Waters of Life

Biblical Studies in Multiple Languages

Search in "Peul":
Home -- Peul -- John - 047 (Sifting out of the disciples)
This page in: -- Arabic -- Armenian -- Bengali -- Burmese -- Cebuano -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish? -- Tamil -- Telugu -- Thai -- Turkish -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

DAMAL 2 - Ndaygu ngun no jalbude ka nibhe (Yuuhanna 5:1 - 11:54)
B - Fii no Iisaa woniri non bireedi wurnoowo on (Yuuhanna 6:1-71)

5. Fii no taalibaabhe bhen pottiniriraa non (Yuuhanna 6:59-71)


YUUHANNA 6:66-67
66 Gila nden nyande buy e taalibaabhe makko bhen yiltii, bhe acciti yaadugol e makko. 67 Onsay Iisaa wi’i sappoo e dhidhoobhe bhen : E onon-le, on faalaaka yahude?

Fii oo kaawake hawniidho ko bireediije dhen sowindiraa kon imminno wakkilaare moolanaande. Iisaa fennyini non bhoylaare wonde nden bhaawo nden wakkilaare, ko dhun wonunoo sabu yiltagol dhuudhubhe bhaawo makko. Hinaa wakkilaare e dewal mehidhungal o faalanoo, maa gomdhingol e hoore sikkitaare. Ko o faalaa ko jibinegol kesun, gomdhinal laabhungal wattayngal piiji dhin fow e juudhe makko, hara hinaa wadhugol e dhidhi.

Fewndo on saa’i, teefoobhe bombhe bhe dental fewjoobhe bhen immini ukkitii e nder taalibaabhe bhen. Hibhe hulbhinde bhen humiibhe e makko wi’a radhoto bhe ka diina Yahuudiyankeebhe bhen si tawii bhe luttii jokkude on mo bhe noddirta dhaynoowo on. Hodhunoobhe Kafernahuum buy no yiltaade bhaawo makko, jamaa on gila ontuma no liddaade mo. Hay sellubhe finde bhen fuddhii hulude laamu dental ngal. Bhe tawi kadi jaka gomdhingol Iisaa no tiidhi fota. Ko yimbhe seedhaabhe tun e nder taalibaabhe bhen luttidi e makko. Joomiraadho on no sendindirde gawri ndin e kudhi dhin.

Ado dhin piiji, Almasiihu on subhino taalibaabhe sappoo e dhidho e nder bhen jokkunoobhe mo, wano bolondaaji Israa’iila dhin sappoo e dhidhi, dhun ko jamaa makko on. On addadu (3 x 4) ko maande kammuuli dhin e leydi ndin non, maa kadi, ko bhuri dhun ko Tatoobhe e gooto laabhubhe bhen, e cobbhuli dhin nay ka ndelo leydi. Wano non, e nder ngol kuronwol taalibaabhe bhen, ko kammuuli dhin e leydi ndin mottidiraa.

Bhawto seedugol mabbhe, Iisaa ndarndii kadi kesun bhe makko bhen fii tentingol noddaandu mabbhe ndun: «E onon-le, on faalaaka yahude?» E nder landagol makko dhun, o wadhi no taalibaabhe makko bhen subhora ko faadii hebhoyde bhe kon yeeso. Si hidhen rewude e satteedeeji maa e cukkeede, himo landaade en ngal landal enen kadi: «Hara on faala lan accitude kaa on tabitay e an?» Ko hondhun bhuri hittunde: ko aadaaji dhin, mbeleedhe dhen, haqqil kin, wondugol e jawle dhen kaa ko humodirgol e Iisaa?

YUUHANNA 6:68-69
68 Onsay Sim’uuna Petruusu jaabii mo, wi’i : Koohoojoe men jokka hombo ? Ko onon jogi kongudhi ngurndan poomayankejan dhan. 69 Awa men gomdhinii, men andii kadi wonde ko onon woni Seniidhio mo Alla on.

Petruusu tentini fii ngol kiitol Almasiihu fennyinaangol wi’ugol wonde ko Petruusu wonata kon fetere tiidhunde nden laatoyto. On yhetti haala kan e innde bheya, o jaabii mo, o wi’i: «Joomiraadho amen, men jokka hombo? Ko an tun woni bhundu ngurndan poomayankejan dhan.» No gasa hara o lannaali faamude fii ko Iisaa faalaa kon, kono o faamani hoore makko wondema Iisaa oo neddho jeyaadho Naasirata ko kanko woni Joomiraadho jippiidho on immorde ka kammu, Jom-Bhural on, on mo kongudhi mun dhin alaa sifa. Petruusu no gomdhini wonde Joomiraadho on no wondi e mabbhe. Ko tawnde makko bireediije dhen sowindiraa. Sookewo Iisaa ngon jogitike mo fewndo ko bireedi on araynoo dhon. Bhernde Alla nden no humii e Iisaa, himo yidhi Joomiraadho makko on bhuri ko woni woo, o iwataa few bhaawo makko. Petruusu subhii Iisaa sabu ko Iisaa adii subhaade mo.

Hooreejo sahaabaabhe bhen yhoggiri seeditoore makko nden wi’ugol: «Men gomdhinii, men andii kadi.» Wattee yili o wi’aali dey: «Men gomdhinii, men andii ontuma.» Sabu ko gomdhinal ngal udditata gite bhernde nden. Ko gomdhinal men ngal hentinanta en ruuhu men on. Petruusu e wondibbhe makko bhen weebhitanino Ruuhu Alla on, on ardiino bhe haa e gomdhinal Iisaa ngal, dhun andini bhe goonga on. Bhe bhurti andirde seedha seedha fii mangu suudhiingu ngun e makko. Andal Iisaa haqiiqawal kala ko dokkal tigi iwrungal e moyyhere Alla nden.

Ko honno gomdhinal taalibaabhe bhen sifornoo? Ko hondhun ngal gomdhinal wadhori? Hari hibhe humii e Almasiihu iwudho on ka Alla, on heewudho tew Ruuhu on. Hari himo mottidiri e makko sartiiji landadhi dhin fow fii yottingol sadaka on e ardagol ngol e annabaaku ngun. Lambhe bhen e yottinoobhe sadaka on bhen e annabaabhe bhen fow ka Ahadi Hindi ko Ruuhu-Seniidho on maandiniraa. E Almasiihu on bawgal kala e barki kala ka kammuuli no mottidiraa. Ko kanko woni landho iwudho on ka Alla, jogiidho on kala bawgal, yottinoowo sadaka on, moyyhintinoowo on hakkunde yimbhe bhen e Tagudho bhe on. Himo waawi immintinde maybhe bhen; o nyaaway aduna on. Ko rewrude e gomdhinal ngal Petruusu tufiri mangu wongu ngun e Almasiihu on.

Taalibaabhe bhen gomdhindho; rewrude e Petruusu, bhe wadhi nden seeditoore hittunde: ko Iisaa on woni Seniidho mo Alla on, hara hinaa aaden yawniidho, kono ko Alla tigi-tigiijo goongaajo on.

Moyyhereeji wondhi dhin fow ka Alla no e makko e nder wonugol makko Bhiddho Alla on. O wonuno mo aldaa e junuubu, o timmini golle makko dhen fii wonugol ngol Baalun Alla kun, wano annabi Yaayaa hiitornoo non. Hari taalibaabhe bhen no yidhi mo, hibhe rewude mo, sabu hibhe andi ko o wondi kon e mabbhe no fota e ko Alla wondi kon e mabbhe. Rewrude e Bhiddho on, hibhe sutii Baabaajo on, hibhe jangude fii ko Alla woni kon giggol.

YUUHANNA 6:70-71
70 Onsay Iisaa jaabii bhe, wi’i : E wonaa ko min subhii on, onon sapppoo e dhidhoobhe bhen ? Kono goddho e mon ko mo Ibuliisa! 71 Tawi ko Yudaaasi mo Sim’uunu Iskariiyu o woni wowlude fii mun, fko fii ko on janfoytoo mo, on ko goddho e sappoo e dhidhoobhe bhen.

Iisaa jabbhorii nden seeditoore e nder weltaare; dhun ko maande hollude nden ko gomdhinal mabbhe ngal woni kon bheydaade. E hin-le non, himo andi wonde goddho e mabhe no liddaade mo laabiiji buy. Ko on neddho satti kon bhernde no tiidhi haa ka Iisaa noddira mo mo ‘Ibuliisa’. Sahaabaabhe bhen fow ko subhanoobhe, bhe Baabaajo on poodhi e Bhiddho on, kono hari hinaa bhe masinji e juudhe Alla. Hibhe hettinoo subhanagol hoore mabbhe dhoftagol hawa Ruuhu on maa liddu mun. Yudaasi ombani hoore mun bhernde mun nden e hawa Alla kan, o dhoftii Ibuliisa, miijo Ibuliisa ngon woni hakkunde mabbhe dhidho. Yudaasi yejjitiraali Iisaa wa dogoowo mo, kono himo gomdhiniri naafigiyaagal. O wonti bhiddho ‘baaba penaale on’ o yani e nder bonki kin. Fewndo ko Petruusu qirritotoo dhon fii golle Almasiiyaaje dhe Iisaa timminta dhen, Yudaasi no ebbhude feere no o wattira Iisaa e juudhe dental fewjoobhe bhen. Ko hunyeendi o huuwiri, himo ebbhude ebbhooje makko kaanudhe dhen e nder suudhagol.

Windoowo Linjiila on non ombiraali nden simoore hittunde e nder sifagol fii kuudhe hawniidhe dhe sahaabaabhe bhen wadhi dhen. Kono himo hittini fii ko tawi kon hay hakkunde gomdhinbhe sellubhe- finde bhen janfotoodho no suumii e mabbhe. Iisaa radhaaki mo, maa o sappoo mo. O rondorii mo munyal, no on waawira tuubuude.

Musiddho teddhudho, ndartee ko bhernde mon nden yankinii kon. Hara ko on bhiddho Alla kaa bhiddho Ibuliisa? Hara hidhon weebhitanii noddaandu Ruuhu on, kaa ko Ibuliisa woni on poodhude e nder nanodiral mon? Wattee yili fii wota on yiilor sengo e ko ngurndan mon dhan haani hebhude kon. Joomiraadho mon on no yidhi on, e himo hisinde on. Kono non, si on bugitike kisiyee makko on, on majjay e nder laawi aaliidhi dhin, wonton maccubhe Ibuliisa. Aree ka Almasiihu on sabu himo habbii on.

TORAARE: Iisaa-Almasiihu Joomiraadho, ko an woni Bhiddho Alla on, Jooma laabhal e yurmeende e bawgal e polgal. Yaafano men junuubaaji an dhin, tabintinaa men ka ahadi maa no men wuurira ngurndan laabhudhan e no men tabitira yeeso maa. Wattitir men mbaadi maa ndin. Labbhin taalibaabhe maa bhen no gomdhinal amen ngal e gandal amen ngal bheydora, men seeditanoo yimbhe bhen fow wondema ko an tun woni Almasiihu on, on Bhiddho Alla Wuurudho on. Aamiina!

LANDAL:

  1. Ko hondhun woni battane seeditoore Petruusui nden?

www.Waters-of-Life.net

Page last modified on April 05, 2012, at 11:18 AM | powered by PmWiki (pmwiki-2.2.109)