Waters of Life

Biblical Studies in Multiple Languages

Search in "Baoule":
Home -- Baoule -- Salvation - 5. Salvation for the Whole World Is Completed!
This page in: Albanian -- Armenian -- BAOULE -- Cebuano -- English -- French -- German? -- Greek -- Hausa -- Igbo -- Indonesian -- Somali -- Spanish -- Telugu -- Twi -- Ukrainian -- Yoruba

Previous Lesson -- Next Lesson

?Amun si sᴐ? Nyanmiԑn i ti delԑ’n wo lԑ amun ti!
Fluwa nga be jԑjԑli yԑ’n ͻ ti cinnjin kpa man amun

5. Mԑn wunmuan’n i ti delԑ’n i nuan a ya!


Nyanmiԑn sufuԑ akpasua wie’m be waan sran’m bé ti delԑ’n ᴐ taka bé nyoliԑ kpakpa’m be su. Wie’m be bu i kԑ sԑ bé nyoliԑ kpakpa’m be sᴐnnin tra bé nyoliԑ tԑtԑ mun’n, i nun yԑ be ′nyan bé ti-ᴐ. I sᴐ akpasua liԑ mun be maan bé su sufuԑ’m be mmla wie mun bᴐ klᴐ sran wie fi kwla di’a su. Mmla sᴐ’m be ti kԑ trᴐ dandan kpa bᴐ be wla jin bé ti su’n sa. Klᴐ sran’m bé wun ndԑ’n ᴐ kle e weiin kԑ Moiz i mmla nin Jasin Fԑ’n be kaan ndԑ nanwlԑ, be se kԑ:

Nyanmiɛn kunngba cɛ yɛ ɔ ti kpa-a
Matie 19:17

Sran kwla ng’ᴐ fa-man ndԑ nanwlԑ nga su yԑ ᴐ kle-man ndԑ nanwlԑ’n nga’n, wuun ᴐ si-man Nyanmiԑn yԑ ᴐ wun-man Nyanmiԑn i wafa ng’ᴐ ti’n i wlԑ. Nyanmiԑn bᴐ i nzuԑ’n nin klᴐ sran liԑ’n ti’a kun’n, ᴐ ti sran klofuԑ. Nyanmiԑn nyrun’n, e sa kpakpa nga e yo be’n, ᴐ nin e nzuԑn kpakpa mun be ti kԑ nzue fiԑn sa e wun tulԑ’n nin e awԑn bᴐ e ti’n ti. Sԑ e se kԑ sa tԑ fi nu’an e nun’n, wuun e su laka e bᴐbᴐ e wun, yԑ nanwlԑ’n nu’an e nun mlᴐnmlᴐn, i kpa’n e su se kԑ Nyanmiԑn’n ti ato buafuԑ.

Min janvuԑ kpa: ? A wun i wlԑ kԑ sa tԑ kwlaa nga sran kun yo’n, kannzԑ ᴐ ti kaan sԑ’n, ᴐ fata kԑ sran sᴐ’n ‵wu? Afin sa tԑ’n i akatua’n yԑlԑ wie’n. Sa tԑ’n ti’n, wie’n ti e kwlakwla e fᴐ bulԑ like. Blᴐlᴐ sin’n su minndԑ e kwlakwla. Sran fi ti’a sԑsԑfuԑ; sran nin nguan nun tranlԑ’n fata-man. E kwlakwla e ′wu kԑ nyanmiԑn ndԑ’n kannin’n sa:

Afin sa tɛ’n i akatua’n yɛlɛ wie!
Rᴐmfuԑ mun 6:23

sanngԑ Nyanmiԑn b’ᴐ ti klun ufuefuԑ b’ᴐ ti aunnvuԑ sifuԑ’n, ᴐ trԑli i awlԑn sran’m be wun. Ͻ’a ka-man lԑ ᴐ’a nunnun-man nyin kekle yofuԑ mun kԑ i sԑsԑ yolԑ’n nun ᴐ fata kԑ ᴐ ‵bu bé fᴐ’n sa. Ͻ yoli man sa tԑ yofuԑ mun be kwla nyan bé ti i ya’n i bo. Ͻ fali ajalԑ nun jranlԑ like mannin be yԑ ᴐ tinngԑli tԑ nga be yi man Nyanmiԑn’n i atin’n su. Laa’n, sran kwlaa ng’ᴐ yo sa tԑ’n, ᴐ ‵fa nnԑn kun yԑ ᴐ ‵wunnge nyanmiԑn sᴐwlԑ’n i wun lᴐ, ᴐ ‵fԑ i sa fua nnԑn’n i ti’n su yԑ ᴐ ‵di i sa tԑtԑ’m be nanwlԑ Nyanmiԑn nyrun. Nzᴐliԑ sᴐ’n kle kԑ ᴐ’a fԑ i sa tԑ mun ᴐ’a guԑ nnԑn’n su yԑ nnԑn sᴐ’n ti i ajalԑ nun jranfuԑ. I sin’n, i bᴐbᴐ ᴐ kun nnԑn’n. Nnԑn’n i mmoja’n gua i sin be yrԑ i nyanmiԑn sᴐwlԑ’n su. Nyanmiԑn ndԑ’n se kԑ:

ɔ man sɛ be kun-man nnɛn bɔ i mmoja gua-man’n, Nyanmiɛn yaci-man bé wun sa'n cɛ-man be.
Ebre mun 9:22

Kԑ sa tԑ yofuԑ’n wun sin taaman b’ᴐ ‵yra nnԑn’n nyanmiԑn sᴐwlԑ’n su’n, ᴐ si kԑ i bᴐbᴐ yԑ ᴐ fata kԑ ᴐ ′wu nan ᴐ ′yra sin’n nun kԑ ng’ᴐ o lԑ’n sa-ᴐ, sanngԑ nnԑn b’ᴐ sinnin i ajalԑ nun’n ti’n, wie sᴐ’n ᴐ nin sin taaman sᴐ’n to fuԑnnin. Anuansԑ laa’n ᴐ taka tԑ nga be yi man Nyanmiԑn nglԑmun nin nnᴐsua’n ᴐ nin nnԑn’m bé mmoja’n su.

Sԑ be yi-man tԑ sᴐ mun be fa siesie-man be nin Nyanmiԑn bé afiԑn cԑn’n kwlaa’n, wuun yaci cԑlԑ nu’an lԑ yԑ nguan’n bᴐbᴐ nu’an lԑ.

Anuansԑ Laa’n nun’n, Nyanmiԑn kan kleli i nuan ijᴐfuԑ’m be kԑ tԑ kpanngban nga be yi be’n, be ti nzᴐliԑ b’ᴐ kle kԑ tԑ kasiԑn kun o lԑ kԑ be ko yi’n, be yi’a uflԑ kun afin ᴐ ti klonglo yԑ ᴐ ‵ju. Nnԑn’m bé mmoja nga be fa yi tԑ’n ᴐ nin bé sa ti like bᴐ be fa blԑ Nyanmiԑn’n, ᴐ ju-man. Ͻ kwla kan-man Nyanmiԑn i ya’n i ase, afin ᴐ ti sԑsԑfuԑ yԑ ᴐ lԑ nyrun. Kannzԑ be fa sran kun yi tԑ bᴐbᴐ’n, fiԑn b’ᴐ o i nun’n ti’n, Nyanmiԑn su sᴐ-man nun. Sran’m bé nun kpafuԑ’n bᴐbᴐ i wulԑ’n ᴐ kwla tu-man sran uflԑ i sa tԑ mun. Be kwla fa-man bé wla be guԑ-mԑn mԑn’n nga su.

I sᴐ’n ti yԑ Nyanmiԑn b’ᴐ kwla like’n kwlaa yo’n, ᴐ fali bua gbanflԑn kun nyanmiԑn su lᴐ mannin, ᴐ ti saun yԑ fiԑn kaan sa nu’ԑn i wun, i yԑ ᴐ kwla sua mԑn’n wunmuan’n i sa tԑ’n nin- ᴐn, afin ᴐ nin i sᴐ yolԑ’n fata. Nyanmiԑn sunmannin bua gbanflԑn sᴐ’n asiԑ su wa kԑ ᴐ wa ‵wu sa tԑ’m bé kwlaa be ti yԑ Nyanmiԑn i ya’n i sin’n ᴐ ′yrԑ i. Nyanmiԑn i bua gbanflvn saun sᴐ’n yԑlԑ e Min Zezi-Krist. I yԑ ᴐ ti Nyanmiԑn i aunnvuԑ silԑ’n nin yԑ i ye b’ᴐ yo be kwlaa nga be sᴐ i nun nin-ᴐn.

Ͻ trannin asiԑ’n su wa kԑ klᴐ sran sa yԑ Nyanmiԑn i klolԑ’n yili i awlԑn’n. Ͻ fali e sa tԑ mun yԑ ᴐ tuli be kwlaa. E fᴐ bulԑ’n ᴐ tᴐli i su afin ᴐ sinnin ye ajalԑ nun. Nyanmiԑn i ya’n tᴐli i su, sran’m be yili i blo yԑ be kunnin i.

? Amu’an wun i wlԑ kԑ Nyanmiԑn ti kpa nan i sᴐ’n ti ᴐ se-man e kԑ e yo like ng’ᴐ si kԑ e kwla yo-man’n? I bo bolԑ nun’n, ᴐ siesieli atin kun kԑ ᴐ ′yo nan an ‵yo sran kpa yԑ ᴐ ′yo amun saun i aunnvuԑ silԑ’n ti. Jasin Fԑ’n kaan kle e kԑ Nyanmiԑn i anz’n ᴐ yili i wun nglo kleli be bᴐ be o lᴐ nian bé bua’m bé su kᴐnguԑ’n yԑ ᴐ seli be kԑ:

Nán srɛ kun amun mlɔnmlɔn, m ma bo jasin fɛ kun
kle amun b’ɔ wa jɔ sran’m be kwlaa be klun. Yɛlɛ kɛ
ndɛkɛn David klɔ lɔ’n, b’a wu Defuɛ kun b'a man
amun, ɔ ti Krist, ɔ ti e Min.
Lik 2:10-11

Zezi-Krist nun’n, Nyanmiԑn siesieli ti delԑ kpa kun mannin ye. E o amun nyrun wa e su di sa sᴐ’n i wun lalo, e ′la nyanmiԑn i ase, e ′mԑnmԑn i afin Krist tuli e sa tԑ mun yԑ ᴐ yoli e awlԑn’n i saun. E sa tԑ bᴐ be ti kԑ talԑ sa e nin Nyanmiԑn e afiԑn’n, ᴐ tuli i kwlakwla. E ′kan ndԑ kunngba nga Zan batԑm yofuԑ’n kannin’n wie:

An `nian Nyanmiɛn Bua Gbanflɛn’n bɔ wa fɛ i wun yi
mɛn'n i ti tɛ’n yɛ .
Zan 1:29

Ͻ ti’ԑ i su kԑ e ‵yo kԑ e ‵di junman wie annzԑ e ‵yo like wie nan e fa kunndԑ e ti delԑ’n. Krist bali e delԑ, kԑ ᴐ wuli e ti’n, ᴐ fali ti delԑ b’ᴐ ti anannganman’n fa mannin ye ngbԑn. I sᴐ’n ti e kwla kan kԑ sunmanfuԑ Pᴐl liԑ’n sa:

I sɔ’n ti,
Nyanmiɛn a bu ye sran kpa i su bɔ e lafi’n ti,
ɔ man siɛn’n e Min Jésus-Krist ti e nin i e afiɛn a sɛ.
Rᴐmfuԑ mun 5:1

Nyanmiɛn i bua gbanflɛn’n bᴐ fiɛn kaan sa nu’ɛn i wun’n, ᴐ fali wᴐ sa tɛ mun wie. ? A kplin su kɛ a bɛ i sin wie? Zezi-Krit, e Min’n, ᴐ jrannin sran’m bé kwlaa bé ajalɛ nun, be kunnin i. Nan klᴐ sran’n i klun sa nun yɛ be wuli i-ᴐ, sanngɛ Nyanmiɛn wawɛ’n yɛ ᴐ fɛli wlali Mari b’ᴐ ti talua mᴐnnɛn’n i klun yɛ ᴐ wuli i-ᴐ. I yɛ ᴐ ti Nyanmiɛn i nuan ndɛ b’ᴐ kacili sran’n nin-ᴐn, Nyanmiɛn i Wawɛ’n b’ᴐ yi i wun nglo wunnɛn’n nun’n nin-ᴐn.

Sran kpanngban be klo-man kԑ be fa ndԑ nanwlԑ nga su. Be yili nglo lᴐ nin asiԑ’n su wa su yralԑ dan kpafuԑ’n i blo. Be keteli bé awlԑn’n kpԑkun bé akunndan’n ᴐ wu’an sa wlԑ kun. Be wu’ԑn i wlԑ kԑ Zezi kunngba cԑ yԑ i awuliԑ’n fin Nyanmiԑn Wawԑ nin-ᴐn. I kunngba cԑ yԑ ᴐ lԑ atin nin kwlalԑ kԑ ᴐ ′tu mԑn’n wunmuan’n i sa tԑ nin-ᴐn. I sᴐ’n ti:

Lafi e Min Jésus su,
yɛ a nin ɔ osufuɛ mun amun wa fite nun.
Sa nga be yoli 16:31

www.Waters-of-Life.net

Page last modified on March 02, 2023, at 01:09 PM | powered by PmWiki (pmwiki-2.3.3)