Previous Lesson -- Next Lesson
Dɔyɔyɔ na lãmetututɔ (Dɔwɔwɔwo 3:1-10)
DƆWƆWƆWO 3:1-10
1 Gbe ɖeka ɣetrɔ ga etɔ̃ me le gbedoɖaɣi la, Petro kple Yo-hanes woyina ɖe mawuxɔ me. 2 Amewo kɔ ŋutsu aɖe gbɔna ɖe mawuxɔ la ƒe agbo si woyɔna be “Agbonyui” la nu. Ŋutsu sia nye tekunɔ tso esime wodzii. Wokɔnɛ va da-na ɖe afi ma gbe sia gbe, wònɔa nu biam ame siwo gena ɖe mawuxɔa me. 3 Esi tekunɔa kpɔ Petro kple Yohanes wodi be yewoage ɖe xɔa me la, ebia wo be woana nane ye. 4 Pe-tro kple Yohanes kpɔe dũu hegblɔ nɛ be: “Kpɔ mí ɖa!” 5 Ale tekunɔ la fɔ mo dzi henɔ wo kpɔm tututu, nɔ mɔ kpɔm be wole nane tsɔ ge ana ye. 6 Ke Petro gblɔ nɛ be: “Ga aɖeke mele asinye o, ke nu si le asinye la eya mana wò. Le Yesu Kristo Nazaretetɔ la ŋkɔ me, tso nàzɔ azɔli!” 7 Petro lé tekunɔa ƒe nuɖusi hekɔe dzi. Enumake ŋusẽ ɖo ŋutsua ƒe afɔwo kple afɔkɔewo me. 8 Eti kpo tsi tsitre hede asi azɔlizɔzɔ me. Ege ɖe mawuxɔ la me kpli wo, le zɔzɔm le kpo tim hele Mawu kafum. 9 Ame sia ame kpɔe wòle azɔli zɔm le Mawu kafum. 10 Esi wokpɔe dze sii be eyae nye nubiala si nɔa Agbonyui la nu le mawuxɔa nu la, woƒe mo wɔ yaa, eye gbɔgblɔ bu ɖe wo le nu si wowɔ nɛ la ŋuti.
Esi apostoloawo kple hamea me tɔwo do gbe ɖa ɖekaɖeka vɔ la, emegbe woyi gbedoxɔa me ɖekae, elabena womedo vlo Fo-fo la ƒe tadeaguƒe o togbɔ be wozu Gbɔgbɔ Kɔkɔe la ƒe gbe-doxɔ hã. Eye le woƒe gbedodoɖa ɖaa kple akpedada dzadzɛ ta la, Mawu do ŋusẽ gã aɖe wo, elabena ame aɖeke mekpɔa gbɔgbɔmeŋusẽ o negbe le gbedodoɖa kple Biblia Kɔkɔe la sɔsrɔ̃ ɣesiaɣi ko. Mawu ƒe lɔlɔ̃ na ame dahewo yɔ apostoloawo ƒe dzi me fũ, eye wometsɔ ɖeke le eme na ame dahewo o, ela-bena wohiã mí, elabena Mawu ƒe lɔlɔ̃ zi mía dzi be míasubɔ amewo katã.
Esi Petro kple Yohanes yi gbedoxɔa ƒe xɔxɔnu, si yɔ fũ kple toɣliɖeɖe tso ame siwo nɔ gbe dom ɖa ɖekae henɔ yayra xɔm gbɔ la, wose gbe aɖe le wo xa, wotɔtɔ eye wotrɔ hekpɔ ŋutsu wɔnublanui aɖe si nye lãmetututɔ tso edziɣi si meɖe afɔ ɖeka pɛ hã ame bubuwo ƒe kpekpeɖeŋu manɔmee o. Eya ta woƒe dɔme trɔ ɖe eŋu eye wodi be yewoakpe ɖe eŋu. Gbɔgbɔ Kɔkɔe la ʋã wo woxɔ Yesu ƒe ŋusẽ dzi se, eye wòdo ŋusẽ woƒe kaka ɖe Kristo Ðela la dzi. Eyata Petro kple Yohanes siaa kpɔe dze sii be Mawu ado yeƒe ŋkɔ ɖe dzi le ŋutsu wɔnublanui sia me.
Ele be Petro nagblɔ na ame dahe la be yemezu kesinɔtɔ wu ye o, elabena hamea me tɔwo ƒoa asa na nunɔamesiwo ƒe ame-sinɔnɔ eye wonɔa anyi ɖekae le ga si wodzrana ɖekae la me. Emegbe Petro ɖe gɔmeɖose si wokpɔna le hame gbagbe ɖesiaɖe me la gblɔ be: Klosalo alo sika mele mía si o, eye ne ɖe nane le mía si la, anye ne míetsɔe sa vɔe be míatsɔ kafu Kristo ahasubɔ ame dahewo. Gake le afisiwo ga ƒo ƒu ɖe sɔlemeha ma tɔgbe ƒe gaxɔ me le la, lɔlɔ̃ boo aɖeke manɔ anyi o eye ŋukeklẽ geɖe manɔ anyi o. Le esia ta la, Mawu ƒe ŋusẽ mewɔa dɔ le hame si me ga le me o, evɔ hame si meƒoa ga nu ƒu o gake xɔse le esi la, Kristo ƒe lɔlɔ̃ ayɔe fũ. Nukae nèdi be wòanɔ ye si, ŋusẽ loo alo ga? Kristo loo alo xexeame? Wo-mewɔa ɖeka gbeɖe o.
Apostolo eveawo tsɔ woƒe ŋkuwo ɖo ame dahe la ŋu eye wose veve ɖe eƒe dzi nu, ale be dɔnɔ sia se le eɖokui me be ŋutsu siawo tsi dzi ɖe ye ŋu, womedo vloe o ke boŋ wolɔ̃ amesi nye ame tsɛ. Gbã la, esusu be yeaxɔ ga gbogbo aɖe tso wo gbɔ, gake esi wòse be apostolo eve siawo le abe ye ene le ahedada me la, mɔkpɔkpɔ bu ɖee.
Ema megbe kpuie la, lãmetututɔ la ɖo to nyuie esime Petro yɔ ŋkɔ wɔnuku la: Yesu, si gɔmee nye "Mawu kpena ɖe mía ŋu." Petro meɖoe be yeaƒo nu tso ame siwo woyɔna nenema ŋu o, ke boŋ adi be yeaƒo nu tso atikewɔla kple xɔnametɔ ɖeka kolia si nye Kristo vavãtɔ si tso Nazaret, si nye dziehe tonyigba la ŋu. Ðewohĩ dɔnɔa se nu geɖe tso ŋutsu sia si woklã ɖe ati ŋu hefɔ ɖe tsitre ŋu, eye wòde dzesi dzidzɔ aɖe si kaka ɖe ameawo ƒe akpa aɖe si wotsɔ ŋkɔ sia na. Gbɔgbɔ Kɔkɔe la ƒe gbedasi be Mawu fɔ amesi woklã ɖe ati ŋu eye wokɔe ɖe eɖokui gbɔ la menɔ Yerusalem ƒe ablɔwo dzi o.
Ŋutsu la se sedede be wòatsi tre le Yesu ƒe ŋkɔ me, ese Petro ƒe asi lé eƒe asibidɛwo, emegbe, Mawu ƒe lɔlɔ̃ ƒe ŋusẽ ƒe sisi si le eƒe ŋutilã me, emegbe eƒe lãmekawo do ŋusẽ, eye eƒe lãmekawo va le lãmesẽ me, eye eƒe ƒuwo va xɔ nɔƒe, mlɔeba, dɔnɔa se nya la: tsi tre eye wòazɔ le Yesu Kristo ƒe ŋkɔ me, emegbe, etso hekpɔ nukunu aɖe, eya zɔ azɔli!
Dɔnɔ sia meɖe afɔ ɖeka pɛ hã kpɔ le eƒe agbe me dɔnɔ le afɔɖeɖe ɖeka me o, gake fifia edzo abe gaze ene, eye wòƒu du abe ŋutsuvi ene, eye wòdo dzidzɔɣli sesĩe. Mekafu aposto-loawo o, ke boŋ ekafu Mawu tẽ. Emegbe meƒu du yi aƒeme o, ke boŋ ekpɔe be Yesue da gbe le ye ŋu. Enumake ekplɔ apos-toloawo ɖo yi gbedoxɔa me be woade ta agu kpli wo le Mawu ŋkume. Le eƒe dzidzɔkpɔkpɔ ƒe gbagbã me la, edze duƒuƒu gɔme le miame kple ɖusime, henɔ eƒe ƒuwo kple afɔwo tem. Eyata eto nusiwo míetona gbesiagbe me. Mawu ana ame-nuveve mí ale be míate ŋu ayi míaƒe zɔzɔ kplii dzi. Ðe nèda akpe na Aƒetɔ la ɖe mɔnukpɔkpɔ sia ta?
Esi wònye ŋdɔ ga etɔ̃ ta la, ame geɖe ƒo ƒu hena gbedodoɖa le dutoƒo, eye wo katã wonya nubiala sia si ƒu du heti kpo le dzidzɔ ta la ƒe nɔnɔme, ale wòzu Kristo ƒe ŋusẽ ƒe dzesi. Amesiame ƒe mo wɔ yaa eye wòse le eɖokui me be ŋusẽ yeye sia le dɔ wɔm le yewo dome.
Nɔnɔme ka mee nèle fifia? Ðe nèbɔbɔ nɔ anyi abe lãmetututɔ ene le Mawu ƒe gbedoxɔa ƒe mɔnu hele kuku ɖem be woana dɔmenyonyo kple veveseseɖeamenu tso ame siwo va yina gbɔa, alo ɖe Yesu ƒe ŋusẽ na gbɔdzɔe wò eye nèzɔ le eƒe ŋkɔ me heti kpo kple dzidzɔ, eye nèkafunɛ to wò nuwɔna me ŋdi kple fiẽa?
GBEDODOƉA: Aƒetɔ Yesu Kristo, míeda akpe na wò be nèda gbe le lãmetututɔ ŋu to wò apostolowo ƒe xɔse me. Wò ŋkɔ hã nakɔ to míaƒe xɔse me. Wò dɔmetɔtrɔ yɔ mí fũ ale be míagalɔ̃ ga o, ke boŋ míasubɔ ame dahewo le wò ŋkɔ me. Da gbe le mía ŋu to wò ŋusẽ me be míazɔ le wò ŋkɔ me eye míekafu wò. Amen.
NYABIASE:
- Nukae nyagbɔgblɔ "Le Yesu Kristo Nazarettɔ ƒe ŋkɔ me" fia?