdhinal laabhungal. Himo noddude Iisayankeebhe bhen fow, o mottindira bhe, o tindina bhe o labbhina bhe sabu Almasiihu on. O maray bhe ko tiidhi e nder gomdhinal ngal. Ruuhu-Seniidho on yedhay seeditoore men nden bawgal. Hita on tippu e faamu mon ngun maa e gandal mon ngal si hawrii hidhon faala hollude bheya yimbhe Almasiihu on. Dhoftee Ruuhu wondudhho e faamu on dhoftaare timmunde. Hedhee ko o yewtata on kon no ekkitoron ko honno mawninirton manton annabi Iisaa. Jentagol fota hawa Ruuhu on tuma seeditotodhon wadhay on sahaabaajo Joomi on wondudho e nafa.

Almasiihu on noddirii taalibaabhe bhen sappoo e go’o fii seeditanagol mo, ko yedheede non. Taalibaabhe bhen hari ko seeditorbhe gite mun noddaandu ndun annabi Iisaa noddiraa fii mun ndun ka aduna. Ko ko bhe yi’iri kon gite mabbhe e ko bhe naniri kon noppi mabbhe e ko bhe meemiri kon juudhe mabbhe bhe seeditii fii mun. Kongudhi mabbhe dhin seeditike fii ko tawi kon bee Allaahu on ara ka aduna. Gomdhinal amen ngal ko e nden seeditoore tippi. Annabi Iisaa windaali deftere maa bhataake, kono o wattii nelal makko fewtungal ngal kisiyee on e juudhe Ruuhu Seniidho on, jikku taalibaabhe makko bhen kadi no seeditii fii ngal nelal makko. Ruuhu wondudho e Goonga on fenataa, kono rewrude e karaho taalibaabhe makko bhen, o bhanginay bawgal giggol ngol Almasiihu on yidhi ngol aduna nyawsudho on. Annabi Iisaa tigi wi’i taalibaabhe mun bhen: «On hebhoyay bawgal nde Ruuhu Seniidho on ari e mon, wonon seedeebhe an.»

TORAARE: Medhen rewude ma yo Bhiddho Alla, an laabhudho, an e Baabaajo on e Ruuhu Seniidho on ko on gooto, a acciraali men wa aliyatiimaabhe, kono a addanii men Ruuhu maa wondudho e Goonga on no men seeditora. Yo men laato laabhubhe e fee ardu maa ndun! Jannu men no men seeditora fii no dhuudhubhe hisiniree.

LANDE:

  1. Ko honno Alla tiindondirirta e aduna fempudho on Almasiihu on ka leggal altidiraangal?

www.Waters-of-Life.net

Page last modified on April 05, 2012, at 12:02 PM | powered by PmWiki (pmwiki-2.2.109)