Waters of Life

Biblical Studies in Multiple Languages

Search in "Cebuano":
Home -- Cebuano -- John - 095 (The world hates Christ)
This page in: -- Arabic -- Armenian -- Bengali -- Burmese -- CEBUANO -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish? -- Tamil -- Telugu -- Thai -- Turkish -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 3 - ANG KAHAYAG MISIDLAK PALIBOT SA MGA APOSTOLES (Juan 11:55 - 17:26)
D - ANG PANAMILIT SA DALAN PAINGON SA GETSEMAME (Juan 15:1 - 16:33)

3. Ang kalibotan nasilag ni Kristo ug sa iyang mga tinun-an (Juan 15:18 - 16:3)


JUAN 16:1-3
1 Gisulti ko kini kaninyo aron dili kamo mawad-an sa inyong pagtuo. 2 Hinginlan kamo nila gikan sa mga sinagoga ug moabot ang panahon nga ang magpatay kaninyo magtuo nga nagbuhat siya sa kabubut-on sa Dios. 3 Kini ilang buhaton kaninyo kay wala man sila makaila sa Amahan ug kanako.

Si Hesus nagpahibalo sa iyang mga tinun-an nga sila kasilagan sa tulo ka mga rason o katarongan:

Tungod kay sila natawo diha sa Dios ug dili sa kalibotan.

Tungod kay ang mga tawo walay pag-ila ni Kristo, ang Anak sa Dios dili bisan sa imahen sa Dios.

Kadto mga relihiyosong nagbarog sa ilang kaugaligong tinuohan wala makaila sa tinuod nga Dios, ug ang ilang sila pagsimba gihalad sa wala mailhi ug hanap nga dios.

Sa walay pagduhaduha, ang kasilag sa imperno nagpadayon. Siya nga moliko ngadto sa Amahan sa atong Ginoong Hesu-Kristo pagapatyon sa mga panatico (mga tawo nga sobra ang pagtuo sa sayop nga pasikaran) ingon nga tawo nga mibiya sa iyang tinuhoan bisan asa siya makaplagan, naghunahuna nga nangalagad sila sa Dios. Apan sa tinuod, nangalagad sila sa demonyo. Wala sila makaila sa tinuod nga Dios ang Balaan nga Amahan; og wala nila makasinati ang gahom sa dugo ni Kristo. Wala kanila ang gahom sa Balaang Espiritu. Ang langyaw nga espiritu mag-una kanila sa pagguba niadtong nagpakita puli sa Balaan Trinitas pinaagi sa paglutos, pagpatay ug sa naglahi-lahi nga mga pagsulay. Mao kini ang gihimo sa mga Judio, mao kini ang mahitabo hangtod sa pagbalik ni Kristo.

Ayaw paghunahuna nga ang umaabot mahimong maarang-arang tungod kay madugangan ang pundo sa kahibalo sa katawhan ug sila nalamdagan. Dili, ang duha ka managsangka ng mga espiritu magpabilin sa kalibotan hangtod sa kataposan: Ang espiritu gikan sa kahitas-an, ug ang usa gikan sa ubos. Walay tulay taliwala sa langit ug imperno. Bisan hain kamo magpadayon nga matinud-anong panaghiusa uban sa Amhan, sa Anak ug sa Balaang Espiritu, o kon kaha kamo mahulog ngadto sa pagkaulipon sa imperno ug mahimong piniriso sa kasal-anan. Kon kamo mosunod kang Hesus, mahimo kamo nga mahigugmaong tawo, mapasidunggan ang Amahan piaagi sa inyong testimonya. Apan kon kamo dili mahimong iyang anak, magpabilin kamo nga ginapos sa lain mga espiritu ug mga hunahhuna nga mag-ugmad nga mahimo kita kaaway sa Dios.

Si Hesus nagpahinumdum kanato sa bili sa atong pagkasinagop sa Dios kon kita tinuod nga nagpabilin diha kaniya. Ang inyong kaugmaon malisod ug masakit sa dihang ang imperno mobuto batok ni Kristo ug sa iyang mga sumusunod. Ang kalibotan nasilag sa tanan nga alagad ni Hesus; mao nga bisan kamo modapig sa Dios ingon nga Amahan ug kamo mahimong estranghero sa atong kalibotan o kamo magpabilin nga kaaway sa Dios, ug ang kalibotan moabi-iabi kaninyo ingon nga usa sa ilang kaubanan. Pagpili taliwala sa kinabuhi ug sa walay kataposan nga kamatayon.

PAG-AMPO: Ginoong Hesus, salamat sa pagpili sa kamatayon; nagpabilin ka nga matinud-anon sa imong Amahan. Ipalayo kami gikan sa espiritu sa kalibotan ug ipagamot kami sa imong gugma, aron kami makapabilin ingon nga mga anak sa Dios. Ang imong gugma maoy among gahum ug giya.

PANGUTANA:

  1. Nganong ang kalibotan nasilag man kanila nga mituo kang Kristo?

www.Waters-of-Life.net

Page last modified on April 30, 2013, at 10:11 AM | powered by PmWiki (pmwiki-2.2.109)