Waters of Life

Biblical Studies in Multiple Languages

Search in "Cebuano":
Home -- Cebuano -- John - 082 (The traitor exposed and disconcerted)
This page in: -- Arabic -- Armenian -- Bengali -- Burmese -- CEBUANO -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish? -- Tamil -- Telugu -- Thai -- Turkish -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 3 - ANG KAHAYAG MISIDLAK PALIBOT SA MGA APOSTOLES (Juan 11:55 - 17:26)
B - MGA PANGHITABO HUMAN SA KATAPOSANG PANIHAPON (Juan 13:1-38)

2. Ang mubodhi nailhan ug kining tawhana nagsalimu-ang (Juan 13:18-32)


JUAN 13:18-19
18 Dili hinoon tanan kaninyo ang gipahinungdan ko niini; ako nakaila sa mga tawo nga akong gipili; ngani kini mahitabo aron matuman ang kasulatan nga nag-ingon, ‘Gitindakan ako sa tikod sa tawo nga nagkaon uban kanako.’ 19 Gipahibalo ko kini kaninyo karon, sa dili pa kini mahitabo, aron nga inigkahitabo na niini motoo kamo nga ako mao ang Kristo.

Subo nga sud-ongon ang kinabuhi ni Judas, kay siya walay pagka-aghop ug dili buot mosilbi. Iyang gipili ang kagubot, buot mahimong agalon ug dunay batasan nga mabudhion. Buot niya mulabaw kang Hesus pinaagi sa bakak. Tingali iyang tuyo nga mapugos si Hesus aron muilog sa gahum. Diha sa iyang kasingkasing, Si Judas kaaway, nagtinguha nga tamakan si Hesus ug niapil sa plano nga siya patyon. Pakyas si Judas nga ma-amgohan kon unsa ang gugma tungod kay siya garboso apan si Hesus mapaubsanon. Si Judas arogante, dominante ug gusto sa kagubot samtang si Hesus maaghop ug buotan nga sulogoon.

Si Hesus nagprepara sa iyang mga tinun-an sa takna nga siya budhi-an aron dili sila magduhaduha sa iyang pagka Ginoo bisan nga siya itugyan ngadto sa mga Hentil.Siya Ginoo ug mitag-an nang daan sa iyang muabot nga kalisod, mitawag sa iyang kaugalingon nga “AKO” Kini nga pangalan sa Dios gipadayag sa nagsigang kahoy atubangan ni Moises. Buot niya makunperma ngadto sa pagtuo sa iyang tinun-an ang kasigurohan sa iyang pagkadios aron dili sila mahulog sa pagduhaduha ug timtasyon.

JUAN 13:20
20 Sa pagkatinuod, sa pagkatinuod, magaingon ako kaninyo, nga ang magadawat kang bisan kinsa nga akong igapadala magadawat kanako; ug ang modawat kanako magadawat kaniya nga mao ang nagpadala kanako."

Gipalingkawas ni Hesus ang iyang mga tinun-an sa kahadlok kalabot sa padakop ug pagpatay kaniya. Ang iyang tugon ug pagproteher magpadayon ngadto kanila. Si Hesus nagpadala kanila nga mulakaw ug siya mukuyog kanila. Iyang mga sulogoon wala milakas sa ilang ngalan apan sa ngalan sa ilang himayaong Ginoo. Si bisan kinsa nga modawat kanila midawat sa balaang Trinidad. Siya nga midawat sa ilang pulong, mahimong anak sa Dios. Kini nga misyon malisod kay nagtawag kini nga molimod sa kaugalingon, mo higugma sa kaaway, pagpabilin nga lig-on taliwala sa kalisod ug pagdaug-daug. Bisan pa niini, sila nasayod nga ang Dios nakig uban nila bisan asa sila padulong ug bisan asa man sila mag alagad kaniya ang iyang Espiritu naga tultol kanila aron ang ilang tahas matuman gayud.

PAG-AMPO: Ginoong Hesu Kristo, tabangi ako nga maka amgo nga dili ako magpabilin gawas kong mahimo akong sulogoon. Buot ako nga musonod sa imong ehemplo sa kinabuhi, nga magpaubos ug mahimong sulogoon ngadto sa tanan. Ilihay ako ni Satanas, tabangi ako aron dili lamang sa pulong ako mag alagad apan sa buhat ug gahum ug kaalam.

PANGUTANA:

  1. Unsay atong matun-an sa ehemplo ni Hesus?

www.Waters-of-Life.net

Page last modified on April 30, 2013, at 09:34 AM | powered by PmWiki (pmwiki-2.2.109)