Waters of Life

Biblical Studies in Multiple Languages

Search in "Cebuano":
Home -- Cebuano -- John - 071 (Jesus across the Jordan)
This page in: -- Arabic -- Armenian -- Bengali -- Burmese -- CEBUANO -- Chinese -- English -- Farsi? -- French -- Georgian -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish? -- Tamil -- Telugu -- Thai -- Turkish -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 2 - ANG KAHAYAG MISIDLAK SA KANGITNGIT (Juan 5:1 - 11:54)
C - ANG KATAPUSANG BIYAHE NI HESUS PAINGON SA HERUSALEM (Juan 7:1 - 11:54) ANG PAGBULAG SA KANGITNGIT UG KAHAYAG
4. Ang Pagbanhaw ni Lazaro ug ang na dangatan niini (Juan 10:40 - 11:54)

a) Si Hesus mitabok sa Jordan (Juan 10:40 - 11:16)


JUAN 11:11-16
11 Gisulti kini ni Hesus ug midugang pa gayod siya pag-ingon, “Ang atong higala nga si Lazaro natulog apan moadto ako aron pag-pukaw kaniya.” 12 Apan ang mga tinun-an, mitubag, Kon natulog lamang siya, Ginoo, mamaayo siya.” 13 Ang buot ipasabot ni Hesus mao nga si Lazaro namatay na apan abi nila ug si Hesus naghisgot ug natural lang nag pagkatulog. 14 Busa gisultihan sila ni Hesus sa walay lipodlipod, “Patay na si Lazaro. 15 Apan tungod kaninyo nalipay ako nga wala ako didto uban kaniya aron motuo kamo. Adtoon ta siya.” 16 Si Tomas nga ginganlag “ang Kaluha” miingon sa iyang isig-katinun-an, Manguyog kitang tanan sa Magtutudlo aron mohatag usab sa atong kinabuhi uban kaniya.”

Si Lazaro gihulagway ni Hesus ingon nga “atong minahal”. Kanunay si Hesus ug ang iyang mga tinun-an sa pagbisita sa panimalay ni Lazaro. Busa siya nahimong higala sa mga tinun-an. Ug kita makaingon, si Lazaro “pinangga ni Hesus” sama sa titulo ni Abraham ingon nga ‘Higala sa Dios.’

Si Hesus migamit sa pulong nga “katulog” sa kamatayon, aron ipahayag nga ang kamatayon dili utlanan sa mga buhi. Ang atong mga lawas malaglag apan ang atong mga kalag molahutay. Ang atong kapahulayan naa lang sa pagtuo sa atong Ginoo. Aduna kitay katagbawan ug kapahulayan sa iyang kinabuhi, ug kita makapaminaw sa pagpukaw kanato sa Manluluwas sa adlaw sa pagkabanhaw. Mabuhi kita hangtod sa walay katapusan.

“Moadto ako aron sa pagpukaw kaniya,” miingon si Hesus nga adunay kompiyansa. Wala siya moingon, “Mag-ampo kita aron atong mahibaloan kung unsa ang gusto sa Ginoo nga atong buhaton, ug unsaon nato paghupay ang pamilya.” Dili, si Hesus nakig-istorya sa iyang Amahan sa duha ka adlaw sa wala pa moabot ang balita kaniya sa kamatayon sa iyang higala. Siya nasayod gayod nga ang pagbangon ni Lazaro maoy mag-una sa iyang mahimayaong pagkabanhaw. Kining panghitabo makalig-on sa pagtuo sa iyang mga sumusunod ug nagpamatuod sa iyang mga kaaway nga siya lamang ang Mesiyas. Unya gitudlo siya ug miingon, “Molakaw ako aron pagbanhaw kaniya,” ingon nga ang inahan moingon, “Molakaw ako aron pagpukaw sa akong anak; oras na aron moadto sa eskwelahan. Si Hesus wala magpakita ug panagana, tungod siya ang kinabuhi mismo ug siya Ginoo ibabaw sa kamatayon. Ang pagtuo diha kang Hesus magpahigawas kanato gikan sa tanang kahadlok, ug magpamatuod kanato sa kinabuhi.

Ang mga tinun-an napakyas sa pagsabot sa kahulogan sa kadaugan ni Kristo nianang takna. Gihanduraw nila si Lazaro ingon nga natulog; ug walay katarongan nga moadto kaniya ug pukawon siya. Labaw niini sila nabutang sa kakuyaw sa kamatayon sa mga kamot sa mga Judio.

Si Hesus mipranka pagsulti mahitungod sa kamatayon ni Lazaro nga nag-ingon, “Siya patay na.” Ang balita nakasamok sa mga tinun-an, apan si Hesus nagpamatuod pag-usab kanila nga nag-ingon, “Ako nalipay.” Mao kini ang tubag sa Anak sa Dios sa kamatayon. Iyang nakita ang kadaugan ug ang pagkabanhaw. Ang kamatayon dili maoy hinungdan sa pagsubo apan sa kalipay, kay si Hesus nagpasalig sa iyang mga sumusunod sa kinabuhi. Siya mao ang kinabuhi; si bisan kinsa ang motuo kaniya makaambit sa iyang kinabuhi.

Si Hesus nagpadayon pag-inon, “Ako nalipay alang kaninyo, nga wala ako didto sa iyang pagkamatay, ug wala ko siya ayoha diha diha dayon. Mao kini ang ilhanan mahitungod sa kataposan sa usa ka tawo. Bisan pa niana, ang pagtuo diha kaniya magsugod sa bag-ong kinabuhi. Mangadto kita kaniya, “Ang ilang pag-adto nagpasabot og mga paghilak ug kasubo alang sa katawhan, alang kang Hesus nagpasabot kini og pagkabanhaw. Nagpasalamat kami sa Dios nga si Hesus miingon, kung kita mohigda diha sa lubnganan, “Moduol kita kaniya.” Ang iyang pagduol kanato nagpasabot og kagawasan, kinabuhi ug kahayag.

Si Tomas, ang apostol, nahigugma kang Hesus, ug siya maisog. Sa dihang sila nakasabot nga si Hesus miuyon nga moadto sa minatay, wala sila makamatngon nga ang tumong ni Kristo mao ang pag-agaw kaniya sa lubnganan, Si Tomas milingi sa iyang mga kauban ug magahi nga nag-ingon,“Dili nato biyaan si Hesus nga mag-inusara; gihigugma nato ang atong Dios ug ato siyang ubanan hangtod sa kamatayon. Kitang tanan mouban gayod kaniya. “Sa ingon niini gipalutaw niTomas ang iyang pag-unong sa Dios hangtod sa kataposan.

PANGUTANA:

  1. Nganong si Hesus madaugon nga nag-una sa pagluwas ni Lazaro?

www.Waters-of-Life.net

Page last modified on April 30, 2013, at 08:56 AM | powered by PmWiki (pmwiki-2.2.109)