Previous Lesson -- Next Lesson
13. Gihigugma Ba Nimo Ang Atong Manluluwas Nga Si Jesus?
Minahal kung Higala: Kung imong gipamalandungan uban kanamo sa halapad nga kasangkaran sa kaluwasan sa Dios, nahibal-an nimo nga ang kaluwasan alang sa tibuok kalibutan nahuman na. Ang matag tawo adunay usa ka hingpit nga katungod aron masinati kining kahibulungang kaluwasan ug aron mabuhi diha sa gahum sa Balaang Espiritu sa matag adlaw.
Tingali mahimong makaamgo ka nga ang kaluwasan dili lang ang bugtong hilisgutan niini nga buklit. Ang matag hilisgutan may kalabutan ang pagtuo ug espirituhanong kinabuhi nga natukod sa talagsaong personalidad ni Hesu-Kristo. Gusto natong himayaon ang Usa nga tinuod nga nagluwas sa tanan. Walay kaluwasan kung wala ang Manluluwas nga si Hesu-Kristo.
Nadiskubre ba nimo ang gugma ug pagkahalangdon ni Jesus? Nadunggan ba nimo ang Iyang maluluy-on ug malumo nga tingog sa Ebanghelyo? Imo bang naamgohan ang Iyang pailob ug gahum aron mapasaylo ang mga sala sa kalibutan. Walay tawo nga makasabot sa gugma ni Kristo, nga puno sa kaputli ug pagkabalaan. Gitawag niya ang iyang kaugalingong nga Anak sa Tawo, apan siya usab ang Anak sa Dios. Gipaubos niya ang iyang kaugalingon, gibiyaan niya ang iyang himaya ug gipakita diha sa unod nga ang usa ka Tawo mahimong matawo nga walay sala. Siya ra ang angayan nga makig-uli sa kalibutan uban sa Dios. Siya naghatag kanato ug katungod sa balaan nga pagsagop ug ang gasa sa kinabuhing walay kataposan.
Ang makagagahum nga Dios nagtugyan sa buhi nga Jesus ang tanang awtoridad sa langit ug sa yuta, nasayran nga ang Iyang mapaubsanon ug maaghop nga Anak dili mogamit niining gahum aron ituboy ang iyang kaugalingon, apan tubson ang tanan nga gusto matubos.
Minahal kung Higala: Kung wala pa nimo madawat si Kristo, giimbitahan ka namo KARON nga moduol sa Manluluwas. Naghulat siya alang kanimo sa personal, labaw pa sa usa ka amahan nga naghulat sa nawala niyang anak.
Kung ikaw usa sa niluwas, nagkinabuhi sa gahum ni Kristo, pasalamati siya ug pag-apil sa pagsabwag sa maayong balita sa kaluwasan bisan asa, tungod kay ang tanan nga gipahinungod nga mga serbisyo sa misyon mao nga pasalamatan ang naluwas nga nagtanyag sa ilang minahal nga Manluluwas.