Waters of Life

Biblical Studies in Multiple Languages

Search in "Cebuano":
Home -- Cebuano -- John - 014 (Testimonies of the Baptist to Christ)
This page in: -- Arabic -- Armenian -- Bengali -- Burmese -- CEBUANO -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 1 - ANG PAGSIDLAK SA DIOSNONG KAHAYAG (Juan 1:1 - 4:54)
B - GIDALA NI KRISTO IYANG MGA DISIPOLO GIKAN SA PAGHINOLSOL NGADTO SA KALIPAY SA KAMINYOON (Juan 1:19 - 2:12)

2. Mas daghang makatandog nga testimonya sa Magbubunyag mahitungod kang Kristo (Juan 1:29-34)


JUAN 1:29-30
29 Sa sunod nga adlaw, iyang nakita si Hesus paingon kaniya, ug miingon, “Tan-awa, ang Karnero sa Dios, kinsa gawagtang sa sala sa kalibutan! 30 Kini mao siya kinsa akong gi-ingon, ‘human kanako miabot ang tawo kinsa gipili una kanako, kay siya una pa kay kanako.’

Sa dihang mibalik ang mga delegasyon sa Jerusalem, ilang gitago ilang pagtamay sa Magbubunyag. Hangtud sab niini ang Magbubunyag mituo nga si Kristo mao ang mag dala sakausaban nga molimpyo sa iyang mga tawo, tigpapalid sa trigo, si Kristo nga napungot nga Ginoo, mobugha ug moputol sa matag masakiton nga kahoy. Busa niana iyang pag-abot magbutyag sa Adlaw sa iyang Kasuko. Sa dihang siya miingon, “Ang Mesias anaa kanato”, ang mga disipolo nahasol sa ilang mga sala. Sila nagdahom sa dawkilat nga paghukom mahulog nga walay pahibalo.

Si Kristo nga traynta anyos miadto sa Magbubunyag ug kalma nga mihangyo sa pagbunyag. Kining kamapaubsanon nakatandog sa Magbubunyag, kinsa miingon nga si Hesus maoy angay magbunyag niya ug mopasaylo sa iyang sala. Apan si Hesus namugos sa pagpabunyag aron matuman ang pagkamatarong.

Diha nasabtan ni Juan nga ang Usang Balaan mianha dili sa pagdaot sa katawhan, apan sa pagpas-an sa ilang mga sala.Iyang gidawat ang bunyag isip nagrepresentanti sa kinatibok-ang katawhan. Ang pag-abot sa Ginoo dili ang pagpatuman sa kapungot, apan sa pakig uli ug pagpasaylo. Sa dihang siya nagbarog sa tumoy sa Karaang Kasulatan, ang Magbubunyag nakakita sa kalawom sa Bag-ong kasabutan sa gugma sa Dios. Kining tinubdan nga kabag-ohan nag-utro sa iyang panglantaw.

Sa sunod nga adlaw si Hesus mipakita, gitudlo ni Juan si Hesus ug miingon, “Tan-awa ug matnguni, abrehe imong mata, mao siya!” Walay kilat o mga anghel apan ang Pulong gibubo sa tanan aron ilang matagamtaman. Kining batan-ong tawo mao ang dugay nga gihulat, ang Ginoo mismo, ang Paglaum sa kalibutan.

Dili na gusto ni Juan ang kadaghanan nga mopalibot niya aron muhopot sa karaang konsepto sa Mesias, basi sa politikanhong nga kadu-ugan ug armadong pakigbisog. Kini ang Karnero sa Dios, dili ang gidahom nga Lion sa Judah ang makagagahom ug madaogon, apan ang malulot ug mahumok.

Puno sa Espiritu, si Juan mipahibalo, “Kini si Hesus galukdo sa sala sa kalibutan. Iyang gipili nga mahimong Karnero sa Dios, simbolo sa karaang pagsakripisyo nga ritwal. Siya angayan nga puli sa tanang tawo. Iyang gugma makagagahum ug epektibo. Siya ang Usang Balaan nagpabilin ingon sa dihang siya gatubos sa sala sa matag-usa”. Siya kinsa nga walay sala nahimong sala alang kanato, aron kita mahimong Diosnong matarong diha kang Kristo.

Ang testimonya sa Magbubunyag mao ang pinakataas sa ebanghelyo, ang sentro sa Bibliya. Siya nakabalo nga ang himaya ni Kristo mao iyang pag-antos alang kanato. Ang kaluwasan ni Kristo alang sa tibuok kalibutan ug tanan katawhan, pula, dilaw, itom ug puti, lagom ug kasarangan. Alang sa matag tawo gasiga ug dili, dato ug pobre, tigulang ug batan’on, makapasaylo sa nanglabay, karon ug ugma. Iyang kamatayon makaluwas sa tanang sala. Iyang pagluwas hingpit.

Sukad sa unang adlaw sa iyang pag-abot ang Karnero nag-antos sa epekto sa kadaotan, apan wala siya mibuhat ug daotan o misalikway sa mga magarbohon, apan mihigugma nila. Siya kabalo sa ilang pagkagapos ug andam nga mamatay alang kanato.

Alang sa iyang mga tigpaminaw ang Magbubunyag mipadayag nga ang Karnero sa Dios mikuha sa kasuko sa Dios gikan nila. Siya ang biktima, ang karnero maoy mamatay puli sa ilang dapit. Siguro kadtong anaa gatambong natingala unsaon nga nga usa ka tawo magpas-an sa silot sa tanan. Ang pulong ni Juan naka-abre sa ilang mata, apan ang krus dili pa klaro alang nila. Ang katingalahan nga panghitabo mituman sa plano sa Dios alang kang Kristo.

Sa maka'usa ang Magbubunyag miutro pag-ingon nga gihingpit ni Jesus ang kaluwasan, tungod kay siya ang Ginoo nga walay katapusan. "Siya mas labaw kay kanako, siya nauna kay kanako". Ang himaya ni Kristo dako, apan iyang gugma sa krus nagpadayag sa sentro sa iyang himaya. Ang ebanghelista miangkon, "Nakita nato iyang himaya; siya nagpakamatay sa krus sa kasakit ug busa iyang gipadayag ang sukod sa iyang gugma nga nakaluwas kanato".

PAG-AMPO: O Balaang Karnero sa Dios kinsa nagawagtang sa sala sa kalibutan, kaloy'e kami. O walay katapusang Anak sa Dios, nagpakatawo, pasayloa kami sa among sala. Mapaubsanong Nazareno kinsa wala naulaw sa atong sala, kami gasimba kanimo, kay imong kaming gihigugma ug gihimo mo kaming bug'os sa imong krus. Kami gahigugma ug gapasalamat kanimo, tungod kay ikaw mianhi dili para maghukom, apan isip Karnero. Kami gatou kanimo, kay imong giwagtang among mga sala ug sa tanang katawhan sa yuta. Hatagi kami ug kaalam aron magsulti sa uban nga ikaw nagluwas kanila.

PANGUTANA:

  1. Unsay ipasabot sa "Karnero sa Dios?"

www.Waters-of-Life.net

Page last modified on April 29, 2013, at 10:04 AM | powered by PmWiki (pmwiki-2.2.109)