Waters of Life

Biblical Studies in Multiple Languages

Search in "Armenian":
Home -- Armenian -- Salvation - 3. God Is the Measure of Yourself!
This page in: Albanian -- ARMENIAN -- Cebuano -- English -- French -- German? -- Greek -- Hausa -- Igbo -- Indonesian -- Somali -- Telugu -- Twi -- Ukrainian -- Yoruba

Previous Lesson -- Next Lesson

Արդյոք գիտեի՞ր Աստծո փրկությունը պատրաստ է քո՛ համար։
Հիմնական գրքույկ ձեզ համար

3. Աստված ձեր չափանիշն է:


Բահրեյնից մի երիտասարդ գրել էր մեզ․ «Չգիտեմ ու՞մ հավատալ: Ես մուսուլման ե՞մ, կոմունի՞ստ թե՞ քրիստոնյա: Կօգնե՞ք ինձ և ցույց կտաք, թե ինչպե՞ս պետք է հետևել ճիշտ մարդուն՝ Մուհամմեդին, Մարքսին, Լենինին կամ Քրիստոսին»: Նա ստորագրել էչ իր նամակը «Խառնաշփոթը» անվանմամբ:

Այս երիտասարդը, ինչպես և շատերը, խեղդվում է աշխարհի պտտվող խաչմերուկներում: Բարեբախտաբար, այս երիտասարդը չսուզվեց իր հուսահատության խորքում և ոչ էլ կորցրեց հույս։ Նա օգնության դիմեց և ցանկացավ իմանալ ճշմարիտ այն մեկին, ում կհետևի։ Նա բավարարված չէր չոր ավանդույթներով, անիմաստ արտահայտություններով կամ մեռած վարդապետություններով: Նա զգաց, որ կա դրանից ավելին՝ Աստծո հետ կապվելու հնարավորություն:

Այո, կենդանի Աստված իրական է: Նա ճշմարիտ չափորոշիչն է մարդկային ցեղի համար, օրինակը Նրա հետևորդների համար: Նա բարձրացնում է նրանց չարի և մեղքի պղտոր ջրերից դեպի Իր սրբությունը և սերը: Նա ակնհայտորեն բացահայտեց ամբողջ մարդկության համար սահմանված իր ստանդարտը.

«Սո՛ւրբ եղէք, որովհետեւ սուրբ եմ ես»:
1 Պետրոս1:17

Կարող եք ցնցվել և ասել՝ «Աստված չանի»: Ինչպե՞ս կարող եմ համեմատվել Աստծո հետ: Ուշադիր լսեք, թե ինչ է ասում Աստվածաշունչը: Այս սուրբ Աստվածը չի ասում, որ ինքներդ ձեզ փրկեք: Դա անհնար է: Նա ցանկանում է ձեզ ազատել ձեր իսկ մարդկային սխալ ստանդարտներից և ձեզ փրկել աշխարհի չափորոշիչներից: Աստված մարդուն ստեղծել է Իր իսկ պատկերով, ուստի Նա ուզում է, որ մենք քայլենք իր սրբությամբ և ոչ պակաս: Նա ասաց իր ընկեր Աբրահամին՝

«Ես եմ քո Աստուածը, հնազա՛նդ եղիր ինձ, եղի՛ր
անարատ:
Ծննդոց 17:1

Սիրող Աստված ձեզ կազատի ձեր մեղքերի կապանքներից: Նա պատրաստ է փրկել, սրբացնել և բուժել ձեր մտքի և հոգու թուլությունը: Դուք պետք է հասկանաք, որ ձեր ամբողջ բարությունը համարժեք չէ Աստծո սրբության չափին: Նրա առջև ոչ ոք անարատ չէ, և մենք ի վիճակի չենք ինքներս մեզ փրկելու սեփական կամքի ուժով: Այն բարությունը, որը Աստված պահանջում է մեզանից, Իր սեփական սրբությունն ու սիրառատ բարությունն է, ուրիշ ոչինչ: Քրիստոսն արտահայտեց այս սկզբունքն ասելով՝

«Արդ, կատարեա՛լ եղէք դուք, ինչպէս որ ձեր
երկնաւոր Հայրն է կատարեալ»:
Մաթէոս 5:48

Յուրաքանչյուր ոք, ով կարդում է այս խոսքը Ավետարանից և գիտակցում է դրա նշանակության խորությունը, հուսահատվելու է, որովհետև մենք չենք կարող Աստծո պես կատարյալ լինել: Այնուամենայնիվ, սա մեզ բացահայտում է մեղքի իրական իմաստը, որ մենք մաքուր և բարի չենք, ինչպես Աստված է: Քրիստոսը բացատրեց մի հարուստ երիտասարդի՝ հետևյալն ասելով․

«Ինչո՞ւ ես ինձ բարի կոչում. բարի չէ ոչ ոք, այլ միայն՝ Աստուած:
Մարկոս 10:18

Հարգելի՛ բարեկամ, լսեք հին ճշմարտությանը. «Եթե Աստծուն ընդունում և ճանաչում եք Իր իրականության մեջ, ապա կսկսեք ինքներդ ձեզ տեսնել Նրա լույսի ներքո: Շատերը կարծում են, որ իրենք բարի, կրթված և արժանավոր մարդիկ են: Բայց նրանք չեն գիտակցում, որ Աստված նայում է նրանց սրբության աչքերով: Նրանք չեն շարժվում իրենց կյանքում աստվածային չափորոշիչներով: Բոլորն Աստծո առջև են հայտնվում որպես դատապարտված մեղավորներ: Աստծուն իրապես ճանաչելով հալվում է մեր հպարտությունը: Ոչ ոք բարի չէ, բայցի Աստծուց, և չկա մարդ, ով ավելի լավն է քան մյուսը։ Ով իրեն չափում է Աստծո հետ, խոստովանում է, որ նա, ինչպես և բոլորը, չար և անարգ մեղավորներ են: Ոչ ոք չի կարող անցնել այս աստվածային փորձությունը: Պողոս առաքյալն իր հայտնի նամակում հայտարարեց այս հիմնական ճշմարտությունը՝ ասելով.

«Որովհետեւ ԲՈԼՈՐՆ էլ մեղք գործեցին եւ
ԶՐԿՎԵՑԻՆ Աստծու փառքից»։
Հռոմէացիների 3:23

Համաձա՞յն եք այս փաստերի հետ: Դեռ պնդում ե՞ք, որ լավ մարդ եք և ուրիշներից ավելի լավ: Եթե ​​անկեղծ լինեք, կլսեք ձեր խղճի ձայնին, որը ձեզ դատապարտում է ձեր թաքնված մեղքերի համար: Դուք գիտեք, թե որտեղ և ինչպես եք մեղք գործել: Որքան մոտենում եք Աստծուն և նրա լույսին, այնքան ավելի պարզ կլինի ձեր կյանքի խավար ամոթն ու մեղքերը: Եկե՛ք հիմա Տիրոջ մոտ և մի՛ հետաձգեք, որովհետև գրված է.

«Ընդունելի ժամանակում լսեցի քեզ եւ
փրկութեան օրում օգնեցի քեզ։ Ահա հիմա է
ընդունելի ժամանակը, ահա հիմա է փրկութեան օրը:»
2 Կորնթացիների 6:2

www.Waters-of-Life.net

Page last modified on September 06, 2021, at 04:04 AM | powered by PmWiki (pmwiki-2.3.3)