Waters of Life

Biblical Studies in Multiple Languages

Search in "Cebuano":
Home -- Cebuano -- Romans - 054 (The Jews Neglect the Righteousness of God)
This page in: -- Afrikaans -- Arabic -- Armenian-- Azeri-- Bengali -- Bulgarian -- CEBUANO -- Chinese -- English -- French -- Georgian -- Hausa -- Hebrew -- Hindi -- Igbo -- Indonesian -- Malayalam -- Polish -- Portuguese -- Russian -- Serbian -- Somali -- Spanish? -- Telugu -- Turkish -- Urdu? -- Yiddish -- Yoruba

Previous Lesson -- Next Lesson

ROMA - Ang Ginoo maoy atong Pagkamatarong
Mga pagtuon sa Sulat ni Pablo sa Roma
PARTE 2 - ANG PAGKAMATARONG SA DIOS WALAY PAGKA-BALHIN BISAN PA SA PAGKATIG-A SA MGA ANAK NI JACOB, ANG IYANG MGA PINILI (Roma 9:1-11:36)
4. Ang pagkamatarong sa Dios maangkon lamang pinaagi sa pagtuo, ug dili sa pagtinguha pagtuman sa Balaod (Roma 9:30 - 10:21)

a) Ang mga Judio nalimot sa pagkamatarong sa Dios nga maangkon pinaagi sa pagtuo, ug sila nagpabilin sa pabuhat sa balaod (Roma 9:30 - 10:3)


ROMA 9:30 - 10:3
30 Nan, unsa man ang atong ika-ingon? Ang ikaingon ta mao kini: ang dili mga Judio nga wala maningkamot nga mahimong matarong atubangan sa Dios nakabaton hinuon niini pinaagi sa pagtuo; 31 samtang ang Israel nga naningkamot nga mahimo silang matarong pinaagi sa pagtuman sa balaod wala hinuon molampos. 32 Ngano man? Kay ang ilang paningkamot wala man nila ipasukad sa pagtuo kondili sa buhat. Napandol sila sa bato nga makapandol, 33 sumala sa Kasulatan: “Gibutang ko sa Sion ang usa ka bato nga makapandol, usa ka bato nga makapatumba kanila; apan ang mutuo kaniya dili gayod magmahay.” 10:1 Mga igsoon, gipangandoy ko sa bug-os kong kasingkasing nga maluwas unta ang akong isigka-Judio, ug nag-ampo ako sa Dios alang kanila. 2 Kay saksi ako nga mainiton kaayo sila sa pag-alagad sa Dios. Apan ang ilang pag-alagad wala magsukad sa matuod nga kahibalo, 3 kay wala man sila masayod sa paagi sa Dios sa pagmatarong sa tawo. Gigamit hinuon nila ang ilang kaugalingong paagi, ug busa wala sila mosunod sa paagi sa Dios, sa pagmatarong sa tawo.

Si Pablo misulay pagdala sa mga membro sa iglesia sa Roma pagbiya sa ilang mga nahimong desisyon, aron ilang maila nga ang pagkamatarong sa Dios maangkon lamang pinaagi sa pagtuo kang Kristo, samtang ang pagkamatarong nga gipundar sa maayong binuhatan naghatud sa mga relihiyosong propesor ngadto sa kalaglagan.

Ang iyang mga pangutana mahukmanon. Nagpamatuod si apostol Pablo atubangan sa konseho sa unang iglesia, ug ilabi na atubangan niadtong nagsalig sa pagkamatarong pinaagi sa balaod, nga wala bisan usa kanila nga nagtuo ug nagtuman sa tanang kasugoan sa Dios, ug wala kanila ang maluwas pinaagi sa buhat, apan pinaagi sa grasya sa Dios nga anaa lamang kang Kristo (Mga Buhat 15:6-11). Siya nga nag biaybiay sa grasya ni Kristo nahisama sa usa ka tawong naglakaw sa kangitngit nga mapandol sa dakung bato sa dalan, madagma ug mamatay (Isaias 8:14; 28:16).

Bisan pag napasig-uli na niya ang mga Judio sa Dios, kadaghanan kanila, si Kristo ang hinundanan sa hukom alang kanila tungod kay gisalikway nila ang talagsaon niyang grasya. Apan, niadtong nag-ila sa ilang Manluluwas ug mituo kaniya, maluwas.

Gipamatud-an ni Pablo nga daghang Judio ang makugihon sa pagtuman sa balaod, ug naningkamot nga motuman sa kasugoan. Gimahal niya sila tungod sa ilang kakugi, ug naglaum nga unta ilang sunggaban ang mga oportonidad sa ilang kinabuhi, ug dawaton ang dakong gasa nga gitagana alang kanila. Busa, hugot ang mga pag-ampo ni Pablo ngadto sa Dios nga unta sila magiyahan ngadto sa kaluwasan nga gitagana alang kanila.

Hinuon, nasinati si Pablo nga kadaghanaan sa mga Judio nga anaa sa sentrong pang-ekonomikanhon sa Emperyo sa Roma nagtuman sa ilang balaod. Giila nila ilang mga kaugalingon nga mga piniling katawhan ug gitan-aw ang ubang katawhan nga mga mahugaw. Wala sila mag-ila sa bag-ong patulon-an sa pagkamatarong sa Dios nga maangkon diha kang Kristo. apan naninguha pinaagi sa pagpuasa, pag-ampo, sakripisyo, paghatag, moadto sa mga balaang dapit aron motuman sa 613 ka kasugoan aron ipaila nga sila walay sala, ug niini, ilang gisalikway ang tinuod nga pagkamatarong sa Dios. Pagka-malimbongon nga panghunahuna! Unsang klaseng pag-antos ilang gihatag sa ilang mga kaugalingon!

PAG-AMPO: O langitnong Amahan, gisimba ka namo tungod kay kaming mga magtutuo naggikan sa mahugawng mga Gentil apan tungod sa kadato sa imong grasya nadawat namo ang panalangin sa usag-usa, ug gitugyanan mo kami sa imong pagkamatarong isip dakung gasa. Busa, nag-ampo kami kanimo nga ihatag mo usab kining susamang panalangin ngadto sa mga sumusunod sa ubang mga tinuohan nga natuong mamatarung pinaagi sa ilang kaugalingong paningkamot. Palihog tangtanga ang ilang mga garbo, ug tabangi silang motuo ug mosalig kanimo isip imong mga hinigugmang mga anak.

MGA PANGUTANA:

  1. Nganong milyon-milyon sa mga magtutuo sa nagkalainlaing kaliwatan ang nakadawat sa pagkamatarong sa Dios ug nagmalig-on niini?
  2. Nganong ang mga relihiyosong katawhan ug ubang tinuohan nagtinguha sa pagsunod sa ilang balaod aron lamang maangkon ang pagkamatarong sa Dios?

www.Waters-of-Life.net

Page last modified on June 21, 2013, at 11:23 AM | powered by PmWiki (pmwiki-2.2.109)