Waters of Life

Biblical Studies in Multiple Languages

Search in "Cebuano":
Home -- Cebuano -- John - 094 (The world hates Christ)
This page in: -- Arabic -- Armenian -- Bengali -- Burmese -- CEBUANO -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish? -- Tamil -- Telugu -- Thai -- Turkish -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 3 - ANG KAHAYAG MISIDLAK PALIBOT SA MGA APOSTOLES (Juan 11:55 - 17:26)
D - ANG PANAMILIT SA DALAN PAINGON SA GETSEMAME (Juan 15:1 - 16:33)

3. Ang kalibotan nasilag ni Kristo ug sa iyang mga tinun-an (Juan 15:18 - 16:3)


JUAN 15:26-27
26 Moanhi ang Magtatabang nga mao ang Espiritu nga nagpadayag sa kamatuoran nga gikan sa Amahan ug magsaksi siya mahitungod kanako. 27 Ug magsaksi usab kamo mahitungod kanako kay kamo uban man kanako sukad pa sa sinugdanan.

Unsa man ang tubag sa Balaang Trinitas sa kasilag sa kalibotan ug sa ilang paglansang sa Anak sa Dios? Mao ang pagpadala sa Balaang Espiritu. Ang pag-abot sa Espiritu mao ang adlaw nga naa katingalahan. Ang iyang pagbalik nagtudlo sa pagsulod sa Dios sa kalibotan, kay siya nag-una gikan sa Amahan ug nagkaiyon uban sa Dios sa iyang pagkatawo ug sa sa iyang kaugalingong pagtuo. Siya nangandoy sa kaluwasan sa kalibotan, nagpa-ambit sa iyang kabuhatan. Ang Espiritu maghukom sa daotan sa kalibotan, ug pagbalhin kanato padulong sa pagkabalaan sa Dios, samtang iyang giablihan ang tanan natong kahugawan. Ang iyang presensiya sa mga tinun-an nahimong tulisok aron sila magpaubos ug maglimod sa kaugalingon, sa laing bahin ang kalibotan nalumos sa pag-ginhawa sa garbo, pagkagahi ug pagkalimbongan. Siya ang Espiritu sa kamatuoran, ug ang unang bulohaton niya mao ang pagbadlong sa mga kalibotanon mga buhat alang sa ilang mga kasal-anan.

Sa samang panahon siya magahupay sa mga tinun-an, nagmatuod sila nga si Hesus mao ang anak sa Dios, nga maoy naghuman sa ilang kaluwasan. Ang Espiritu sa Pagkonsuylo nagahatag sa atong mga espiritu sa pagsaksi kang Hesus aron kita makakita sa gugma sa Anak diha sa Amahan mismo. Kon wala ang Espiritu Santo dili nato mapamatud-an ang tinuod nga pagtuo. Uban sa tanang magtutu-o atong gidawat nga dili kita makasalig ni Kristo Hesus nga atong Dios sa atong kaugalingong mga pagpaningkamot o kaisipan ug dili usab kita makaduol kaniya, kondili tungod sa iyang Espiritu nga nagtawag kanato pinaagi sa Ebanghelyo ug nagdan-ag kanato uban sa iyang mga gasa, nagbalaan kanato pinaagi sa tinuod nga pagtuo. Siya nagtawag sa tanang mga Kristohanon, nagtigom, gihayagan ug naghimo kanila balaan diha ni Kristo. Siya nagtipig kanila diha sa pagtuo, ang usa ka tinuod nga tinuohan. Ang Balaang Espiritu nabuhat sa ka-epektibo sa atong testimonya. Ayaw pagsalig sa inyong pagpanabot o sa inyong kasinatian kon nangadoy ka sa pagpresentar ni Kristo sa ubang mga tawo. Pagtugyan sa inyong tibuok kaugalingon sa Espiritu sa Kaalam. Pamati sa iyang mga pulong aron makakat-on kita unsaon pagpadako si Hesus. Kanang kinasingkasing nga pagpamati sa tingog sa Espiritu samtang kita magasaksi ug makigsulti maghimo kaninyo nga epektibo nga apostoles sa Ginoo.

Si Kristo nagtawag sa iyang napulog-usa ka apostoles aron sa pagsaksi kaniya, usa ka prebelihiyo nga pinasahi alang kanila. Kining mga tinun-an maoy tinuod nga saksi sa makasaysayan nga bokasyon ni Hesus sa kalibotan. Sila misaksi sa ilang nakita, nadungog ug nahikap. Ang ilang mga pulong nagpamatuod sa pagkamatarong sa presensya sa Dios sa kalibotan. Ang atong pagtuo maoy nagsuporta sa maong pagsaksi. Si Hesus dili manunulat ug libro, ni wala magsulat sa Sulat, labing maayo iyang gihahad ang iyang kaugalingon sa mensahe sa kaluwasan sa pagsaksi sa Balaan Espiritu ug ang mga panultihon sa iyang mga tinunan nagdepende sa ilang mga kinaiya. Ang Espiritu sa kamatuoran dili mamakak, apun gipamatud-an sa masakiton nga kalibotan ang gahom sa gugma ni Kristo pinaagi sa baba sa iyang mga tinun-an. Si Hesus mismo miingon sa iyang mga apostoles, “kamo makadawat sa gahom sa dihang ang Balaang Espiritu mukonsad diha kaninyo, ug kamo mahimong akong mga saksi.

PAG-AMPO: Amo kang gisimba, o Anak sa Dios,Usa ka Balaan, ikaw nahiusa uban s Amahan ug sa Balaang Espiritu, ug wala mo kami biyai ingon nga mga ilo, apan imong gipadala ang espiritu sa kamatuoran aron mahimong saksi. Hinaot nga kami mabalaan sa imong pagbalik. Tudloi kami sa pagsaksi kanimo aron daghan ang motuo kanimo.

PANGUTANA:

  1. Giunsa sa Dios pagkompronta ang kalibotan sa pagpalangsang ni Kristo?

www.Waters-of-Life.net

Page last modified on April 30, 2013, at 10:06 AM | powered by PmWiki (pmwiki-2.2.109)