Waters of Life

Biblical Studies in Multiple Languages

Search in "Dioula":
Home -- Dioula -- Tracts -- Tract 07 (The LORD comforts you!)
This page in: -- Armenian -- Baoule -- Burmese -- Chinese -- Dagbani? -- DIOULA -- English -- French -- German? -- Greek -- Hausa -- Hebrew -- Hindi -- Igbo -- Indonesian -- Japanese -- Korean? -- Lingala -- Maranao -- Nepali? -- Peul? -- Somali -- Spanish -- Sundanese -- Telugu -- Thai? -- Turkish -- Twi -- Uzbek -- Yoruba

Previous Tract -- Next Tract

TRAITÉS - Messages bibliques courts à distribuer

TRAITÉ 07 -- Matigi Ala bɛ Aw jusu Saaro!


Ni Anw tun ka jusu kasi boɲa lon, ani ɲaji min bɛ bɔ lon o lon an ka dunuɲa kɔnɔ, n’o fara ɲɔgɔn kan i nafɔ kɔji, a tun bɛna anw kabakoya ka an lasiran ka an jigitigɛ. K’a sɔrɔ Tawrata Cira Musa ta Kitabu Saninman, ani Mariyamu dencɛ ta injili Kitabu Saninman kibaro diman, bɛ se ka an dɛmɛ can na ka jusu saaro sɔbɛ sɔrɔ dibi cɛma. Matigi hinatigi Ala ka Ciraya kuma dɔw lase Cira Ezayi ma, minw fanibɛ jigimafa ni jusu Saaro kumaw ra. ʻʻDen bamuso bɛ den jusu saaro cogo min na, ne fana bɛna aw jusu saaro ten leʼʼ (Ezayi 66 : 13) Ala Sebagaya bɛɛ tigi k’a ta hina tagamasiyɛn yiyra, i nafɔ den bamuso ta kanuya n’a ta nɔgɔya cogo a ta den fan fɛ. mɔgɔ min b’a fɛ ka Ala ta jusu saaro cogo famu o tigi kakan ka den ni abamuso cogo filɛ, a b’a den kanu cogo min na.

Den bamuso bɛ a den kɔnɔta, ka woro ni dimiye, o cogo ra a ya den ye a farikolo yɔrɔ dɔye. A b’a ye ko den ya kow bɛɛ kalifa ra a le le ma, a b’a kɔrɔsi, ka i jantɔra su ni tere, ka domini d’a ma ni kɔngɔ b’ara, k’a ko siɲɛ caman tere kɔnɔ, a b’a mina na bolo fila ye ka da susu, a bɛ tolonkɛ n’a ye ani ka kauma a fɛ, hali k’a sɔrɔ den tɛ foyi famu o ra. A tɛ a den to a kelen na fiyewu, sabu Ala le ka o den karifa a ma. bamuso bɛ a ta ɲumaya bɛɛ ani a ta kanuya yira a den na.

N’a bɛ boɲana, a bɛ faniw san a ye ani sanbaraw, k’a ko, a bɛ a ya bon saninya, a bɛ kalan yɔrɔ ɲuman ɲana woloma a ye. N’a kɔsegira ka bɔ karan kɛ yɔrɔla, baara min dira a ma kalan so ra ka ɲanabɔ so kɔnɔ, a b’a dɛmɛ ka o famu. N’a den ka firi dɔ kɛ, a b’a lali walama ka koro. Jigi bɛ k’a fɛ ko a den bɛna boɲa terenniya ra. A b’a lali ko a ye a yɛrɛ kɔrɔsi flakisɛ juguw ra, i na fɔ drɔgiw, ani cɛ ni muso ta jɛɲɔgɔnya i na fɔ jatɔya, ani jinaw ta jɛɲɔgɔnya, ani nin juguw ani subagaya. A b’a ɲini ka tɛri ɲuman sɔrɔ a ye. A le yɛrɛ cogo le ye ɲayiranlan ɲuman ye a den ye.

Den ka lon ko a bɛ se ka don bon kɔnɔ, hali n’a ka fili kow kɛ. A bɛ a kun kɔyaw fɔ a bamuso ye, abamuso b’a lamɛn ka o kow mara jusukun na. A b’a den kalan lanaya ra, ka Ala ta bɔɲa fɔ a ye. A bɛ i na fɔ ko bamuso tɛ sɛgɛ fiyewu.


Matigi Ala ta jusu Saaro Nɔgɔman

Den bamuso ta kanuya ta kɛwaliw, ni a ta hina ani a bɛ a yɛrɛ bɛɛ di min kɛ a den kosɔn, ani a ta muɲuri, o bɛ i nafɔ tagamasiyɛn Ala ta kanuya jusu saaro nɔgɔman. Ala faninbɛ kanuya ra mɔgɔw ta fan fɛ minw bɛ o ɲasin a ma. A bɛ jigi di an ma: ʻʻNe, ne le bɛ aw jusu saaroʼʼ (Ezayi 51:12). Danbaga dunuɲa Matigi ka fɔ a ta Cira n’a ta jamaw ye, o kow kɛra jɔnya tuma le ra, hali o wagati ra Ala labɛnnin tun lo ka o dɛmɛ ani ka o jusu saaro, ni o sɔn na ka o yɛrɛ majigi a le ye ani ka le sago kɛ. Sebagaya bɛɛ tigi b’a fɛ ka dɛmɛ kɛ ka jigimafa di. O le kosɔn ni gbɛlɛya ko dɔw bɛ aw kan, aw kana a to aw yɛrɛ kɔnɔ, aw k’a ɲafɔ Matigi ye, aw bɛna a ye ko a bɛ se ka kobaw kɛ tuma min na ni aw ka lanayakɛ a ra.

Danbaga ka an dan ka ɲanamaya di an ma, ni baraka, ni hakiri, ni sago, ni kolon, ani frikolo ani Nin. Anw tɛ farakuruw ye minw bɛ to yɔrɔ kelen na a tɛ magamaga, wala yiri sunw minw tɛ mɛninkɛ, nka anw ye Adamadenw le ye minw hɔrɔnyanin lo jusukun bɛ an na, ni hakiritigiya ani miiriya. Matigi Ala min ka fɛn bɛɛ lon, a ka an ta nilifɛw lon ani an ta barakatanyaw. A ka an ta ɲanamaya cogoya na taw lon, a b’a fɛ anw ka tagama ka kaɲa ni a ta kɛwaliw ye, a ka min labɛn anw ye.( Ɛfɛsikaw 2:10) a ka fɛrɛ kɛrɛnkɛrɛn nin dɔ labɛn aw ye, a bɛ a janto aw la, ka tɛmɛ aw worobagaw kan. A bɛ ko ɲuman le latigɛ aw ye, tuma bɛɛ.

A tɛ aw kelen to siranya ra, gbɛlɛya la, ani hakiri ɲagamin kow ra, nka a b ɛ a janto aw ra, ka aw karan Ala daari cogora. ʻʻAn ta bi domuni di an ma.ʼʼ (Matyu 6 : 11) aw ka na ɲina ko a ka karan bonda da yɛrɛ ka kɔn aw ɲa. A ka lon san nin a ye kɛ, aw ni mɔgɔ minw bɛna bɛn ka baara kɛ ɲɔngɔn fɛ. A bɛ aw kɔrɔsi ka aw mara janfanw ma, ani ka aw tanga setana ta ceguyaw ma. Aw ye k ɛ hakiritigiye, ka aw yɛrɛ kalifa fa Ala ma, walisa a ye aw ɲamina.

Ala ta kiti bɛ wajibiya dunuɲa kan, a ta cannin kow kosɔn. k’a sɔrɔ Ala Saninman tɛ sɔn an ta halakili ma, nka a ka Mariyamu dencɛ bla kana bɛn don an ni a le cɛ. A bɛ an bɛɛ kelen kelen welen ka na niminsa an ta jurumunw na, ka na a le ma, ka sɔn Kirisita ta jurumun kafari saraka ma, o min kɛra dunuɲa ta jurumunw kosɔn.

ʻʻsabu Ala ka dunuɲamɔgɔw kanu haali fɔ Den kelenpe min bɔra Ala ra, a ka o di ka a kɛ saraka ye, janko ni mɔgɔ o mɔgɔ ka la o ra, o tigi kana halaki, nka o tigi ye ɲanamanya banbari sɔrɔ.ʼʼ (Yuhana 3:15-17)

I nafo den bamuso ba lasaninya cogo minna tere kɔnɔ siɲɛ caman, o cogo le ra Ala Saninman b’a fɛ ka aw ko ka aw saninya, ka aw la kuraya. Hinatigi makari Ala b’a fɛ ka aw dɛmɛ, hali aw ka gbɛlayaba wagatiw ra. A labɛn nin lo ka aw ta jurumunw yafa aw ma, hali minw dogonin lo, ni aw lɔ ra aw ta jurumunw na Ala ɲa kɔrɔ. Aw ko ka di a ye, a yɛrɛ le b’a fɛ ka kuma aw fɛ, a bɛ aw nali makɔnɔ na. Wagati juman le aw bɛna a fo a ta kanuya kosɔn, ka aw ta gudonw kalifa a ma, ka damina ka tagama n’a ye kaminali ra ka kaɲa ni a sago ye ? a bɛna a bolo dayɛlɛ ka aw kunbɛn.

Matigi Ala kɔrɔtanin ba ta fɛrɛw bɛ tɛmɛ o bɛɛ kan. A b’a fɛ ka aw ta ka aw kɛ a den dɔ la kelen ye. A b’a fɛ ka aw la fa a ta Nin saninman na, walisa aw ka kɛ a ta dencɛ ye walama a ta den muso ye, Nin ta fan fɛ. Ala ta kanuya ka bon ka tɛmɛ anw ta hakiritigiya kan. A b’afɛ k’a ta ɲanamanya banbari di aw farikolo sataw ma. Aw ye na a ma, aw ya yɔrɔ ɲini aw bɛna a sɔrɔ, sabu a k’a layirita ko: ʻʻAw bɛna ne ta jɛnɲɔnya ɲini, aw fana bɛna ne sɔrɔ, sabu aw bɛna ne ɲini ni aw jusukun bɛɛ le ye. ʼʼ (yeremi 29 :13)


Kirisita ta jusu Saaro

ʻʻMinw sabarinin lo, olugu ta ɲana, sabu Ala bɛna dugukolo di o ma cɛn ye.ʼʼ (Matiyu 5:4) Kirisita nana an ta dunuɲa tɔɔrɔnin kɔnɔ, n’a ta kanuya saninman ye. A fanin tun bɛ hina ra, a makarira mɔgɔ sɛgɛninw na, minw tun filila i ko saga minw tora o yɛrɛ ma, ni gbɛn baga ma sɔrɔ o ra. (Matiyu 9 : 36) a ka ta karamɔgɔdenw wele ka tugu a kɔ, a ma o mina i ko jɔnw ka baarakɛ a ye. A tun ye o ɲamɔgɔye, a tun bɛ kow yira o ra ni nɔgɔya ye, walisa o ye kɛ a le yɛrɛ ladegibaga ye. Tuma min na Yuhana n’a balema cɛ tun bafɛ ko tasuma ye jigi ka bɔ san fɛ kana mɔgɔw bɛɛ halaki, minw bana ka o la jigi o ta dugu ra, a sɔngɔra o ma ko: ʻʻ Jusu suguya min bɛ aw ra, aw ma o lɔn dɛ !ʼʼ (Yuhana 9:55)

Tun ma min na Piyɛri banna a Matigi ra ka fɔ ko a le ma lɔn, hali k’a sɔrɔ a tun la sɔmina o ra, o kɔ fɛ a kasira ni ninminsari ye. Mariyamu dencɛ kunuli kɔ fɛ ka bɔ saya ra, a tagara piyɛri kunbɛn, ka yafa a ma, ka jusu saaro, k’a wele tugunin ka baara kɛ a ye.

Tun ma minna Zudasi janfatɔ ka a Matigi janfa ka don a juguw boro ni kanuya foriye, Yesu m’a danga a ma sɔngɔ a ma, nka a ko a ma ko: ʻʻCɛ, I nana min kama, o kɛ.ʼʼ (Luka 22 : 48 ;Matiyu 26 : 50)

Ala ta kanuya min kɛra farikolo ye, o ye Kirisita le ye. A kɛra hinamatigi ye i na fɔ a fa min bɛ sankolo ra, o ye hina bagaye cogo min na. (Luka 6 : 36) a ka ka bako minw kɛ ka banabagatɔw kɛnɛya, o ye a ta hina tagamasiyɛn ye banabagatɔw ni fagantanw ta fan fɛ. tun ma min na a ka muso min cɛ sara kasitɔ ye, o bɛ tagara a dencɛ kelenpe su don, a ka sutabagaw lalɔ, ka dencɛ su la wiri k’a di a bamuso ma.

Tun ma min na kunatɔ tan minw tun ma kakan ka gbɛra mɔgɔ kɛnɛmaw ra, o ka mɛn ko Yesu tun bɛ tɛmɛna o yɔrɔ la, o ka wele ka ɲini a fɛ ko a ye olugu kɛnɛya. A ma o gbɛn, nka a ka o kɛnɛ ya n’a ta kuma kan Sebagaya ye. Tun mamina a ka jinatɔ kun bɛn, nin juguw tun bɛ jigitigɛ pɛrɛ kan bɔra, a ma bɔri o ɲa, nka a ka jintɔ hɔrɔnya ka bɔ jinaw boro n’a ta kuma kan Sebagaya ye.

Yesu ka ji fɔɲɔ la lɔ walisa a ta karamɔgɔdenw ka na halaki jira. A ka mɔgɔ kɔngɔtɔ waga looru dominnin 5000 ni buuru den looru ani jɛgɛ den fla dɔrɔn ye. A ka nanbaracɛ ta jurumunw kafari a ma, o ka bon san fɛ la da yɛrɛ ka o min lajigi a fan fɛ. a ka dugawu kɛ denmisɛnw ye, ani ka Lazari balima muso ja gbɛlɛya ko: ʻʻne m’a fɔ i ye ko ni i ka la ne ra, i bɛna Ala ta sebagaya ye wa ?ʼʼ (Yuhna 11: 40)

Yesu tun bɛ mɔgɔw bɛɛ kanu, hali a juguw. A tun ka mɔgɔw ta jurumnw lɔn, a ka lɔn fana ko o tun tɛ se ka o yɛrɛ kisi. A ka dunuɲa mɔgɔw ta jurumunw ta a yɛrɛ kan, a ka jurumun kafari saraka bɔ o nɔna, i nafɔ Cira Ezayi tun k’a lase cogo min na: ʻʻk’a sɔrɔ a tɔɔrɔra anw nɔ le ra, a ka anw ta sɛgɛ doni le ta; anw kɔni k’a jate i ko sɛgɛbagatɔ, ko Ala le ka kojugu ben a kan, ka ɲani la a kan. Nka a mandimina anw ta hakɛw le kosɔn, a baraka bɛɛ banna anw ta terenbariyaw le kosɔn; korori min bɛ hɛra lase anw ma, o benna a le kan, jori minw tigɛra a farikolo ra, o le ka kɛnɛ ya lase anw ma. An bɛɛ tun bɛ yaala an kun fɛ i ko sagaw, an bɛ kelen kelen tun bɛ taga an ta sira le fɛ; nka Matigi Ala ka an bɛɛ ta kojuguw hakɛ ben a le kanʼʼ (Ezayi 53:4-6)

Mariyamu dencɛ ka dunuɲa ta kisili dafa, ka terenninya don ani Ala cɛ, Ala bɛ sɔn min ma. A bɛ an labɛn, a ta jurumun kafari saraka fɛ, walisa an ye se ka Ala ta jusu saaro Nin sɔrɔ.


Nin Saninman ta jigi Kirisita ta karamɔgɔdenw kan

Mɔgɔ min b’a jusukun da yɛrɛ Ala ta kanuya ye, ani Kirisita ta hina ye, ka sɔn a ta jurumun kafari saraka ma, o tigi bɛna Nin Saninman ta jusu saaro sɔrɔ. A le min fana ye Can nin ye. Yesu tun ka o layiri ta wagati dɔɔnin dɔrɔn a ta karamɔgɔdenw ye san ni a saya cɛ. ʻʻNe fana bɛna Fa Ala daari ko a ye dɛmɛbaga wɛrɛ di aw ma, janko o ye to ni aw ye tuma bɛɛ. Nin Saninman min bɛ can yira, o lo. Dunuɲamɔgɔw tɛ se ka o sɔrɔ, sabu o tɛ se k’a ye, o tɛ se k’a lɔn fana. Nka aw kɔni k’a lɔn, sabu a bɛ ni aw ye, a bɛna kɛ aw jusukun na fana.ʼʼ (Yuhana 14:16-26; 15:26-27; 16:7-14) Fa Ala ka layiri ba min ta, o ye Jusu saaro Nin le ye. Mɔgɔ min b’a daari Kirisita tɔgɔ ra, a bɛ di o le ma. (Luka 11:13)

Nin Saninman bɛ can yira an na Ala kan, a le min ya an Fa ye Nin ta fan fɛ. A bɛ can yira an na anw yɛrɛ kan, a bɛna ko nataw fana fɔ an ye ni can ye. A bɛ an jusukun na ɲaw yɛrɛ ka Ala ko can lɔn. A bɛ an la jija lanaya ra, a bɛ jigi banbari di an ma. A le le bɛ soronari kɛ an ye kiti tigɛ lon na, a le le bɛ an jusu saaro bagaye, tuma min na ni an miiriya sɔn na a ma.

Can Nin bɛ an ɲamina wagati bɛɛ an ta ɲanamanya ra, i na fɔ Cira Pɔli y’a Cantigiya cogo min na: ʻʻSabu minw bɛɛ bɛ tagama ka kaɲa ni Ala Nin Saninman sago ye, olugu bɛɛ ye Ala denw ye.ʼʼ (Rɔmukaw 8:14)

O jusu saaro Nin bɛ an dɛmɛ, hakiri ɲagamin, ni jusu kasi, ani dɛsɛ wagati ra. A bɛ jigi ni hɛra di an ma, a bɛ an tanga kojugu ma, a bɛ an kunmabɔ saya ta janw ma. O Nin bɛ an dɛmɛ ka tagama hakiritigiya ra, ani ka se sɔrɔ an ta jurumunw kan, ni an bɛ o jurumuw kɔniya ka ban o ma. Ala Nin ka Sani, a b’a fɛ ka an saninya, ka an koro, walisa an ye lɔ an ta jurumunw ra Ala ɲa kɔrɔ, ka an kɛ terenniw ye, saninmaw ye, ani bɛn.

Jusu saaro baga Saninman tɛ a yɛrɛ boɲa, nka a bɛ Mariyamu dencɛ le boɲa. Anw kisibaga bɛ an dɛmɛ k’a ta kanuya tagamasiyɛn famuya. Ala Nin Saninman, a le min ye ɲanamanya banbari ye a le ra, a ta Sebagaya tɛna ban cogo si ra. A bɛ an jusu saaro, ka se sɔrɔ an ta saya kan n’a ta ɲanamanya ye, a bɛ to an na tuma bɛɛ.

O jusu saaro Nin bɛ to Kirisita ta karamɔgɔdenw ta ɲanamaya ra, sabu o la ra a ta jurumun kafari sarakala. O Nin bɛ o cogow yɛlɛma walisa kanuya, ɲumaya, ani Ala ta ko ɲuman kɛ ye ye o ta ɲanamanya ra. O jusu saaro Nin bɛ an dɛmɛ ka Ala ta kuma kibaro lase, ka baara kɛ mɔgɔw ye minw mako bɛ dɛmɛnin na. a bɛ anw fa Ala tando dɔnkiliw ra ani ko ɲuman lɔn. jusu saaro baga hinatigi Ala b’a fɛ ka aw kɛ jusu saaro bagaw ye, i na fɔ Cira Pɔli k’a fɔ cogo min na: ʻʻAn ye Ala tando, min ye an Matigi Yesu Kirisita ta Ala ni a Fa ye; hina Fa lo, jususaarobaga Ala lo wagati bɛɛ. A le Ala le bɛ an jusu saaro an ta tɔɔrɔw bɛɛ ra, janko an bɛ jususaaro min sɔrɔ a le Ala fɛ, o ye kɛ sababu ye k’a to an fana ye tɔw jusu saaro o ta tɔɔrɔkow bɛɛ ra.ʼʼ (Korɛntikaw flanan 1:3-4) Ala Nin Saninman tɛ wagati kow yɛlɛma yɔrɔnin kelen, nka a bɛ anw yɛrɛ le yɛlɛma fɔlɔ Kirisita ta kisili fɛ. Anw jusukun kɔrɔtɔnin bɛ ka an kisibaga makɔnɔ , sabu a ka an kanu kabini damina wagati ra. A bɛ a ta Sebagaya nɛɛma di an ma, a ta Kitabu kibro diman vɛrsew baraka ra. Mɔgɔ o mɔgɔ bɛ Kirisita ta kumaw karan, ka a mara ani ka tagama ka kɛɲa n’a ye, otigi bɛna dugawu ni jigimafa sɔrɔ.

Aw delila ka Ala ta jusu saaro sɔrɔ aw ta ɲanaman kɔnɔ ka ye wa ? ni aw b’a fɛ ka taga ɲa ka jusu saaro nin ta kɛwaliw lɔn can na, anw bɛna Kirisita ta injili Kitabu kibaro diman ci aw ma gbansan, ani Ala ta kuma aw bɛ se ka miiri min na, ani Aladaari liw, min bɛ se ka aw dɛmɛ ka hɛra sɔrɔ ni Ala ye dibi cɛma.

Mɔgɔ minw bɛ aw laminiw na, aw ka olugu jusu saaro: nin nin Sɛbɛ ka jigi kura di aw ma, aw k’a di mɔgɔw ma minw bɛ hɛra ɲinina o ni Ala cɛ, walisa olugu fana ye se ka jusu saaro sɔrɔ. Aw b’a fɛ ka sɛbɛ jate da min sɔrɔ ka o tran tran, aw ye an lalɔnniya o ra. Aw ka na ɲina ka aw ta a drɛsi sɛbɛ ka ɲa, wlisa a ye se ka karan.

WATERS OF LIFE
P.O. BOX 60 05 13
70305 STUTTGART
GERMANY

Internet: www.waters-of-life.net
Internet: www.waters-of-life.org
e-mail: info@waters-of-life.net

www.Waters-of-Life.net

Page last modified on February 22, 2023, at 03:19 PM | powered by PmWiki (pmwiki-2.3.3)