Previous Lesson -- Next Lesson
4. An di amun sa tԑtԑ’m be nanwlԑ kle Nyanmiԑn yԑ nàn amun bua ato!
Cԑn kun, yasua nnyᴐn be wᴐli nyanmiԑn sua’n nun lᴐ kԑ be nin Nyanmiԑn be koko yalԑ. Kun yo i wun kԑ ᴐ ti nyanmiԑn sufuԑ kpa sa, sanngԑ kunfuԑ’n ti awiefuԑ, klun wifuԑ yԑ sran’m be yo i finfin. Kun ng’ᴐ bu i wun nyanmiԑn sufuԑ kpa’n ᴐ jrannin nyanmiԑn sᴐwlԑ’n i nyrun ndԑnman su lԑ, ᴐ srԑli nyanmiԑn wun tulԑ’n nun nvlefuԑ’m be nyrun, ᴐ seli kԑ: "Nyanmiԑn, kwla o, afin n liԑ’n, n ti-man kԑ sran nga’m be sa, be de sran like wue kekle su, be di-man nanwlԑ, be kunndԑ bla bé yi bo nin bian bé wun bo, yԑ n ti-man kԑ gua bo sika defuԑ ng’ↄ jin yԑ sa. Le mᴐcuԑ kwlaa n ci nglԑmun kpԑ nnyↄn, yԑ like kwlaa nga n nyԑn i’n, n yi i blusu" (Lik 18: 11, 12).
Sanngԑ kunfuԑ’n ng’ᴐ ti awiefuԑ’n, ᴐ jran mmua lᴐ longo kun nun. Nyannzuԑn kun i i bᴐbᴐ wun. Afin ᴐ si kԑ ᴐ ti sa tԑ yofuԑ i sᴐ’n ti ᴐ’a klo-man kԑ ᴐ mԑn i nyin su nyanmiԑn su lᴐ. Ͻ kԑnnin i ti’n i ase yԑ ndԑ ng’ᴐ kaan’n ᴐ fite-man kpa bᴐbᴐ:
Zezi yili i nglo weiin kԑ yasua kun ng’ᴐ bu i wun sran kpa’n, kannzu ᴐ ti dunman klofuԑ nin awԑnfuԑ. Nyanmiԑn ᴐ’a tԑ-man i srԑlԑ’n su. Sanngԑ kԑ yasua b’ᴐ ti awiefuԑ’n kᴐ i awlo’n, Nyanmiԑn buli i sran kpa yԑ aunnjuԑ’n yili i awlԑn’n, afin ᴐ dili i sa tԑtԑ’m be nanwlԑ weiin yԑ ᴐ kacili i nzuԑn’n i awlԑn’n nun.
Wᴐ bᴐ a su kanngan ndԑ nga’n: E man wᴐ afᴐtuԑ kԑ a tike ᴐ sa tԑtԑ’m be kwlaa su kle ᴐ Min’n. Sԑ a bu i kԑ ᴐ’a yo-man sa tԑ wie fi’n, kan ndԑ kle Nyanmiԑn b’ᴐ i nzuԑn’n nin klᴐ sran liԑ’n ti’a kun’n, kan ᴐ wun ase i bo nan se i kԑ:
"Nyanmiԑn, yaci, ndrunmun kwlaa nga n dili be’n, ᴐ nin sa tԑtԑ kwlaa nga be o min awlԑn’n nun’n, tike be su kle min. Man ᴐ kpajalԑ’n ᴐ yi klunwi ng’ᴐ o min awlԑn’n nun ᴐ nin sran kpᴐlԑ ng’ᴐ o min akunndan’n nun’n i nglo kle min. Yo man n wla kpԑn ndԑ tԑtԑ nga n kannin be’n ᴐ nin sa tԑtԑ kwlaa nga n yoli be’n be su. M’ᴐn yo sᴐ-ᴐ".
An fa akpue yԑ an se Nyanmiԑn kԑ ᴐ tike amun akunndan’n su. An yaci i nun m’ᴐn bubu like ng’ᴐ ti kԑ waka sran sa b’ᴐ kata amun nguan’n nun sa wie’m be su’n nun. Amun ′wun i kԑ amun sa tԑtԑ’m be yo sro. Sran fi nu-an lԑ b’ᴐ yo’a sa tԑ-ᴐ. Nyanmiԑn kunngba cԑ yԑ ᴐ kwla yo-man sa tԑ-ᴐ. An kunndԑ silԑ ng’ᴐ kwla man amun nguan’n, Nyanmiԑn b’ᴐ ti aunnvuԑ sifuԑ’n i sa nun. Wun i wlԑ kԑ a ti sa tԑ yofuԑ. I sin’n Nyanmiԑn ᴐ wa kle wᴐ i mmla blu’n. Be yԑ be wa kaci wᴐ awlԑn b’ᴐ ti sa tԑ yofuԑ’n i niannun-ᴐn. Nyanmiԑn i mmla’n ti’n, a wa wun i wlԑ kԑ a ti’a kpa tra-man sran wie fi.
? Kpԑ nnyԑ yԑ e yo kԑ e wun-man tukpacԑfuԑ mun nin be nga be le’a fanngan mun-ᴐn? ? Be nga alԑ’n fuannin be bᴐ be ba fialԑ amun nvle’n nun’n, kpԑ nnyԑ yԑ a niannin be lika-ᴐ? ? Yԑ kpԑ nnyԑ yԑ yalԑfuԑ mun ᴐ nin be nga be lԑ-man silԑ’n be ndԑ lo ye-ᴐ? Aunnvuԑ silԑ’n nun-man e awlԑn’n nun; ndԑ dandan kanlԑ nin awԑn yolԑ’n be yԑ be wo e awlԑn’n nun-ᴐn. I sᴐ’n ti yԑ Nyanmiԑn fԑ i ndԑ’n wlԑli i nuan ijᴐfuԑ Pᴐl nuan b’ᴐ kannin wafa nga sran’m be ti’n i ndԑ nin-ᴐn, ᴐ seli kԑ:
Min janvuԑ kpa: ? A kwla bu ᴐ wun kԑ a ti sran kpa ekun annzԑ a kplin su kԑ a ti sa tԑ yofuԑ kԑ wᴐ akunndan’n fa bu ᴐ fᴐ’n sa-a? ? A wun kunman dan’n ng’ᴐ o e nin Nyanmiԑn b’ᴐ ti sran klofuԑ’n e afiԑn? ? A wun i wlԑ kԑ ᴐ sa tԑtԑ’m be yo sro yԑ a fᴐnnin Nyanmiԑn wun tԑ kpa-a? Sԑ ᴐ waan a di nanwlԑ’n wunn a di ᴐ sa tԑtԑ’m kwlaa bé nanwlԑ kle Nyanmiԑn yԑ a tu ᴐ klun a kpan kekle kpa kԑ:
"Ee Nyanmiԑn, si min aunnvuԑ afin min sa tԑtԑ’m bé ti’n, min nin wᴐ y’a ti nun mmua. Wᴐ kunngba cԑ ᴐ wun, n fᴐnnin, n yoli sa tԑ, a wunnin min afin like fi ti’a fiawa ᴐ nyrun. M’an yo fiԑn, n ti sran tԑfuԑ. Nán yi min blo, sᴐ min nun nin min awlԑn bᴐ ᴐ’a kpᴐtᴐ min klun’n. Yo min juejue nan yo min saun. Man ᴐ sran delԑ’n ᴐ kata min su. N ′tu min klun n srԑ wᴐ. N la wᴐ ase afin a tԑli min srԑwa’n su. M’ᴐn yo sᴐ-ᴐ!".