Waters of Life

Biblical Studies in Multiple Languages

Search in "Cebuano":
Home -- Cebuano -- John - 124 (Jesus appears to the disciples with Thomas)
This page in: -- Albanian -- Arabic -- Armenian -- Bengali -- Burmese -- CEBUANO -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 4 - ANG KAHAYAG NAGBUNTOG SA KANGITNGIT (Juan 18:1 - 21:25)
B - ANG PAGKABANHAW UG ANG MGA PAGPAKITA NI KRISTO (Juan 20:1 - 21:25)

3. Si Hesus mipakita sa mga disipulo uban ni Tomas (Juan 20:24-29)


JUAN 20:29
29 Unya miingon si Hesus kaniya, “Mituo ka ba tungod kay nakakita ka kanako? Bulahan kadtong motuo bisan wala makakita kanako!”

Wala kita masayod kong si Tomas mihikap sa mga samad ni Hesus o kontento nga nakakita sa mga ulat. Siya mahimong naulaw sa iyang pagkamaduha-duhaon ug kulang sa kaisog. Si Hesus mitawag sa pagtuo ni Tomas nga pagkompisal sa tinuohan nagbase sa unsay masaksihan sa mata, apan ang Ginoo nangandoy nga magmugna sa hataas nga ang-ang sa pagtuo, usa ka pagsalig diha kaniya sa kompiyansa sa iyang pulong bisan dili kita makakita kaniya sa personal. Siya nga nangandoy sa mga damgo ug mga panan-awon ug mga panagway aron pagmatuod sa iyang pagtuo usa ka bata pa, dili hamtong ug wala matukod sa husto. Apan, si Hesus mipakita sa iyang mga disipulo sa makadaghan aron palig-on sa ilang pagtuo diha sa malisod nga mga panghitabo sa panahon.

Kadtong mituo nga wala makakita kaniya gipanalanginan ni Hesus ug nakakaplag og kalipay. Ang tinuod nga pagtuo magpalihok sa mas dako nga puwersa diri kanato kay sa mga panan-awon nga lumalabay lamang. Ang kompiyansa sa tawo sa pulong sa Dios nagpasidungog sa dili makita nga Mamumulong.

Kay ang pagpakita ni Kristo gihulagway pinaagi sa pakigpulong kanato sa mga evanghelista ug apostol diha sa ebanghelyo ug sa mga sinulat . Ang pagkabanhaw ni Hesus pagproklama sa bag-ong panahon diin ang kinabuhi sa Dios naghari sa kasingkasing sa mga magtutuo. Ang atong pagtuo dili lamang baruganan o hunahuna; kini kinabuhi ug pakiglambigit kang Kristo kinsa ang Usa nga Nabanhaw. Kini maoy milagro sa atong panahon; milyon ang mituo kang Hesus bisan wala makakita kaniya kay ang pagtuo nga ilang nasinati mao ang gahom sa kinabuhing walay kataposan.

Daghang mga Kristohanon nawalaan sa ilang mga butang, mga paryente ug ang ilang mga kinabuhi. Sila adunay kamatuoran sa pamaagi sa pagtuo diha sa mga pulong ni Kristo, usa ka pagtuo sa unahan pa pangatarongan. Si Hesus ang moganti sa maong pagtuo pinaagi sa iyang pulong ug ang pag-abot sa iyang kinabuhi ngadto sa magtutuo. Ang atong pagtuo mogakos sa tanan natong pagkatawo, ug modugtong kanato kang Hesus nga atong Manluluwas.

PAG-AMPO: Ginoong Hesus, ikaw maoy magtutukod ug maghihingpit sa among pagtuo. Nahigugma ikaw kanamo, ug ang imong kamatuoran miabot kanamo pinaagi sa imong pulong. Ako mituo karon nga ikaw magaluwas kanako ug sa daghan pang mga higala, ikaw magadasig ug magatukod kanila sa buhi nga pag-tuo sa imong ngalan, aron sila makaangkon ug kinabuhing walay kataposan ug dako nga kalipay.

PANGUTANA:

  1. Nganong gitawag ni Hesus ‘bulahan’ ang mga magtutuo kinsa wala makakita kaniya?

www.Waters-of-Life.net

Page last modified on April 30, 2013, at 11:08 AM | powered by PmWiki (pmwiki-2.3.3)