Waters of Life

Biblical Studies in Multiple Languages

Search in "Cebuano":
Home -- Cebuano -- John - 051 (Disparate views on Jesus)
This page in: -- Arabic -- Armenian -- Bengali -- Burmese -- CEBUANO -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish? -- Tamil -- Telugu -- Thai -- Turkish -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 2 - ANG KAHAYAG MISIDLAK SA KANGITNGIT (Juan 5:1 - 11:54)
C - ANG KATAPUSANG BIYAHE NI HESUS PAINGON SA HERUSALEM (Juan 7:1 - 11:54) ANG PAGBULAG SA KANGITNGIT UG KAHAYAG
1. Ang mga pulong ni Hesus sa pista sa mga tulda (Juan 7:1 - 8:59)

b) Nagkalain-laing panan-aw sa katawhan tali kang Hesus ug sa taas nga konseho (Juan 7:14-53)


JUAN 7:31-32
31 Apan ang kadaghanan, daghan ang mituo kaniya. Sila miingon, “Sa dihang si Kristo muanhi, dili na siya mobuhat ug mga timailhan labaw sa mga gibuhat niining tawhana, siya ba maghimo dugang niini?” 32 Ang mga Pariseyo nakadungog sa bagolbol sa kadaghanan niining mga butanga bahin kaniya, ug ang pangulo sa mga pari ug mga Pariseyo mipadala sa mga opisyales aron pag-aresto kaniya.

Bisan pa sa gubot nga kondisyon sa Jerusalem, daghan ang nagsugod ug tuo sa gahum nga gibuhat ni Hesus. Sila miingon, “Siguro siya ang Mesias; kay siya nakabuhat sa mga gamhanang timailhan, aron dili daghan nga labing dako maghunahuna ug mosalig kaniya. Atong nakita si Hesus adunay mga magtutuo bisan sa Sentro.”

Sa dihang ang mga Pariseo naka amgo, salamat sa mga ispiya, nga ang pagkapukaw nahitabo sa katawhan, ug kini nga kalihukan migamot sa Jerusalem, sila nahasol ug naningkamot nga mosunod kanila nga kontra nga partido-- ang mga pari ug Saduceo. Kini aron pagtandog sa mga pangulo sa templo aron did-an si Hesus sa templo. Ang taas nga pari miuyon niini ug nakig-abin nga molihok duyog sa mga Pariseo sa pagdakop kang Hesus.

Ang mga anghel sa Ginoo nagpalibot sa langitnong magtutudlo diha sa korte sa templo, sila ang nagpugong sa mga sulogoon nga tumanon ang mando sa ilang mga pangulo. Si Hesus nakakita sa mga gapadulong nga mga sulogoon apan wala siya midagan palayo, hinuon iyang gipadayag ang iyang himaya, diin nasulat sa ebanghelista diri kanato ang plano sa kaluwasan gikan sa Dios.

JUAN 7:33-36
33 Dayon si Hesus miingon, “Ako ma-anaa kaninyo sa daling panahon samtang sa madugay, dayon Ako moadto kaniya kinsa nagpadala kanako. 34 Inyo akong pangitaon, ug dili ninyo Makita; ug asa Ako, dili kamo maka-adto.” 35 Busa niini ang mga Judio miingon ngadto sa ilang mga kaugalingon, “Asa ning tawhana paingon nga dili siya Makita? Moadto ba siya sa Panagtibulaag taliwala sa mga Greyego, ug magtudlo sa mga Greyego? 36 Unsay ipasabot niining pulong nga siya miingon, “Inyo akong pangitaon, ug dili ninyo Makita; ug kon asa Ako, dili kamo maka-adto?”

Gipahibalo ni Hesus ngadto sa iyang kaaway nga siya magapuyo sa mubong panahon taliwala sa iyang mga kaigsoonan. Siya nakahibalo nga siya mamatay isip Karnero sa Dios. Sa maong higayon siya kahibalo sa takna sa iyang pagkabanhaw, iyang pagsaka, ug pagbalik ngadto sa iyang Amahan. Si Hesus naghandom alang sa iyang Amahan kinsa mipadala kaniya aron motubos kanato. Kay ang gugma niya kanato magpabilin sa kalibutang bisan layo gikan sa iyang langitnong panimalay.

Gitagna ni Hesus nganong iyang mga sumusunod nahikurat sa iyang pagkabanhaw ug pagsaka. Sila mibalik pagkamasulob-on sukad sila nakulang sa espirituhanong lawas nga mosaka kauban niya ngadto sa langit. Siya usab kahibalo nga iyang kaaway mangita sa iyang ‘nawalang’ lawas nga mawala gikan sa gisirad-an nga lubnganan. Alaot kadtong wala naghigugma sa Mangluluwas! Wala sila naka-ambit sa iyang himaya o makasulod sa langit. Ilang sala makapabulag nila gikan sa Dios. Ang dili pagtuo magpugong nila gikan sa grasya.

Ang mga Judio napakyas sa pagsabot sa pulong ni Hesus, sama sa ilang ginahunahuna sa tawhanong paagi nga siya gusto molayas ngadto sa sinagoga sa mga Judio diin nahimotang sa siyudad sa mga Greyego palibot sa Mediteranyo. Iyang tumong mao ang pagkuhag mga sumusunod gikan nila nga dili sinati sa Kasulatan sa mga Judio. Ang uban mibiaybiay ug miingon, “Siya mahimong batid nga mamumulong ug mopadayag sa iyang panglantaw ngadto sa mga Greyego nga mga magtotoon sa pilosopia ug modala nila ngadto sa buhing Dios.”

Sa dihang si Juan mitala sa pakigpulong kang Hesus ug niining mga panghitabo, siya nagapuyo sa Epesus taliwala sa mga Greyego. Ang maayong balita sa kaluwasan miabot sa mga Judio nga nagtibulaag didto ug usab daghang Greyego nga mituo kang Kristo. Ang ebanghelista nakakita sa pulong ni Hesus ug sa mga biaybiay sa gipadayag sa mga Judio nga si Hesus usa ka maayong magtutudlo taliwala sa mga Greyego. Wala siya maghatag sa walay unod nga pilosopia nga modala ngadto sa kawalay paglaum. Siya ang manghahatag ug kinabuhi; gikan kaniya ang tuburan sa gahum nga dili mapakayas.

PANGUTANA:

  1. Unsay pagtagna ni Hesus sa bahin sa iyang kaugmaon?

www.Waters-of-Life.net

Page last modified on April 29, 2013, at 11:09 AM | powered by PmWiki (pmwiki-2.2.109)