Previous Lesson -- Next Lesson
3. Nyanmiԑn i nguan’n y’ᴐ fata kԑ amun nian su nanti-ᴐ!
Gbanflԑn kun b’ᴐ fin klᴐ nga be flԑ Barein lᴐ’n, ᴐ klԑli e fluwa kun, ᴐ seli kԑ : " N si’a sran nga n ‵fa n wla’n guԑ i su-ᴐ. ? Krisfuԑ yԑlԑ min annzԑ nyanmiԑn flԑfuԑ yԑlԑ min annzԑ akpasua uflԑ sufuԑ yԑlԑ min? ? Amun kwla uka min yԑ an kle min sran kpa ng’ᴐ fata kԑ n su i su’n? Muhamad yԑ, Marx yԑ, Lenin yԑ, Krist kusu yԑ. ? Wan y‘ᴐ fata kԑ n su i su-ᴐ? I dunman ng’ᴐ guali fluwa sᴐ’n i bo’n, yԑlԑ "Sran b’ᴐ wu’an sa fi yowlԑ kun’n"!
Gbanflԑn kpanngban kpa be nguan’n ti kԑ gbanflԑn nga liԑ’n sa, mԑn’n ᴐ’a di be. Nga b’ᴐ ti kpa’n yԑlԑ kԑ gbanflԑn sᴐ’n ᴐ’a mlᴐn-man awlaboԑ kunman dan sᴐ’n i bo lᴐ, sanngԑ ᴐ nyannin sunnzunlԑ, ᴐ kpannin kԑ "Be de min o", yԑ ᴐ usali sran kpa’n ng’ᴐ fata kԑ ᴐ ′su i su nan ᴐ’a nyan nguan’n. Ͻ’a fԑ-mԑn i wla a gua-man i nannan’m be nyoliԑ’m be su annzԑ ndԑ ngbԑnngbԑn wie mun annzԑ like klelԑ wie bᴐ be man-man nguan’n be su. Ͻ wunnin i wlԑ kԑ i sa mian like uflԑ wun yԑ ᴐ seli i wun kԑ atin kun kwla tran lԑ b’ᴐ kwla fԑ i mantan Nyanmiԑn wun.
Ɛԑn, Nyanmiԑn ng’ᴐ wu-man’n, b’ᴐ o nguan’n nun’n, ᴐ o lԑ. Ͻ yili sran’n kԑ i bᴐbᴐ sa yԑ ᴐ klo kԑ i sᴐnnzᴐnfuԑ’m be Kaci kԑ i sa afin ᴐ yi be sa tԑ’n i nzue fiԑn’n nun kpԑkun ᴐ fa be mantan i saun yolԑ nin i klolԑ’n be wun. Wafa ng’ᴐ klo kԑ sran’m be yo’n, ᴐ kleli be weiin:
wie nun-ᴐn ndԑ nga kwla kle amun yalԑ yԑ an ‵se kԑ: "N kpla e”. ? Klᴐ sran’n kwla fԑ i wun sunnzun Nyanmiԑn? An sie amun tie ndԑ nga Nyanmiԑn Ndԑ’n kann’n. Nyamiԑn saunfuԑ’n, bᴐ i nzuԑn’n nin klᴐ sran liԑ’n ti’a kun’n, ᴐ’a se-man wᴐ kԑ a de ᴐ bᴐbᴐ wun. I sᴐ’n kwla yo-man bᴐbᴐ. I waan ᴐ de wᴐ ᴐ wun nga a fa sunnzun klᴐ sran mun’n i nun ᴐ nin mԑn’n i ninnge ng’ᴐ bu i kԑ be ti kpa’n be lika. Nyanmiԑn yili sran’n kԑ i bᴐbᴐ sa. Nyanmiԑn klo kԑ e nanti i saun yolԑ’n nun, s’ᴐ ti’ԑ i ti’n, i klun jᴐ-man e wun. Ͻ seli i janvuԑ Abraham kԑ:
Nyanmiԑn b’ᴐ klo amun’n, ᴐ ′de amun, ᴐ ′bubu amun sa tԑtԑ’m be jrᴐkᴐ nga be fa cili amun’n nun. Ͻ klo kpa kԑ ᴐ ‵de amun yԑ ᴐ ‵yo amun saun. Ͻ klo kԑ ᴐ ‵yo amun juejue wawԑ’n nun afin ᴐ si kԑ an ti fakafaka yԑ ᴐ ‵man amun fanngan. Ͻ fata kԑ an wun i wlԑ kԑ amun kpa yolԑ’n ᴐ kwla ju-man Nyanmiԑn i saun yolԑ’n nun. Nyanmiԑn nyrun’n, sran’n ti’a kpa, i sᴐ’n ti e kwla de-man e bᴐbᴐ e wun. Kpa yolԑ nga Nyanmiԑn kunndԑ e sa nun’n, yԑlԑ i bᴐbᴐ i saun’n yԑ i klun ufuԑ b’ᴐ man ᴐ klo sran’n, nàn like uflԑ fi-ᴐ. Krist kannin sa sᴐ’n i ndԑ, ᴐ seli kԑ:
Sran kwlaa ng’ᴐ kanngan Jasin Fԑ’n i nun ndԑ nga, yԑ sԑ ᴐ wun ndԑ nga Krist kannin’n i wlԑ’n, san ᴐ ′klԑn i wun man Nyanmiԑn, afin klᴐ sran’n i nzuԑn’n kwla yo-man kԑ Nyanmiԑn liԑ’n sa. Nga y’ᴐ kle kԑ klᴐ sran’n ti sa tԑ yofuԑ yԑ ᴐ ti’a saun yԑ ᴐ ti’a kpa kԑ Nyanmiԑn sa nin-ᴐn. Krist yiyili sa sᴐ’n nun kleli gbanflԑn anyanbeunfuԑ kun, ᴐ seli kԑ:
Min Janvuԑ kpa, tie ndԑ nga be kԑn kԑ: sԑ a si Nyanmiԑn yԑ sԑ a wun i wlԑ i nanwlԑ’n nun’n, a ′wun ᴐ bᴐbᴐ wun i kpajalԑ’n nun. Sran kpanngban be bu bé wun kԑ be ti kpa, be si fluwa yԑ be lԑ nyrun. Sanngԑ be si-man kԑ Nyanmiԑn nian be nin i saun yolԑ nyinma mun. Be konvi sᴐ-man kԑ be yo kԑ Nyanmiԑn sa, i sᴐ’n ti be fa-man be wun sunnzun-man Nyanmiԑn bé nantilԑ’n nun. Be nun kunngun be ba Nyanmiԑn nyrun kԑ sa tԑ yofuԑ bᴐ b’a bu i fᴐ’n sa. Sԑ e si Nyanmiԑn kpa’n, ᴐ yo man e wun tulԑ’n ᴐ wie. Sran fi ti’a kpa san nyanmiԑn kunngba yԑ sran fi ti’a kpa trԑ i wiegun. Sran ng’ᴐ fԑ i wun fa sunnzun Nyanmiԑn’n, san ᴐ ′di i nanwlԑ kԑ ᴐ ti sa tԑ yofuԑ, ᴐ ti klun wifuԑ yԑ ᴐ ti fiԑn kԑ sran nga’m be sa. Sԑ Nyanmiԑn waan ᴐ sa sran mun nian kpa yolԑ’n i lika’n, sran fi kwla nyԑn-mԑn. Sunmanfuԑ Pᴐl boli sa sᴐ’n su seli kԑ:
? Ndԑ nga mun be ti amun klun su? ? Annzԑ an tԑ bu amun wun kԑ an ti kpa tra be nga mun? Sԑ amun ti nanwlԑ difuԑ’n, wuun amun ′tie ndԑ nga amun akunndan’n kan’n, ᴐ ‵bu amun fᴐ, sa tԑtԑ nga be ti fiawa amun awlԑn’n nun’n ti. Amun si lika nga an yoli sa tԑ’n yԑ wafa nga an yoli sa tԑ sᴐ’n. Sԑ an fa amun mantan Nyanmiԑn nin i kpajalԑ’n, amun ′wun nyannzuԑn, sa tԑtԑ nga be ti fiawa amun nguan’n nun’n ti. An bla e Min’n i sin ndԑkԑn, nàn an sisi amun bo kun, afin ᴐ ti klԑwa kԑ: