Waters of Life

Biblical Studies in Multiple Languages

Search in "Baoule":
Home -- Baoule -- Salvation - 2. Come back to God with all Your Heart
This page in: Albanian -- Armenian -- BAOULE -- Cebuano -- English -- French -- German? -- Greek -- Hausa -- Igbo -- Indonesian -- Somali -- Spanish -- Telugu -- Twi -- Ukrainian -- Yoruba

Previous Lesson -- Next Lesson

?Amun si sᴐ? Nyanmiԑn i ti delԑ’n wo lԑ amun ti!
Fluwa nga be jԑjԑli yԑ’n ͻ ti cinnjin kpa man amun

2. An sa amun sin Nyanmiԑn wun nin amun awlԑn’n kwlaa


Sran kpanngban be o Nyanmiԑn wun mmua. Be di like, be nᴐn nzan, be ja bla nin bian, be wanndi fuan ninnge ngbԑngbԑn mun, be di mԑn’n kԑ sran bᴐ be lԑ-man akunndan sa. Be sa tԑtԑ’m be ti fiawa bé awlԑn’n nun, be wu’ԑn i wlԑ kԑ be o blᴐlᴐ sin’n i atin’n su. Ͻ ju blԑ wie be yo be wun kԑ be ti Nyanmiԑn sufuԑ sa, sanngԑ wuun be o Nyanmiԑn wun mmua. Be awlԑn’n ti ketewa yԑ be klun yo wi. Be tᴐn be wun suԑn kԑ be klo Nyanmiԑn, be fa kunndԑ dunman, sanngԑ wuun sa tԑ’n ᴐ’a yi be kpo, kԑ Krist kannin’n sa,

Amun mmla klefuԑ mun nin Farizifuԑ mun bᴐ amun ti dunman klofuԑ mun, an yako!
Yԑlԑ kԑ an ti kԑ ndia su sua sa bᴐ b’a kԑn i ayre ufue’n sa,
i talԑ’n yo klanman, sanngԑ i klun lᴐ’n ti sran owie
nin ninnge tԑtԑ wafa’n kwlaa.
Matie 23:27

Wᴐ bᴐ a su kanngan ndԑ nga’n: E srԑ wᴐ kԑ a sa ᴐ sin Nyanmiԑn wun afin ᴐ o nguan’n nun! Ͻ’a yi-man wᴐ ngbԑn. Klolԑ b’ᴐ klo wᴐ’n, ᴐ lԑ-man awieliԑ, yԑ ᴐ’a ‵kpԑ i nyin ᴐ wun. I yԑ ᴐ yili wᴐ-ᴐ. Sԑ a bu-mԑn i akunndan, sԑ a yi i blo’n, a ti mlinfuԑ yԑ a o mԑn’n nun ngbԑn. A ′ka awlaboԑ’n nun yԑlԑ kԑ like fi nu’an ᴐ nguan nun afin a si’a kԑ Nyanmiԑn yi i wun nglo kle sran mun:

Yԑ Nyanmiԑn yili sran’n kԑ i bᴐbᴐ sa-ᴐ.
Ͻ yili i kԑ i bᴐbᴐ Nyanmiԑn’n sa.
BO BOLƐ 1:27

Nyanmiԑn b’ᴐ ti anannganman’n bᴐ i nzuԑn’n nin klᴐ sran liԑ’n ti’a kun’n, ᴐ klo kᴐ ᴐ fԑ i aklunye b’ᴐ fin i klolԑ’n nun’n man amun yԑ ᴐ fԑ i wawԑ’n wlԑ amun nun, k’ᴐ yo nan amu’an tran nguan kpafuԑ’n nun ti! Nian e Min’n, yԑlԑ kԑ ᴐ su wuunge ᴐ wun kԑ ᴐ boli i kasiԑ’n sa, yԑ ndԑ kwlaa ng’ᴐ kan’n, ᴐ kaci-mԑn,

Sԑ amun tu amun klun kunndԑ min’n,
amun ′wun min.
Zeremi 29:13

Gbanflԑn kun b’ᴐ tran amuԑn sᴐfuԑ’m be afiԑn’n, ᴐ kanngannin zuif mun nin kristfuԑ mun nin Nyanmiԑn flԑfuԑ mun be fluwa mun. Ͻ kacili kԑ sran bᴐ ᴐ’a mlin sa yԑlԑ kԑ fluwa sᴐ’m be kan-man ndԑ kunngba’n yԑ ngbacԑ ng’ᴐ o be afiԑn’n sᴐnnin. I awlaboԑ’n nun’n, ᴐ kpan flԑli Nyanmiԑn, ᴐ seli kԑ: "Ee Nyanmiԑn! Sԑ a o lԑ sakpa’n, yi ᴐ wun nglo kle min! N klo kԑ n si wᴐ, e nin wᴐ e tran yԑ n tran ᴐ kwlalԑ’n nun titi. Sԑ a nun-man min nun’n, n kwla tran-man nguan’n nun kun! "

Nyanmiԑn tԑli i awlԑn’n i kpanlԑ’n su. K’ᴐ cԑ kan’n, gbanflԑn sᴐ’n wluli i juman diwlԑ lᴐ nan ᴐ’a wun fluwa bue kun asiԑ wun, be klԑ su kԑ: "Sԑ a klo kԑ a wun sa wie’m be wlԑ ekun Nyanmiԑn su’n, klԑ akpasua nga be flԑ be "Gbanflԑn kpԑngbԑn’n" be fluwa. Be wa blԑ wᴐ Nyanmiԑn ndԑ‘n i nun yiyilԑ fluwa, a yi’a nun sika fi". I osu kunngba’n nun’n, ᴐ klԑli be fluwa. K’ᴐ cԑ kan’n be blԑli i fluwa kpanngban. K’ᴐ tikeli su’n, i nyin bo nzue’n guali afin aklunnjuԑ’n yili i kpo, ᴐ wunnin i wlԑ kԑ Nyanmiԑn tԑli i srԑlԑ’n su. Ͻ kԑnnin i nyin ase suannin Nyanmiԑn ndԑ’n, kpԑkuun ᴐ sili Nyanmiԑn kpafuԑ’n. I wla b’ᴐ fa guԑ Nyanmiԑn su’n ti’n, i nzuԑn’n nin i nguan’n kacili. Ͻ fali atin kpafuԑ’n ᴐ man ᴐ kacili e Min’n i sufuԑ kpa kun.

Wᴐ bᴐ a su kanngan ndԑ nga’n: Bla Nyanmiԑn bᴐ o nguan nun i sin afin ᴐ su minndԑ wᴐ. Sԑ a tԑ o i wun mmua’n, wuun a o aosin nun yԑ a ti mlinfuԑ. Bla i b’ᴐ yili wᴐ’n i sin Yԑ gua be bᴐ be se kԑ Nyanmiԑn nu’an lԑ’n be gblԑ’m be ase. Nán yo kԑ be sa. Nyanmiԑn nuan ijᴐfuԑ David klԑli ndԑ nga i afuԑ akpi nsan yԑ,

Sinnglinfuԑ’n ᴐ se i awlԑn’n nun kԑ "Nyanmiԑn nun-man lԑ".
B’a saci mlᴐnmlᴐn, tete’n yԑ be bo-ᴐ,
be wie fi yo-man sa kpa.
Jue mun 14:1

Nán amu nanti klun wifuԑ’m be atin’n su. An kpᴐci be gblԑ mun. Nán amun tran amun ngunmin kun, sanngԑ an fa amun wun mantan Nyanmiԑn i kpajalԑ’n. Ͻ Min’n b’ᴐ ti aunnvuԑ sifuԑ’n ᴐ flԑ wᴐ,

Amun kwlaa bᴐ an sua trᴐ bᴐ amu’an fԑ’n,
an bla min sin, n ′sike amun,
yԑ amun ′de wunmiԑn.
An ‵fa amun ti wla n kᴐmin su waka’n bo,
yԑ an ‵fa min nzuԑn’n su,
afin n ti sran wԑtԑԑ yԑ min awlԑn’n ti flᴐlᴐ.
Yԑ amun wla wa gua ase.
Matie 11:28-30

An tie Nyanmiԑn i flԑlԑ yԑ an tԑ i su. An fa akpue yԑ an bla amun Min’n i sin. An usa amun wun kosan kԑ: ? N klo sakpa kԑ n sa min sin Nyanmiԑn wun nan n kunndԑ i nin min awlԑn’n kwlaa? Sԑ a bu akunndan kԑ a fa ᴐ wun man Nyanmiԑn’n, ᴐ ti kpa sanngԑ ᴐ ju-man, ᴐ fata kԑ a yia sa sᴐ’n i nuan. Fa akpue yԑ bla Nyanmiԑn sin. Sԑ amun ‵kunndԑ Nyanmiԑn sakpa’n, ᴐ ′ba amun wun, ᴐ ′yo amun juejue, ᴐ de amun mlᴐnmlᴐn yԑ amun ′nyan amun ti.

www.Waters-of-Life.net

Page last modified on March 02, 2023, at 01:08 PM | powered by PmWiki (pmwiki-2.3.3)