Waters of Life

Biblical Studies in Multiple Languages

Search in "Cebuano":
Home -- Cebuano -- Romans - 002 (Identification and apostolic benediction)
This page in: -- Afrikaans -- Arabic -- Armenian-- Azeri-- Bengali -- Bulgarian -- CEBUANO -- Chinese -- English -- French -- Georgian -- Hausa -- Hebrew -- Hindi -- Igbo? -- Indonesian -- Malayalam -- Polish -- Portuguese -- Russian -- Serbian -- Somali? -- Spanish -- Telugu -- Turkish -- Urdu? -- Yiddish -- Yoruba

Previous Lesson -- Next Lesson

ROMA - Ang Ginoo maoy atong Pagkamatarong
Mga pagtuon sa Sulat ni Pablo sa Roma
PAGBUKAS: PAGPANGAMUSTA, PAGPASALAMAT NGADTO SA DIOS, UG ANG PAGKAMATARONG GIKAN SA DIOS NGA MAOY GIHATAGAN PAGTAGAD SA IYANG SULAT (Roma 1:1-17)

a) Pagpaila ug apostilikanhong bendesyon (Roma 1:1-7)


ROMA 1:1
1 Si Pablo, ulipon ni Hesu-Kristo, tinawag sa pagkaapostol, ginahin alang sa Maayong Balita sa Dios,

Si San Pablo gianak nga ginganlan ug Saulo, ang magarbo nga hari nga gikan sa tribo ni Benhamin. Sa dihang iyang nakita ang himaya ni Kristo niadtong iyang gilutos ang Iglesya siya naka amgo sa iyang ka ubos. Busa iyang gidawat ang pangan nga Pablo boot pasabot “ubos nga tawo”. Iyang gisugdan ang sulat sa pagingon nga ako, ubos nga tawo, ulipon ni Hesu-kristo.

Sa pag ingon nga ulipon, iyang gitugyan ang kagawasan ngadto sa iyang agalon. Siya nagpaubos ug dili garboso nga nagkinabuhi sa Espirito ni Kristo, subay sa kabubot-on sa Dios uban sa kalipay. Buot ipasabot nga ang buhing kristo maoy nagsulat niini ngadto sa taga Roma human gipadayag sa iyang ulipon. Apan wala kini gipadayag supak sa kabubot-on ni Pablo kon dili sumala sa iyang pagtugot kay si Kristo dili mang-ulipon. Siya maghatag ug kagawasan aron kita mutoo ug muhigugma kaniya.

Si Pablo gipasidungan tungod sa iyang pagpa ubos isip ulipon ni Kristo. Gitawag siya nga apostoles aron isangyaw ang ginharian sa mga nasud. Gihatagan siyag gahum ug katungod sama sa mga hari nga maghatag ug katungod sa ilang mga pinadala.

Sa susamang paagi si Kristo nagtawag kanimo karon aron mualagad kaniya. Ablihi gilayon ang imong kasingkasing ug silbihi siya uban sa pagpaubos aron ang iyang gahom muabot sa ubang tawo pinaagi kanimo. Ingon nga pinadala ni Kristo sa mga nasud, si Pablo mag usab sa mga nasud pinaagi sa iyang sulat. Gawas ni Kristo, walay tawo milabaw ni Pablo ang “ubos nga tawo”. Unsa ang maayong balita ni Pablo, nga suloguon ni Kristo? Kini usa ka mahimayaong ebanghelyo sa Dios. Si Pablo wala mianhi sa iyang kaugalingong hunahuna apan gitino sa ebanghelyo ngadto sa mga kabos. Ang pulong nga “ebanghelyo” na sinati sa Roma anang panahona. Kini gigamit sa puyanan ni Caesar, nga usa ka Romanhon alang sa mga opisyal nga pahayag, susama sa nahimugso niyang anak, o nahimong mananaog siya sa iyang mga kaaway. Ang maong pulong nagpadayag sa pagpahayag sa maayong balita sa halangdong pamilya. Apan, si Pablo mihatud sa maayong balita sa Dios ngadto sa katawhan, ug mipamatuod sa presensiya ni Kristo, iyang kadaogan, ug ang resulta sa iyang kaluwasan, ang mga tigpaminaw mahimong balaan ug makasulod sa diosnong pagkamatarong.

Ang balaang Ginoo mibulag kang Pablo, ang manlalaban, ug miluwas kaniya sa pagka-ulipon sa daotan. Iya kining gibuhat aron mabulag ang kung kinsa man nga nagapos ang liog sa pagsunod sa Balaod ug sa pagbuhat ug maayong mga binuhatan, ug madala sila sa panahon sa grasya, ug dili lamang ilang kaugalingon matubos, apan makasulod sa langit pinaagi kang Kristo, kinsa ang bugtong nga pultahan nga mohatud kaniya sa iyang Amahan.

PAG-AMPO: Ginoong Kristo Hesus, kami nagapasalamat kanimo tungod kay gitawag nimo si Pablo, ang imong ulipon ug mipadala kaniya ngadto sa kalibutan aron kami makadungog sa imong mga pulong pinaagi kaniya. Pasayloa kami sa among pagkamahambogon ug makaugalingong katagbawan, tabangi kami nga mapaubsanon aron mahimo nimong sulogoon sa imong gugma, ug matuman ang imong kaayohan sa tanang matoohon sa kalibutan.

PANGUTANA:

  1. Unsay mga titulo, diin si Pablo mitawag sa iyang kaugalingon sa unang han-ay sa mga pulong sa iyang sulat?

www.Waters-of-Life.net

Page last modified on June 21, 2013, at 10:17 AM | powered by PmWiki (pmwiki-2.2.109)