KALAAN 10 -- Dika pekaluk, Ka meyalokat akun dun ska, Tiyawag akun ska sa ngaran, Ska na rekakundun! (Isaias 43:1)
So langon a tao na pekalok ko mga problema ago mga pakamumusa a kapakay a mga olawola kiran.So uman e tao na pekasiyak sa sabap ko mga panga olawla a desgrasya sie ko obay nyan. Skaniyan na tiyabuker ko makinug iyan so mala a katidawa ago pakalukluk a epidemya sa mga kilid kilid. So pud a kyasobraan ko kaluk sa didalum na myatago sa depresyon,tumiyarug sabap ko kaluk. Sabap ko so tuhan na dipagyog obaka maluk, sabap ko skaniyan na maooyag, ago skaniyan na mala e barakat ko langon a pagatak rka. Skaniyan na mas pkasakitan oba so ka pka sakiti rka.pitaro, pamakinug angka so diniyan di taroon rka.
Dika pekaluk!
Di pagiyog so Tuhan a ska na malek ko mga malaykat a mga rumrsik ago genie. Tomoon niyan a skano na lipati niyo so mga kapangimbenar sa gyanan a paktul. Lipati nga so kambebetad o mga kpit ka saan ko puro a mga bisti sie ko mga wata a ka, so kasambit ko talompa a kuda sa puro o paytaw sa walay, ago sa katotok sa kayo. So kapsowaa sa datar ini (mga kapangimbenar, mga kpit-kpit rmbang) ska na dikadipmon a so mga arwak a mapapadalumon a mga kapamulong na mas mabager pen ko Tuhan. So Tuhan na aya mala e kabarakat. Makaririparado ago makapangbaal sa lindongan ka pantag ko skaniyan e mabager oba so ped a mga arwak.
So Tuhan na pkababayaan ka niyan ago skaniyan na pakaliyoon ka niyan ko pakatalingoma a pakaleklek. Di ka pkalek ko mga katidawa, sa nukleyar a pkawlog, ago pulosyon sa donya. Pkaylay sa pakatalingoma a daa pasad a tao a nakapumbaal sa pakatabang sa donya. Daa solusyon sie rektano, sobo so Tuhan. Skaniyan e labaw pen ko mga hulga. Sarig ka sie rkaniyan sa piyor.
So ska a dimbabaloy a pakawma a mga pakaleklek sie ko eksamin ka, daa kanggalebek, kanggotem ago kapaka awidaakal. Skaniyan na makaririparado sa katabangi niyan rka ago pyor a sie koginawa niyan pantag rka. Pitaro, panabnar ka ko masisisnganen ka ago matito sie ko uman gawie a galbek ka ago ilayanga so Tuhan ka, ka priskiyan ka niyan sa madakel. Pangilayanga skaniyan ago pakakowa ka sa guidance ango kapipiya a ginawa sie ko louk o kamaregenan.
So mala e bager sa langon na eplidas ka niyan sie ko mga ridoay ng, puon ko kababanta sie ko mga taw a paka sieg ska, kadae rka sa galebek odi na kapnegosyo, pakakowa rka sie ko ingud ka, ago poon sie ko akal o mga tegkaw. Tabangan ka niyan opoon ska na komasoy sie rkiyan. Bapiyapen sie ko mga gawie a lagid o daa kipantag a pakawma rka. So Tuhan na ayanga runding ago pangnii sa tabang. Pitaro a dika rkaniyan pagawa. Skaniyan na pagilayn ka niyan sie ko ngaran niyan.
So Tuhan na daa kapatay nyan na dipagiyog obaka malek sa kapapatay atabekeren ka ko dusangka sie ko kubanga, ago tabekeren poon ko kawatan o naraka. Skaniyan na makapembaal ago tumoon niyan a katabangan ka niyan So Tuhan na da matay datar pitaro o mga pasosodi , ogayd skaniyan na borayas a niyawa, kaan ka katepengi so kalilintad ago paratiyaya sie sa kauyag-oyag ago kapatay.
So Tuhan na makipundolon ago datar o ras a dimangukom sie ko mga myakasala. Skaniyan bo e pakaontol rka poon ko marata a galebek. Skaniyan na di niyan tumoon a binasaan ka niyan sie ko rarangit o oras a kapangukom. Dika di pamimikiran sa ska na maka pembaal sa reka a pakatabang sie ko ginawangka pakawkit sie ko mga pipiya a galbek. So Tuhan mismo e pkababaya rka ago myabri sie ko paytaw a daa kapusan niyan taman sa taman.
So isa a mapepeno a babaya a daa kapusan niyan na makaririparado sie ko katabangi niyan ko ginawangka, kaan ka katabangi poon sie ko mga reresik a mga puso, ago sagansang sie ko maratabat. Skaniyan na pakabager rka poon ko kapanodi, ago milapik sie ko gyanan a maputi a brak a pkitkaw sie ko puro o dila aka. Pitaro a abrienga so puso oka poon sie ko barakat o palimonan, poon ko skaniyan e makaoontoloba ska sabap sa mala skaniyan e kabarakat.
Pangosiyatan kano o Tuhan a mamintin so kalilintad saan ko langon a pkawlawla sii ko kawyagoyag. Piyaka talingoma iyan saan ko bibliya sa 365 a mga ragon sie ko klaro niyan a sugo: “Dika pkalek”. Giya na pkagamit omani isa a pamilya ago sa langon a manosya, so mga mama ago babae. Ska e okit a lalan a gyangkae a sugo o Tuhan sa uman gawie ko langon a ragon, anka di kagapos ko kalek, ogayd na milapik ka poon ko barakat o Tuhan. Tabangingka so ginawanga. So mga plano, ago so singanin ka sie ki Kristo, ka skaniyan e tabang rka labaw pen ko penggelbekaan o mawlad e lupa a lukes, ago skaniyan na tabangan ka niyan ago dimagamal sabap rka sa riskiyan sa madakel.
Opaman o lkaan ka so maalek a puso oka rkaniyan, ska na pakakowa sa sindaw ago barakat ka angka makapangimbenar sie rkiyan ago kababayaan ka skaniyan ago makakuwa sa pangni sie ko kapakatalingoma. Giyaa rason a pakalukluk a maaantib sa pantag ka na di pakakaput rka. So Tuhan na piyakatalingoma niyan sa katapok a ngayno skaniyan e tomoon a katabanganka sa langon a marata ago pakaleklek, skaniyan e mitaro rka:
Inawn akun den ska
So mga wata e Jacobna piyangowa ago piyamimisayaan sa Ehipto, ago so mga Paraon na ayakiran miyamakakayd. Ogayd na siran na sumiyarig ko Tuhan afo sie ko ama iran a pigilay kiran. Pitaro a skaniyan na mitaro kiran a uman e isa a pamilya na sumbali ago daa karsik iyan sa kambing, ago langon a sakop o pamilya na kibtadko baba o pangelong sie ko inododan a rugo, kaan sie ko rarangit o Rabi na saged bo. O di iran aya punggulawlaa na e tulak iyansiranpoon ko mga dusa. So mga wata e Jacob na tiyuman iran so sugo ago sumiyarig siran ko tawag. Pitaro a piyakaliyo niyan siran poon ko kiyapamimisaya kiran pyakawkit ko rugo o cardero o Tuhan ago skaniyan e miyangilay sa okit ko kapipiya a ginawa ago kalilintad.
Kiyatukawan mambo e Abraham so katapok a kaawon, na skaniyan na tipngannyan so kasadka ko piyor iyan a wata, pitaro o satiman a sadka a piyagiyo, kaan skaniyan reskie o Tuhan, ogayd na miyaarun skaniyan o Tuhanko kambunosa tao a pitaro a sadka,ago piyor a diniyan tomoon sa kambonoa niyan ko wata iyan, poon ko Tuhan, skaniyanpun, e tiyabangan ago piyakawkit sie ko mala a sadka (Sura al-Saffat 37: 107). Pitaro a so barakat o Tuhan, saan ko reski niyan, miyaon ko langon a mga wata e Abraham piyakawkit ko mala a saksakripisyo a aya tumiyabang sa daa kaposan niyan.
Imanto, so mga pakasarig o Tuhan, “inaon akun dun skano”, myakawma rka den. Giya a sarig na ingi sorat sa myapasad den, poon ko myawlaola sabap rkano. Giya e mitaro a so kiyatabangi rka a piyor na knaba kailangan panggulawlaan paroman. Lalag o oyagoyag a Tuhan a kagadam ka so myapasad a kapanyaon saan rkano, kaan kano di kaluk sa gyangkae a donya odi na sie ko kisambi a niyawa mapasad ko lupa, ago pitaro a ska na diptaro “banda” pagaonen ako niyan. So Rabi a Tuhan na aya rkano miyaon poon ko gawie a kapangokom. Poon ko kapamrak e iblis, ago poon ko katao o dusa. Ska na kailangan a pangilala a so katabang rka na legal. Giya na knaba rka poon so kapanabang sie ko ginawangka pakawkit ko kapamuwasa, ago kasimbayang mga sadka, kaelay ko bangsa o kapakimbobono pantag ko Tuhan. Miyapasad den sie ko Tuhan so mala a kapangukom sie ko ginawa niyo, ago inisarig iyan rka so kyapakalidas iyan pitaro a so mga rka a makaoontol a bnar, a dikapatay a ipangingisa. Migay skaniyan rkano ko reki niyan a daa bayad iyan. Pitaro a dikano pkalek ago tarimaangka so bnar sie ko kapangosiyat o Tuhan. O skano na pangimbnar sie ko kabnar, giya rkano dipendi ko kabager iyo e paratiyaya.
Giya na pakamemesa rka a so Tuhan na miyakasarig migay sa talad, “Inaon akun dun ska”, labaw pen ko mga tetegas e ulo a mga taw a piyakalalakaw niyan roo sa Babilonia. So Tuhan na miniyog a siran na pakalalakaawn poon ko daa kasarig iyan ago sa kapakasupak rkaniyan. Siran na kailangan a kaawaan niran so mga walay ago ingud, ago inilameg siran rook o daataw niyan 800 kilometros poon sie ko rkiyan a timplo. Siran na mimbaloy a barasakit ago myalupo ago daa tumiyabang ago uman e isa kiran na pkatoosan niya so mga dusa. Siran na daa uba iran ago daa pirak iran. Daa pud a kasarigan iran rowar ko ginawa iran ago sie ko Tuhan niran. Sa giyangka e a maregen a kabebetad na sobo so Rabi e kominowa kiran, “Sarig ka raken, di ka pkalek, ka miyaawon akun dun ska, tiyawag aken ska sie ko ngaran ka ago mas mabager pn sa langon a mga barakat a myaka pamimisaya rka."
Bapiya antunaay mambabatad iyo,piyor a tumuon o mala e kapdi a tuhan a katabangang ka niyan ko mga epkalek ka,puon ko awid ka a akal, ago, puon ko kapapatay.Inaon ka niyan piyakaukit ko kiyaaon ko kapatay e Kristo giya na makauontol ago daa kaposan iyan. So wata e Maria na aya sindaw o Tuhan ago so somiyambi rka a myakatempos ko mga eksamin o krus puon ko mga dusa nga. Pitaro, so pagagalebek ka na knaba so daa kapdi e ka a pangungukom,ogayd skaniyan e tumiyanor rka ago rumunila rka pitarao a barakat a Ama, riparado sa katabang rkano uman gawie.
Tiyawag akun ska sa Ngaran
Dinga plipati so Tuhan sa babaya puon ko inaon kano niyan! Myakagedam ka sa datar aya a pakamumusa o da? So masaling gagaw a Tuhan na makaririparado rka ago mada ko dusa, kapapatay ago mitapik ko saytan. So Tuhan na dimamang baal ago unaan kapun. Ka skaniyan na dakano niyan talui pitaro a so piyaka kapdi pdi a pangungukom.Skaniyan na sumiyangor rka a duwaniyan,sabap ko so karangit iyan na sumiyaged rka,o ska na psarig ka sa giyanan a kabager o Sindaw o Tuhan. So Tuhan na katawan niyan so ngaran ka. Skaniyan na katawan niyan anta aka, labaw pun a katawan niyan anta aka. Skaniyan na katawan niyan so langon a itatapok ka; giya na kalelekaan rkaniyan. Bapiya pun sa gyangkanan a langon, skaniyan na pkababayaang ka niyan ko pitaro a ska.
Antonaa a engga isa a kapanaro!So sisilaan a Tuhan na ptawagen ka niyan,so mababa a tao,so ngaran ka. Ska na mala rkaniyan. Skaniyan na katawan ka niyan ago inilay ka niyan.Skaniyan na tumuon iyan a kabegan ka niyan ko mga riski niyan ago pakabuka an ka niyan ko mga rantay a kiyapamimisayai rka. So uman igira o isa a ama ago ina a ptawagen niyan so wata iyan na piyaka okit ko ngaran iyan, ogayd na di ngita gita sa liyo, giya e a wata na katawan iyan a kaptawag aron ko skaniyan na kailangan a mangonot ka an daa balawla a pakawma. Pitaro,a pamakadalapet ka ago pkilalaangka so Myangbaal a ptawagen ka niyan ago so Dimangaon na ptawagen ka niyan ago so kasosorot a tomiyoyok rka sie ko pirsional. Ogayd skaniyan na petawagen ka niyan a pakapuruon ka niyan datar iyan,puon ko skaniyan e mitataro rka ago so kataro iyan na aya rka mimbaal a oyagoyag. Dinga plipati so tumiyalo rka a Tuhan. Dinga plipati so talo iyan,puon sa gyang ka e tawag na skaniyan e migay rka sie ko gagao ago riski.
So kambabalin e Kristo sa lupa na ditano den katawan,skaniyan na somiyong ko layok iyan a si Lazaro,a miyatay telo gawie ko daniyan pun kapaka uma. Pitaruan o Nabi isa so mga tao a sie ko mga obay niyan a so kakulilid o wator puon ko libngan, ogayd siran na diran tumuon, puon ko si Lazaro na miyatay telo dun gawie ago mado dun. So Nabi isa na da genek,ago mapasad iyan so wator lumilid,skaniyan na tumiyalo sa mabager a lagam, ”Lazaro,liyo” Ago, so lawas a magagapos a maomel a dines na miyadaon. So lagam e Kristo na pakaoyag sa mga miyatay. (Juan 11:34-44;Sura Al-Imran 3:49) So tawag o wata e Mariam na mapepeno a kapaar ago barakat o Tuhan.
Si Kristo na maooyag imanto ped iyan so Tuhan, ago tumiyalo skaniyan ko uman isa ko miyangasisigi ko lagam iyan. Tiyaloan ka niyan piyakawkit sie ko ngaran ka imanto. Kaawae sie ko maratabat ka ago kaawaan niyan rkano so mga dosaniyo, pembaloyn ka a oyagoyag ago sirong ped o mananabang. Di ka pkararangiti ogayd sembag anga so Tuhan ka skaniyan e tumiyalo rka.
Banda niyo katawan a giyangkae a greek kataro para sie ko masjid, “Ecclesia”, aden a mapiya a maana ini ko dapen si Kristo. Giya e maana a oman e ingud na awidiyan a akal so ginawa niyan, ago so mga babalingon na aya di mbaal ko kapaar piyakawkit sie ko kapanimo sa “mangangako a mga taw”. Giyangkae a mga kasasanaan na tiyawag a look o inged kaan makambaal sa desisyon poon ko katidawa o kalilintad, mga kabayad o mga patakaran, ago langon a pamemetad a pakasabab ko kaooyagoyag o inged. So ngaran o ditimo-timoan o mangangaraw ko inged na so Ecclesia, maana a mga ptawagen. So Ecclesia na aya pusay ko mangengeraw sie ko inged iran. So nabi Isa ago so mga apostoles na gumiyamit sa gyangkae a ekspresyon pakalingaw ko mga matatago sie ko masjid, ago tiyawag ini a Ecclesia. Giya e maana a oman e ped sa masjid, so malae kabarakat a tiyaloan o Tuhan piyakawkit sie ko ngaran iyan. Tiyawag tano niyan para kagenekan so mga rarata a pamimikiranen ago mga dusa, ka obay so kapatay, ago saytan piyakawkit ko palimonan o Tuhan, tiyabangan aken ska poon ko mga kasudi sa giyangkanan a donya, ago pud ko langon a mapiya, pagwidan ta so mangangaraw para ko langon a ingud, sie ko ka simba, sadka, ago mga galebek.
Ilayanga so ginawangka! Ba ska e tiyaloan a pagawid ago mangengeraw ko para ko pud? O ska na tiyaban bo sie ko kasudi ago dusa? Taro angka a si Kristo na ptawagan ka niyan piyaka okit ko ngaran ka sa dinga rkaniyan di kanggalebek. Antonaay esembag ka rkaniyan?
Ska na rek aken
migay sa sarig so mala e kabarakat a Tuhan ped o inggasalak a totol, “Ska na rek aken. Sakun na da pangbaal rka ogayd na aya rka miyaon ko mga pawalo a mga pamikiran ago maratabat, ago linimpiyoan aken ska, biyarakat akun ska ago tiyarima a miyaratiyaya raken”. Giya na da macaw a sarig poon ko ska e mas mapasang oba so ped, knaba ogayd tiyarima aka so lidas o Tuhan a mapasadiyan poon rka.
Piyakasabot o Tuhan saan reka, “Ska so rkaken a mala e arga a tamok. Daa obangaon rek, ogayd ska na rkaken. Saken so Tuhan ka a daa kapatay niyan. Ska so inggaisa sie ko mga mata aken, mala e arga. Saken e pagilay rka; di aken ska pagawaan, ptalimbagak ako rka. Ska e pamilya aken mbatabataa a makasosorga. Ska na pahilayn o babaya aken. Saken so garantiya aka. Saken e pagawid ko ngaran ka. Daa satiman a pakabenteng rka sie ko lima aken. Ska na di kalipatan bapiya ko kauyagoyag ago kapapatay. Saken na pagunot rka mintin, bapiya pen ko kaosan a alongan. Ptawagan aken ska, a ska e mbaloy a piyor a pkanbabaya raken”.
Aden a satiman a mangoda a miyanamar ago ptapok sa oman ketep. Sa orian skaniyan na miyaka pamasa sa satiman a trak. Skaniyan imanto na pakambaal ko punggolawlaan niyan, so kasong ko mga bukid ago kababaan. Skaniyan na da ka kaproblemahi. Piyaygoan niyan so trak iyan ago pinimpiyaanan niyan, sie ko kagagawie na pagilayn niyan kaan di katkaw. So langon ko puso iyan ago pamimikiran na sie ko bago a trak iyan. Pitaro, a so satiman a mama a tao na pkababaya poon ko piyamasa niyan a pagigimo ago ko kapagilaya niyanon ago ko kiyabayadi niyanon, antonaa pen ko kaoyagoyag a Tuhan a miilay, katabang, ago kababayae ko uman e dimamaratiyaya a psembeg rkaniyan.
So langon a miyakaneg ko lagam o Tuhan sie ko puso iyan ago lumika sie ko babaya e Kristo na pakakuwa sa barakat sie ko kabager iyan para mataro a gopen pembaal. So bager o tuhan na miyaling saan ko dimamaratiyaya ago so sindaw o Tuhan ago pagilayn skaniyan sie ko kawyagoyag a mapepeno a marata ago kaooyon ibarat sie ko donya a mapepeno a marata ago kaada. So kaooyagoyag o Tuhan na tumiyoga sie ko kaoyagoyag o mga inaon a piyamanaloan. Ipikisangkop ka so ginawangka sie ko Tuhan pitaro e barasambayang a wata? Ska na mindadalakaw bo ko mawatan poon ko mimbaal ago dimangaw ago uman pakawatan rkaniyan?
Banga kiyasabotan so kipligtasen rka?
O ska na tomoon a maka sowa sa madakel poon ko babaya aka ko Tuhan ka ago ko miyapasad iyan a inaon sabap rka, skami na makaririparado sie ko kapaka awida rka ko pakatabang a mga literature sa libri, a pagilay rka ko kapakala saan ko piyor a paratiyaya, o ska na pamangni rkami sa lagid ini.
So piyor na so Tuhan na makaririparado ko miyangaon pantag ko langon a mga pagtao
So Tuhan na miyakiilay sa babaya iyan sie ko langon, sa daa kapnayaw amay ko siran na mga mapiya odi na marata. Tomoon niyan a megay kiran sa mala a kaligtasan a daa bayad. Ogayd na kadakelan kiran na diniyan katawan so mapiya a babaya ago plalakaw ko kalek ago kaleget. O kabaya aka a makatabang sie ko mga layok ka ago mga tonganay, a kasabotan niran so miyangawn kiran, makaririparado kami sa kapakawiti rka sa giyangkae a limitado a kadakel iyan a kopya e pembatiyaan o ska na pamangni sie. Tabang ingka so Tuhan ka skaniyan e tumiyabang rka labaw pen ko katutukawi ngawn. Surati kamingka sa gyangkae a address:
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net